Ojajái jajaive pe ára perfecto peve
Umi ára hetave jave mba’evai ha ypytũ jepe, oĩ tesape ha py’aporã ñande jerére.
Pablo okomparti hechapyrãva momarandu esperanza rehegua corintio-guakuéra ndive:
“Rojejopyvai opaite mba’épe, ha katu ndorojepy’apýi; rojechavai, ha katu ndaorepy’aropúi;
“oñepu’ã ore rehe, ha katu ndorojehejái ore año; rojeity yvýre, ha katu noroñehundíri”.
Moõguipa ou ra’e Pablo esperanza? Pehendu imbohovái: “Tupãite, he’iva’ekue ypytũgui ohesape hağua mba’e rendy, ha’e pe ohesapeva’ekue ore korasõme, roikuaa hağua Tupã gloria Jesucristo rova rupive”.
Umi ára hetave jave mba’evai ha ypytũ jepe, oĩ tesape ha py’aporã ñande jerére. Mes de octubre pasado, Presidente Dieter F.Uchtdorf ñanemomandu’a: Oĩ ñande jerére tuichaite tesape ha añetegua hechapyrãitéva ha añeporandu ñamomba’e añetépa pe jaguerekóva.”
Ha pe aña katu oipotante ñama’ẽ umi “tatatĩ iñipytũvare…omoypytũva tesa,…omohatãva korasõ… , ha…opogueraha…vaíva”.
Upevére, pe Salvador oikuaaporãgui mba’evaikuéra ñande aragua, opromete: “Pe Tupã mba’éva ha’e tesape; ha pe ohupitýva tesape opytáramo Tupã ndive, ohupityve tesape, ha upe tesape ojajái jajaive pe ára perfecto peve”.
Ñande ha’e Tupã ra’y ha rajykuéra. Jajejapo’akue jahupity hağua pe tesape, japyta hağua Tupã ndive ha jahupityve hağua tesape. Iñepyrũmby guive, jasegui’akue pe tesape; jasegui pe ñande Ru Yvagagua ha pe Iplan. Ñande ADN espiritual-pe oĩ jaheka hağua pe tesape.
guare peteĩ banco guasúpe, añe’invita aha hağua peteĩ programa de formación para ejecutivos, Universidad Michigan-pe. Upe programa aja, pe mbo’ehára Kim Cameron ombo’e mba’épa he’ise pe liderazgo positivo ha hi’efecto heliotrópico. Ha’e he’i: “Péva he’ise opa mba’e oikovéva ohoseha pe energía positiva gotyo [pe tesape] ha oñemomombyryse pe energía negativagui [pe ypytũ]. Umi organismo unicelular guive pe complejo sistema humano peve, opa mba’e oikovéva ojoajuse pe ipositivovare, oñemomombyrývo pe inegativovagui”.
Heta estudio rupive, ha’e oñe’ẽ avei mbohapy componente esencial orekóva peteĩ exitosa cultura laboral: pe compasión, perdón ha gratitud. Ñantendeporã ningo umi tapicha ohóramo pe ipositivova gotyo [pe tasape], oñemanifesta umi atributo ohechauka porãmbaiteva’ekue pe Mundo Resapeha: Jesucristo!
Hermano ha hermana-kuéra, pendepy’aguapy jaguerekoháre tesape jahupytykuaáva. Pehejami ta’e peẽme mbohapy henda akóinte jajahutahápe tesape:
1. Pe Tupao resape
Pe Tupao ha’e peteĩ faro de luz peteĩ mundo iñipytũvape ohóvo. Kóva ha’e ára hechapyrãva ha’e hağua miembro de La Iglesia de Jesucristo de los Santos de los Últimos Días! Ko Tupao araka’evéicha imbarete ha imbarete añete opa ára ojuaju vove ñanendive miembro pyahu, oñe’organiza congregasión pyahu, oñehenói pyahu misionero-kuéra ha oje’abri vove umi tenda pyahu Evangelio-pe ğuarã. Jahecha oujeyha umi imombyry sapy’amiva’ekue Tupao rembiapógui, ha péicha, pe rreskate Presidente Thomas S. Monson ohechava’ekue, ogueru hina milagro ára ha ára.
la Fortaleza de la Juventud aja [FSY]. Una semana aja, miles ha miles de jóvenes ha jovencitas omombarete imborayhu Salvador rehe ha ohojey hikuái hógape, ifamilia ha amigo-kuéra ndive, omosarambívo Cristo resape ha mborayhu.
Peikuaaháicha, akóinte oĩta oñe’ẽvaíva pe Tupaóre; péichanteva voi iñepyrũmby guive, ha péichata ipahaite peve; ha katu ndaikatúi jaheja umi ñe’ẽvai omokãnguy pe katupyry jarekóva jahecha hağua tesape oĩva ñandéve guarã. Jahechakuaa ha jahekáramo pe tesape ojehupitykavéta ñandéve tesape.
Peteĩ mundo iñypytũvape ohóvo, pe Tupao resape ojajái jajaivéta ára perfecto peve.
2. Pe Evangelio resape
Pe Evangelio resape ha’e pe tape “ojajái jajaivéva ohóvo ára porãmba peve”, ha tenda ojajaivehápe ha’e ñane familia ha oparupigua témplope.
Predicad Mi Evangelio-pe oje’e “pe Evangelio resape rupi, familiakuéra ikatu omoĩporã umi joavy, ñorairõ ha mba’evai. Umi familia oñehundiva joavýgui, ikatu okuera arrepentimiento, perdón ha fe rupive, Jesucristo expiasiõ pu’aka rupi”. Ko’ãga araka’evéicha, ñane familiakuéra ha’eva’erã tesape guasu mayma oĩvape ñande jerére. Familiakuéra ohesape guasuve orekove vove mborayhu ha py’aporã. Ñamoĩve vove ñane familia ko’ã principio-re: “fe,…arrepentimiento…perdón,… amor…[ha] compasión” ári, tuichavéta mborayhu ñañandúva ojuehe ha pe Salvador rehe. Pe familia oñemombaretéta ha pe tesape maymáva jarekóva ojajaivéta.
santidápe templo rehe”. Ko’áğa jaguereko 155 templo omba’apóva hina, ha ko’ẽrõite hetavéta. Heta hetave oĩ familia ojeselláva por el tiempo y por la eternidad. Miembro-kuéra ogueraha rahave hina hi’antepasadokuéra réra templo-pe ojapo hağua umi ordenanza salvadora. Ñañandu hina añetehápe tuicha vy’a ha tory ambue lado del velo!
Peteĩ mundo iñypytũvape ohóvo, pe Evangelio resape ojajái jajaivéta ára perfecto peve.
3. Cristo Resape
Ndaikatúi ñañe’ẽ tesape ko mundo pe rehe, ñañe’ẽ’ỹre ko mundo pegua resape rehe : Jesucristo. Peteĩ mba’e ohechaukáva pe Túva Yvagagua mborayhu ha’e mayma tekove oúvape ko yvy’apére ojehovasa pe Cristo Resape reheve oipytyvõva chupe oho jey hağua hógape. Presidente Boyd K. Packer ombo’e: “Pe Cristo Espíritu akóinte oĩta presente…Pe Cristo Resape ha’e oparupigua pe kuarahy resapéicha. Oĩháme vida humana, upépe oĩ pe Cristo Espíritu”. Pe Cristo Resape “oporohenói ha oporomokyre’ỹ ojejapo meme hağua pe iporãva” ha ombosako’i opavave umi ohekávape py’aporã ha añetegua orrecibi hağua pe Espíritu Santo.
Pe Salvador ñanerekombo’e Ha’e ha’eha pe tesape “omyesakãva ñande resa”, “ovivifikáva ñane entendimiento” ha “ome’ẽva vida opa mba’épe”. Pe Cristo Resape ñanepytyvõta jahecha hağua ñande rapichápe pe Salvador ohecha háicha chupe. Jarekovéta mborayhu ha comprensión ambue tapicha jehasa’asýre. Ñane’pacienciavéta umi oguerovia’ỹva térã umi ome’ẽ’ỹvare servicio ñande ñame’ẽháicha. Ñanepytyvõta ñantende porãve hağua pe gran plan de felicidad ha jahecha hağua pe tenda opa ñandekuéra jarekóva upe plan guasu mborayhu reheguápe. Péina ápe, tuichavéramo jepe vy’a ñañandúva jaikuaa porãvépe Cristo Resape, noñekomparái pe vy’a ñañandúvare jahecha vove pe Cristo Resape omba’apo ambue tapicha rehe: familiar, amigo térã tapicha jaikuaa’ỹvare jepe avei.
Añandu’akue upe vy’a aikuaáro guare tembiapo ojapova’ekue peteĩ grupo de bombero py’aguasu oñeha’ãva osalva tatarendygui peteĩ centro de estaca California sur gua 2015-pe. Tuichavévo pe tatarendy, pe comandante de bomberos ohenói peteĩ hapicha ha’éva SUD oporandu hağua chupe moõpa oñeñongatu umi rreliquia sagrada ha umi copa santa cena rehegua ikatu hağua ojesalva. Iñamigo he’i chupe ndaiporiha rreliquia sagrada ha umi copa de la santa cena ndahasyiete oñemyengovia hağua; ha katu pe comandante oñandu oĩveha hembiaporã, ha péicha omondo jey ibomberokuéra pe edificio hendývape oipe’a hağua parégui opa umi Jesucristo pintura ani hağua oñehundi. Ha omoĩ jepe hikuái umi pintura peteĩ pe bombero kamiõ ryepýpe oha’arõgui hikuái omo’ã umi bombero. Tuicha chemopirĩ pe comandante mba’eporã, py’aporã ha ñandukuaa pe Tesape rehe, ára oĩ jave peligro ha dificultad.
Peteĩ mundo iñypytũvape ohóvo, peCristo Resape ojajái jajaivéta ára perfecto peve!
Ha’e ningo pe Luz del Mundo. Tañanembareteve pe tesape jarekóva rupi ha ñamba’apove Tupaópe ha ja’aplica porãve umi principio del Evangelio ñane familiape. Tajahecha meme pe Cristo Resape ambue tapicháre, ha ñaipytyvõ chupekuéra tohecha upe tesape ijehe. Jarrecibi háicha upe tesape, hetave tesape reheve jajehovasáta, ára perfecto peve jepe, jahecha jey vove “tesapekuéra Ru”, ñande Ru Yvagagua. Ko’ãvagui atestifika pe Mundo Resape réra marangatúpe, heẽ, Jesucristo. Amén