Go Stret long Poen

?Jos ia i kea abaot politik mo gavman?

Ol politik mo gavman oli afektem laef blong yumi, hemia i tekem tu paoa blong yumi blong wosip, mo Jos Ia blong Jisas Kraes blong Ol Lata dei Sent i leftemap tingting blong ol memba blong patisipet long olgeta. Tru long ol profet blong Hem, Lod i bin givim yumi ol tru prinsipol, mo hem i stap long yumi wanwan blong laef folem ol prinsipol ia long ol defdefren eria long laef blong yumi, ingkludum hao yumi tekem pat tu wetem politik mo gavman. Defdefren ples oli gat defdefren loa, mo Jos i leftemap tingting blong yumi blong tekpat olsem we yumi save mekem.

Jos hemwan i no apruvum eni politik pati, platfom o eni kandidet. Jos i gat saed long politik. Mo Jos i no talem long yumi olsem wanem blong vot. Hem i rimaenem yumi se Lod i bin talem long yumi blong lukaotem mo sapotem ol lida we oli ones, gud, mo waes (luk long Doktrin mo Ol Kavenan 98:10). Mo samtaem hem i mekem ol ofisol pablik stetmen long ol samting blong politik we i joen wetem ol problem long saed blong wanem i raet mo wanem i rong, o ol Jos praktis.

Jos i leftemap tingting blong ol memba blong tekpat long ol gudfala wok blong mekem komuniti blong olgeta i kam ol gudfala ples blong stap laef long ol, mo blong stap lukaotem ol famli. I gat plante gudfala samting we yumi save pat long olgeta blong help blong mekem ol ting oli kam moa gud long weaples we yumi stap long hem.

Luk long Jeneral Hanbuk, 38.8.30, Gospel Laebri; Ol Toktok blong Bilif 1:11–12.