Pepu’ã mbaretépe, Sion-gua hermanakuéra.
Ñañeconvertí ñane ñe’ẽrenduvo ñande konvénio kuerare, ñaikotvẽ jaestudiá umi doctrinas esenciales del Evangelio ha jareko peteĩ testimonio inquebrantable ha’eha añeteguaha.
Javy’aite ñande’atývo ko Centro de Conferencias-pe tupaogua mitãkuña’ĩ, mitãkuña ha kuñenguéra ndive. Roikuaa avei oĩha miles hermanakuéra ijatýva hína opa ko mundo jerére omañávo ko reunión ha a’agradece pe oportunidad ha mediokuéra opermitíva ñande’aty joajúpe ha propósito reheve ko pyharépe.
Octubre 2006-pe, Pte Gordon B. Hinckley ome’ẽ peteĩ discurso ojetituláva ”Levantaos hombres de Dios” peteĩ himno rehe ojehaiva’ekue 1911-pe1 Ha’ékuri peteĩ llamada a la acción tupaogua kuimba’ekuérape opu’ã ha ojapoporãve haĝua. Upe discurso ipu che akãme añembo’e aja aikuaa haĝua mba’épa acompartíta penendive.
Che hermanakuéra, jaiko “tiempos peligrosos”2. Ko’ã ára condición nañanemondýiva’erã. Oñemombe’úmava’ekue ojapo miles de años, advertencia ha amonestación ramo, ikatuhaĝuáicha ñaime preparadas. Mormón capitulo 8 ome’ẽ peteĩ descripción kavalete mba’éichatapa ko’ã ñande ára. Pe capítulo-pe, Moroni he’i ohechahague ko’ã ñande ára ha ohecha guerras ha rumores de guerra, tuicha contaminación, jejuka, ñemonda ha personakuéra he’íva ñandéve ndaipori iporãva ni ivaíva Tupã renondépe. Ha’e odescribi peteĩ pueblo henyhẽva orgullogui, oñecentráva omondévo ao hepy ha opukáva religión-re. Ojehechauka chupe peteĩ pueblo oĩetereíva obsesionado mba’e ko mundo-gua rehe ha oheja “ pe oikotevẽva, ha ijopívova, ha hasykatúva, ha oiko’asýva ohasa [i]jykére”3, ojapo’ỹre hese caso.
Moroni ojapo peteĩ porandu ñapensa haĝua, ñandéve jaikóva hína ko épokape. Ha’e he’i: “¿Mba’ére piko petĩ pemoĩ haĝua pende ári Cristo réra?”4. Pe acusación odescribi porã condición secular oĩvéva ára ha ára ñande mundo-pe.
José Smith – Mateo-pe oje’e ára pahápe jepe umi “escogidos conforme al convenio”5 oñembotavýta. Umi del convenio oinclui tupaogua mitãkuña’i, mitãkuña ha hermanakuéra ojebautizava’ekue ha ojapova’ekue konvenio ñande Ru Yvagagua ndive. Jepe ñande ñaime en riesgo ñañembotavývo falsas enseñanzas rehe.
Hermanakuéra, ndaroviai umi condición iporãvetaha futuro-pe. Umi tendencia oĩva ko’áĝaite ha’éramo peteĩ indicación, tekotevẽ ñaime preparadas umi tormenta oútavape ĝuarã. Ikatu ndahasýi ñañeme’ẽ por vencidas desesperación reheve, ha katu pueblo del konvénioicha, ndajaguerekói mba’érepa jajedesesperáta. He’iháicha Elder Gary Stevenson: “Rrekompensa hechapyrãva Túva Yvagagua ome’ẽva javivi haguére ára ipeligrósovape ha’e javiviha avei ko dispensación del cumplimiento de los tiempos-pe”6. Chegusta pe declaración angapyhy.
Ojapo un año presidente Russell M. Nelson he’i ñandéve: Umi atáke Tupao rehe, pe idoctrina ha pe ñande manera de vivir rehe hetavéta. Péva rupi, ñaikotevẽ kuña ontendé porãva pe Cristo doctrina, ha oiporúva upe kuaapy ohekombo’e ha oipytyvõ hağua oñemopu’ã hağua peteĩ generación ombotovéva pekádo. Ñaikotevẽ kuña opillakuaáva pe japu opa henda ouháicha; kuña oikuaáva mba’éicha ohupytykuaa pu’aka Tupã omoĩva umi ikovéniore iñe’ẽrendúvape ğuarã, ha kuña he’íva umi mba’e oroviáva jeroviapy ha mborayhúpe. Ñaikotevẽ kuña orekóva ñande sy Eva py’aguasu ha techapuku”7.
Ko mensaje ome’ẽ chéve seguridad, jepe umi condición ko ñande árape oĩva, jaguerekoha heta razón javy’a ha ñane’optimista haĝua. Aguerovia che korasõ guive ñande hermanakuéra jaguerekoha mbarete ha fe innato opermitítava jagueropu’aka umi desafio oúva javivihaguére ko’ã ára pahápe. Hermana Sheri Dew ohai: “Aguerovia ña’aprendévove jaipuru umi kuñanguéra oñekonvertíva ha oñangatúva ikonveniokuéra influencia completa, Tupã rréino okambiáta de la noche a la mañana”8.
Oñeikotevẽta peteĩ esfuerzo conjunto ñaime haĝua konvertída ha ñañongatu haĝua ñane konveniokuéra. Jajapo haĝua upéva tekotevẽ ha’e mitãkuña’i ha mitãkuña oestudiáva umi Evangelio doctrina iñesencialva ha oguerekóva peteĩ testimonio oñemova’ỹva añeteguaha. Oĩ mbohapy área agueroviáva ha’eha testimonio mbarete pyenda ha chéve ĝuarã iñesencial ñaikũmby haĝua.
Peteĩha, jahechakuaava’erã pe aspecto central oguerekóva Tupã ñande Ru Yvagagua ha Ita’ýra Jesucristo ñande fe ha salvación-pe. Jesucristo ha’e ñande Salvador ha Redentor. Tekotevẽ ja’estudia ha ñantende Ijexpiación ha mba’éichapa jaipurukuaa cada dia; pe arrepentimiento ha’e jehovasa tuichavéva jaguerekóva ñande japyta haĝua pe tape porãme. Tekotevẽ jahecha Jesucristo-pe ñande modelo principal ramo ha ejemplo mba’épa oikova’erã ñandehegui. Tekotevẽ ñambo’ememe ñane familia ha clasekuérape pe ñande Ru tuicha plan de salvación, oincluíva pe Cristo doctrina.
Mokõiha, tekotevẽ ñantende pe doctrina, organización ha llavekuéra ojerrestaurava’erãha ko’ã ára pahápe. Tekotevẽ jaguereko peteĩ testimonio profeta José Smith ha’ehague divinamente elegido ha designado Ñandejárare oguenohẽ haĝua tesakãma ko rrestauración ha jahechakuaa ha’e o’organizahague tupaogua kuñanguérape según organización oĩva’ekue Cristo tupao ymaguarépe9.
Ha mbohapyha, tekotevẽ jaestudia ha ñantende umi ordenanza ha konveniokuéra templopegua. Pe templo oguereko peteĩ lugar ñande creenciakuéra isagadovéva mbytetépe ha Ñandejára ojerure ñandéve tajaha, ñamedita, jaestudia ha jatopa signifikado personal ha aplicación individual. Ñantendéta templo ordenanzakuéra rupive, pe divinidad poder ojehechauka ñande rekovépe10 ha umi templo ordenanza rupive, ikatu ñaime armados Tupã pu’aka reheve ha Héra oĩta ñande ári, Igloria ñanembojeréta ha Hi’angelkuéra ñaneñongatúta11. Añeporandu, jarrecurri piko completamente umi promesa poder-pe.
Hermanakuéra, jepe umi imitãvéva ko audiencia-pe ikatu opu’ã jeroviápe ha odesempeña peteĩ función importante Tupã rreino ñemopu’ãpe. Umi mitã oñepyrũ ohupyty ipropio testimonio olee ha ohendúvo umi escriturakuéra, oñembo’e memévo ha oparticipávo Santa Cena-gui en forma signifikativa. Opavave mitã’i ha kuñanguéra ikatu pe’alenta tojejapo haĝua noche de hogar ha toparticipa plenamente. Ikatu peẽ ha’e primero oñesũtavove pene familia ndive oración familiar-pe ĝuara. Jepe pende róga ndaha’éiramo ideal ikatu ha’e peteĩ influencia pende familia ha amigokuéra rekovépe.
Tupaogua mujeres jóvenes oikotevẽ ojehecha ijupe participantes esenciales ramo salvación rembiapópe ojedirigíva pe sacerdocio rehe ha ndaha’éi solo espectadora terã seguidoras. Peẽ peguereko llamamientokuéra ha peje’aparta oguerekóvare sacerdocio llavekuéra pefunciona haĝua líder-cha pu’aka ha autoridad reheve ko obra-pe. Pemagnificarõ pende llamamiento presidencias de clase-pe ha pejeprepara espiritualmente, pedelibera oñondive consejo-pe, peipyso pende po peministra haĝua pene kompañerakuéra de clase-pe ha peñehekombo’e ojupe pe evangelio, pejagarra hína pende renda ko obra-pe ha peẽ ha pende rapichakuéra pejehovasáta.
Opavave kuña oikotevẽ ojehecha ijupe paricipante esencial ramo ko sacerdocio obra-pe. Tupaogua kuñanguéra ha’e presidenta, consejera, maestra miembro de consejo, hermana ha sykuéra, ha Tupã rréino ndaikatúi ofunciona nañapu’ãiramo ha ñakumpli ñande deber fe reheve. Sapy’ánte jaguerekonteva’erã peteĩ visión tuichavéva umi ikatúvagui oiko.
Nda’aréi aikuaa peteĩ hermana México-pe oentendéva mba’épa he’ise magnificar su llamamiento fe reheve. Marfissa Maldonado oñehenói ombo’e haĝua peteĩ clase Escuela Dominical de Jovenes-pe ojapo 3 años. Oguerekokuri 7 alumnos oasistíva oñehenoiramoguare; ko’áĝa oguereko 20 oasistíva con regularidad. Ñemondýipe aporandu chupe mba’épa ojapora’e ohupi haĝua pe numero de alumnos. Modestamente he’i: “Oh, ndachéikuri. Opa miembro clase-pegua oipytyvõ”. Oñondive, ohecha umi menos activos réra lista de asistencia-pe ha oñepyrũ oho oñondive ha oinvita chupekuéra oujey haĝua tuapópe. Avei oguereko hikuái peteĩ bautismo iñeha’ã rupi.
Hermana Maldonado omoĩ peteĩ sitio pe red social-pe iclase miembrokuérape ĝuarã ohenóiva “Soy un hijo de Dios” ha ha’e omoĩ upépe pensamientos inspiradores ha Escriturakuéra heta vece upe semana-pe. Con regularidad otextea iñalumnokuérape asignacionkuéra ha omokyre’ỹ chupekuéra. Ha’e oñandu iñimportante toñecomunica hendivekuéra umi forma ha’ekuéra oñerrelaciona porãveháicha, ha oikoporã hína. He’i chéve sencillamente: “Ahayhu che alumnokuérape”. Añandu upe mborayhu omombe’u jave chéve ijesfuerzo; Ijehemplo chemomandu’a mba’épa ikatu ohupyty ko obra-pe peteĩ persona de fe ha acción, Ñandejára pytyvõ reheve.
Ñande jóvenes oĩ expuesto porandu hasývape ára ha ára ha heta ñande apytépe jaguereko umi jahayhúvape oñeha’ãva hína ojuhu umi respuesta. Pe noticia porã ha’e oĩha respuesta umi porandu oguerekóvape ĝuarã. Pehendu umi mensaje pyahu ome’ẽva’ekue ñandéve ñande liderkuéra. Ñanemokyre’ỹ hikuái ja’estudia ha ñantende haĝua ñande Ru Yvagagua plan de felicidad. Ñanemomandu’a hikuái umi principio oĩva proclamación de la familia-pe12. Ñanemokyre’ỹ ñambo’e ha jaipuru haĝua ko’ã recurso vara medidora-icha japyta haĝua pe senda estrecha ha angosta-pe.
Ojapo un año rupi, añerreuni peteĩ sy imemby michĩva odecidíva ojagarra peteĩ enfoque proactivo “ovacuna” haĝua imembykuérape umi influencia negatíva contra-pe, oĝuahẽva hína chupekuéra internet ha mbo’ehao rupive. Ha’e cada semana oiporavo peteĩ tema, por lo general peteĩ ome’ẽvaekue heta conversación línea-pe ha omoñepyrũ conversaciones significativas upe semana aja ikatuhápe imembykuéra oporandu ha ha’e ikatu oje’asegura ha’ekuéra ohupytyha peteĩ perspectiva objetiva ha justa tema hasývape jepi. Ha’e ojapo hína hógagui peteĩ tenda isegúrova oñeporandu haĝua ha oguereko haĝua instrucción signifikatíva pe evangelio rehegua.
Chepy’apy javiviha peteĩ ambiente-pe ja’evita haĝua ofensa sapy’ánte ja’evitapaite ñambo’e umi principio correcto. Jafalla ñambo’évo ñande mujeres jóvenes-pe importancia oguerekóva tojeprepara ha’ehaĝua sy, naña’ofendeséigui umi nomendáivape, o umi ndaikatúiva imemby terã tohecha hikuái upéva tenondeve peteĩ elección ivaívaicha. Por otro lado, ikatu avei jafalla ñamoĩ haĝua hincapié importancia oguerekóva educación-pe nañamondoséigui mensaje upéva iñimportanteveha pe matrimonio-gui. Ja’evita ja’e ñande Ru Yvagagua odefiniha pe matrimonio ñemendáicha peteĩ kuimba’e peteĩ kuña ndive, aní ña’ofende umi oñandúva atracción umi persona del mismo sexo rehe. Ha ikatu jatopa incomodo ñañe’ẽ umi problema de género terã sana sexualidad rehe.
Añetehápe hermanakuéra, tekotevẽ jaguereko tacto, pero avei tajaipuru sentido común ha ñande entendimiento plan de salvación rehegua ha’ehaĝua audaces ha franca ñambo’étavove ñande membykuéra ha umi mitãnguérape umi Evangelio principio escencial-va ontendeva’erã onavega haĝua ko mundo oikohape hikuái. Nañambo’éirõ ñane memby ha mitãnguérape pe doctrina añeteguáva – ha ñambo’e claramente – pe mundo ombo’éta chupekuéra umi Satana japukuéra.
Ahayhu Jesucristo evangelio ha aime eternamente agradecida dirección, pu’aka ha ayuda diaria arrecibíva Tupã konvenio rajýicha. Atestifika Ñandejára ñanderovasaha, javivihaguére ko’ã tiempo peligroso-pe, opa pu’aka, dones ha mbarete ñaikotevẽva ñambosako’i haĝua ko mundo Ñandejára Jesucristo Segunda Venida-pe ĝuarã. Añembo’e opavave tajahecha ñande potencial añetéva ha tañapu’ã oiko haĝua ñandehegui kuña de fe ha py’aguasu ñande Ru Yvagagua oikotevẽva. Jesucristo rérape. Amén.