E Kaminda Perfekto pa Felisidat
Mi ta testifiká di e don di mas grandi ku ta nos Tata Su plan pa nos. Ta e kaminda perfekto na pas i felisidat.
Mi rumannan stimá, tantu [esnan] aki den e Sentro di Konferensia i [esnan] rònt mundu, mi ta hopi gradesí pa e oportunidat pa kompartí mi pensamentu ku bosonan awe mainta.
Sinkuentidos aña pasá, den y:uli diesnuebe sesentikuater, mi tabatin un asignashon na e suidat di Nueva York durante e tempu ku e Ekshibishon Mundial a wòrdu organisá einan. Tempran un mainta, mi a bishitá e Mormon Pavilion na e ekshibishon ei. Mi a yega nèt promé ku [a pasa] e pelíkula di Iglesia Man’s Search for Happiness, (tradusí“E hòmber den buska di felisidat), un interpretashon di e plan pa salbashon ku for di e tempu ei a bira un di e klásiko di Iglesia. Mi a sinta banda di un mucha hòmber ku por tabatin un trintisinku aña di edat. Nos a papia djis un ratu. E tabata un no- miembro di nos Iglesia. Despues e lusnan a baha i e show a kuminsá.
Nos a skucha e stèm di e narador segun e tabata hasi e preguntanan signifikante i universal; Di unda mi ta bin? Dikon mi ta aki? Unda mi ta bai ora mi bandoná e bida aki. Tur orea tabata ansioso pa tende e kontestanan, i tur wowo tabata fihá riba e imágennan ku a keda interpretá. Un deskripshon di nos bida pre mortal a wòrdu duná huntu ku un splikashon di nos propósito na mundu. Nos tabata testigu di un presentashon konmovedor di e fayesimentu di un abuelo di mas edat i di su glorioso re enkuentro ku su sernan kerí ku a bai su dilanti den mundu di e mundu di spiritu.
Na e konklushon di e interpretashon bunita di nos Tasa Selestial Su plan pa nos, e multitut den silensio a Sali bai, hopi di nan visiblemente emoshoná dor di e mensahe di e pelíkula. E hóben visitante banda di mi no a lanta. Mi a puntr’é si el a gosa di e presentashon. Enfátikamente el a kontestá: “Esaki ta e bèrdat!”
Nos Tata Su plan pa nos felisidat i nos salbashon ta wòrdu kompartí dor di nos misioneronan rònt mundu. No tur ku skucha e mensahe divino lo aseptá i ta brasa esaki. Sinembargo, hòmber i muhé tur kaminda. Meskos ku mi amigu hóben na e Ekshibishon di Nueva York, a rekonosé su bèrdat, i nan planta nan pianan riba e kaminda ku ta hiba nan ]bèk] di regreso na nan kas di un manera sigur. Nan bida pa semper a wòrdu kambia.
Esensial den e plan ta nos Salbador, JesuCristu. Sin Su sakrifisio ekspiatorio, tur lo a bai pèrdí. No ta sufisiente, sinembargo, pa meramente kere den Dje i den Su mishon. Nos mester obra i siña, buska i resa, arepentí i mehorá. Nos mester konosé Dios Su leinan i biba nan. Nos mester risibí Su ordenansanan ku ta salba. Solamente hasiendo esaki nos por optené felisidat berdadero i eterno.
Nos ta bendishoná di tin e bèrdat. Nos tin un mandato pa kompartí e bèrdat, Laga nos biba e bèrdat ku nos por meresé tur loke e Tata tin pa nos. E no ta hasi nada, si no ta pa nos benefisio. El a bisa nos, “Esaki ta mi obra i mi gloria. –pa pa trese inmortalidat i bida eterno di hòmber.”
For di mas profundo di mi kurason i den tur humildat, mi ta testifiká di e gran don ku ta e Tata Su plan pa nos. Ta e e kaminda perfekto na pas i felisidat tantu aki komo den e mundu ku ta bin.
Mi rumannan, mi ta laga boso mi amor i mi bendishon terminando, i mi ta hasi esaki den e nòmber di nos salbador i Redentor JesuCristu, amèn.