![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F85%2F72%2F8572c486f6a3b1156d10b230399041d8e0d88157%2F8572c486f6a3b1156d10b230399041d8e0d88157.jpeg/full/!250,/0/default)
Servir /Pytyvõ
Oñeikotevẽ cada miembro rehe, ha cada miembro oikotevẽ peteĩ oportunidad oservi haĝua.
Che mitã’irõguare, che gusta amba’apo che tio Lyman ha che tia Dorothy ndive igranja-pe. Tio Lyman odirigi jepi umi proyecto, ha tia Dorothy py’ỹi oipytyvõ ha amboguata peteĩ camioneta tuja Dodge. Chemandu’a pe tensión añandúva pe camión opa’ãrõ tujupe, terã roñeha’ãramo rojupi peteĩ arrivada tuicha. Tio Lyman osapukái: “¡Emoĩ marcha conbinada-pe Dorothy!” Upépe che añepyrũ añembo’e. De alguna manera, Ñandejára pytyvõ reheve ha ipu rire umi cambio de marcha, tia Dorothy omoĩkuaa marcha combinada-pe. Oguerekóvo tracción opa irruédape, pe camión odispara osẽvo ha rokontinua romba’apóvo.
“Emoĩ marcha combinada-pe” he’ise ekambia peteĩ marcha especial-pe, varios engranajes oñekombinahápe omba’apo haĝua oñondive ha imbareteve1. Pe marcha ha tracción oĩva umi cuatro ruedas-pe ojoajúvo opermiti peteĩ marcha menor, imbareteve pe potencia ha oho tenonde gotyo.
Añe’imaginase opavave ñande ha’eha peteĩ pe mecanismo marcha combinada pehenguéramo, jaservívo oñondive tupaópe: barrio, rramakuérape, quorum ha organizaciones auxiliares-pe. Umi engranaje oñecombinaháicha oñondive ome’ẽ haĝua mayor potencia, ñande jaguereko tuichave pu’aka jajoajúvo. Jajoajúvo jajeservi haĝua ojojupe, jalograve heta mba’e jajoajúvo ikatúvagui jajapo ñande’añónte. Iñemocionante japarticipa ha jajoaju japresta haĝua servicio, jasupera obstáculos ha ñaipytyvõ Ñandejára obra-pe.
Japresta servicio ha’e peteĩ jehovasa
Peteĩ jehovasa tuichavéva ha’évo miembro ko tupaópe ha’e oportunidad ñame’ẽ haĝua servicio ñande rapichakuérape2. Ñandejára he’i: “Si me amas, me servirás”3, ha jaservi Chupe jaservívo ñanderapichakuérape4.
Jaservívo ñañemo’ãĝuive Tupã rehe5. Jaikuaa porãve Chupe ha upéva ndaikatuiva’eramo’ã ambuéicha. Ñande fe Hese okakuaa.Ñande problemakuéra oñemoĩ perspectiva-pe. Ñande rekove isatisfactoriove. Ñane mborayhu ñande rapichakuérare okakuaa, ha avei ñande deseo de servir. Ko proceso bendito rupive oikove ñandehegui Tupãicha ha ñaime mejor preparado jaha jey haĝua Hendápe6.
Pte. Marion G. Romney ombo’ehaguéicha: “Prestar servicio ndaha’éi peteĩ mba’e jajapóva ko yvy’ári ikatu haĝua jagana derecho javivi haĝua Reino Celestial-pe, ha katu ha’e pe fibraite oñekomponévagui peteĩ vida exaltada pe Reino Celestial-pe”7.
Ñame’ẽ servicio ikatu hasy’imi
Upevére, prestar servicio Tupaópe ikatu hasy’imi ojejerurerõ ñandéve jajapo haĝua peteĩ mba’e ñanemongyhyjéva, terã ñanekane’õrõ jaservi hague, terã ñañehenóirõ jajapo haĝua peteĩ mba’e ñepyrũháme ndojoguaivaicha iñinteresánteva.
Nda’aréi arrecibi peteĩ asignación pyahu. Che aservihína Kuri Area Africa Sureste-pe. Ifascinante Kuri aservi peteĩ tendápe Tupao ipyahu gueteri ha oje’establece hína upépe ha rohayhu umi miembrokuérape. Upéramo, añehenói aha jey haĝua Tuapogua Oficinas Generales-pe ha, chesincero haĝua, naiméikuri entusiasmado. Pe kambio de asignación chemoĩ situación desconocidakuéra renondépe.
Peteĩ pyhare, apensa rire pe kambio oikótavare, asoña che tatarabuelo José Skeen ndive. Idiario personal rupi che aikuaa ha’e ha hembireko Maria oĝuaherõ Navoo-pe, ha’e oservise, upévagui oho profeta Jose Smith-pe ha oporandu chupe mba’éichapa ikatu oipytyvõ. Pe Profeta omondo chupe omba’apo haĝua ñume, ha tojapo iporãve ikatúva, ha ha’e ojapo upéicha omba’apóvo umi Smith kokuépe 8.
Amedita privilegio orekova’ekue Jose Skeen orrecibívo ijasignación upéicha, ha akomprende sapy’a che aguerekoha avei upe privilegio, ha peẽ avei. Opa umi llamamiento tupaópe ou Tupã-gui, Isiervokuéra oñeseñalava’ekue rupi9.
Añandu porã confirmación espiritual che asignación pyahu iñispiradaha. Iñimportante ñantende ñande llamamiento literalmente ouha Tupãgui ñande sacerdocio-gua liderkuéra rupi. Upe experiencia rire, che actitud okambia ha oike chepype peteĩ pypyku deseo aservi haĝua. Aime agradecido pe arrepentimiento jehovasa rehe ha pe cambio de actitud-re. Ahayhu che asignación pyahu.
Jagueroviarõ jepe ñande llamamiento tupaópe ha’eha simplemente peteĩ ñande líder del sacerdocio idea, terã oñeme’ẽ ñandéve avave ndo’aceptamo’ãigui, jajehovasáta gueteri japrestávo servicio. Ha katu jahechakuaárõ Tupã po ñande llamamiento-pe ha jaservi opa ñane korasõ reheve, oĩta peteĩ poder adicional ñande servicio-pe ha oikóta ñandehegui Jesucristo siervo añeteguáva.
Ñame’ẽ servicio oikotevẽ fe
Ñakumpli ñande llamamiento oikotevẽ fe. Nda’aréi Jose Skeen ha Maria oĝuahẽ rire pe granja-pe, mokõivéva hasykatu vai; ndoguerekói pirapire ha ndoikuaái maãvévape. Ha’ekuri peteĩ epoka hasyetereíva chupekuera ĝuarã. Joseph ohai idiario-pe: “Rocontinua romba’apóvo ha orerekojoja tupaópe pokã fe hembýva oréve reheve, jepe satana oñeha’ ã orerundi ha ojapo torojevy jey”10.
Che, ambue centenares idescendientes ndive, roiméta eternamente agradecidos Joseph ha Maria-pe ndohoijey haguére. Jarrecibi bendiciones japerseverárõ ñande llamamiento ha responsabilidad-kuérape ha rojejoko opa fe jaguerekóva reheve.
Aikuaa peteĩ maravillosa maestra Doctrina del Evangelio-gua, omopu’ãva iclasepegua miembrokuérape ohekombo’évo; jepe ha’e ndatapiaitei ombo’ékuri upéicha. Ojoajúvo tupaópe, orrecibi peteĩ llamamiento ombo’e haĝua primaria-pe. Ha’e opensa ndogerekoiha talento ombo’e haĝua, ha katu o’acepta oikuaagui iñimportanteha jaservi. Pya’e ojagarra chupe kyhyje ha ndohovéi tupaópe pono ombo’e. Afortunadamente, imaestro orientador ohechakuaa ijausencia, ovisita ha oinvita chupe oujey haĝua. Pe Obispo ha miembrokuéra del barrio oipytyvõ chupe. Ipahápe, ife ñembopyahu reheve, ha’e oñepyrũ ombo’e umi mitãme. O’aplikávo umi principio oñembo’éva ko’aĝa Enseñar a la manera del Salvador-pe, Ñandejára ohovasa iñeha’ã ha ha’e oñekonverti peteĩ mbo’ehára talentosa-pe11.
Kuimba’e ha kuña natural oĩva ñandepype oguereko tendencia jajediskulpávo pono japresta servicio explicación koichaguáva reheve: “Naimei listo aservi haĝua, a’aprendeveva’erã”; “aservimakuri upe llamamiento-pe”, “chekane’o ha aikotevẽ peteĩ descanso”, “chetujaitereima, ko’áĝa otoka otro-pe” terã “simplemente cherembiapoiterei”.
Hermano ha hermanokuera, ja’acepta peteĩ llamamiento ha ñakumpli upe llamamiento ha’e peteĩ acto de fe. Ikatu ñakonfia ñande profeta Thomas S. Monson rehe, ha’e ñanembo’e jey jey: “Pe Ñandejára ohenóivape, Ñandejára oprepara ha ocapacita”, ha “ñaimerõ Ñandejára servicio-pe, jaguereko derecho jarrecibívo Ipytyvõ”12. Ñañeñanduramo jepe abrumado terã desinteresado, jepe jakyhyje térã ñaime aburrido, Ñandejára oipota ñamombegueve pe marcha, jahupive pe potencia ha jaservi.
Che ndahechái ikane’õramo presidente Monson, umi Primera presidencia miembrokuera ni umi Cuorum de los Doce, terã tahembiapoiterei hikuái, terã ikane’o. Ha’ekuéra ome’ẽ ejemplo, ñaneinspirávo, pe pu’aka oĝuahẽva ñande rekovépe jaipururõ fe, ja’acepta asignacionkuéra ha jagueraha a cabo compromiso ha dedicación reheve. Ha’ekuéra “[omoĩ hi’ati’y] a la lid”13 ojapóma heta año, ha ohove gueteri hikuái tenonde gotyo okakuaa ha ndoparáivo.
Heẽ, ha’ekuéra oserviha llamamiento iñimportántevape, ha katu cada llamamiento terã asignación iñimportánte. Presidente Gordon B. Hickley, Tupaogua profeta ha presidente anterior, he’i: “Opavave ñaime embarcado ko obra-pe…Pende obligación iseriaiteréi pende esfera de responsabilidad-pe chemba’éicha che esfera de responsabilidad-pe. Ko tupaópe ndaipori ni peteĩ llamamiento michĩ terã iñinsignikánteva”14 Opa llamamiento iñimportante15.
Ñame’ẽ servicio
Jaha tenonde gotyo fe reheve, [ñamoĩ ñande] ati’y a la lid” ha jagueraha tenonde gotyo ko “buena obra”16. Tia Dorothy ndive “ñamoĩ marcha conbinada-pe”. Jaservi hermano ha hermanakuéraicha.
Pembovy’aserõ pende Obispo terã presidente de rama-pe. Peporandu chupekuéra: “ ¿Mba’épepa ikatu aipytyvõ?” “¿Moõpa oipota Ñandejára apresta servicio?” Oñembo’évo ha oguerekóvo en cuenta pende responsabilidad personal, familiar ha laboral, ha’e orrecibíta inspiración omyasãi haĝua peẽme peteĩ llamamiento. Peje’apartávove, perrecibita peteĩ bendición del sacerdocio peneipytyvõ haĝua peguereko haĝua éxito. ¡Peẽ pe jehovasáta! Oñeikotevẽ opa miembro rehe ha cada miembro oikotevẽ peteĩ oportunidad oservi haĝua17.
Jesucristo ha’e ñande ejemplo
Jesucristo ha’e ñande ejemplo guasu, ome’ẽ Hekove Itúva obra rehe. Pe Gran Concilio-pe, oñeorganiza mboyve ko mundo, Jesus ojeiporavo ha oñeungi ñepyrũha guive, ha’e oñeikuave’ẽ ijeheguiete: “Heme aquí; envíame”18. Ojapóvo upéva, Ha’e oñekonverti literalmente ñande siervo-pe. Jesucristo rupive ha pu’aka jarrecibiva Ijexpiación rupive, ñande avei ikatu jaservi. Ha’e ñanepytyvõta19.
Aipyso che mborayhu añetéva umi pende’apytéte ko’áĝa ndaikatúiva pepresta servicio tupaópe pe modo tradicional-pe circunstancias personales rupi, ha katu pevivi actitud de servicio reheve. Ajerure’asy tojehovasa pende ñeha’ãnguéra. Avei ame’ẽ agradecimiento umi omagnifikáva illamamiento-pe cada semana, ha upéicha avei umi pya’e o’aceptatava peteĩ llamamiento servi haĝua. Opa contribución ojevalora ha sacrificio oje’aprecia, especialmente Upe jaservívape rehe. Opavave oserviva orrecibita Tupã grasia20.
Oimporta’ỹre ñande edad terã circunstancia, taha’e ñande “lema” jaservi21. Peservi pene llamamiento-pe; peservi peteĩ misión-pe; peservi pende sýpe; peservi peteĩ desconocido-pe; peservi pende prójimo-pe; simplemente peservi.
Ñandejára tañanderovasa opavave ñandéve ñañeha’ãvo jaservi ha oiko ñandehegui Jesucristo seguidor añetéva22. Atestifika Ha’e oikoveha ha odirigi ko obra. Jesucristo rérape. Amén.