Bwanaia Kairake
Aorakiu ae Te Aki Kan Amwamwarake kaitaraki ma. Kinakiu ae Koaua
Inanon te tai ae rangi n maan ao I taonaki n te aoraki ae aranaki bwa te anorexia nervosa, ike ko aki iai bati ni kan amwamwarake bwa ko raraomaakina ae kona marika. E rootaki marurungin am iango—ao ko namakina te rawawata ngkana ko amwarake ao n aki oota raoi bwa tera ae kainanoia rabwatam. E karika riki te kangaanga nonorakin n taainako kainibaire ni katautau aika aki koaua n te aonrain ke n te reirei, ao I kabootauai ma au utu ao ake irarikiu.
Aorakiu ae te aki kan amwamwarake aio bon te bwai ae I kakarabaa. Ma tinau e noori bitaki n aron amwamwarakeu. E katekatekaai ao e anganai au tai n kabwarabwarai bwaai ake a riki ae I tangiria n taekinii nakoina . E korakora te tang, ma ngai irou te Tamnei e buokia n kaotaa ae I kainnanoa te ibuobuoki. N ikotaki, ti katea ara kainibaire ao tia karaurau n mwakuriia.
Inanon te tai anne, I baireia bwa nna karekea ana kakabwaia te tamanuea. I tangiria n ataia bwa tera maiu itinanikun te rootongitong ae I mena inanona ngkai. I rinnako n titirakina te Atua, “Antai ngai?”, “Ko tangirai?,” ao “Bukin tera I roko ikai?” Te moan bwai are e taekinna te tamanuea bon kaekaan au titiraki akekei. Au kakabwaia e buokai n reiakinna kinakiu ae koaua ao ana kainibaire te Atua ibukiu. Ngkana I warekia, I namakina ana tangira te Tia Kamaiu ibukiiu ao I uringa ae I kona n riki n ai Arona.
E ngae ngke iai boutokaakiu man au kakabwaia n tamanuea, au utu, mairoun Tamau are i Karawa ao au Tia Kamaiu, e anaanau au tai n barongai raoi aron au namakin ibukin rabwatau. E kangaanga n tabetai ae nna butimaea arou ibon irou ao tein taraakiu irou. Ma man au taai n kataaki aio, I a moanna ni kakaitau n te rikirake ma te oota are e reke man norakin kinaakiu ae koaua. Ngaia bon te nati te aine iroun Tamara are i Karawa. Ngai ana reirei Iesu Kristo. A taraai ma te tangira ao te kaunganano, ao anne ae kakawaki riki irou nakon aia iango aomata.
Annalise B., 17 ana ririki, Georgia, USA
E kukurei n ana mwakuri n kataneiai n te onaoraki ao n karaoi korobanna ma te katangitang ae e karinea te Atua ma Ana karikibwai.