Titiraki ao Kaekaia
“N na kanga ni iangoia ‘ni kaotaa au oota’ ngkai I aki boboibuako?”
“Riiki bwa bon ngkoe. Te katooto, tai kakaraba ae ko wawareware ni koroboki aika tabu, tataro, ke n nanako n taromauri. Man karaoakin bwaai aikai ao ni kateimatoa arom ni koaua, ti kaotai ootara nakon are ti kantaningaia! Ko aki kainanoia n tibwauaa ana kaobi Ana Boki Moomon ni katoa bong—ti kaotaa nakoa ootam man rikim bwa te rao ni koaua ao ana reirei Iesu. Aomata a na noora ootam ae otanako!”
Angel D., 17 ana ririki, Oregon, USA
“I kona n kaotaa ootau rinanon au mwakuri ngkana I aitara ma kangaanga aika rawawata. Man ara taotaonakinnano, rikira bwa taan uota te raoi, ao kabwarakin aia bure ake a bure nakoira, ti kona n kaotanakoa ootara bwa ana reirei Iesu Kristo.”
Emile M., 17 ana ririki, Bahia, Brazil
“Te tataro ae nako man te nano e kona n buokiko n kaotako n Ootan Kristo. I uringa te waaki ni ibuobuoki irouia mitinare n te tabo teuana are ti nako iai n tibwauaa te euangkerio. I rangi n maaku n te moan, ma ngke I karaoa au tataro ibon irou ao I a karekea te ninikoria n tibwauaa te euangkerio.”
Gerardine S., 14 ana ririki, Haut-Katanga, Democratic Republic of the Congo
“I karaoa au kabanea n tamaroa n tibwauaa te euangkerio ma raoraou ake tiaki kain te Ekaretia, ma I aki tokanikai n taainako bwa are I maama. Ngke I tataro, te Uea e buokai n taetae.”
Gustavo A., 13 ana ririki, Paraná, Brazil
“Te bwai ae bebete n ai aron te wiingare nakoia aomata ao te momoa aomata ngke ko kaitiboo ma aomata e kona n riki bwa te oota ae korakora.”
Lily W., 17 ana ririki, Utah, USA