Iesu Kristo Bon Korakoram
Tera “Anuam”?
Anuam nakon tuua ake n te Ibukin Kakorakoraiia Kairake e kona n buokiiko n karokoko n taabo aika rietata.
Bwairati arana tein te wanikiba n te eea n rietana. E bakarere nako eta ke e batetei nako nano? E minomino ke e buti n kaineti ao n baeranti? N te Ingiriti, te anua e kona n nanonaki naba n te kaantaning n kaitarai kakukurei ma rawawatan te maiu aio. Te taetae n rimoa ibukin te kibakiba ma te maiu e kangai: “Anuara e na bairea butira.”
Tera anuara ngkana ti wareka Ibukin Kakorakoraiia Kairake: Te Kairi ibukin Karaoan Rinerine? Anuara nakon tuua ake n te boki ni kairi e kona n bitii–maiura ao n rooti arora bwa tina rooti tabo aika ririeta ke n bwaka inano.
Te Tia Kamaiu e anganiira ana tabo n moan waaki ae tamaroa. E taku, “A kakabwaiaaki aika nanorinano” (Mataio 5:5). Ti kona n kataneiaira n karekea te anua ae te nanorinano man kororaoira, nanorinanora, ao tangiran iriran taian reirei n te euangkerio. Aikai teniua titiraki ake a kona n kaotii anua aika kakaokoro are iai iroura ibukin taian tua ake ti a tia n anganaki.
Anua 1: Kanga Buakakara Ngai ae Kantaningaaki?
Naake iai irouia te anua aio a kangai, “E ngaa te tia? I tangiria n maeka irarikina ao man aki riaona.” E kakamaaku n ai aron te tia kiba mai karawa ae titiraki, “Raroara ngai ma aontano imwain ae I kona n kauka au baraoum?”
Anua 2: Kanga Raoiroira Ngai ae Kantaningaaki?
Te anua aio e tatarai mwakuri ake a bebete. Kanga ai aron titirakinan te tia reirei, “Tera ae I kona ni karaoia ae bebete ma nna bon kona naba n bwaati n te kiraati?” Kanga ai aron ae kangai te tia kiba mai karawa, “I tangiria n barongaa raoi au baroum, ma n aki karaoia raoi.”
Anua 3: Kanga Ninikoriara Ngai ae Kantanigaakii?
Temanna te ataeinimwane e tuangai ae kaekaea te tieminari n te aoa 5 n te karangaina. I taku, “Ai moantaira. Bukin tera ngkai ko nanako?” E kaekaai n taku, “Bwa I bon tangiria n nako. I tatangiria. Te tieminari bon mwakoron au bong ae tamaroa.” Anuan teuaei bwa “I tangiria n ninikoria!” Irouna, te ongeaba bon te bwai ae ukouraki, tiaki te katabetabe.
Kanga ai aron ae kangai te tia kiba mai karawa, “Nna bairea raoi au baroum n karaurau ao ni kaukia imwain rokou i aontano bwa I tangiria ni kan kikiba mai karawa n tangiria n reitinako n kakaraoia.” Te aekaki n anua anne e kona n buokiira ni kakorakoraira.
N Ana Boki Moomon, taman te Uea ae Ramonaai e anga te tataro ae moan te tamaroa are e kabwaranakoa raoi te kateniua n anua aio:
O Te Atua … ko kona ni kaotiko nakoiu, bwa I aonga n anganako au bure ni kabane bwa I aonga n ataiko” (Aramwa 22:18).
Te uea e aki taekina ae, “Kanga buakakara ae kantaningaaki mairou ao nna bon kona naba n ataiko?” ke “Kanga raoiroira ngai ae kantaningaaki bwa nna kona n ataiko?” Tiaki, anuana e kangai “N na anganako au bure ni kabane bwa I aonga n ataiko.”
Anua Aika Ririeta ao n Tabu
Te Uea e onimakiniira bwa ti na aki kakaei anga n biri itinanikun are kantaningaaki ma tina tarai anua aika ririeta ao n tabu. Ngkana iai te bwai ae e aki bwarabwara raoi nakon are ti kantaningaia n te boki ni kairi, ti riai n aki titiraki bwa, “Tera ae ena kariai te Atua?” ma “Tera ae tangiria te Atua?” Te kakoua n titiraki e kaota te nano ae kukurei are e tangiria te Uea mairoura bwa tina karekea ngkai E reireiniira te nanorinano.
Ngkana I toka n te wanikiba, I aki tangiria n titirakina te bwairati bwa “Kanga buakakara ngai ae kantaningaaki?” ke tao “Kanga raoiroira ngai ae kantaningaaki?” I tangiria bwa e na titirakinai, “Kanga ninikoriaira ngai ae kantaningaaki?” N te kibakiba ao n te maiu aio, te anua e bairea butira. Te Ibukin Kakorakoraia Te Roronrikirake boki ni kairi e aki koreaki bwa ena kabwarabwarai tian taian anua ma te reirei iaon te riki bwa Ana reirei. Bon te tia are ieta riki.