Jisas Kraes i Paoa blong Yu
?Wanem Nao I “Fasin”blong yu?
Fasin blong yu long ol prinsipol insaed long Blong Ol Yut Oli Kam Strong gaed i save helpem yu blong kasem ol hae ples.
Ol pilot oli singaot posisen blong plen long skae olsem fasin. ?Plen ia fored blong hem i lukluk i go antap o i lukluk i go daon. ?Plen i lei long raet o i lei i go long lef, o i flae stret mo i level? Long Inglis, wan fasin i save minim tu se wan wei blong tingting yu blong save fesem laef taem hem i go antap mo i go daon. Wan olfala toktok blong stap flae mo laef hem i hemia: “Fasin blong yumi i talemaot level we yumi stap long hem.”
?Wanem nao bae i fasin blong yumi taem yumi ridim Blong Ol Yut Oli Kam Strong: Wan Gaed blong Stap Mekem Ol Joes? Fasin blong yumi abaot ol prinsipol insaed long gaed ia i save gohed blong jenisim laef mo i save mekem yumi muv i go moa antap long niu level o draon i go long wan level we i stap daon.
Sevya i givim long yumi wan gudfala ples blong stat. Hem i se “Olgeta we tingting blong olgeta i stap daon” (Matiu 5:5). Yumi save praktisim blong stap gat wan tingting we i stap daon . Hemia tri kwestin we oli soem defdefren fasin we maet yumi gat abaot ol prinsipol we oli bin givim long yumi.
Fasin namba 1: ?Olsem wanem nao Fasin blong mi I Save Kam Nogud?
Olgeta we oli gat fasin ia oli talem se, “?Wehem laen ia? Mi wantem laef klosap moa laen ia be mi bae no krosem i go narasaed.” Hemia i gat bigfala denja olsem wan man blong flae long skae i askem, “?Bae mi flae i go daon kasem wea ples antap long graon bifo mi openem parasut blong mi?”
Fasin namba 2: ?Mi Mi Mas Gud Olsem Wanem?
Hemia fasin blong man we i stap lukaotem wan posibol wei blong putum smol efot nomo. Hemia i olsem se yu stap askem wan tija se, “?Wanem nao smol samting we mi save mekem be yet mi save pasem klas?” Hem i olsem we man blong stap flae long skae i talem, “Mi wantem mekem wan gud wok blong fulumap gud parasut blong mi, be i no gud tumas.”
Fasin namba 3: ?Bae mi stanap strong kasem wanem mak?
Wan boe i talem long mi wantaem se hem i bin go long seminari long 5:00 long moning. Mi se, “Hemia i eli tumas ia. ?From wanem nao yu go?” Hem i ansa simpol nomo se, “From mi wantem go. Mi laekem. Seminari hem i bes pat blong dei blong mi.” Fasin blong hem i “Mi wantem stanap strong!” Long hem, fasin blong stap obei hem i gol blong hem, be i no wan samting blong traehad blong mekem.
Hemia i olsem we man blong flae long skae i talem, “Mi fulumap gud parasut blong mi mo openem fastaem antap bifo mi kasem graon from mi laekem blong flae long skae mo wantem blong gohed blong stap mekem.” Hemia kaen fasin we bae i helpem yumi blong go moa antap.
Long buk blong Momon, papa blong King Lamonae i mekem wan naesfala prea we i soem gud namba tri fasin:
“O God … plis soemaot yu long mi, mo bae mi sakem evri sin blong mi blong save yu” (Alma 22:18).
King i no bin talem, “?Bae mi nogud olsem wanem blong save yu?” o “Bae mi gud olsem wanem blong save yu?” No, fasin blong hem i “Bae mi sakem evri sin blong mi blong mi save Yu.”
Moa Hae mo Tabu Fasin
Lod i stap trastem yumi blong no lukaotem ol hol be blong lukaotem ol fasin we i moa hae mo tabu. Sapos oli no raetem gud wan samting insaed long gaed blong i klia gud olsem we yumi wantem, bae yumi no askem “Wanem nao bae God i givim?” be “Wanem nao bae God i wantem?” Namba tu kwestin i soemaot wan hat we i glad blong mekem wanem we Lod i wantem wanwan long yumi blong developem taem Hem i stap tijim yumi blong gat tingting i stap daon.
Sapos mi go insaed long wan plen, mi no wantem pilot i stap askem se “?Mi mi nogud olsem wanem?” o iven “?Mi mi gud olsem wanem?” Mi mi wantem hem blong askem, “Mi mi save stap strong olsem wanem? Blong stap flae mo long laef, fasin blong yumi bae soem level blong yumi. Blong Ol Yut Oli Kam Strong gaed oli no bin raetem blong eksplenem stret level blong fasin be doktrin blong stap wan disaepol. Hem i tru, hem i nara level