5 Reirei Ibukin Karekean Marurungin te Namakin
Ti uaia n tei n korakora ngkana ti ikotaki.
Kainnabau, Scott, ao ngai ti beku bwa taan kairiri n te mition n te Australia Sydney Mition man 2018 nakon 2021. Ngkana ana rekooti te mitinare ae boou e kaotia bwa e taonaki ma kangaanga ni kaineti ma marurungin ana namakin, I kaotia nakoia bwa I a tia n rinanon te rawawata n te iango inanon maiu. I tangiria bwa ana oota bwa titeboo ara tiim bwa aonga n ataia bwa iai raoia n aia tai n aitara ma te kangaanga aio.
I tangiria n tibwaua te rongorongo naba aio ma ngkami! E mwaiti te koraki aika aitara ma kangaanga ni kaineti ma marurungin aia namakin, ma ti kona n ibuobuoki imarenara. Ni kamatatana raoi: Ti aki ngai te tia rabakau iaon marurungin te namakin. Ma I tangiria n tibwauai tabeua reirei aika bebete man roko mai ieta ibukin karekean marurungin am namakin ake a tia n buokai, ao n raonaki ma ake I kinaia man tangiriia.
E Kateirakea Man te Mate Natin Iairo te Aine Iesu,, iroun Greg K. Olsen
Reirei 1: Karika Kristo bwa Boton Maium
I ikawairake irarikin San Francisco, California, USA ao I ururinga te tabo n takakaro irarikin te bike! Iai te bwai n takakaro ae tironron ae karaoaki n te kai are kona tekateka iai ao n kamatoako bwa konaki bwabwaka ngkana e kabutaki. Ake a takaka i mataawa ngaiia taan moan kibanako. Ake a oota n aron te korakora are ana namakinna ngkana a minomino, ma engae n anne, a tekateka n uakaan ma nuuka.
Ngai irou anne te kabootau ae tamaroa ibukin kateimatoaan Kristo bwa boton maium ake ti rinanona n taai aika rawawata—tao ngkana te maaku, te rawawata n te iango, OCD, ake aekakin nako aikane. Ti kainanoa Kristo bwa boton maiura.
N taai ake ti korakai n aorakin te kaburoro, ti kona n karekea te reitaki ae mabu ma karawa ke n korakai n kan namakina ae ti kaan ma te Tia Kamaiu. Tiaki nanona bwa tia katuaeaki ke tiaki tau n karekea ana tangira te Atua. Ibon irou, Onimakinana bwa e tataningaa te reitaki bwa ena oki e rangi n uaana! Reitinako n tataro, kawakinii ana taeka te Tia Kamaiu, onimakinii Ana berita, kana te toa, ao karaoi bwaai ake ana kateimatoaki Iaona.
Reirei 2: Tia Onimakina te Uea Ni Katoa Bong
Natin Iteraera inanon te rereua a onimakina te Uea ibukin te maana ni katoa bong. Tabetai ngkana ti aitara ma bwaai aika korakora n ai aron te nako n nano ke marakin te namakin riki tabeua, ti tangiria n kanakoi ae anaki manga oki. Ao tao ana bon nako—ma tao tiaki inanon te kawai ke te tai are ti tangiria. Tiaki nanona bwa akea te kaantaninga. Ti kainanoia bwa tina onimakina te Atua ni katoa bong ngkana ti mwakuri n taraa moa ibukin taai aika a tamaroa riki.
Teuana te kawai ae ti kona n ukora ana ibuobuoki Tamara are i Karwa bon kataakin kawai aika kakaokoro n kakaea raoi are e mwakuri ibukim. Ngkane E kona n buokiko n uringa, inano am tai n uotaki rikaaki ke n nako n nano, aron ana karaunano te katangitang n buokiko n aekaki n tai aikane ke aron reitakim ma temanna ae ko onimakina ae e anganiko namakinan te mano. E kairiko aio nakon karekean bwaai n ibuobuoki aika kona katai n te tai are koa manga rawawata naba iai. Tera nako are ko karaoia, ukera ana ibuobuoki te Uea ni katoa bong.
Ti kona naba n taekinna n takarua: “Ngkana I onimakina te Uea ni katoa bong, I tabekaki rake ao ni karekea te korakora are I aki ataia ae iai irou!”
Reirei 3: Ko kona n Tararua Rabwatam
Te kaburoro bon mwakoron rabwatara ae mamate aio ao ikane are e kona n rootaki n anga ma nakobuaka aika mwaiti inanon maiura n rabwata. Ma te rongorongo ae kakukurei: iai mwaneka are ti kona n toui are ana kakorakora ara kaburoro bwa eaonga n tamaroa marurungin ara namakin. Aikai tabeua mwaneka akanne:
-
Norakin ootan taai ke te oota ae korakora n te ingabong
-
Te otinako nako tinaniku, n tomaiko ma te aba
-
Kakamwakuri n taainako
-
Kanakin amwarake aika baeranti
-
Kabatia nimakin te ran
-
Karekea te motirawa ae tau
Anga n ikeike raoi a kona n korakora aia ibuobuoki naba. Kataia n anaa ikem ae nano man bwairim, ao manga teuana riki. Taua inanon tabeua te teekan, ao, n tokina raoi, kanakoa te anga anne rinanon wiim.
I kona ni karaoa aio tabeua te tai ngkana I uti, n taai ake e birirake iai au namakin (kanga ai aron imwain kanakoan am rongorongo n te maungatabu ni kabuta!), ao imwain matuum.
Reirei 4: Ti Kona n Bubuti Buokara
Ngkana ko bua inanon am tai n rianna ao koa kaitiboo ma te tia kairi, kona maama n bubuti kairan kawaim n oki? I taku tiaki ngaia anne. Karekean te ibuobuoki are ko kainnanoia bon tiaki te kanikina n te mamaara ke te kabwaka. Ti kona n kakaraoa aio n mwakoron nako maiura ake tabeua.
Buoka uruakan te katei are e totokoa karekean buokam n taai ake a kataaki iai marurungin am namakin.
Tao ngkana ko bubuti buokam mairoun te Atua, raoraom, am utu, kee taan rabakau, tiaki ngkoe te aomata ae memere man kabwaka ngkana ko ukera kakaean te buoka are ko kainanoia. Ni koauana, ko kaota iai te ninikoria!
Reirei 5: Kateimatoa te Reitaki
Te reitaki ma Tamam are i Karawa rinanon te tataro ni katoa bong e rangi ni kakawaki.
I namakinna naba bwa e kakawaki ae ti riai n reitaki ma aomata ake ti namakinna bwa ti mano irouia ao n onimakiniia. Wetea tinam! Marooro n itaramata ma raoraom. Maroro ma tarim ao mwanem. Ti korakora riki ngkana ti uaia n ibuobuoki imarenara. Te korakora anne e uaitera. Aomata ni kabane a kainanoa temanna. Te kationakoaki ke te rawawata n te iango e kona n ikakorakora i bon marenaia. Te reitaki ma ake ti tangiriia ao ni maeka ma ngaiia ao ni kona n noria ao rabwatiira bon te bwainaoraki ae korakora n kaitaraa te maraki are korakora are ti rinanona.
Ti Kona n Tei n Nnen n Kanaiai ma Ngaia!
Tabetai ti tangira te kauring ae uarereke ae raora n taainako te Atua.
N te O Tetemanti, te Uea Nebukaneta e tewenakoa Tateraka, Metiaka, ao Abetenoko n te nne n kanaiai ae kabuebure ae aikoa kona moan kabuebuena ana tautia ake a tei itinanikuna.
Ngaia are a kanga n maiu naka tenimai aikai?
N koroboki aika tabu ao a reireiniira bwa te kaaman n aomata are kona n nooraki ibuakon te ai irarikiia “kanga ai aron Natin te Atua” (Taniera 3:25).
I kakoauaa bwa ae nanonaki iai bwa Kristo e mena irarikiira n kabuebuen kataakira, moarara riki ngkana ti teimatoa inanoia. Ao kangaanga ake e aitara ma ngaia kaburorora a kona n riki bwa kanga ai aron te nne ni kanaiai are e kabuebue. Kristo bon Emanuera, are nanonaki iai bwa “Raora te Atua.”
Tai mwamwaniga, Iesu Kristo bon korakorara, tiaki ti ngkana tia roko n tokin kawaira, ma ngkana ti bunginako man namakin ake a rawawata ake ti rinanona ao tiaki tangirii. E bon raoniira inanon mwanangara. Ngaia bon korakorara ao kamaiuakira n te tai aio.
Ti uaia n tei n korakora ngkana ti ikotaki!