Tupã familia ñembyaty
Tupã pe Túva oipota jey Ita’ýrakuérape hógape, familia ha gloria-pe
Che hermano ha hermana-kuéra pejehayhuetéva, avy’aiterei ko oportunidad aĩvo penendive ko sesión conferencia general ñepyrῦme. Amyasãi peẽme ñeğuahẽ porãite horyvéva.
Santos de los Últimos Días-pe ğuarã, conferencia general akóinte ha’e ára oñembyaty hağua.Ymáma jahasapa pe capacidad ñañembyaty hağua peteĩ hendápente, ha katu Ñandejára ome’ẽ umi mba’éichapa conferencia general rovasapy toğuahẽ peẽme oimeha peimehápe. Iñimpresionante ramo jepe jahecha santo-kuéra congregación Centro de Conferencias tuichaitépe, roñembo’ýva ko púlpito-pe roñeimagina akóinte umi millones personas oñembyatýva orendive mundo jerére ohecha ha ohendu hağua ko conferencia. Heta pende apytépe peñembyaty pene familia ndive; oĩne iñamigokuéra térã ambue tupaogua miembro-kuéra ndive.
Tenda peimehápe, ha oimeháicha pehendu che ñe’ẽ, peikuaami napeiméi ramo jepe ko’ápe, roñandu peimeha espíritu-pe. Roha’arõ opa peẽva peñeñandu peteĩcha ore ndive; tapeñandu pe poder espiritual oñemoğuahẽva káda creyente aty oñembyaty ramo Jesucristo rérape.
Añandu inspiración añe’ẽvo peẽme ko árape ambue congregación rehe; Upéva ndoikói káda sei mese-nte, conferencia general ramo. Iporãveháicha, oĩ meme proceso-pe Tupao restauración ñepyrῦ guie, ha oñembopya’eve ohóvo ko’ã áño ohasávape. Ha’e hína pe Tupã familia congregación.
Ñamoha’anga hağua upe congregación, iporãvéta ñañepyrῦ ramo ñanase mboyve guive, upe Biblia ohenóiva “el principio” (Génesis 1:1). Upéramo, jaikove’akue Ñande Ru Yvagaguándi Ita’yrakuéraramo oñemoheñóiva espíritu rupi; Upéva niko añete opa persona oikova’ekue yvy áripe ğuarã.
Peikuaáke umi título “hermano” ha “hermana” ndaha’éi ñemomaitei amistósonte ni apelativo afectuósonte ñandéve ğuarã. Ha’e peteĩ expresión añetegua ijapyra’ỹva rehegua: Tupã niko ha’e opa género humano Túvaite; peteĩ teĩ ñande niko ñaime Ifamilia ijapyra’ỹva apytépe. Ha’e ñanderayhúre pe Túva mborayhu ijojaha’ỹva mborayhúre, oipota japrogresa ha jaha tenonde ha tañağuahẽ tajajogua chupe Ha’e omoĩ peteĩ plan ikatutaha rupi jaju yvy ári, familia ryepýpe, ha jarekóvo experiencia ñanembosako’ítava jajevy jey hağua Hendápe ha jaikove Ha’e oikoveháicha.
Pe plan elemento central niko ha’e pe promesa Jesucristo oñeme’ẽtaha Ijupe sacrificio ramo, ñanderreskata hağua pekádo ha ñemanógui. Ñane rembiapo upe plan-pe niko ja’asepta pe Salvador sacrificio Evangelio leikuéra ha ordenanza obediencia rupive. Peẽ ha che ja’aseptákuri upe plan. Upéicha, javy’a heseve, he’ise ramojepe jahejataha ñande Ru presencia ha ñanderesaraitaha umi jaikóva’ekue upépe Hendive.
Ha katu nañañemboúi ko’ápe jehecha’ỹmbaitére. Peteĩ teĩ ñandéve oñeme’ẽ Tupã resape pehẽ, hérava “Luz de Cristo”, ñanepytyvõ hağua ñambojoavy imarangatúva ha iñañáva, oĩporãva ha oĩvaíva. Upévare, opa umi oikóva jepeve sa’i térã oikuaa’ỹetére mba’eve Túva plan-re ikatu ohechakuaa, ikorasõme, oĩha tembiapo joja ha imoralva oĩ aja ndaupéichava.
Ñane sentido oiporãva ha oĩvaívagui ha’etévaicha oñemombareteve ñamongakuaa aja ñande ra’ykuérape. Opa nunga túva térã sy ryepýpe oĩvaicha voi pe ombo’ese ita’yrakuérape umi virtud moral;Upéva hína ha’e Túva Yvagagua plan milagro pehẽngue. Ha’e oipota Ita’yrakuéra ou yvy ári familia-pe, osegívo pe modelo eterno familia-kuéra rehegua oĩva yvágape. Umi familia-kuéra niko ha’e unidad de organización básica reino ijapyra’ỹvape, ha upéicha Ha’e oipota avei ko’ãva taha’e unidad básica ko yvy ári. Umi familia terrenal oĩ ramo jepe mombyry perfeccion-gui, ome’ẽ Tupã ra’ykuérape pe oportunidad iporãvéva oñemoğuahẽ hağua mundo-pe upe mborayhu yvy ári hi’ağuivéva pe ñañanduva’ekuére yvágape: tuvakuéra mborayhu. Umi familia ha’e avei módo iporavéva okonserva ha ombohasa hağua umi virtudes morales ha umi principios añetegua orekóva tuichave posibilidad ñandegueraha jeývo Tupã rendápe .
Sa’imínte umi Tupã ra’ykuéra ojapyhy, ko tekovépe, peteĩ comprensión-paite Tupã plan-re, umi sacerdocio ordenanzas jeike ndive ha umi convenio ojapóva pe Ñandejára poder expiatorio toñemombarete ñande rekovépe. Avei umi ituva porãvéva ikatu oiko fielmente pe tesape orekóvare, nohenduirõ jepeve Jesucristo-gui ni iñexpiasiõ oñeinvita’ỹrõ jepeve oñemongarai hağua hérape. Upéicha ojehu hetaiterei umi ñane hermano ha hermana-kuéra ndive mundo historia aja.
Heta oiméne ikatúva oimo’ã iñinjustoha;Avei ikatu okonsidera peteĩ prueba ndaiporiha peteĩ plan, ni requisito específico salvación-rã, oñepensávo peteĩ Tupã justo ha amoroso ndojapomo’ãiha peteĩ plan oĩtava sa’i Ita’yrakuéra disposición-pe. Ambue persona ikatu ombopaha Tupã…odeterminahague de antemano máva Ita’ýrapepa osalváta ha omoğuahẽtavape pe Evangelio, ikatu umi ohendu’ỹva Evangelio he’i “ndojeporavoihague”.
Ha katu peẽ ha che jaikuaa, umi añetegua rupi ojerrestauráva’ekue profeta José Smith rupive, pe Tupã plan iñamoróso ha ijojaveha. Ñande Ru Yvagagua oĩ ansioso ombyaty ha ohovasa hağua opa Ifamiliape. Oikuaa ramo jepe ndaopavavéi oiporavotaha toñembyaty, Iplan ome’ẽ oportunidad káda Ita’yrakuérape omoneĩ térã ombotove hağua Iñinvitación. Ha umi familias iñesencial upe plan-pe.
Ojapo heta siglo, profeta Malaquías he’i ára oútavape, Tupã omboutaha Elías upe Profeta-pe ojapo hagua “tojevy tuvakuéra korasõ ta’yrakuéra gotyo, ha ta’yrakuéra korasõ tuvakuéra gotyo” (Malaquías 4:6).
Upe profecía niko iñimportanteiterei, Ñandejára ositava’ekue ourõguare Amérikape oikovejey rire (tojehecha 3 Nefi 25:5–6). Ha ángel Moroni ovisita vove profeta José Smith-pe, kóva avei osita upe profecía Elías upe Profeta ha umi korasõ, tuvakuéra, ha ta’yrakuéra rehegua (tojehecha José Smith—Historia 1:36–39).
Ko ára ha’e 1 abril; .Mokõi ára rire, pe 3 de abril oñembotýta 181 áño oñekumplihague pe Malaquías profecía .Upe ára ou Elías upe Profeta ha ome’ẽ José Smith-pe sacerdocio poder osella hağua familia-kuérape eternamente (tojehecha D. y C. 110:13–16).
Upe ára guie ko ára peve, pe interés historia familiar personal jeporekáre okakuaaiteve. Peteĩ ritmo okakuaavévape, umi persona ha’ete ojeguerúva ijypykuérare peteĩ mba’e ha’evéva jeikuaaséguinte. Heñói biblioteca, asociaciones ha tecnologías genealógicas mundo jerére omopyendávo upe interés. Pe internet pu’aka omoporãve hağua umi comunicaciones opermiti umi familia omba’apo oñondive ojapo hağua jeporeka historia familiar-re pya’eve ha iporãve ymaveguarégui .
¿Mba’ére ojehu upéva? Peteĩ frase iporãveva’ỹre, ñande ñambohéra “espíritu de Elías”. Avei ikatu ñande ñahenói peteĩ “profecía cumplimiento”. Ame’ẽ testimonio Elías pe Profeta ouhague; pe ta’yrakuéra korasõ —pene mba’e ha che mba’éva— ojevy ituvakuérape, ñande ypykuérape. Pe mborayhu peñandúva pende ypykuérare ha’e upe profecía cumplimiento pehẽngue. Oñemopyenda pypuku pe sentido de identidad-pe; Ha katu oñerrelaciona hetave ADN oje’eredávagui.
Tembiecharã, pesegívo inspiración peikuaa hağua pende historia familiar, ikatu pedescubri peteĩva pene pariente mombyry okompartiha rasgo facial-kuéra, iñintere kuatiañe’ẽnguérare térã italento opurahéi hağua. Upéva ikatu iñinteresante ha avei irrevelador; Ha katu hembiapo opytárõ upépente, ohecháta ofaltaha peteĩ mba’e. Upéva he’ise oñembyaty ha oñembojoaju hağua Tupã familia oñeikotevẽveha pe mborayhu ñeñandúre. Oñeikotevẽ ojejapo convenios sagrados oóva ordenanzas del sacerdocio ndive.
Heta umi pende ypykuérape noğuahẽiva’ekue umi ordenanza-kuéra; Ha katu, Tupã providencia rupi, peẽme oğuahẽ. Ha Tupã oikuaa peñeñandutaha atraído pende ypykuérare mborayhu reheve ha peguerekotaha tecnología peikotevẽva pejuhu hağua chupekuéra. Avei oikuaa peikovetaha ára perekotahápe umi santo templo, ordenanza-kuéra ikatutahápe ojejapo, ha’éta tuichavéva opa historia-gui. Ha oikuaa ikatutaha ojerovia penderehe pejapóvo ko tembiapo pende ypykuéra favor -pe.
Upéicha avei, opa ñande jareko heta responsabilidad ipya’e ha iñimportánteva oikotevẽva ñande atención ha ñane tiempo. Opavave jajuhu peteĩ pehẽngue umi Ñandejára oha’arõvagui ñandehegui tajajapo ohasáva ñande kapacidakuéra. Iporãveha, Ha’e ome’ẽ mba’éichapa peteĩ teĩ ñande ikatúta jahupyty confianza ha satisfacción opa ñande servicio-pe, avei historia familiar-pe. Jahupyty fortaleza jajapo hağua Ha’e ojeruréva, ñande fe rupi Ñandejára nome’ẽiha mba’eveichagua tembiapoukapy “o[mbosako’i’ỹre] pe tape ikatu hağuáicha [jajapo] umi [ñandéve] omandáva” (tojehecha 1 Nefi 3:7);
Aikuaa péva añeteha che experiencia-re. Ojapo heta áño, estudiante universitario ramo, aikuaa peteĩ kuimba’e omba’apóva peteĩ empresa tuichavévape ko mundo-pe computadora rehegua. Ha’ékuri umi computación ára ñepyrῦvo ha ome’ẽ coincidencia iñempresa ombouha chupe ovende umi komputadora La Iglesia de Jesucristo de los Santos de los Últimos Días-pe.
Che aikuaaháicha, upe mba’evendeha ndorekói religión. Ha katu, he’i ñemondýi ha exasperación-re: “Upe tupaópe ojejapo pe ombohérava hikuái ‘genealogía’ ohekávo umi omano’akue réra ha oñeha’ãvo ojuhu ijypykuérape. Umi persona, hetave kuñáva niko, odipara peteĩ archivador-gui ambuépe ohekávo hikuái información tarjetitakuérape”. Che mandu’a porãvo, he’i umi kuña, omondeha sapatu deportivo ikatu hağuáicha ipya’e mie. Pe kuimba’e he’ive ohóvo: “Ahechávo mba’éichaitépa tuicha pe oñeha’ãva ojapo hikuái, aikuaa ajuhuha mba’erãpa oñeinventa umi komputadóra”.
Ha guéno, oreko nunga niko razón. Umi komputadóra ha’éta peteĩ ára oúvape parte importante historia familiar rembiapo-pe , ha katu ndaha’éi umi ha’e ovendévante. Peteĩ inspirado líder Tupaogua odesidi ojogua’ỹ chugui ikomputadorakuéra. Tupao oha’arõva’erãkuri peteĩ tecnología upe momento-pe ne’irãva gueteri oñeimagina. Ha katu, aikuaa umi áño ohasávape upe guie, ni tecnología iporãvéva ndaikatuiha oñemoĩ yvága revelación rãngue, pe orresivi haguéicha upe Tupaogua líder. Kóva ha’e tembiapo espiritual ha Ñandejára odirihi Isanto Espíritu rupive.
Ojapo semánante, amba’apo hína che historia familiar-pe peteĩ consultor che ykére ha ambue katu oipytyvõva teléfono-pe. Pe komputadora pantalla oĩvape che rovake, oĩ peteĩ problema ohasáva che facultad terrenal arresolve hağua. Ou mokõi téra, oñemboúva chéve tecnología maravilla rupi, persona-kuéra ikatúva hína oha’arõ peteĩ ordenanza templo-pegua. Ha katu pe problema niko ha’e umi téra iñambueha ojuehegui, ha katu oĩ peteĩ mba’érepa jarovia ha’eha peteĩ persona-nte. Che rembiapo ha’e ajuhu mávapa añeteha.
Ajerure mokõivéva che consultor-pe he’i hagua chéve. . Ha’ekuéra he’i: “Nahániri, nde reiporavova’era”; ha oi seguroite che ajuhutaha añetegua. Pe komputadóra, opa ipu’aka ha momarandu reheve, oheja chéve tovasapy ramo amaña umi téra pantalla-pe, a’evalua umi dato oĩva, añeha’ã ambue jeporeka, añembo’e mbeguemi ha ajuhu añetegua. Añembo’e aja, aikuaa añete mba’épa ajapóta; aikuaa haguéicha ambue situación-pe aikotevẽ jave adepende yvága pytyvõre arresolve hağua peteĩ problema.
Ndajaikuaái mba’e maravilla-pa o’inspiráta Tupã umi personas ojapótava oipytyvõ hağua Hi’obra ombyatývo Ifamiliape. Ha katu oimeháichagua umi invencion iporãvéva oğuahẽva, ijeipuru oikotevẽ pe Espíritu tomba’apo umi persona-re peẽ ha chéicha. Upéva ndaikatúi ñanemondýi; Ipahápe niko, ojetrata umi Tupã ta’ýra ha tajyrakuéra ojehayhuetévare. Ha’e omboúta oimehaichagua inspiración oñeikotevẽva ome’ẽ hağua chupekuéra oportunidad oho jeý hağua Hendápe.
Áño ohasa ramóvape, umi tupaogua imitãva ombohovái espíritu de Elías-pe inspirador-veháicha. Heta ijapytepekuéra ko’áğa oreko recomendación limitada ha oipuru meméva. Umi baptisterio templokuerapegua hembiapove araka’evéicha; oĩ templo oikotevẽva’ekue o’adapta ijorariokuéra ome’ẽ hağua pa’ῦ umi hetaiteve imitãva ohóva upépe.
Ha’e peteĩ mba’e ojehecha’ỹva jepi ha katu excepción vy’arã umi imitãva oguerahaha ijypykuéra rerakuéra templo-pe; Ko’áğa katu normal, ha py’ỹi ha’e umi imitãva umi ojuhúva ijypykuérape.
Avei, heta imitãva ojuhu ome’ẽnguévo tiempo ojeporeka hağua historia familiar ha templo-pegua rembiapópe ombopypukuveha itestimonio Plan de Salvación-rehegua; Ombokakuaave Espíritu influencia hekovépe ha omomichĩve adversario influencia; Oipytyvõ chupekuéra oñemoağuive hağua ifamilia ha Ñandejára Jesucristo-re. O’aprende hikuái ko tembiapo ndosalvaiha omanóvape añónte; ñandesalva opavavépe (tojehecha D. y C. 128:18).
Umi imitãva ohechakuaa pe visión ojehecharamoháicha; ko’áğa ituvakuéra tekotevẽ oñemoĩ al día. Oĩ heta o’aceptáva ñemongarai mundo de los espíritus-pe tembiapo umi imitãva ojapóva rupi ha oha’arõva ambue ordenanza-kuéra umi kakuaa mante ojapokuaáva templo-pe ko mundo-pe. Tembiapo Túva Yvagagua familia ñembyaty ndaha’éi imitãvape ğuarãnte, ni aguélokuérape ğuarãnte. Ha’e opavavépe ğuarã; Opavave ñande ha’e oporombyatýva.
Kóva ha’e tembiapo ñane generación-pe ğuarã, apóstol Pablo ohenóiva “la dispensación del cumplimiento de los tiempos” Tupã “[ombyatytahápe] opa mba’e Cristo-pe, … umi yvágape oĩva, umi yvýpe oĩháicha” (Efesios 1:10). Ita’ýra Ohayhuetéva Jesucristo rembiapo expiatorio ojapo ojehupytykuaa upéva. Hese rupi, ñane familia miembro-kuéra, “ambue ára [oĩva’ekue] mombyry, [oñe] moağui Cristo ruguy rupive. Ha’e ha’e haguére ñande py’aguapy, mokõive pueblo-gui ojapóva peteĩ, oitývo pe pared mbytépe omboja’óva” (Efesios 2:13–14). Peẽ peñandu upéva, chéicha avei, peñandúvo mborayhu okakuaáva pemañávo peteĩ pende ypykuéra fotografía. Peñandúkuri templo-pe, peteĩ téra peteĩ tarjeta-pe ha’ete ha’evéva peteĩ téraguinte, ha ndaikatúi peñandu’ỹ upe persona oĩha consciente pendehegui ha oñandu pene mborayhu.
Atestifika Túva Tupã oipotaha jey Ita’yrakuérape hógape, familia ha gloria-pe. PeSalvador oikove; Ha’e odirihi ha ohovasa ko tembiapo, ha Omaña nanderehe ha ñandeguia. Ha’e o’agradese pende servicio fiel pembyatývo Itúva familia-pe, ha che apromete peẽme pe pytyvõ inspirado pehekáva ha peikotevẽva. Jesucristo rérape. Amén.