Nakon Raoi Boton te Iango

E tabeakinii waaaki n tautaeka ao te tautaeka te Ekaretia?

Waaki n tautaeka ma te tautaeka a rooti maiura, n ikotaki ma arora n nebonebo, ao Ana Ekaretia Iesu Kristo ibukiia Aika Itiaki ni Boong aika Kaitira e kaungaia ana membwa bwa ana ibuobuoki n waaki aikane. Rinanoia Ana burabeti, te Uea e a tia n anganiira tua ni koaua, ao e a bon nakon temanna ma temanna aron maiuakinan tuua aikai n mwakoron maiuiia aika kakaokoro, n raonaki ma aia mwakuri n waaki n tautaeka ao te tautaeka. A kakaokoro tuua n taabo nako, ao te Ekaretia e kaungaira bwa tina iri buakon waaki aika n aanga ake ti kona.

Te Ekaretia e aki boutoka te bwatei n te waaki n tautaeka, kaetieti, ke aika kan rineaki . E tei i nuuka n waaki n irekereke ma te tautaeka. Ao te Ekaretia e aki tutuangiira bwa antai tina rineia. E ti kakauringiira bwa te Uea e tangiriia bwa tina ukeuke nako ao ni kamatoaia taan kairiiri aika a kokoaua, a raoiroi, ao a wanawana (taraa Reirei ao Berita Aika Tabu 98:10). Ao tabetai e kanakoi ana kaetieti nakon te botanaomata iaon waaki n tautaeka aika kaineti ma waaki aika tamaroa ke ana waaki te Ekaretia.

Te Ekaretia e kaungaia membwa bwa a na ibuobuoki inanon aia komiunite ni karikirakei bwa taabo n maeka aika raraoi ibukin karikirakean aia utu. E mwaiti waaki aika raraoi aika ti kona n iri buakoia n ibuobuoki n katamaroai bwaai n taabo ake ti mena iai.

Taraa Aeniboki ni Kabuta, 38.8.30, Gospel Library; Taekan te Onimaki 1:11-12.