“Bin, Sigui Mi” dor di Práktika Amor i Servisio Kristian
Komo disípulonan di delaster dianan di nos Salbador, nos ta bin serka dje dor di stima i sirbi e yunan di Dios.
Ganadó di Premio Nobèl Elie Wiesel tabata den hospital rekuperando di un operashon di kurason ora e la wòrdu bishita dor di su ñetu di sinku aña. Miéntras e mucha chikitu tabata wak den e wowonan di su abuelo, el a mira su doló. “Abuelo,” el a puntra, “si mi stima bo mas, bo lo tin [ménos doló]?” Awe mi ta hasi un pregunta similar na nos: “Si nos stima e Salbador mas, nos lo sufri ménos?”
Ora Señor a yama su disípulonan pa siguiÉ, nan tabata bibando e lei di Moises, inkluyendo buskando “wowo pa wowo, i djente pa djente,” pero e Salbador a bin pa kumpli ku e lei ei ku su Ekspiashon. E la siña un doktrina nobo: “Stima bo enemigunan, bendishoná esnan ku ta maldishoná bo, hasi bo na esnan ku ta odia bo, ora na esnan ku ta usa bo malamente, i ta persiguí bo.”
E disípulonan a wòrdu siña pa kambia for di e maneranan di e hòmber natural pa e maneranan amoroso i di e Salbador dor di remplasá kontenshon pa pordon, amabilidat, i kompashon. E mandamentu nobo di “stima otro” no semper tabata fásil pa sigui. Ora e disípulonan tabata preokupá tokante asosiá ku pekadónan den sierto klase di hende, e Salbador a siña ku hopi pasenshi, “Den e medida ku bo hasié ku un di esnan mas ménos di mi rumannan, bo a hasié na mi.” Òf, manera e profeta di e Buki di Mormon ta splika, “Ora bo ta den servisio di bo próhimo, bo ta [en realidat] den servisio di bo Dios.”
Komo e Salbador Su disípulonan di delaster dianan, nos ta bin serka Dje dor di stima i sirbi Dios su yunan. Ora nos hasi esaki, nos lo no por skapa e tribulashon, aflikshon, i sufrimentu di e karni, pero nos lo sufri ménos spiritualmente. Hasta den nos pruebanan nos por eksperensia goso i pas.
Nos amor i servisio Kristian naturalmente ta kuminsá den e hogar. Mayornan, bo ta wòrdu yama pa ta maestronan amoroso i misioneronan pa bo yunan i e hóbennan. Nan ta bo investigadornan. Bo ta karga e responsabilidat pa yuda nan bira konverso. E bèrdat, nos tur ta buskando pa bira konbertí--- loke, ta nifiká ta yen di e amor di nos Salbador.
Komo siguidónan di JesuCristu, Su amor ta motivá nos pa apoyá otro den nos biahe mortal. Nos no por hasié nos so. Bo a tende mi kompartí e proverbio di e Quaker nan: “Bo ta hisa mi, ami ta hisa bo, i nos lo subi huntu [eternamente]. Komo disípulonan, nos ta kuminsá hasi esaki ora nos wòrdu boutisá, mustrando nos deseo “di karga otro su karganan, pa nan por ta mas lihé.”
“Siñando un i otro e doktrina di e reino,” ta un manera pa stima i sirbi otro. Mayornan i abuelonan, nos tin tendensia di lamentá e estado di mundu – ku skolnan no ta siña karakter moral. Pero tin asina tantu ku nos por hasi. Nos por probechá di e momentunan di enseñansa den nos propio famianan - awor. No laga esakinan skapa bo. Ora un oportunidat yega kompartí bo pensamentunan tokante e evangelio i e lèsnan di bida, stòp tur kos i sinta i papia ku bo yunan i ñetunan.
Nos no mester preokupá ku nos no ta maestronan profeshonalmente di trein den e evangelio. Niun klas di treinen òf manual ta mas di ayudo ku e studio personal di nos eskrituranan, orashon, skrudiñá, i buska e guia di e Espíritu. E Espíritu lo guia bo na kaminda. Mi ta primintí bo: e yamamentu di ta un mayor ta inkluí e don di siña na e maneranan korekto pa abo i bo yunan. Kòrda, Dios su poder pa influensiá nos den rektitut ta Su amor. “Nos stim’e, pasobra e a stima nos promé.”
Hóbennan, boso ta algun di e maestronan di e evangelio mas efektivo. Boso ta bin iglesia pa siña pa bo bai kasi i siña i sirbi bo famia, bisiñanan, i amigunan. No tene miedu. Tin fe pa testifiká di loke bo sa ku ta bèrdat. Pensa kon mishoneronan di tempu kompletu ta krese pasobra nan ta bida fielmente un bida konsagrá - usando nan tempu i nan talènt den kompartí testimonio pa sirbi i bendishoná otronan. Ora bo ta kompartí bo testimonio di e evangelio, bo fe lo krese i konfiansa lo oumentá!
Algun di nos servisionan Kristian di mas impaktante ta tene estudio familiar di eskritura, orashon familiar, i reunionnan di konseho familiar. Pa mas ku shen aña, lidernan di Iglesia a yama nos pa pone un banda – tempu interumpí kada siman. Pero hopi di nos ainda ta pèrdiendo e bendishonnan ei. Nochi di hogar no ta un lektura di Mama i Tata. Ta nos tempu pa famia i kompartí konseptonan i eksperensianan spiritual simpel, pa yuda nos yunan siña kuida i kompartí, tin alegria huntu, kompartí testimonio huntu, i krese i progresá huntu. Teniendo nos nochi di hogar tur siman, nos amor pa un i otro lo krese bira mas fuerte, i nos lo sufri ménos.
Laga nos kòrda: e obra mas importante ku nos por ta hasi den nos famianan ta dor di e poder di e Espíritu Santu. Kualke ora ku nos hisa nos bos den rabia, e Espíritu ta bandoná nos kompania i famianan. Ora nos ta papia ku amor, e Espíritu por ta ku nos. Laga nos kòrda ku nos yunan i ñetunan ta midi nos amor dor di kuantu tempu nos ta dediká na nan. Mas ku tur kos, no pèrdè pasenshi i entrega!
E Eskrituranan ta konta nos ku ora algun di e yunan spiritual di nos Tata Selestial a skohe pa no sigui su plan, shelu a yora. Algun mayor ku a stima i siña nan yunan tambe ta yora ora nan yunan grandi skohe pa no sigui e plan di Señor. Kiko e mayornan por hasi? Nos no por hasi orashon pidi pa kita na albedrio. Kòrda e tata di e yu prodigio, ku hopi pasenshi e la warda riba su yu pa regresá e mes, miéntras tur e tempu e la keda vigilá pe” ora e tabata di un distansia leu fo’i dje. Nos por hasi orashon pa risibí guia tokante ki ora pa papia i kiko por bisa – i ki ora keda ketu. Kòrda, nos yunan i nos famianan ya kaba a skohe pa sigui e Salbador den e realm pre mortal. Tin biaha ta solamente dor di nan propio eksperensianan di bida ku e sentimentunan sagrado ei ta bin bek. Finalmente, e eskoho pa stima i sigui Señor mester bin di nan mes.
Tin un otro manera special ku e disípulonan por mustra amor na e Salbador. Awe mi ke duna tributo na tur esnan ku ta sirbi Señor den kuido. Kon Señor stima bo! Den un servisio ketu, sin rekompensa bo ta sigui esun ku a primintí, “Bo Tata ku ta mira den sekreto, e mes lo rekompensá bo públikamente.”
Mi ta pensa riba mi bisiña ku su kasa tin e malesa di Alzheimer. Tur djadumingu e ta yud’e bisti su paña pa e reunionnan di Iglesia, peña su kabei, pone su makeup, i bistié su renchinan. Dunando e servisio aki, e tabata un ehèmpel pa kada hòmber i muhé den nos bario. Un dia su kasa a bisé, “Djis mi ke wak mi kasa i ta huntu ku ne atrobe.”
E la kontesta, “Ami ta bo kasa.”
E la kontesta dulsemente, “Ahn, bon!”
Mi no por papia di duna kuido sin rekonosé esun special den mi bida – E Salbador su disípulo special pa ami – mi kompañero eterno, Mary. E la entregá tur den nutri ku kompashon i amor. Su mannan ta reflehá su toke suave i di apoyo. Lo mi no ta aki sin dje.
Si bo ta sufriendo profundamente, ku otronan òf boso, mi ta urgi bo pa laga Señor ta bo kuidadó. Apoyá bo mes riba su brasanan. Akseptá su siguransa: “Lo mi no laga bo sin konsuelo: Lo mi bin serka bo.”
Rumannan, si nos no a hasi esaki kompletamente ainda, laga nos bai mas serka di pordoná, amabilidat, i amor. Laga nos renunsia e guera ku tin asina tantu den e kurasonnan di e hòmber natural i proklamá Kristu su kuido, amor, i pas.
Si “bo a yega na e konosementu di e gloria i bondat di Dios” i tambe “e ekspiashon kual a wòrdu prepará for di fundashon di e mundu,” “lo bo no tin un mente pa herida un ku otro, pero pa biba na pas. …I lo bo no laga bo yunan…transgredi e leinan di Dios, i bringa i pleita unu ku otro. …Pero lo bo siña nan … stima unu i otro, i sirbi unu i otro.”
Djis promé ku e krusifikashon di e Salbador, E la siña su Apòstelnan: “Un mandamentu nobo mi ta duna boso, Ku boso lo stima un i otro, meskos ku ami a stima bo” i “si bo stima mi, warda mi mandamentunan.”
Mi ta testifiká ku e postura real di e Salbador pa ku nos ta esun deliniá pa e estatua di Thorvaldsen, Kristu. E ta kontinuá na ekstendé su mannan. Nos ta siguié dor di stim’e i sirbi unu i otro i warda su mandamentunan.
Mi ta kompartí mi testimonio spesial ku E ta bibu i ku e stima nos ku un amor perfekto. Esaki ta su Iglesia. Thomas S. Monson ta Su profeta riba mundu awendia. Ku nos por stima nos Tata Selestial i Su Yu mas, i sufri ménos, ta mi orashon. Den nòmber di JesuCristu, amèn.