Pe Maestro oporomongueráva
Nahi’ãi pene añó pehasa asy angaipakuéra rupi, jehsasa asy ogueruva ambue rembiapovaíkue, terã umi heta jehasa asy jahasava ko yvy apere.
Peteĩ oportunidad porãvéva aviaha haguére ha’e a’aprende che hermanakuéragui ko mundo jerére. Ndaipóri mba’éve ñamba’apo háicha oñondive, jaguereko contacto visual ha ñañekonecta emocionalmente.
Peteĩ umi experiencia-pe, peteĩ Sociedad de Socorro-gua líder oporandu chéve: “ ¿Oĩ piko peteĩ mba’e específiko kuñanguéra oñecentráva’erãha rehe?”
Ambohovái: “Heẽ!”, oúvo che akãme Presidente Russell M. Nelson discurso “Peteĩ jerure’asy che hermanakuérape”. Presidente Nelson ombo’e: “…ñaikotevẽ kuña ontendé porãva pe Cristo doctrina”1.
Nefi odescribi pe Cristo doctrina péicha:
“Ha pe okẽ peikeva’erãha ha’e ñembyasy ha ýpe ñemongarai; ha upérõ ou pene angaipa jora tata ha Espíritu Santo rupive{ ….
“Ha ko’áğa… aporanduse peẽme ojejapopámapa? Péina ápe, ha’e peẽme, Nahániri; ndapeğuahẽigui ko’a peve ndaha’éiramo Cristo ñe’ẽ rupi jerovia mbaretépe hese, pejeroviávo pe ipu’akapáva oporosalva hağua méritore.
“Upévare, pehova’erã tenonde gotyo ñemova’ỹme Cristo-pe, peguerekóvo peteĩ ñeha’arõporã mimbi, ha mborayhu Tupãre ha mayma yvypórare. Upévare, pehóramo tenonde gotyo, pende rorývo Cristo ñe’ẽme, ha peñeha’ãmbaitéramo ipahaite peve, péina ápe, péicha he’i pe Túva: Pehupytýta tekove opave’ỹva.
“… kóva ha’e pe tape; ha ndaipóri ambue tape ni ambue téra yvága guýpe yvypóra ikatu rupi ojesalva Tupã Rréinope. Ha ko’áğa, péina ápe, kóva ha’e Cristo doctrina”2.
¿Mba’ére piko ñaikotevẽ ñaikũmby porã umi principio-kuéra?
Py’ỹi añerreuni kuñanguéra Santos de los Ultimos Dias oĩva desesperada ohekávo pytyvõ, ha katu ndohói Upe ikatúva ome’ẽ chupekuéra pytyvõ opave’ỹvape. Py’ỹi ha’ekuéra oñeha’ã ohupyty kuaapy ohekávo pe “…óga tuicha ha ipyrusúva[-pe]”3.
Ñambohováivo presidente Nelson invitación ha ña’aumenta ñande komprensión Cristo doctrina-gui, pya’e jahechakuaa jadesarrolaha hína peteĩ kuaapy pypukuve pe “… tuicha plan de felicidad”4. Jahechakuaa avei ñande Salvador Jesucristo oĩha pe plan mbytépe.
Ña’aprendévo ja’aplica Cristo doctrina ñande circunstancia personalkuérape, ñane mborayhu pe Salvador rehe okakuaa. Jahechakuaa “… jepe ñande diferencia aparente, opavave ñaikotevẽ upe Expiasión infinita rehe”5. Jahechakuaa Ha’e ha’eha ñande fundamento, “… ñande Rredentor ita…peteĩ pyenda atã … [ñamopu’ãramo] hi’ári, nda[ja’amo’ãi]”6.
¿Mba’éichapa ikatu ko doctrina ñanderovasa jahekakuévo py’aguapy, kuaapy ha ñañeha’ã aja japersevera vy’a reheve ñande je’óipe ko trayecto terrenal rehe?
Asugeri tañañepyrũ Nefi he’iháicha, “… jerovia mbaretépe [Cristo] rehe, pejeroviávo pe ipu’akapáva oporosalva haĝua méritore”7. Ñande jerovia Jesucristo rehe opermiti jasupera oimera’ẽ desafio.
De hecho, py’ỹi jahecha ñande jerovia ipypukuve ha ñande relación ñande Ru Yvagagua ha Ita’ýra ndive oñerrefina jeiko’asy mbytépe. Akompartise mbohapy ejemplo.
Peteĩha, Pe Salvador, pe Maestro oporomongueráva, oguereko pu’aka omoambue haĝua ñane korasõ ha ome’ẽ ñandéve pytu’u pe ñembyasýgui oúva ñande pekadokuéra rupi. Pe Salvador ombo’eramoguare pe kuña samaritána-pe pe ykuápe, Ha’e oikuaa ipekadokuéra igraveha. Upevére, “… Jehová omaña pe korasõ”8, ha Ha’e oikuaa pe kuña oaprendeseha.
Upe kuña oĝuahẽvo ykuápe, Jesús –ha’éva pe agua viva ra’anga –he’i simplemente: “… Eme’ẽ chéve hay’u haĝua”. Upeichaite, ñande Salvador oñe’ẽta ñandéve peteĩ ñe’ẽ jahechakuaátava reheve jaha vove Hendápe, Ha’e ñandekuaágui. Ha’e oĩ ñanendive ñaimehápe; ha mávapa ha’égui Ha’e ha upe ojapova’ekue ñande rehe, Ha’e oikuaa.Ha’e o’experimenta haguére ñane ñembyasykuéra, ikatu ome’ẽ ñandéve pe y de vida, jahekáramo. Ombo’e upéva pe kuña samaritána-pe he’ívo: “… Reikuaáramo pe Tupã don , ha mávapa pe he’íva ndéve: Eme’ẽ chéve tay’u, nde rejeruréne chupe, ha ha’e ome’ẽne ndéve agua viva”. Ipahápe, okomprende vove, upe kuña ombohovái jerovia reheve ha ojerure: “… Señor, eme’ẽ chéve upe y, anihaĝua che’y’uhéi jey”.
Oguereko rire ko experiencia pe Salvador ndive, upe kuña samaritana, “oheja ikambuchi, ha oho távape ha he’i kuimba’ekuérape,
“Peju, pehecha peteĩ kuimba’épe he’iva’ekue chéve opa umi ajapova’ekue. ¿Ndaha’eichéne piko kóva pe Cristo?”.
Ha’e orrecibíkuri peteĩ testimonio; oñepyrũkuri orrecibi pe agua viva. Oñenutri ha oñemonguerávo, oaprende aja ojerovia Jesucristo ha ijexpiasiõ rehe, otestifikase Idivinidad-gui hapichakuérape9.
Jajúramo Chupe korasõ mirĩ reheve ha dispuesto ña’aprendévo, jepe ñañeñanduvai ñande jejavy, pekado ha tembapovaikuéra rehe, Ha’e ikatu ñanemoambue “… ha’e ipu’akapágui oporosalva haĝua”10.Peteĩ korasõ kambiado reheve, ikatu, pe kuña samaritana-icha, jaha ñande táva, ñande róga, mbo’ehao ha ñamba’apohápe jatestifika haĝua Chugui.
Mokõiha, pe Maestro oporomongueráva ikatu ñaneconsola ha ñanemombarete ñañembyasýramo ñande rapichakuéra rembiapo vai rupi. Aguerekókuri heta ñemongeta kuñanguéra ndive ombohovakéva py’ara’ã hasýva. Itemplogua konveniokuéra ñeñongatu ha’ékuri peteĩ ñemonguera rape hasýva. Ha’ekuéra osufri tuicha desilusión ha desconfianza oñequebrantahaguére konveniokuéra. Heta ha’e victima de adulterio, abuso verbal, sexual ha emocional, ha’éva py’ỹi ambue persona adicción rupi.
Umi experiencia, jepe ndaha’éi hembiapokue rupi, ojapo heta toñeñandu culpable ha hi’otĩ. Ndoikuaáivo mba’éichapa ogueropu’akáta umi emoción poderosa oñandúva, heta oñeha’ã oñotỹ, omoingévo pypuku hyepýpe.
Pe esperanza ha ñemonguera noĩri pe secreto abismo pytumbýpe, ha katu ñande Salvador tesape ha mborayhúpe11. Elder Richard G. Scott ohekombo’e: “Reimerõ libre pekado gravekuéragui, ani resufri tekotevẽ’ỹrõ ambuekuéra pekado consecuencia rehe… ikatu eñandu poriahuvereko… Upevére, nderemoĩriva’erã nde’ári responsabilidad… Ejapopa rire ikatúva eipytyvõ haĝua pe rehayhúvape, eheja pe mba’epohyi pe Salvador pýpe… Ejapórõ upéicha, retopáta py’aguapy ha rehechaukáta nde jerovia pe Salvador pu’aka rehe oguerekóva oipe’a haĝua umi jahayhúva pekado mba’e pohýi, iñarrepentimiento ha ñe’ẽrendu rupi”.
Ha’e he’íve: “ Pe ñepohano completo oúta nde jerovia rupi Jesucristo ha Ipu’aka ha icapacida rehe, Ijexpiación rupive, oñemonguerataha umi inhusto terã inmerecido perekuéra … Epensa pe Expiasión pu’akáre . Eñembo’e eikuaa haĝua mba’éichapa ikatu nemonguera”12.
Peimerõ ko situación-pe, hermana kuéra, ñemonguera ikatu ha’e peteĩ proceso puku. Oikotevẽta, peheka, ñembo’e rupive, guía ha pytyvõ adecuado, ikatúva oinclui peñe’ẽ umi poseedor del sacerdocio oñeordenáva debidamente. Pe’aprendévove peñekomunika porã, pemoĩ limitekuéra adecuado ha ikatu pejerure asesoramiento profesional. ¡Iñimportanteiterei pemantene salud espiritual opa pe proceso aja! Penemandu’áke pene identidad divina: peẽ ha’e Sý ha Túva rajykuéra pejehayhuetereíva. Pekonfia ñande Ru plan eterno peẽme ĝuarãre. Pembotuichave ára ha ára pene entendimiento Jesucristo doctrina rehegua . Peipuru jerovia ára ha ára pey’u haĝua pe Salvador agua viva ykuágui. Pejerovia investidura pu’aka oĩva ñandeve ĝuarã umi ordenanza ha konveniokuéra rupive. Peheja pe Salvador ha Ijexpiasión pu’aka ñanemongueráva toike pende rekovépe.
Mbohapyha, pe Maestro oporomongueráva ikatu ñanekonsola ha ñanesostene ña’experimentávo umi “realidades de la vida terrenal” ñembyasy”13, umi desastre, akãmegua mba’asy, afeccion, ñembyasy crónico ha ñemano. Nda’aréi aikuaa peteĩ mitãkuña hechapyrãva hérava Josie osufríva pe trastorno bipolar. Kóva ha’e michĩmínte okompartiva’ekue chendive iñemonguera rape rehegua:
“Umi momento ivaivéva ojehu che familia ha che rohenóivape umi ‘días abrumadores’. Oñepyrũ sobrecarga sensorial reheve, sensibilidad aguda ha resistencia oimera’ẽ mba’e ipúvape, contacto terã resape. Kóva oproduci tuicha angustia mental. Oĩ peteĩ ára en particular ndacheresaraimo’ãiva.
“Pe iñepyrũha, ha’ékuri ojapova’ekue upe experiencia taha’e especialmente aterradora. Chemandu’a pe tasẽ, mba’éichapa umi tesay okorre che rováre ofalta aja chéve pytu; ha katu jepe upe sufrimiento iñintenso michíve upe ñembyasýgui oúva’ekue ahechávo pe kyhyje ojopýva che sýpe, oñeha’ãva desesperadamente chepytyvõ.
“Che akã trastornada reheve ou ikorasõ jepy’apy; ha katu ndoroikuaái, jepe upe pytũmby pypuku, ro’experimenta potaite peteĩ milagro.
“Ohasa aja pe hora puku, che sy he’i mbeguemi jey jey: ‘Ajapóne oimera’ẽ mba’e aipe’a haĝua ndehegui ko mba’e’.
“Upéa aja, pe pytũmby tuichave; ha añekonvense jave na’aguantamo’ãveimaha, upéramo oiko peteĩ mba’e hechapyrãva.
“Peteĩ pu’aka trascendente ha maravilloso oje’apodera sapy’a che retegui. Upéi, peteĩ mbarete ohovéva chejehegui’14, ha’e che sýpe tuicha convicción reheve ocho palabra okambiava’ekue che rekove ambohováivo ideseo ogueraha haĝua che ñembyasy. Ha’e chupe: ‘Ndaipori mba’érepa; oĩma oguerahava’ekue’”.
Upe mba’asy mental abismo pytũ guive, Josie oho pe mbaretépe otestifika haĝua Jesucristo ha Ijexpiacióngui.
Ha’e ndokuerapái upe árape, ha katu orrecibi pe esperanza resape peteĩ momento iñypytũvape. Ko árape, ojekóvo pe kuaapy atã oguerekóva Cristo doctrina-gui ha oñemombaretévo ára ha ára pe Salvador agua viva rehe, Josie okontinua pe iñemonguera rapére ha oipuru peteĩ jerovia noñemovãiva pe Maestro oporomongueráva rehe. Ha’e oipytyvõ ambuéva ohóva upe tapére ha he’i: “Pe pytũmby ojoguáramo constante, akonfia Imisericordia kyrỹi mandu’a rehe. Oservi chéve peteĩ tesape cheguiávaicha ambohovakévo jehasa’asy”15.
Hermanakuéra, che atestifika:
Ndapeguerahavéiva’erã pene’año umi ñembyasy mba’epohýi oúva pekadokuéragui.
Ndapeguerahaiva’erã pene’año umi ñembyasy oúva ambue rembiapovai rehe.
Nape’experimentaiva’erã pene’año umi realidad hasýva ko tekove terrenal rehegua.
Ha’e ojerure’asy:
“… ¿ndapejeremo’ãi piko ko’áĝa cherendápe, ha napeñearrepentimo’ãi piko pene angaipágui, ha napeñekonvertimo’ãi piko che pomonguera haĝua?
“… pejúramo cherendápe peguerekóta tekove opave’ỹva. Péina ápe che jyva poriahuvereko ojeipyso peẽme, ha opavave oúvape, , che amoĝuahẽta”16.
“[Ha’e] ojapóne oimera’ẽ mba’e pono peñeñandu upéicha”. Añetehápe, “[Ha’e] ojapóma upéicha”. Jesucristo, Pe Maestro oporomomgueráva” rérape. Amén.