¡O tuichaite piko ñane Tupã Plan!
Ñaime rodeado heta tesape ha añetegua hechapyrãva rehe ha añeporandu ja’aprecia añetépa umi jaguerekóva.
Jajehovasaite ningo ñande’aty jeývo ko conferencia mundial-pe ñande profeta ha presidente jahayhuetéva Thomas S. Monson dirección ha liderazgo guýpe. Presidente rohayhu ha ro’apoya opa ore korasõ reheve.
Che vida profesional aja piloto ramo heta adepende umi Sistema de computación precision ha confiabilidad rehe, ha katu rara vez aipurúkuri che computadora personal. Ajapóramoguare oficina rembiapo ejecutivo-icha, aguereko asistente ha secretariakuéra amablemente chepytyvõva che rembiapo reheve.
Opa umíva okambia 1994-pe, añehenóiramo Autoridad General ramo. Che llamamiento rupi areko heta forma hechapyrãva aministra haĝua, ha avei heta tupaogua oficina rembiapo, hetaiteve che akalkulava’ekuégui.
Che asombrorã, pe herramienta principal aime haĝua organizado che rembiapópe ha’e che computadora personal.
Peteĩha jave che rekovépe, añapymiva’erãkuri upe extraño, desconcertante ha incomprensible mundo-pe.
Ñepyrũha guive, pe computadora ha che ndorojoguerahaporãi.
Umi ikatupyrýva oñeha’ã chembo’e mba’éichapa aipuruva’erã pe computadora. Literalmente oñemoĩ hikuái che atukupépe, oipysóvo ijyva che ati’y ári, ha ikuãnguéra reheve omýi pya’évo ojapo peteĩ sinfonia de percusión pe teclado-pe.
“Ehechápa?” , he’i chéve hikuái orgullo reheve.. “Kóicha ojejapo”.
Che ndahechái. Ha’ékuri peteĩ transición hasýva.
Che curva de aprendizaje ha’ékuri peteĩ ladrillo tápiaicha.
Tekotevẽkuri heta tiempo, repetición, paciencia, heta esperanza ha fe, heta che rembireko ñemokyre’ỹ ha heta litro peteĩ gaseosa dietética nanombramo’ãiva.
Ko’áĝa, 22 años rire, aime rodeado computadorakuéra rehe. Aguereko peteĩ correo electrónico, peteĩ cuenta Twitter-pe ha peteĩ página Facebook-pe. Aguereko peteĩ teléfono inteligente, peteĩ Tablet, peteĩ computadora portátil ha peteĩ cámara digital. Ha katu jepe che katupyry tecnología-pe noñecomparai peteĩ oguerekóva mitã’i de 7 año rehe, peteĩ oguerekóva setenta año-pe ĝuarã, naimevaietereíri.
Ha katu ahechakuaa peteĩ mba’e iñiteresánteva. Chekatupyryvévo pe tecnología-pe, nda’apreciaive pe ovaléva.
Heta tiempo pe humanidad historia-pe, comunicación oikova’ekue kavaju velocidad-pe. Emondo peteĩ mensaje ha errecibi ñembohovái ikatu otarda heta día terã mese jepe. Ko’ã árape ñande mensajekuéra oviaja miles de kilómetros espacio-re terã miles de metros océano guýpe ohupyty haĝua mávape pe otro lado del mundo-pe ha otardáramo, jepe peteĩ segundo, jajefrustra ha ñañeimpasienta.
Ojogua pe naturaleza humana péichaha: ñañefamiliarizavévo peteĩ mba’ére, taha’e jepe peteĩ mba’e imilagroso ha hechapyrãva, japerde ñande sentido de asombro ha jatrata icomúnvaramo. Ha’ete péichante voi pe naturaleza humana: jaikuaá porãverõ peteĩ mba’é, taha’e jepe mba’e milágroso ha hechapyrãva, jahejaréi ñande sentido de asombro ha opyta mba’e común ha corriente-icha.
¿Jahechakuaá piko umi añetegua espiritual mba’épa ovalé?
Ndaja’apreciai umi tecnología ha conveniencia ko’áĝagua ikatu ha’e peteĩ mba’e michĩva. Ha katu, tristemente, sapy’ánte jaguereko upéichagua actitud umi Jesucristo evangelio doctrina, omyenyhẽva ñane ánga ha ijetérnova rehe. Ko Jesucristo tupaópe oñeme’ẽ hetaite mba’e ñandéve. Ñaime rodeado tuicha tesape ha añetegua hachapyrãitévagui, ha añeporandu ja’aprecia añetépa umí jaguerekóva.
Pepensami umi primeros discípulos rehe oguata ha oñe’ẽva’ekue pe Salvador ndive Iministerio terrenal aja. Peñe’imaginami agradecimiento ha reverencia omyenyhẽne ra’e ikorasõ ha iñapytu’ũnguéra ohechávove chupe opu’ãvo pe ñeñotỹhágui, oñandúvo umi herida ipo ha ikostádope. Hekovekuéra araka’eve ndaha’emo’ãvéima lo mismo!
Pepensami umi primeros santos ko dispensación-gua rehe, oikuaava’ekue profeta José Smith-pe ha ohendu chupe opredicávo pe Evangelio restaurado. Peñe’imaginami mba’éichapa oñeñandúne ra’e oikuaávo upe velo yvy ha yvága mbytépe ojeipe’a jeyha, oñeñohẽvo luz ha conocimiento ko mundo ári ñande róga Celetial guive.
Ha avei, pepensami mba’éichapa peñeñandu peẽ peguerovia ramórõ guare ha pentende añetehápe peẽ ha’eha Tupã ra’y ha rajykuéra; Jesucristo voluntariamente osufri hague pende pekadokuérare ikatuhaĝua penepotĩ jey; pe sacerdocio pu’aka ha’e real ha ikatuha peñembojoaju pende seres queridos ndive peteĩ sã imbaretetereíva reheve , ni peteĩ pu’aka ko yvýpe ni pe infierno-pe ikatuha omondoho; oĩha peteĩ profeta viviente ko yvýpe ko’aĝaite. ¿Ndahechapyrãi ha ojeguerovia’ỹvapa?
Ñaconsiderávo opa ko’ã mba’e, Mba’éicha piko ikatu ñande, opa persona apytégui nañaiméi contento jaha haĝua ñande capilla-kuérape umi servicio de adoración-rã? Terã ñanekane’o jalee hague umi Santas Escrituras? Asupone upéva ikatuha oiko ñane korasõ nte noñanduvéima vove, ha ndaikatúi oñandu gratitud ha asombro umi heta dones sagrados ha sublimes Tupã ome’ẽva’ekue ñandéve rehe. Umi verdades okambiáva ñande rekove oĩ ñande resa renondépe ha ikatuhápe jahupyty, ha katu sapy’ánte jaguata jakévo ko discipulado rapére. Py’ỹinte jajedistraeka umi imperfección oguerekóva ñane kompañero miembrokuéra jaseguirangue ñande Maestro ejemplo. Jaguata peteĩ tape henyhẽva diamantes-gui, ha katu apena ñadistingikuaa umi ita común-gui.
Peteĩ mensaje familiar
Chemitãrõguare, che amigokuéra oporandu chéve che religion rehe. Py’ỹi añepyrũ aexplicávo chupekuéra umi diferencia oĩva, pe palabra de sabiduria-icha. Ambue vece ahechauka umi similitud oĩva ambue religión cristiana-kuéra ndive. Mba’eve umi mba’égui oimpresiona guasu chupekuéra. Ha katu añe’ẽ vove pe plan de felicidad ñande Ru Yvagagua oguerekóva ñandéve ĝuarã, ita’ýra ha tajýraicha, agüereko iñatención.
Chemandu’a añeha’ãkuri amoha’ãnga pe plan de salvación peteĩ pizarra-pe peteĩ ore capilla aula-pe. Ajapo circulokuéra orrepresentába pe vida preterrenal, pe mortalidad ha ñandejeho jey ñande rukuéra yvagagua ndive ko tekove rire.
Che mitãkaria’ýrõguare, chegustaiteningo akomparti ko emocionante mensaje. Aexplikávove ko’ã principio che ñe’ẽme isímpleva, che korasõ henyhẽ gratitud-gui peteĩ Tupã ohayhúva Ita’ýra ha tajýrakuérape ha peteĩ Salvador ñanerredimiva’ekue opavavépe ñemano ha infierno-gui rehe. Che’ogullosoiterei ko mborayhu, vy’a ha esperanza mensaje-gui.
Oĩ che amigokuéra he’íva ko mensaje ifamiliar chupekuéra jepe noñembo’éiva’ekue umi mba’e pe religión okakuaahápe hikuái. Ha’ékuri oikuaarõguáicha hikuái tapiaite umi mba’e añeteha, ha che simplemente amoĩve tesape peteĩ mba’e oĩmava voi ikorasõnguérape.
Ñande jaguereko ñembohovaikuéra!
Aguerovia cada ser humano oguerekoha ikorasõme porandu fundamental ko tekove rehegua. ¿Moõgui aju? Mba’erãpa aĩ ko’ápe? ¿Mba’épa oikóta amano rire?
Ko’ãichagua porandu yvyporakuéra ojejapova’ekue ymaitéguive. Filosofos, Eruditos ha expertos ohasa hekove ha ogasta ipirapirekuéra ohekávo ñembohovái.
Che aguyje Jesucristo evangelio restaurado rehe ombohováiva ko’ã porandu hasýveva ojetopáva ko tekovépe. Ko’ã ñembohovái oñembo’e Iglesia de Jesucristo de los Santos de los Ultimos Dias-pe. Umíva ha’e añetegua hesakáva, directo ha ndahasýiva ñantende haĝua. Ko’ã añetegua inspirador ha oñembo’eva umi mitãnguérape clase Rayitos de sol apytépe.
Hermano ha hermanakuéra, ñande ha’e seres eternos, ñepyrũ ha paha’ỹre. Ja’existiva;ekue tapiate1. Literalmente ñande ha’e ta’ýra ha tajyrakuéra ñanereñoiva’ekue espíritu-pe Tuva ha sy Celestial divino, inmortal ha omnipotente-gui.
Jaju umi Ñandejára Tupã Todopoderoso cortes celestailes-gui. Ñande ha’e Elohim, pe Tupã Ijyvatevéva róga rreal-gui. Jaguatákuri Hendive pe vida preterrenal-pe. Ñahendu Chupe oñe’ẽrõ, ha’ekuri testigo Imajestuosidadgui ha ña’aprende Hapekuéra.
Peẽ ha che japarticipa upe Gran Concilio-pe ñande Ru jahayhuetéva opresentahápe Iplan ñandéve ĝuarã: jajutaha ko yvy’ári, jarrecibita cuerpos mortales, ña’aprendéte jaiporavokuaa haĝua iporãva ivaívagui ha jaikakuaata ambuéicha ramo ndaikatuichéne.
Jahasávove pe velo ha jaike ko vida mortal-pe, jaikuaákuri nañanemandu’aveitaha pe vida anterior rehe. Oĩta oposición, jehasa’asy ha tentación; ha katu jaikuaa jaguereko peteĩ tete físiko iñimportanteitereiha ñandeve ĝuarã. Oh, mba’eichaitépa ñaha’ãrõkuri ña’aprende pya’etaha jajapo haĝua decisiones correctas, jagueropu’aka umi Satana tentación-kuéra ha ipahápe jahajey ñande Sy ha Túva Celestiales jahayhuetéva ndive.
Jaikuaákuri japekataha ha jajavytaha, jepe oĩtaha jejavy igráveva. Ha katu jaikuaa avei ñande Salvador Jesucristo oñekomprometeva’ekue ou haĝua ko yvýpe, oiko pekado’ỹre ha voluntariamente ome’ẽ Hekove peteĩ sacrificio eterno-icha. Jaikuaa ñeme’ẽramo Chupe ñane korasõ, ñaconfia Hese ha ñañeha’ã opa ñane ánga mbarete reheve jaguata pe discipulado repére, ikatúta jajejohéi ha jajepurifika ha jaike jey ñande Ru Yvagagua jahayhuetéva renondépe.
Upévare, jerovia reheve Jesucristo sacrifisiore, peẽ ha che ja’acepta, ñandejeheguiete, pe ñande Ru Yvagagua plan.
Upévare ñaime ko’ápe, ko planeta tierra porãitépe; Tupã ome’ẽgui ñandéve oportunidad ha ñande jaiporavo ja’acepta upéva. Ha katu ñande vida terrenal ha’e temporalnte ha opáta ñande rete físiko ñemano reheve; Upevére, pe esencia mávapa peẽ ha che noñehundimo’ãi. Ñande espíritu oikovéta gueteri ha oha’arõta pe resurrección, ha’éva peteĩ don gratuito ñande Ru Yvagagua ha Ita’ýra Jesucristo-gui opavave ñandéve ĝuarã2. Resurrección-pe, ñande espíritu ha ñande rete ojoajujeýta, libre ñembyasýgui ha inperfecciones físicas-gui.
Resurrección rire, oúta pe husio ára. Jepeve ipahaitépe opavave ojesalváta ha ohupytýta peteĩ rreino de gloria, umi okonfiáva Tupã rehe ha oñeha’ã osegui iley ha ordenanza-kuéra ohupytýta vida umi eternidad-pe ndaikatúiva ñañe’imagina gloria ha asombrosa majestuosidad-pe.
Upe huisio árape ha’éta peteĩ misericordia ha mborayhu ára – peteĩ ára korasõnguéra ojekáva okueráta, umi ñembyasy tesay hekoviáta gratitud resay rehe, opa mba’e oĩporãmba vove3.
Heẽ, oĩta peteĩ py’arasy pypuku pekado rupi; heẽ, oĩ pokãvéta jahe’o ha jepe ñembyasy ñande jejavykuérare, ñane imprudencia ha ñane akãhatã, ojapova’ekue tajaperde umi oportunidad jaguereko haĝua peteĩ futuro iporãvéva.
Upevére aguereko confianza ñaimetaha satisfecho Tupã huisio reheve; ha avei ñaimeta asombrado ha maravillado Igrasia, misericordia, py’aporã ha mborayhu opave’ỹva, ñandéve ita’ýra ha tajyrakuérape ĝuarã rehe. Ñane rembipota ha tembiapokuéra iporãrõ, jaguerekorõ fe peteĩ Tupã oikovévare, upéicharamo ikatu ñaha’ãrõ anhelo reheve pe mba’e Moroni ohenóiva’ekue “ pe Jehova tuichaitéva tribunal porãite renondépe, pe Hue Ijapyra’ỹva umi oikovéva ha omanova’ekue ári”4.
Pro Tanto Quid Retribuamus
Che hermano ha hermanakuéra ahayhuetéva, che amigokuéra ahayhuetéva, ¿nahenyhẽi piko ñane korasõ ha ñane apytu’ũ maravilla ha asombro reheve ñamañávo pe ñande Ru Yvagagua tuicha plan de felicidad, Ha’e opreparava’ekue ñandéve ĝuarã? ¿Nomyanyhẽi piko peteĩ vy’a ijoja’ỹva pe jaikuaa futuro glorioso oĩva preparado opavave umi oha’arõva Ñandejárape ĝuarã?
Napeñandúirõ gueteri upe maravilla ha vy’a, po’invita peheka haĝua, pestudia ha pejepy’amongeta umi sencilla ha katu profundas verdades pe Evangelio resaturado rehegua. ‘Torreposa pende apytu’ũme umi solemnes actitudes eternidad rehegua”5. Pehejami atestifika peẽme pe Plan de felicidad divinidad –gui.
Peñandurõkuri ko’ã mba’e, aporandu peẽme ko árape: “¿[Ikatu piko] peñandu upéva ko’áĝa?”6.
Nda’aréi aguereko oportunidad aha haĝua Belfast, Irlanda del Norte-pe. Aime aja upépe, ahechakuaa pe Belfast escudo de armas, oincluía pe lema “Pro tanto quid retribuamus” terã “ ¿Mba’épa ñame’ẽta hekoviarã jarrecibi hetaite haguére?”7.
Poinvita opavavépe peconsidera haĝua upe porandu. ¿Mba’e ñame’ẽta pe tesape ha añetegua abundancia Tupã oñohẽva’ekue ñande ári rekoviarã?
Ñande Ru jahayhuetéva ojerurente tajavivi pe añetegua jarrecibiva’ekue rupive, tajasegui pe tape Ha’e ome’ẽva’ekue ñandéve. Upévare, ñañembopy’aguasu, ñaconfia pe espíritu guía rehe, ha ñe’ẽ ha añetehápe ñakomparti ñande rapichakuéra ndive pe Tupã plan de felicidad mensaje maravilloso ha inspirador. Jaheja tañanemokyre’ỹ ñane mborayhu Tupãre ha Ita’ýra ha tajyrakuéra, ha’ekuéra ningo ñande hermano ha hermanakuéra. Kóva ha’e ñepyrũha ikatúva jajapo ñamyengovia haĝua pe hetaite jarrecibíva.
Oúta ára “ opa tenypy’ã oñesũta, ha opa ñe’ẽnguéra oñekonfesáta henondépe” Tupã rape ihusto ha Iplan iperfectoha”8. Peẽme ha chéve ĝuarã, tajajapo pe ára taha’e ko árape. Japroclama, Jacob, ymaguare ndive: “ Oh tuichaite piko pe ñande Tupã plan!”9.
Atestifika upévagui gratitud pypuku reheve, ahejávo peẽme che jerovasa; Jesucristo rérape. Amén.