Emisarionan pa e Iglesia
Nos ta puntrando bosonan pa komo maestronan orientador pa ta mensaheronan di Dios pa Su Yunan, pa stima i kuida i resa pa e hendenan ku a wòrdu asigná na boso
No hopi tempu pasá un hermana soltero, ku lo mi ke yama Molly, a yega kas despues di trabou pa bin ripará ku su kèlder tabatin mas o ménos 5 centimeter di awa riba e flur. Mesora el a realisá ku su bisiña, ku kual e ta kompartí linia di drenahe, mester a laba masha hopi paña mes i baña pasó el a haña tur e awa ei.
Despues ku Molly a yama un amigu pa bin i yuda, nan dos a kuminsá di salba i mòp. Nèt e ora ei e bèl di porta a rin. Su amiga a grita , “Ta bo maestronan orientador!
Molly a hari, “Ta edelaster dia di e luna,” el a kontestá, “pero mi por sigurá bo ku no ta maestronan orientador.”
Pia abou, blusa muhá, kabei mará ku un lensu i hopi un par di hanskun hopi na moda, Molly a kana bai e porta. Pero su aparensia straño no tabata komparabel ku e bista “straño” pará su dilanti. E tabata su maestronan orientador!
“Bo por a basha mi abou ku e amigu di e paipfeter!” el a konta mi despues. “Esaki ta un milager di orientashon famia--- e tipo ku e hermanos ta kompartí den diskursonan di konferensia!” El a kontinuá: “pero nèt ora mi tabata disidiendo si duna nan un sunchi òf e mòp, nan a bisa, ‘Ai Molly, ta duel nos. Nos ta wak ku bo ta okupá. Nos no ke importuná; p’esei nos lo bin un otro biaha.’ I nan a bai.”
“Ken e tabata ta?” su amiga a grita for di e kèlder.
“Mi ker a bisa, ‘Sigur e no tabata e tres Nefitanan.’” Molly a atmití, “pero mi a frená mi mes i a bisa hopi kalmu, ‘Tabata mi maestronan orientador, pero nan sinti ku no tabata un momento apropiá pa laga nan mensahe.’”
Hermanos, laga nos den kòrtiku analisá e debernan di e saserdosio ku a wòrdu deskribí komo e “Iglesia su promé fuente di ayudo” pa su personanan i su famianan. Mondinan hinter a wòrdu sakrifiká proveyendo papelnan pa organisá i despues reorganis’é. Míles di diskursonan pa enkurashá a wòrdu duná enkurashá. Sigur niun biahe Freudiano niun kaminda por posiblemente por regla biahanan di kulpa ku e tópiko aki a provoká. I tòg te ainda nos ta lucha pa logra ni serka di un norma aseptabel di realisashon konserniente Señor Su mandamentu “pa semper” kuida e iglesia dor di e saserdosio su orientashon familiar.
Parti di e desafio ku nos ta enfrentá ta e demografia ku ta kambiando den Iglesia. Nos sa ku un miembresia awor plamá den mas ku trinta mil bario i rama. Situá den 188 pais i teritorio, ta hopi mas desafiante pa bishitá e kasnan ni nos rumannan ku e tabata den e kuminsamentu di e Iglesia ku bisiña ta siña bisiña den un loke tabata wòrdu yamá “enseñansa di blòki.”
Mas ainda, den hopi unidat di e Iglesia, tin un kantidat limitá di poseedornan di saserdosio disponibel pa hasi orientashon familiar, lagando esnan ku por sirbi ku entre diesocho ku binti famia – òf mas --- pa kuida. Tambe por tin e asuntu di distansia pa biaha, e gastunan haltu i e poko disponibilidat di transporte, i e largura ekstendé di e oranan pa traha diario i semanal. Pone aserka ku algun kultura ta konsiderá tabú pa hasi bishitá sin ta invitá i e asuntunan di seguridat ku ta eksistí den diferente barionan mundial. Wèl, nos ta kuminsá mira e kompleksidat di e problema.
Hermanos, den e restu di hinter mundu i den e sirkunstansianan ei kaminda e por wòrdu hasí, un bishita mensual den kada kas ta ainda e ideal ku e Iglesia ta lucha pe. Pero realisando ku na diferente lokalidat rònt mundu logrando un ideal asina no ta posibel i ku nos ta kousa e hermanos pa sinti manera nan a frakasá, ora nos pidi nan algu ku realístikamente no por wòrdu hasí, E Promé Presidensia a skirbi na e lidernan di Saserdosio di e Iglesia den Desèmber 2001, dunando konseho inspirá i di hopi ayudo: “Tin algun lokalidat den e Iglesia,” nan a skirbi, “kaminda …orientashon familiar na kada kas tur luna por ta ku no ta posibel pa motibu di kantidat insufisiente di hermanos ku saserdosio aktivo i e diferente otro desafionan lokal.” Nos a menshoná algun di nan. “Ora ta trata di sirkunstansianan asina,” nan ta kontinuá, “lidernan mester hasi nan esfuerso pa usa e rekursonan ku nan tin disponibel pa kuida i fortalesé kada miembro.”
Hermanos, si den mi bario òf rama mi ta enfrentá e tipo di sirkunstansianan difísil, mi kompañero di Saserdosio Aaróniko i ami lo apliká e konseho di e Promé Presidensia ku awor ta polítika den e manual) di e manera aki: Promé, maske el a tuma hopi luna pa logra esaki, nos ta buska e mandato di eskritura pa “bishitá e kas di kada miembro,” establesiendo un skema ku lo laga nos por yega e kasnan ei riba un kalènder ku ta tantu posibel komo práktiko. Hinka den e skema ei tin poné, a base di nos tempu disponibel, e prioridatnan i e frekuensia di kontakto na esnan ku mas mester di nos—investigadornan ku e misioneronan ta siña, nuevo konverso, esnan ku ta malu, esnan ku ta nan so, e ménos aktivo, esnan famianan di un mayor ku yunan ainda na kas, etcetera.
Durante tempu ku nos ta trahando e skema pa bishitá tur e kasnan, ku lo tuma algun luna pa logra, Nos lo hasi otro tipo de kontakto ku e personanan i e famianan riba nos lista dor di kualke medio ku Señor a proveé. Sin duda nos lo wak pa mira nos famianan na Iglesia i, manera skritura ta bisa, papia ku otro riba e bienestar di nan alma.” Adishonalmente, nos lo hasi yamada, manda email i mensahe di teksto, i asta manda un saludo riba e diferente forma di e ret sosial disponibel na nos. Pa yuda atendé e nesesidatnan spesial, nos por manda un sita di skritura òf un frase di un diskurso di e konferensia general òf un mensahe Mormon saká for di rikesa di material riba LDS.org. Den e idioma di e Promé Presidensia, nos por hasi e mihó ku nos por den e sirkunstansia ku nos ta enfrentá ku e rekursonan disponibel na nos.
Hermanos, e apelashon ku mi ta hasiendo awe nochi ta pa bosonan lanta boso vishon di orientashon familiar. Por fabor, di manera mas nobo, i mihó, mira boso mes komo mensahero di e Señor pa Su yunan. Esaki ta nifiká laga atras e tradishon di un histériko - manera e lei di Moises- kalènder fin –di –luna den kual mester hasi lihé pa duna un mensahe di eskritura di e revista di Iglesia ku e famia a lesa kaba. Nos mester spera, mas bien pa boso establesé un periodo di preokupashon di bèrdat orientá riba e evangelio pa e miembronan, belando i kuidando otro; atendiendo nesesidatnan temporal i spiritual den kualke manera ku por yuda.
Awor pa loke ta “konta” komo orientador familiar, kada kos bon ku bo hasi ta “konta”, ker men informá di nan tur! En realidat, e informe ku mas ta importá ta kon boso a bendishoná i kuida pa e esnan ku ta kai bou di bo responsabilidat, ku no tin virtualmente nada di aber ku un kalènder spesífiko òf un lokalidat partikular. Loke ta importante ta pa bo stima bo hendenan i kumpli ku e mandamentu “pa vela semper riba e Iglesia.”
Riba trinta di mei aña pasá, mi amigu Troy Russell a saka su outo pokopoko for di su garashi riba su kaminda pa bai hasi donashon di produkto na e e Deseret Industries (industrianan Deseret) lokal. El a sinti ku e tayer [atras pa pasa riba un bulto. Pensando ku un produkto lo a aki for di su trùk, el a Sali [pa wak] i a haña su yu hòmber presioso di nuebe aña Austen, drumí kara abou riba e flur. E gritunan, e bendishon di saserdosio e tim di para médikonan, - e staf di hòspital- nan tabata den e kaso aki en vano. Austen ya no tabata tei.
Sin por a drumi, sin por haña pas, Troy tabata inkonsolabel. El a bisa tabata mas ku e por a soportá i ku simpelmente e no por sigui. Pero den e kiebro doloroso a bin tres forsa ku ta redimí.
Promé tabata e amor i e spiritu ku ta trankilisá di di nos Tata na Shelu, un presensia ku a komuniká pa medio di e Spiritu Santu ku a konsolá Troy, a siñ’é, stim’é i a susurá ku Dios sa tur kos riba pèrdè un yu bunita i perfekto. Na di dos lugá tabata su kasa, Deedra, ku a tene Troy den su brasanan i a stim’é i a kòrd’é ku e tambe a pèrdè e yu ei i [ku e] tabata determiná di no pèrdè su kasa tambe. Na di tres lugá den e historia aki ta John Manning, un maestro orientador ekstraordinario.
Di bèrdat mi no sa riba kua skema John i su kompañero menor tabata bishitando e hogar di Russell, òf kua nan mensahe a wòrdu duná ora nan a yega, òf kon nan a informá di nan eksperensia. Loke mi si sa ku e primavera ku a pasa ei, Hermano Manning a inkliná i a lanta Troy Russell di e tragedia riba e kaya meskos ku e tabata lantando su yu chikí Austen e mes. Meskos ku e maestro orientador òf kuidadó òf hermano den evangelio ku e mester di ta, John simplemente a tuma e tarea di kuido di saserdosio i kuida Troy Russell. El a kuminsá bisando. “ Troy, Austen ke pa bo ta bèk riba bo pianan – inkluyendo riba e kancha di basket – p’esei lo mi ta aki tur mainta kuartu pasá di sinku. Sòri di ta kla, pasó mi no tin gana di bin pa lanta bo ---i mi sa ku Deedra lo no ke pa mi hasi esei tampoko.”
“Mi no ker a bai,” Troy a konta mi despues, “pasó semper mi tabata hiba Austen ku mi riba e maintanan ei i mi tabata sa ku e memoria lo tabata demasiado doloroso. Pero John a insistí,p’esei ma bai. For di e promé dia, nos a papia --- òf mihó bisá ami tabata papia i John tabata skucha. Mi tabata papia hinter e ruta i wak kon solo tabata Sali riba Las Vegas. Den promé e tabata difísil, pero segun tempu ta pasa mi a realisá ku mi a haña mi fortalesa den e forma di un hungadó di bala pa Iglesia di un meter ochentiocho ku tabata hopi slo ku un tiru bulando hopi patétiko, ku a stima mi i a skucha mi te ora e solo a Sali bèk den mi bida.”
Mi rumannan di Saserdosio, ora mi papia di orientashon familiar òf vigilá i kuida òf ministrá di saserdosio personal,-- yam’é kon ku bo ke— ta di esaki nos ta papia, Nos ta puntrando boso pa ikono maestro orientador pa ta Dios Su mensaheronan , pa Su yunan, pa stima i kuida i resa pa e personanan asigná na boso, miéntras nos ta stima i kuida i resa pa bosonan. Ku bo por ta vigilante kuidando e rebaño di Dios di un manera konsistente ku nos sirkunstansianan, mi ta resa, den e nòmber di e Dios, kuidadó di nos tur, di kual mi ta un testigu, ku ta e Señor JesuCristu, amèn.