Ñande desarrollo ha aprendizaje espiritual-rã
Umi Tupã mba’eñemimby ojehechauka ñandéve Hembipotáichante ha Espíritu Santo pu’aka rupive.
Che mitãme, che rukuérape oñeme’ẽ peteĩ rregalo che ryvy David ha che roguerohoryetéva. Pe rregalo ha’ékuri peteĩ rréplika en miniatura umi pláncha de óroguigua, ángel Moroni ome’ẽ’akue Profeta José Smith-pe. Chemanduháicha, ko’ã pláncha oreko dié páhina rupi ojehaíva ipype, ha katu ndaha’éi umi hogue pe ore rohecharamóva.
Rokakuaa aja rohendúva umi rrelato Restauración rehegua; roikuaa ha ropurahéi jague Primaria-pe umi pláncha de óro oñeñomiakue peteĩ yvyty ru’ãme ha pe ángel Moroni oñeme’ẽakue hague José Smith-pe. Tuichavévo mitãreko kuriosidá ore akãme, oĩkuri peteĩ mba’e añetehápe roikuaaséva: Mba’épa ojehaira’e umi plácha jesellapyrépe oñemoĩhatãva mokõi banda de metal-pe?
Umi pláncha oĩkuri heta diá peteĩ mesita ári ore kuriosidá ojapouka mboyve oréve peteĩ mba’e. Roikuaa porãramo jepe umíva ndaha’éi hague umi pláncha Moroni ome’ẽakue, rohechase pe parte ojeselláva; ha péicha, heta véce, che ryvy ha che roiporu peteĩ kyse’i, kuchára tuja, ha oimeraẽ mba’e ikatutavaicha oréve roiporu roipe’a hağua upe pláncha renda ojeselláva, rohechami hağua mba’épa oreko, ha katu nahatãitéi pono romopẽ umi banda’i. Ore’akã porã jape ndorohejáigui ojehecha ore mitãreko kuriosida; ha katu ore vy’a’ỹ ha ñanduvairã, umi ñeha’ã rojapóva jepi “roipe’a hağua umi pláncha” akóinte osẽvai.
Ko’ága peve ndaikuaái gueteri mba’épa oĩra’e pe parte selládape, oiméramo oĩra’e, ha katu ko ore rembiasakue rehegua che motĩva ha’e pe ko ára peve, ndaikuaái gueteri mba’épa ojehaipe metal rogue ikatúvare ojelee. Aimo’ãnte umi hogue oreko hague Restauración historia ha José Smith testimonio ha umi Mbohapy ha Ocho Testígo ohechava’ekue pe pláncha Moroni ome’ẽakue.
Ko yvy Ojeapo’ypy guive, ñande Ru Ygagagua opohayhupáva ome’ẽva’ekue dirección, liderazgo ha instrucción Ta’yrakuérape umi profeta rupive. Iñe’ẽguéra ojehaiakue ko’ã profeta rupive ha oñeñongatuakue Escritura háicha ñande desarrollo ha aprendizaje-ra. Nefi péicha omombe’u:
“Che ánga oñeikũmberégui escriturakuérare, ha che korasõ tuicha oñepy’amongeta hesekuéra, ha ahai che ra’ykuéra tekombo’e ha mba’e porãra.
“Péina ápe, che ánga hory Ñandejára mba’ekuérape; ha che korasõ oñepy’amongeta meme umi mba’e ahecha ha ahenduva’ekuére”.
Ha avei, dipensación ohasapyrépe ha kóa ko última dispensación del cumplimiento de los tiempos-pe, Ñandejára Tupaogua miembro hekojojáva ojehovasa pe compañía constante del Espíritu Santo reheve, ñane pytyvõva ñande desarrollo ha aprendizaje espiritual-pe.
Aikuaágui che ryvy idilihenteha, arovia oleepáne hague umi ñe’ẽ ojehaíva plánchare ore rukuéra rógape; upevére, che napenái umi añetegua hasy’ỹ ha hechapyrãitévare, ha upe rãngue katu añeha’ã aheka umi mba’e noñemoĩriva ojerrevela hağua.
Ñembyasyrã, sapy’ánte ñande desarrollo ha aprendizaje ikatu imbegue térã katu opyta, jejavýpe “jaipe’aségui umi pláncha”. Ko’ã tembiapo ñande rerahakuaa jaheka umi mba’e ndaha’éiva katuete ojekuaava’erã ko ára, ha péicha jave ndajahechái umi preciosas verdades ha’éva ñandéve ğuarã ha umi mba’e jahasáva hína peğuarã—umi añetegua Nefi he’iakue ojehai hague ñande provécho ha kuaapyrã.
Jacob, Nefi ryvy, ombo’eakue: “Péina ápe, tuicha ha techapyrã Ñandejára rembiapokuéra. Imba’eñeñimbykuéra pypuku ningo hasyete jaikuaapa hağua; araka’eve yvypóra ndoikuaapamo’ãi hapekuéra!”.
Jacob ñe’ẽ ñanerekombo’e ndaikatuiha “jaipe’a umi pláncha” jaipotaháicha térã jaforsa umi Tupã mba’eñemimby ojerrevela hağua ñandéve. Ha uvei katu, umi Tupã mba’eñemimby ojehechauka ñandéve Hembipotápe he’iháicha ha pe Espíritu Santo pu’aka rupive.
Jacob he’ive:
“Ha ndaipóri avave oikuaáva umi hape térã ojehechaukáramo chupémante; upévare, joyke’ykuéra, aníke pembotove Tupã techaukakuéra.
“Ha péina ápe, iñe’ẽ pu’aka rupive yvypóra oñemoĩva’ekue yvy’ape ári… mba’ére piko, ndaikatumo’ãi he’i pe yvýpe, térã pe ipo ojapova’ekuépe oĩva hi’ári, ha’e oipotaháicha ha oikuaaháicha?
“Upévare, joyke’ykuéra, ani peñemoñe’ẽse Ñandejárape, ha katu pehendu ñemoñe’ẽ ipógui oúva”.
Ñantende hağua Tupã misterio, térã umi mba’e rrevelasiõ rupímante ikatúva oñentende, jaseguiarã Nefi ehemplo, he’iakue: “Ha ojehu che, Nefi, chemitãiterei gueteri, jepe che rete yvate, ha avei aguereko tuicha jeikuaase Tupã mba’eñemimbýgui, upévare, che ajerure’asy Ñandejárape; ha péina ápe ha’e ou cherendápe, ha omokyrỹi che korasõ ha che aguerovia opaite ñe’ẽ he’iva’ekue che ru; upévare, che napu’ãi hese ojapo haguéicha che joyke’ykuéra”. Ñandejaraite omyesakã porã upe rire Nefi omomba’apo hague jerovia, ohekávo jesarekópe korasõ mirĩ reheve ha iñe’ẽrendúvo umi Hembiapoukapýre.
Nefi ehemplo kuaapy jaheka hağuame oĩ (1) peteĩ jepota añete,(2) humilda, (3) ñembo’e, (4) profétare jajerovia, ha (5) jerovia ñemomba’apo, (6) dilihencia ha (7) obediencia. Kóichagua jeheka tuicha ojuavy deseo che arekoakue “aipe’a hağua umi pláncha” térã aforsáse aikuaa hağua umi mba’e ojerrevelava’erã ára Ñandejára he’i vove ha pe Espíritu Santo pu’aka rupive.
Ko época moderna-pe, ñaha’arõ pe conocimiento ikatu ha ojehupytyva’erãha de inmediato; pe informasiõ hasy jave ojekuaa térã ndaikatúi jave ojehupyty, py’ỹinte ndojepotái térã ndojegueroviái. Hetaitereígui pe informasiõ, oĩ tapicha, oikuaa’ỹre, oroviave pe mba’e orekóvare ha avave ndoikuaáiva moõguiopa ou, ojerovia rãngue pe modelo Ñandejára omoĩakuére jarrecibi hağua revelación personal. Jacob oñe’ẽne ra’e ñande árare he’íro guare: “Ha katu péina ápe, [ha’ekuéra] ha’ékuri peteĩ tavayguakuéra ipy’ahatãva ha ndoipotái hikuái umi ñe’ẽ hesakãva… ha oheka mba’e ikatu’ỹva oikũmby. Upévare, ohecha’ỹ rupi hikuái, techa’ỹ oúva chupekuéra omaña haguére hikuái mombyryve pe jehupytyrãgui, ho’amanteva’erã hikuái; Tupã oipe’águi chuguikuéra tesakã ha ome’ẽ chupekuéra heta mba’e ndaikatúiva oikũmby, upéicha oipotágui hikuái; ha péicha oipotágui hikuái, Tupã ojapókuri, oñepysanga hağua”.
Ambue henda, jareko Presidente Dieter F. Uchtdorf ñemoñe’ẽ. Ha oñe’ẽkuri misionero-kuérare, ha katu umi iñe’ẽ ojeporukuaa opavave ohekávape hína umi verdad espiritual. “Misionero [kuéra] orekóramo jerovia Jesucristo-re, ojeroviapa Ñandejárare iñe’ẽrendu hağua umi Hembiapoukapýre; nontendepairamo jepe mba’érepa. Ijeroviakuéra ojehecháta dilihencia ha tembiapo rupi”.
Abril gua Conferencia pahápe, élder Dallin H. Oaks he’íkuri: “Pe Tupao ojapo hína tuicha tembiapo ohechauka porã hağua registro jarekóva, ha katu opa mba’e ikatúva rire roikuaauka, ñane miembrokuéra sapy’ánte apyta porandu hasy’ỹva reheve ndaikatúiva oñembohovái estudio rupi…Oĩ ningo mba’e fe rupímante ikatúva ña’aprende”.
Profetakuéra ymaguare ohekombo’eakue upéva upe principio, ha péva rupi jaikuaa pe naturaleza humana peteĩchanteha ára ohasávo ha pe Ñandejára modelo de aprendizaje hi’eternoha. Jehechami ko Antiguo Testamento proverbio: “Ejeroviáke Jehováre ndepyaite guive, ha ani rejejoko ne’arandu rehe”.
Isaías, oñe’ẽvo Ñandejára rérape, he’iakue: “Umi yvága ijyvateve háicha yvýgui, péicha hína umi che rape ijyvateve pende rapégui, ha umi che apytu’ũmegua tuichave pene apytu’ũmeguágui”.
Nefi omoĩve ambue testimonio he’irõ guare: “O Ñandejára, nderehe ajerovia, ha nderehe ajeroviáta tapiaite peve”.
Fe ha confianza Ñandejárare oikotevẽ jahechakuaa pe Hi’arandu tuichaveha arandu jarekóvagui. Jahechakuaava’erã avei pe Iplan ome’ẽha katupyry tuichavéva pe desarrollo ha aprendizaje espiritual-rã.
Araka’eve noñeha’arõiva “[jareko] kuaapy paha opa mba’égui” ko ñande rekove yvy’áripe. Ha uvei katu, oñeha’arõ jaguereko “ñeha’arõ umi mba’e ndojehecháiva rehe, ha ha’éva añetegua”.
Jepe tuichaite jerovia Nefi oreko’akue, ha’e ohechakuaa ndoikuaapaiha ombohovairõ guare ángel oporandúvape chupe: “Rehechakuaápa pe Tupã py’aporã?”. Nefi ombohovái: “Che aikuaa ha’e ohayhuha ita’yrakuérape;upevére, ndaikuaapái mba’épa he’ise opa mba’e”.
Péicha avei, Alma he’iakue ta’ýra Helamán-pe, “Ko’áğa ne’írã gueteri ojehechaukapa chéve ko’ã mba’eñemimby; upévare, ajejokóta”.
Ame’ẽ che testimonio ñande Ru Yvagagua ohayhuha Ta’yrakuéra, ha Nefi ha Almaicha, che ndaikuaapái mba’épa he’ise opa mba’e ha natekotevẽi aikaapa opa mba’e; che avei ajejokova’erã ha py’aguapýpe aha’arõ Ñandejárape, aikuaávo “aguerekoha opa mba’e testimónioramo ko’ã mba’e añeteguaha; ha nde avei reguereko opa mba’e testimónioramo ndéve ğuarã ha’eha añetegua …
“Escritura-kuéra oĩ nerenondépe; heẽ, ha opa mba’e ohechauka oĩha peteĩ Tupã, heẽ, pe yvy jepe ha opa mba’e hi’ári oĩva, heẽ, ha pe iñemongu’e, heẽ, ha avei opa planéta oñemongu’éva hekopete otestifika oĩha peteĩ Apohare Ipu’akapáva”.
Jahechakuaáramo ñande ha’eha peteĩ Túva Yvagagua iñarandu ha hesarekóva rembiapokue, “péicharõ”, mba’érepa ndajahejái Ha’e toisambyhy ñande desarrollo ha aprendizaje espiritual “ha’e ojapose ha oipotaháicha” pe ñande jaipotáva rãngue?.
Ha’e oikove; Jesucristo ha’e Ta’ýra Unihénito ha pe Redentor de la humanidad. Hi’expiasiõ ijapyra’ỹva rupi, Ha’e oreko arandu ha techapuku ñanesambyhy hağua ko ára pahápe. José Smith ha’e Iprofeta, ojeporavo’akue orrestaurapa hağua Irréino yvy’ári. Thomas S. Monson ha’e Iprofeta viviente ha ko ára Hérape oñe’ẽva. Ko’ãvagui ame’ẽ che testimonio añete, Jesucristo rérape. Amén.