Ol Kwestin mo Ol Ansa
“?Olsem wanem nao mi save ‘letem laet blong mi i saen’ sapos mi no stap go aot tumas?”
“Stap olsem we yu stap. Eksampol, no haedem yuwan long ol nara man se yu yu ridim ol skripja, prea, o go long jos. Blong mekem ol samting ia mo stap olsem we yu stap, yu stap saenem laet moa bitim we yumi tingting long hem! Yu no nid blong serem wan kopi blong Buk blong Momon evri dei—letem laet blong yu i saen taem yu stap wan tru fren mo disaepol blong Kraes. Ol pipol bae luksave laet blong yu we i saen!”
Angel D., 17, Oregon, USA
“Mi save letem laet blong mi i saen tru long ol aksen blong mi taem mi stap wok wetem ol situesen we oli had. Taem yumi gat fasin blong save wet longtaem, stap wan man blong mekem pis, mo fogivim olgeta we oli mekem i nogud long yumi, yumi save letem laet blong yumi i saen olsem ol disaepol blong Jisas Kraes.”
Èmile M.,17, Bahia, Brazil
“Wan tru prea i save helpem yu blong saen wetem Laet blong Kraes. Mi tingbaot wan misinari seves aktiviti we mifala i go blong serem gospel. Faswan, mi bin fraet, be mi talem wan prea mo kasem strong tingting blong serem gospel .”
Gerardine S., 14, Haut-Katanga, Demokratik Ripablik blong Kongo
“Mi traem bes blong mi blong serem gospel wetem ol fren blong mi we oli no pat blong Jos, be oltaem mi no gat sakses from mi sem . Taem mi prea, Lod i helpem mi blong toktok long pablik.”
Gustavo A., 13, Paraná, Brazil
“Samting we i simpol olsem smael long pipol mo stap kaen taem yu toktok wetem ol narafala man i save kam wan bigfala laet.”
Lily W., 17, Utah, USA