“Amopu’ãta peteĩ vidente jeiporavopyre”
José ha’egui Profeta, ndaipóri jokoha jaike hağua yvágape, ha katu jahupytykuaa opaite jehovasa eternidad pegua.
Moroni ojehechauka ypýrõ guare José Smith-pe, he’iporãva’ekue chupe “opa tetãme… ojejagarra porã ha vaitaha [hé]ra”1. Jahechákuri upe profecía oñekumpli hague. Pe ivai ha pe iporãva ñorairõme, pe Evangelio rrestaurasiõ, profeta José Smith rupive, o’inspirákuri umi hese ojeroviávape ha ombopochy avei umi antagonista Sión causa rehe oñemoĩ atãva ha José-ite rehe jepe avei. Upe ñorairõ ndaipyahúi. Oñepyrũkuri mitãrusu José oike riremi Yvyra’aty Marangatúpe ha oho hese hína ko’ãgaite peve, ha ojehechave internet-pe.
Ñandejaraite he’I’akue José Smith-pe:
“Opa yvy’ariguakuéra oporandúta nde rérare, umi itavýa oñembohorýta nderehe ha pe añaretã oñeko’õita nde rehe;
“ha umi ikosarõ potĩva, iñarandúva, hekojojáva ha hekopotĩva katu, oheka meméta nde pógui ñemoñe’ẽ, autorida ha jehovasa”2.
Ame’ẽ che testimonio ko’ára mayma umi oikuaa porãsevévape José Smith, pe Profeta de la Restauración misión sagradagui.
Ndaipóri mba’érepa ñatĩvo jatestifika hağua José misión-gui, profeta, vidente ha rrevelador háicha, akóinte Ñandejára omba’apógui profetakuéra rupive3. Umi añetegua ojerrestaurava’ekue José Smith rupi, jaikuaave ñande Ru Yvágagua ha Salvador Jesucristo-gui; jaikuaa umi Hi’atributo divino-gui, pe parentesco oĩva Ijapytepekuéra ha avei ñanendive, ha pe tuichaite plan de redención ohejátava jahajey Ha’e oĩháme.
Presidente Brigham Young péicha he’i’akue José-re: “Umi eternidad consejo-pe, heta ára omoĩmboyve pe yvy’ape renda, oje’emava’ekue [José Smith] ha’etaha pe kuimba’e, ko mundo última dispensación-pe, oguerahava’erã Tupã ñe’ẽ yvyporakuérape ha orrecibi’va’ẽra pe plenitud de las llaves ha pe Tupã Ra’y Sacerdocio pu’aka. Ñandejára oma’ẽva’ekue hese… ha’e oñe’preordená[gui] eternidad-pe o’precidi hağua ko última dispensación”4.
Upe tembiapo guasu ñembosako’irã, José Smith heñóiakue peteĩ familia imborayhúvape, oñandu’akue heta mba’epohýi ha prueba ára ha áragua. José omadurávo, isentimiento Tupãre “[imbarete ha]… y’ỹinte… oipy’akutu chupe”5; upevére oñekonfundi umi idea religiosa contradictoria predicador-kuéra hi’aragua ombo’éva rupi. Mba’eporãra, pe mitãrusu José ndohejáikuri umi porandu orekóva ombopyta ijerovia. Ohekákuri mbohovái Biblia-pe ha ojuhu ko ñemoñe’ẽ: “Ha oĩramo pende apytépe iñarandu’ỹva, tojerure Tupãme, ome’ẽ hetáva opa yvypórape, ha jeja’o’ỹme; ha oñeme’ẽta chupe”6.
José imandu’a: “Mba’eve Escritura pasahe araka’eve oike hatãvéva yvypóra korasõme kóva oike haguéicha che korasõme, upérõ guare. Ha’ete ku oikéva tuicha pu’akápe opaite che korasõ kuápe. Añepy’amongeta jey jey hese”7.
Peteĩ fe sencilla reheve, José ojapo umi sentimiento espiritual he’iháicha chupe. Ojuhu peteĩ tenda mombyry, oñesũ ha “[oñepyrũ] ohupi Tupãme pe [i]korasõ oipotáva”8. Tuicha pu’aka oĩ mombe’u José ojapóva pe oiko’akuére:
“… ahecha peteĩ columna de luz, kyahahýgui ojajaivéva, directamente che akã ári; ha ko tesape oguejy mbaguekatu opyta peve che ári.
“… Opytávo che ári pe tesape, ahecha yvate che ári mokõi Tekove, hesape ha iglória ndaikatúiva oje’e. Peteĩva oñe’ẽ chéve, cherenóivo che réraipi, ha he’i, ohechaukávo ambuévare: Kóva ha’e che Ra’y Ahayhupáva: Ehendu chupe!”9.
José ohechákuri Tupã, pe Túva Eterno, ha Jesucristo, pe Salvador ha Redentor del mundo-pe. Péva ha’ékuri José primera visión. Arykuéra uperireguápe, José otraducíkuri pe Mormón Kuatiañe’ẽ Tupã don ha pu’aka rupive. Heta ambue tekove yvagagua ovisitákuri chupe orrestaura hağua umi añetegua ha pe autorida hetaite siglo okañy’akue. Umi ñomongeta marangatu José orrecibi’akue oipe’ákuri yvagakuéra rokẽ jahecha hağua umi gloria de la eternidad. José rekove ningo ha’e peteĩ testimonio oĩramo ñande apytépe iñandu’ỹva, jajerurekuaaha Tupãme jerovia reheve ha jarrecibikuaa mbohovái, sapy’ánte yvagagua tekovégui, ha katu py’ỹive pe Espíritu Santo pu’aka rupive, oñe’ẽva ñandéve idea ha sentimiento inspirado rupive10. Pe Espíritu Santo rupive ningo ikatu “jaikuaa añetegua opa mba’e rehegua”11.
Heta ñandekuéra peğuarã, pe profeta José Smith testimonio ou jaleévo pe Mormón Kuatiañe’ẽ. Che aleepaite’akue Mormón Kuatiañe’ẽ por primera vez ahárõ guare seminariópe pyhareve. Mitãrusu oimo’ãreiva reheve, adecidi’akue aleévo che ha’erõ guáicha José Smith, aikuaa ñepyrũvo añetegua oĩva Mormón Kuatiañe’ẽme. Tuichaite opoko cherekovére, ha ko’ãga peve alee gueteri upéicha pe Mormón Kuatiañe’ẽ. Py’ỹinte ahechakuaa péva rupi tuichaveha che aguije profeta José Smith rehe ha umi añetegua orrestaurava’ekuére ko kuatiañe’ẽ porãitéme.
Por ehemplo, ñaimo’ãmi sentimiento José Smith oreko’akue otraducirõ guare umi pasahe oñe’ẽva bautismo para la remisión de pekados rehe. José, oje’eva’ekuépe ani hağua oike mavave tupao upe ára guápe, jaikuaa ningo orekóne hague porandu upe ordenanza salvadora-gui. Umi porandu orekóva orahajey chupe oñembo’e hağua, ha upe iñembo’e rupi ou Juan pe Bautista, orrestaurava’ekue pe Sacerdocio Aarónico ha pe autorida oje’bautisa hağua12.
Térã katu, ñapensami mba’éichapa oñeñandúne ra’e José oikuaa’ypýrõ guare Jesucristo ovisita hague yvyporakuéra hemisferio occidental-pe; ohekombo’e hague chupekuéra, oñembo’e hesekuéra, omonguera umi hasývape, ohovasa imitãnguéra, okonferi chupekuéra pe sacerdocio autorida ha ome’ẽ chupekuéra pe Santa Cena13. Ikatu José ndohechakuaái ra’e upe jave, ha katu pe oñehekombo’e’akue chupe umi ordenanza ha pe Cristo tupao ymaguarégui, ombosako’íkuri chupe oipytyvõ hağua Ñandejárape upe rire orrestaura hağua upéva upe Tupao yvy’ape ári.
Mormón Kuatiañe’ẽ ojetraduci aja, José ha hembireko Ema ombyasýkuri imitã ra’ymi ñemano. Umi árape, predikadorkuéra ombo’émi mitãnguéra omanóva oje’bautisa’ỹre tapiaite oñekondenataha. Pévare ñapensávo, ñaimo’ãmi mba’éichapa oñandúne ra’e José otraducírõ guare ko’ã profeta Mormón ñe’ẽ: “… [umi] mitã michĩnguéra noikotevẽi ñembyasýre, ni ñemongaraíre… mitã michĩva oikové[gui] Cristo-pe, jepe yvóra ñepyrũmby guive”14.
Oiméne pe Mormón Kuatiñe’ẽ pasahe oha’arõ’ỹvéva joven José ha’e ra’e pe tercer capítulo 2 Nefi. Upe capítulo oreko peteĩ profecía yma peteĩ “vidente jeiporapyre” rehegua, Ñandejára omopu’ãtava ára pahápe; peteĩ vidente hérava José, itúvaicha. Upe futuro profeta “ojehayhuetéta” ha ojapótakuri peteĩ tembiapo “hepýva” itavayguakuerape ğuarã. “Tuicháta Moiséicha” ha oñeme’ẽta chupe pu’aka ogueru hağua tesakãme Tupã ñe’ẽ15. Ñapensamína mba’éichapa oñeñandúne ra’e José Smith ohechakuaávo upe profecía hese oñe’ẽ hague! Ndaha’éi otraducinteva historia; otraducíkuri peteĩ visión de los últimos días, Jesucristo evangelio rrestaurasiõ milagrosa-gui, ha Josete voi oipytyvõta ra’e oñekumpli hağua.
Ko’ã árape, 200 áño mbota upe rire, ndahasýi jahecha hağua mba’éicha upe profecía oñekumpli. Jaikuaa ningo tuicha mba’e José ojapo’akue Ñandejára profeta háicha, ha katu ñanemandu’áke otraducírõ guare upe profecía, sa’imínte ojapókuri umi mba’e profetakuéra opredeci’akue. Ha’ékuri peteĩ karia’y 20 áño rasami orekóva; pe Tupao ne’írãgueteri oñe’organisa; ndaipóri barrio ni rráma, ni misionerokuéra ni templokuéra. Sa’i oĩ ohendúva José Smith-gui ha oĩ ijapytekuéra oñemoĩva hese. Ko’ãga jahechami tuichaite tembiapo Ñandejára ojapo’akue Isiervo José po rupive, oĩrõ jepe umi ihayhu’ỹha hese oñemoĩva. ¿Ndaha’éi piko upe profecía ñekumpli peteĩ evidencia tuichapajepéva José Smith llamamiento profético-gui?
Umi ndoroviapáiva itestimonio José Smith-gui térã oñorairõva hína información oĩvai, ijapu térã oñe’ẽreiva pe hekove ha iministerio-gui, po’invita pehecha hağua umi fruto: hetaite jehovasa jarrecibi’akue José misión milagrosa rupive, pe Profeta de la Restauración.
José ha’égui profeta, umi rrevelasiõ ha profetakuéra ndaha’evéima mba’e ymaguarénte. Umi milagro —visiones, sanidades ha ministerio de ángeles ára— ndopái16.
José ha’égui profeta, opavave ñande jahupyty pe santo sacerdocio pu’aka ha jehovasakuéra, pe bautismo, pe don del Espíritu Santo ha pe Santa Cena jepe.
José ha’égui profeta, jareko umi templo jehovasa ha ordenanzakuéra ñandejoajúva Tupã ndive, ojapo ñandehegui Itavaygua ha ohechauka ñandéve “pe divinidad pu’aka”, ikatútava rupi peteĩ ára “jahecha Tupã rova, heẽ, pe Túva, ha javivi”17.
José ha’égui profeta, jaikuaa pe matrimonio ha familia ha’eha imba’eguasu véva Tupã plan-pe ñande vy’arã. Jaikuaa ningo pe templo ordenanza ha konveniokuéra rupi, umi ñande relación familiar jahayhuetéva odurakuaaha por la eternidad.
José ha’égui profeta, ndaipóri jokoha jaike hağua yvágape, ha katu jahupitykuaa opaite jehovasa eternidad pegua. Ikatu jaikuaa pe “Tupã añetegua peteĩnteva, ha Jesucristo, pe máva [Ha’e] ombou’akuépe”18. Ikatu jahupity pe vida eterna.
Ha opa mba’e ári, José ha’égui profeta, jareko peteĩ ha ambue testigo ha peteĩ ha ambue testimonio Jesucristo ha’eha Tupã Ra’y ha pe Salvador del mundo. Jareko peteĩ itasã oso’ỹva testigos especiales Jesucristo-gui, ijapytekuéra ñande profeta actual, presidente Thomas S. Monson, umi consejero Primera Presidencia gua ha umi Quórum de los doce Apóstoles miembro. Itestimoniokuéra reheve, ambojoapy che testimonio mirĩ ha katu anegakuaa’ỹva: Jesucristo oikove ha oisambyhy Itupao; José Smith ha’ékuri ha ha’e pe profeta de la Restauración; pe Tupã sacerdocio ha autorida oĩjey ko Yvy’ári. Tañamombe’úke kyhyje’ỹme ñande testimonio ha ñande aguije ko profeta, vidente ha rreveledor rechapyrãitégui, ha’e che ñembo’e, Jesucristo réra marangatúpe. Amén