Santa Cena ikatu ñanepytyvõ oiko hağua ñandehegui santo
Pejesareko cinco manera omongakuaáva efecto ha poder ñane participación ára ha ára ordenansa sagrada Santa Cena reheguápe.
Peteĩ mba’e aguarekóva che akãme, ha’e reuniones sacramentales, rojapomiva’ekue ore rógape, Warrnambool, Australia-pe. Diez a quince tapichárupi o’asisti ore rrámape; ha che ru peteĩ umi mbohapy apytépe oguerekóva sacerdocio, oguerekómi oportunida obendeci hağua Santa Cena. Chemandu’a añanduva’ekuére ha’e omoñe’e jave mbeguekatumi ñe’ẽnguéra oje’éva oración sacramental-pe. Heta ára, iñe’ẽ ryrýi oñandúvo pe Espíritu. Sapy’ánte, okirĩva’erã okontrola hağua iñemosiõ he’ipa mboyve hi oración.
Che ha’erõ peteĩ mitã oguerekóva cinco áño, che naikũmby porãigueteri ajapóva ni ha’éva; upeichavérõ jepe, aikuaa oikoha mba’e iporãva. Añandúva py’aguapy ha Espíritu Santo influencia che ru opensa aja mborayhu salvador oguerekóvare ñande rehe.
Salvador oporohekombo’e: “Ha tapiaite pejapóta upéva umi oñearrepentíva ha oñemongaraíva rehe che rérape; ha pejapota che ruguýre penemandu’a hağua, anohẽva’ekue penderehe, petestifika hağua Túvape tapiaite penemandu’aha cherehe. Ha penemandu’áramo tapiaite cherehe, peguerekóta che Espíritu oĩ hağua penendive(3 Nefi 18:11).
Ajapo invitación opavavetépe, ñakonsidera hağua cinco forma ñamongakuaa hağua pe poder ha efecto oguerekóva ñande participación ordenansa sagrada Santa Cena reheguápe, ordenansa ikatúva ñanepytỹvo oiko hağua ñandehegui santos.
1. Voíke Ñañembosako’i.
Ikatu ñañepyrũ ñande preparación Santa Cena rehegua are oñepyrũ mboyve reunión sacramental. Sábado, ikatu ha’e peteĩ momento porã ñapensa hağua ñande progreso ha preparación espiritual-re.
Vida mortal ha’e peteĩ don esencial ñande jehasa ñağuahẽ hağua jaiko ñande Padre Celestial-cha. Oñeikotevẽ rupi, jaguereko pruebas ha jehasa’asy ome’ẽva ñandéve oportunidades ñakambia ha jakakuaa hağua. Rrei Benjamín oporohekombo’e: “Ha pe yvypóra inaturalva niko ha’e Tupãme ohayhu’ỹva, ha ha’eva’ekue Adán ho’a guive, ha ha’éta tapiaite peve, noñeme’ẽiramo Espíritu Santo he’ívape, ha ojehekýi pe yvypóra natural-gui, ha oñemomarangatu pe Cristo Ñandejara expiasiõ rupive” (Mosíah 3:19 ). Santa Cena ordenza-pe japarticipávo, oñeme’ẽ ñandéve oportunidad ñantregávo ñane korasõ ha ñane ánga Tupãme.
Ñembosako’ípe, ñane korasõ oñekebranta, jahechaukávo agradecimiento Cristo expiasiõre, ñañe arrepentí ñande pekádogui, ha ñane kangýre ha jajerure Tupãme ñanepytyvõ hağua ñande rapére jajoguave hağua chupe. Upéicharõ ikatu ñaha’ãrõ oportunida ome’ẽva ñandéve Santa Cena ñanemandu’ávo isacrificio-re ha ñarrenova opa ñane kompromiso jajapova’ekue.
2. Tañaguahẽ voi
Experiencia jaguerekóva Santa Cena aja, iporãvéta ñağuahẽramo voive, oñepyrũ mboyve reunión ha ñapensáramo oñembopu aja preludio.
Presidente Boyd K. Packer oporohekombo’e: “Música preludio rehegua, oñembopúramo reverencia-pe, ha’e peteĩ alimento ñande espíritu-pe ha ohenói inspiración-pe”. Presidente Russell M. Nelson ohesa’ỹijo: “… ndaha’éi [peteĩ] aravo ñañemongeta hağua, ni ñamondo hağua marandu. Ha katu ha’e peteĩ período de meditación, espíritu de oración rehe, líder ha miembro-kuéra oñembosako’i aja espiritualmente Santa Cena-rã”.
3. Japurahéi ha ñaikũmby letra himno sacramental rehegua
Himno sacramental ha’e peteĩ parte iñimportantetereíva Santa Cena-pe. Música ohupi ñane pensamiento ha ñande sentimiento. Himno sacramental iñinfluencia tuichave ñañe concentra-ramo ilétrare ha doctrina mbarete ohekombo’évare. Heta mba’e ña’aprende létragui: “Humanidad rehe Ha’e omano”,“… ahechukávo korasõ rehe ñane potĩha iperdón rupive” ha “…merced, justicia ha mborayhu celestial unión-pe”.
Japurahéivo himno ñañembosako’ivo jaipyhy hağua umi emblema, pe letra ikatu ha’e peteĩ kompromiso konvénio guýpe. Pekonsidera ko ejemplo: “Rohayhu, oh Ñandejára, henyhẽ ore korasõ henyhẽ, roguatáta tape reiporavóvape”.
4. Jeparticipa espíritu rehe oraciones sacramentales-pe (tojehecha Moroni 4–5).
Ñahendu rãngue jajapysaka’ỹre oraciones sacramentales, ikatu jaikuaa heta mba’e ha ñañandu hetave japarticipávo espiritualmente ha ñakonsidera kompromiso ha jehovasa oguerogueraháva oraciones sagradas.
Pan ha y ojehovasa ha oñesantifika ñane ángape ğuarã. Ñaneromandu’a sacrificio Salvador ojapova’ekue, ha ñane pytyvõva oiko hağua ñande hegui santo.
Oraciones ohesa’ỹijo japarticipaha pan-gui Ta’ýra rete ñamomandu’ávo, ome’ẽva’ekue reskáteramo, opavave ñamerese hağua resurrección; ha jay’uha pe “y” Ta’ýtra ruguy ñamomandu’ávo, oñohẽva takate’ỹ ỹre opavave ikatu hağua ñañeredimi, ñañe arrepentíramo.
Umi oración opresenta konveniokuéra ko ñe’ẽme: “ñaime dispuesto” (Moroni 4:3). Ko ñe’ẽ oguereko poder tuichaitereíva ha ipotenciálva ñandéve ğuarã. Ñaimépa dispuesto jaservi ha japarticipa hağua? Ñaimépa dispuesto ñakambia hağua? Ñaimépa dispuesto ñamotenonde hağua ñande debilidad-kuéra? Ñaimépa dispuesto jaipysóvo ñande po ha jahovasa ambue tekovekuérape? Ñaimépa dispuesto ñakonfia hağua Salvador-re?
Ojedeklara háicha promesas ha japarticipávo pype, ñakonfima ñane korasõme ñaimeha dispuesto ko’ã mba’épe:
-
Jajapyhy Jesucristo réra ñande ári
-
Ñañeha’ã ñakumpli hağua mandamiento-kuéra
-
Ñanemandu’a hese ára ha ára
Oración ipaha peteĩ invitación ha promesa sublime-re: “… oguereko hağua hikuái tapiaite. Ijespíritu hendive” (Moroni 4:3).
Pablo ohai: “… Espíritu reñói ha’e: mborayhu, goso, py’aguapy, jeikove porã, benignidad, marangatu, fe, mansedumbre, ha templanza” (Gálatas 5:22–23). Oĩ jehovasa ha dones iporãitereíva oĩva ñane alcance ñakumplíramo ñane konveniokuéra.
5. Peñamindu’u ha penemanadu’a hese, ojerreparti aja umi emblema.
Momentos reverentes umi poseedor del sacerdocio orreparti aja Santa Cena, ikatu isagradoiterei ñandéve ğuarã.
Ojerreparti aja pan ikatu ñañamindu’u, mborayhu tuichavéva Salvador ojapova’ekue ñande rehe “ojagarraha hi’ári ñemano, ojora hağua umi ñemano jokuaha ojopýva itavayguakuérape (Alma 7:12).
Ikatu ñanemandu’a jehovasa gloriosa resurrección rehegua “ … oúta opavavépe, ituja ha imitãva, ojejokua ha isãsova, kuimba’e ha kuña, iñaña ha hekojojávape; ha ni peteĩ akãrague jepeve nokañymo’ãi iñakãgui; ha katu opa mba’e oñemoĩporãmba jeýta, ko’ág̃a oĩháicha” (Alma 11:44).
Ojerreparti aja pe y, ikatu ñanemandu’a Ñandejára súplikare:
“Péina ápe, che, Tupã, ahasa ko’ã mba’e opavavére, ani hağua pe padece, peñarrepentírõ…
“padecimiento, ojapóva, che, Tupã, tuichavéva opávagui, aryrýi, tasy rupi ha che rugyu che pirérupi, ha apadece, tetépe ha espíritupe, ha aipotapy nday’úi mba’e pe kopa iroitévagui ha añedesmaja” (D. y C. 19:16, 18).
Ñanemandu’ami: Ha’e ojagarra hague hi’ári ñande debilidad, ojora hag̃ua umi ñemano jokuaha ojopýva itavayguakuérape, oikuaa hag̃ua pe tete rupive mba’éichapa oipytyvõva’erã itavayguakuérape, mba’asy oguerekoháicha hikuái” (tojehecha Alma 7:12).
Ñakonsiderávo ñande jehasa, Santa Cena aja, ikatu ñañeporandu:
-
Mba’e ajapóta ko semánape, añembosako’i porãve hağua Santa Cénarã?
-
Ikatúpa akontribuive revencia ha revelasión-pe, ikatúva oakompaña reunion sacramental oñepyrũvo?
-
Mba’e doctrina oñembohekombo’e himno sacramental-pe?
-
Mba’e ahendu ha añandu ajapysakávo umi oración sacramental-re?
-
Mba’épepa apensa ra’e ojerreparti aja Santa Cena?
Élder David A. Bednar ohekombo’e: “Ordenanza Santa Cena rehegua, ha’e peteĩ invitación sagrada ha recurrente ñarrepentívo sinceramente ha ñañerrenovávo espiritualmente. Japarticipávo Santa Cena-pe, ijeheguireínte, ndo’producíri remisión pekadokuérape; ha katu ñañembosako’ívo conscientemente japarticipa hağua ordenansa sagrada-re, peteĩ korasõ quebrantado rehe ha peteĩ espíritu contrítore, jaguereko promesa Ñandejára espíritu akóinte oĩtaha ñanendive. Ha poder santifikador Espíritu Santo ñanemoirũramo ára ha ára, ikatúta jajoko akóinte ñande pekado kuéra remisión”.
Atestifika jehovasa hetaite jaguerekóva ñande disposición-pe, ñamongakuaávo ñande preparación ha participación espiritual ordenansa Santa Céna-pe. Upéicha avei, atestifika umi jehovasakuéra oĩha ñande disposición – pe, ñande Ru Yvagagua rupive ha Tta’ýra ohayhuetéva Jesucristo sacrificio expiatorio rupive. Héra sagrádope, heẽ, Jesucristo. Amén.