![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fe1%2F0c%2Fe10c2e5a0acaf523347cda3dff47ca6ef6924ecb%2Fe10c2e5a0acaf523347cda3dff47ca6ef6924ecb.jpeg/full/!250,/0/default)
Pe Evangelio restaurado ñekomparti
Pe ñahenóiva “obra misional de los miembros” ndaha’éi peteĩ programa, sino peteĩ actitud mborayhu ha participación rehegua ñaipytyvõ hağua umi ñande jerereguápe.
I.
Iministerio terrenal opakuévo, Ñandejára Jesucristo, omanda Idiscípulo-kuérape: “Upévare, tapeho ha pejapo discípulo opa tetãme” (Mateo 28:19) ha “Tapeho opa mundo rupi ha pepredika che evangelio opavave criatura-pe” (Marcos 16:15). Opavave cristiano opyta ko’ã mandato guýpe tokomparti pe Evangelio opavavéndi, heta ohenóivape “Comisión tuichaite”.
He’iháicha élder Neil L. Andersen sesión ko pyhareveguápe, añete, umi Santos de los Últimos Días oĩ umi idedicadovéva apytépe ko responsabilidad-pe; ha upeichava’erã, roikuaáre Tupã ohayhuha opavave Ita’yrakuérape ha ko’ã ára pahápe Ha’e omoĩjey conocimiento ha poder adicional iñimportanteireíva ikatu hağuáicha ohovasa opavavépe. Ñandejára ñanembo’e jahayhu hağua opavavépe hermanos ha hermana-háicha, ha ña’onrra ko mbo’epy ñakompartívo ko testimonio ha Evangelio restaurado mensaje “opa tetã, ñe’ẽ, ava’aty ha pueblo apytépe” (D. y C. 112:1). Kóva niko parte fundamental umi he’isévape Santo de los Últimos Días ha jareko privilegio ramo ñanemyenyhẽva vy’águi. ¿Mba’épa pe ikatúva ñanembovy’ave ñakompartígui añetéva eternidad rehegua Tupã ra’ykuéra ndive?
Áğa jareko heta recurso ñakomparti hağua Evangelio oĩ’ỹvakuri disponibles ára ohasa’akuépe. Jareko televisión, internet ha hetáichagua rede social; jareko heta mensaje valioso ñanepytyvõtava ñapresenta hağua Evangelio restaurado; jareko pe Tupao prominencia heta tetãme; jareko heta misionero-kuéra tuichaite oñembohetáva. Ha katu, ¿jaipuru piko opa umi recurso ikatu hağuáicha jahupyty efecto tuichavéva? Akonsidera heta ñande apytépe he’itava nahaniriha. Jaipota ñandekatupyryve ñakumplívo ñane responsabilidad oñemopyendava’ekue divinamente ñaproclama hağua pe Evangelio restaurado opa ko mundo-pe.
Oĩ heta ideas iporãva ñakomparti hağua Evangelio ofuncionátava umi estaka térã tetãme. Upeichavérõ, ha’e haguére peteĩ Tupao mundial, añe’ẽse umi ideas ofuncionátava opa tendápe, umi ipyahuvéva guie umi oje’establece mbaretevéva peve, umi cultura ko’áğa irreceptiva Evangelio de Jesucristo-re umi cultura ha nacione iñarõvéva religión gotyo. Añe’ẽse peẽme umi idea ikatúvare peipuru umi yvyporakuérandi nohenduiva’ekue Héra ha yvyporakuéra dedikádo oroviáva Jesucristo-pe, yvyporakuéra oĩvandi satisfecho hekovére, umi ohekávaichagua desesperadamente omejora.
¿Mba’e ikatu ha’e peẽme ikatútava peipuru pekomparti jave pe Evangelio, taha’e ha’éva circunstancia-pe? Ñaikotevẽ opavave miembro ñeipytyvõre, ha opa miembro ikatu oipytyvõ oĩre heta tembiaporã ojejapova’erã ñakompartikuévo pe Evangelio restaurado opa tetã, ñe’ẽ, ava’aty ha pueblo-kuéra ndive.
Opavave jaikuaa miembro-kuéra ñemba’apo obra misional-pe iñimportanteitereiha jahupyty hağua upe conversión, retención-cha avei. Presidente Thomas S. Monson he’i: “Ko’áğa niko pe momento umi miembro ha misionero-kuéra ojoaju ha… omba’apo hağua Ñandejára viña –pe ikatu hağua jaraha angakuéra Chupe. Ha’e ombosako’i mba’éichapa ñakompartita pe Evangelio heta hendáicha, ha Ha’e ñaneipytyvõta ñane ñeha’ãme jajapo ramo fe rehe pe Hembiapo jegueraha”1.
Ha’e ñande deber ha privilegio cristiano opa tekovépe. Élder Quentin L. Cook ñanemomandu’a: “Pe obra misional niko ha’e umi 88 teclas peteĩ piano-peguícha oñembopúva sapy’apy’a; ha’e peteĩ acorde mayor peteĩ melodía porãite oñembopu memeva’erã tekove aja ñamantenétavo pe armonía ñane kompromísore cristianismo ha Jesucristo evangelio ndive”2.
II.
Oĩ mbohapy mba’e opa miembro ikatúva ojapo oñekomparti hağua Evangelio, independientemente umi circunstancias ojeikóvare ha oñemba’apóvagui. Opavave ikatukuaava’erã jajapo peteĩteĩ.
Peteĩha, opavave ikatu ñañembo’e ha jajerure pe ñeipytyvõsére ko obra de salvación parte fundamental-pe. Opa ñeha’ã niko oñepyrῦ jeipotáre..
Mokõiha, orete ikatu jajapo mandamiento-kuéra. Umi miembro fieles ha obediente niko testigo ipersuasivovéva añeteguápe ha Evangelio restaurado valor-pe. Ha iñimportantevéva, umi miembros fieles-kuéra akoiete orekóta Ñandejára Espíritu hendie, pendeguerahátava peñeha’ãvo pemba’apo ko obra tuichaitépe pekompartívo Jesucristo evangelio restaurado.
Mbohapyha, ikatu ñañembo’e jarresivi hağua inspiración umi ñande ikatúvare jajapo ñakompartívo Evangelio. Péva iñambue’imi ñembo’égui misionero-kuérare térã ñañembo’e ambuekuéraikatúvare ojapo. Ñañembo’eva’erã umi ñande, personalmente, ikatúvare jajapo. Ñañembo’évo, ñanemandu’ava’erã umi ñembo’ére ko’ãichagua inspiración-re oñembohováitava oñemoirῦ ramo peteĩ compromiso-re, pe Escrituras ohenóiva “verdadera intención” térã “íntegro propósito de corazón”. Peñembo’e pene compromiso-re pemba’apóvo inspiración perresivíva he’iháicha, peprometévo Ñandejárape Ha’e pene’inspirávo peñe’ẽ hağua Evangelio-re, pejapotaha.
Ñaikotevẽ Ñandejára jegueraha oĩre peteĩ momento heta oĩtahápe preparado, ha ambuekuéra katu nahániri, orrecibi hağua umi Evangelio restaurado añetegua adicional. Araka’eve ndaha’éiva’erã ñande jueces ja’e hağua mávapa oĩ preparado ha mávapa nahániri. Ñandejára oikuaáre opavave Ita’yrakuéra korasõ ha, ñañembo’évo jajerurévo inspiración, Ha’e ñanepytyvõta jajuhu hağua umi Ha’e oikuaávape oĩha “preparado ohendu hağua ñe’ẽ” (Alma 32:6).
Ñandejára apóstol-cha, amokyre’ỹ opa miembro ha opa Tupaogua familia-pe tapeñembo’e ikatu hağuáicha Ñandejára peneipytyvõ pejuhu hağua umi yvypóra oĩva preparadas omoğuahẽ hağua evangelio restaurado Jesucristo mba’e mensaje. Élder M. Russell Ballard ome’ẽKuri ko consejo importante, aĩva ndive de acuerdo: “Pekonfia Ñandejárare. Ha’e niko upe Buen Pastor. Ha’e oikuaa Ijovechakuérape… Nañañeha’ãirõ, jahasáta heta umi ikatúvape ohendu mensaje Restauración rehegua… umi principios niko ndahasyiete: peñembo’e, individualmente ha familiaháicha, pejerurévo oportunidades misionales”3. Jahechaukávo jahávo ñande fe, umi oportunidades oúta ñandéve peteĩ tekotevẽ’ỹre peteĩ ñembohovái “forzada ni artificiosa, sino ñane rembiapo osyrýta ñane mborayhu resultado natural-icha ñane hermanos ha hermana-kuérare”4.
Aikuaa kóva añeteha, ha ambojoapy che promesa-re fe rehe Ñandejárare ñepytyvõme, jejeguerahataha, inspirados ha jajuhúta tuicha vy’a ko akoiete mborayhu rembiapópe. Hesakata ñandéve pe éxito ñakompartívo Evangelio ha’eha ña’invita yvyporakuérape mborayhúpe ha ñeipytyvõse añetére, o’importa’ỹre mávape pe ñembohovái.
III.
Ko’ağa katu oĩ heta mba’e ikatúva rupi jajapo ñakomparti porã hağua pe Evangelio:
-
Tekotevẽ ñanemandu’a umi “yvyporakuéra o’aprendeha oĩ ramo o’aprende hağuáicha, ndaha’éi ñande ñaiméramo listos ñambo’e hağua chupekuéra”5. Umi ñande jahecharáva, importantes enseñanzas doctrinales adicionales Tupao restaurado rehegua, ikatu ndaha’éi umi ambuekuéra o’interesáva. Ambue yvyporakuéra oipota jepi resultados doctrina-gui, ndaha’éi doctrina. Jahechávo térã ñañandúvo Jesucristo evangelio restaurado efecto ñande rekovépe, oñandu Espíritu ha oñepyrῦ oñeinteresa doctrina-re. Ikatu avei oñeinteresa ohekávo hetave vy’apavẽ, oñemoağui Tupãre térã peteĩ propósito comprensión tuichave ko tekovére6. Upévare, prudencia ha ñembo’e espíritu reheve ñañeha’ãva’erã discernimiento umi mba’éichapa ñaporandúta upe interés ikatúva oreko umi yvypóra oikuaávevo. Upéva odependéta heta mba’ére, umi yvypóra circunstancias ko’ağagua ha ñane relación hendie. Péva peteĩ tema iporãva ikatúva jatrata umi consejos, cuórums ha Sociedades de Socorro-pe.
-
Ñañe’ẽvo ambuévandi, ñanemandu’ava’erã peteĩ invitación ña’aprendeve hağua Jesucristore Iñevanhélio iporãvéta ha’érõ peteĩ invitación o’aprendeve hağua ñande Tupaógui7. Jaipota yvyporakuéra oñekonverti Evangelio-pe. Umi sentimientos ñande Tupao gotyo ou Iglesia conversión rire Jesucristo-pe; ndaha’éi upéva mboyve. Heta umi odesconfíáva tupaokuéragui oreko, upeichavérõ, mborayhu Ñandejárare. Tekotevẽ oñemoĩ raẽve pe iñimportánteva.
-
Ñañeha’ãvo ñapresenta pe Evangelio restaurado yvyporakuérape, jajapo añetéva’erã ha jahechauka mborayhu ha interés yvypórare. Upéva ojehu ñañeha’ã jave ñaipytyvõ umi orekóvape problemas ha’ekuéra ohechakuaáva térã ñamba’apóvo hendiekuéra umi actividades de servicio comunidad-pe, umíva apytépe ja’alivia sufrimiento, ñañangareko mboriahúre ha oikotevẽvare, térã ñamehora ambuekuéra rekove.
-
Ñane ñeha’ã Evangelio ñekompartípe ndaha’eiva’erã ñande círculo de amigos ha colegas apytépente. Juegos Olímpicos aja roikuaa peteĩ taxista SUD Río de Janeiro-pe orahaha hendie heta Libro de Mormón siete idiomas iñambuévape, ome’ẽva umi o’aceptávape. Oñehenói ijupe “misionero taxista”. Ha’e he’i: “Umi Río de Janeiro rape… niko [che] campo misional”8.
Clayton M. Christensen, iñexperiencia miembro misionero ramo iñimpresionanteva, ohechauka “umi veinte áño ohasa ramóvape, jahechákuri ndaiporiha mba’eveichagua correlación umi relación hi’ağuivagui ha pe probabilidad peteĩ yvypóra toñeinteresa oikuaa hağua Evangelio rehegua”9.
-
Umi barrio-pegua obispado-kuéra ikatu ombosako’i peteĩ reunión sacramental especial oñemokyre’ỹtahápe miembro-kuérape oguerahápe umi oñeinteresávape. Barrio miembro-kuéra oduda’ivéta oraha hağua umi oikuaávape reunión umichaguápe orekótagui seguridad-ve pe reunión contenido oñembosako’i porãvetaha oreko hağua interés ha orrepresenta porãve hağua Tupaópe.
-
Oi heta oportunidades ñakomparti hagua Evangelio. Ejemplo ramo, ko verano oğuahẽ chéve peteĩ carta horýva peteĩ miembro pyahúgui o’aprendéva Evangelio restaurado rehegua petei iñirῦ ohenóivo chupe ha oporandu mba’asy ha’e orekóvare. Ha’e o’escribi: “Cheimpresiona mba’éichapa oñepresenta. Ohasa rire [peteĩ] heta meses o’aprendehápe misionero-kuéragui, añemongarai. Upe guie che rekove iporãve”10. Opavave jareko heta jaikuaáva hekove porãvétava Evangelio restaurado rupi. ¿Ñañembojápa ñaina hesekuéra?
-
Pe fascinación ha pe experiencia ñane miembro-kuéra imitãva orekóva umi redes sociales-pe ome’ẽ oportunidade ñañekomunika hağua ñainteresávo opavavépe Evangelio-re. Omombe’úrõ Salvador jehechauka nefita-kuérape, Mormón ohai: “Ombo’e ha oministra umi mitãme… ha omondoho ikῦkuéra… ikatu hağuáicha oñe’ẽ” (3 Nefi 26:14). Asupone ko’áğa ikatuha ja’e “omondoho [umi pulgar ] imba’éva… ikatu hağuáicha ojexpresa”. ¡Tenoderã, jóvenes!
Evangelio ñekomparti ndaha’éi peteĩ kárga, sino vy’arã. Pe ñahenóiva “miembrokuéra obra misional” ndaha’ei peteĩ programa-nte, sino peteĩ mborayhu actitud ha ñemba’apo oñeipytyvõ hağua umi jerereguávape. Ha’e avei peteĩ oportunidad taha’e testigo umi ñañandúvagui Ñandejára evangelio restaurado-re. Élder Ballard ombo’eháicha: “Pe ñane conversión ohechaukavéva ha mba’éichapa ñañeñandu Evangelio-re ñande rekovépe ha’e pe ñakompartise opavavéndi”11.
Atestifika Jesucristo-re, ha’eha tesape ha tekove ko mundo-pe (tojehecha 3 Nefi 11:11). Iñevanhélio restaurado ohesape ñande rape ko tekove yvyguápe; Iñexpiación ome’ẽ ñandéve pe seguridad tekove oĩtaha ñemano rire ha mbarete japersevera hağua inmortalidad gotyo. Iñexpiación avei ome’ẽ ñandéve oportunidad oñeperdona hağua ñande pekadokuéra ha, Tupã plan de salvación glorioso guýpe, ñambyatyha umi requisitos tekove apyra’ỹme ğuarã, pe “Tupã don tuichavéva” (D. y C. 14:7). Jesucristo rérape. Amén.