یِسُوع مِسیح پر نظر کرو

منجانب کِم بی کلارک

ستر کی جماعت سے

اگر ہم یِسُوع مِسیح پر نظر کرتے ہیں ، وہ ہمیں ہمارے عہود پر عمل کرنے اور اسرائیل میں بزرگوں کی حیثیت سے اپنی بلاہٹوں کو بڑھانے میں مدد دے گا۔

جب یِسُوع مِسیح کفر نحُوم^۱ کے قریب ایک کوچے میں اپنے گرد لوگوں کےبڑے ہجوم کے ہمراہ چل رہا تھا، ۱۲سال سے سنگین عارضہ میں مبتلا ایک خاتون پاس آئی اور اُس کی پوشاک کا کنارا چھوا۔ وہ فی الفور شفا یاب^۲ ہو گئی۔

صحائف میں درج ہے کہ یِسُوع، محسوس کرتے ہوئے ”کہ [قوت] [اُس] میں سے نکلی ہے،“^۳”بِھیڑ میں پیچھے مُڑا “^۴ اور”اُسے دیکھنے کے لئے جس نے یہ کام کیا تھا … نگاہ کی“^۵ ”جب اُس عَورت نے دیکھا کہ وہ چھُپ نہیں سکتی،“^۶ وہ ”اُس کے آگے گر پڑی، اور سارا حال سچ سچ اُس سے کہہ دیا“^۷

یِسُوع نے اُس سے کہا، ”بیٹی، تیرےاِیمان نے تجھے اچھا کیا ہے:سلامت چلی جا۔“^۸

یِسُوع مِسیح نے خاتون کو بچایا۔ وہ جسمانی طور پر شفا یاب ہوئی تھی، مگر جب یِسُوع اُسے دیکھنے کے لئے مُڑا، اُس نے اُس پر اپنے ایمان کا اعلان کیااور اُس نے اُس کے دِل کو شفا بخشی۔^۹ وہ اُس سے محبت سے ہمکلام ہوا، اُسے اپنی حمایت کا یقین دِلایا، اور اُسے اپنی سلامتی سے بابرکت کیا۔^۱۰

بھائیو، پاک کہانت کے حاملین کی حیثیت سے، ہم کارِنجات میں مشغول ہیں۔ گزشتہ برس، خُداوند نے اِس کام کی بنیادی ذمہ داری بزرگانِ اسرائیل کے کندھوں پر ڈالی تھی۔^۱۱ ہمیں خُداوند سے —اپنی بہنوں کے ساتھ ملکر کام کرتے ہوئے، پردے کے دونوں اطراف اسرائیل کو اکٹھاکرنےمیں تیزی لانے، اپنے گھروں کو ایمان اور انجیل سیکھنے کی پناہ گاہیں بنانے، اور دُنیا کو یِسُوع مِسیح کی آمدِ ثانی کے لئے تیار کرنے کاجوش دِلانے والا حکم مِلا ہے۔^۱۲

جیسے سب باتوں میں ہے، مُنجی نے ہمیں راہ دِکھائی ہے:ہمیں یِسُوع مِسیح کی جانب دیکھنے اور خدمت کرنے کی ضرورت ہے جیسے اُس نے اپنے با پ کی جانب دیکھا اور خدمت کی۔^۱۳ مُنجی نے جوزف سمتھ سے یہ بات یوں بیان کی:

”ہر خیال میں میری طرف دیکھو؛ شک نہ کرو، خوف نہ کھاؤ۔

”دیکھو وہ زخم جنہوں نے میرے پہلو میں چھید کیا ہے، اور میرے ہاتھوں اور پیروں میں کیل کے نشان بھی؛ وفادار رہو، میرے احکام کو مانو، اور تم آسمان کی بادشاہی کے وارث ہو گے۔“^۱۴

عالمِ قبل از فانی میں، یِسُوع نے اپنے باپ سے وعدہ کیا کہ وہ اپنے باپ کی مرضی پوری کرے گا اورہمارا مُنجی اور مخلصی دینے والا ہو گا۔ جب اُس کے باپ نے پوچھا، ”میں کس کو بھیجوں ؟“^۱۵ یِسُوع نے جواب دیا:

”میں حاضر ہوں ، مُجھے بھیجو۔“^۱۶

”باپ، تیری مرضی پوری ہو اور جلال ہمیشہ کےلیے تیراہو۔“^۱۷

اپنی ساری فانی زندگی میں، یِسُوع نے وہ وعدہ نبھایا۔ اُس نے اپنے باپ کی تعلیم فروتنی، عاجزی ، اور محبت سے سیکھائی اور اُس قوت اور اختیار کے ساتھ اپنے باپ کے کام کیے جو اُس نے اُسے عطا کیا تھا۔^۱۸

یِسُوع نے اپنا دِل اپنے باپ کو دیا۔ اُس نے فرمایا:

”میں باپ سے پیار کرتا ہوں۔“^۱۹

”میں ہمیشہ وہی کام کرتا ہوں جو اُسے پسند آتے ہیں۔“^۲۰

”میں اِس لئے نہیں اُترا ہوں …اپنی مرضی کے موافق عمل کروں، بلکہ [باپ کی مرضی] کے موافق عمل کروں، جس نے مجھے بھیجا ہے“^۲۱

گتسمنی میں اپنے کرب کے دوران میں نے اُس نے دُعاکی، ”تو بھی میری مرضی نہیں بلکہ تیری ہی مرضی پوری ہو۔“^۲۲

جب خُداوند اسرائیل کے بزرگوں کو ”ہر خیال میں میری طرف دیکھو “ اور اپنے جی اُٹھے بدن میں ”زخموں کو دیکھنے“کے لئے بُلاتا ہے، یہ گناہ اور جہان سے کنارہ کرنے اور اُس کی جانب مُڑنے اور اُس سے محبت کرنے اور اُس کی فرمانبردای کرنے کا بُلاوا ہے یہ اُس کی تعلیم سیکھانے اور اُس کے انداز میں اُس کا کام کرنے کا بُلاوا ہے۔ پس، یہ کامل طور پر اُس پر بھروسہ کرنے ، اپنی مرضی اُس کے تابع کرنے اور اپنے دِل اُسے دینے، اور اُس کی مخلصی دینے والی قوت کے ذریعے اُس کی مانند بننے کا بُلاوا ہے۔²³

بھائیو، اگر ہم یِسُوع مِسیح پر نظر کرتے ہیں، وہ ہمیں اسرائیل میں اپنے—فروتن، عاجز، مطیع، محبت سے لبریز بزرگ ہونے کی برکت دے گا۔^۲۴ اور ہم پردے کے دونوں اطراف اپنے خاندانوں اور اپنے بہن بھائیو کے لئے اُس کی انجیل اور اُس کی کلیسیا کی خوشی اور برکات لاتے ہیں۔

صدر رسل ایم۔نیلسن، نے ہمیں صرف اس انداز میں یِسُوع مِسیح پر نظرکرنے کا بُلاوا دیا ہے:”ایسے قوی شاگرد بننے کے لئے کچھ بھی اتنا آسان اور خُود کار نہیں ہے۔ ”ہماری توجہ منجی اور اُس کی انجیل پر نصب ہونی چاہیے۔ ہر ایک خیال میں اُس کی طرف دیکھنا یہ ذہنی طورپر مشکل لگتا ہے۔ مگر جب ہم کرتے ہیں تو ہمارے شکوک اور خوف بھاگ جاتے ہیں۔“^۲۵

نصب کرنا بڑا لفظ ہے۔ اس کا مطلب مضبوطی سے باندھنا،توجہ پانا اور مکمل طور پر تھامنا ہے۔^۲۶ ہم اپنے عہود پر عمل پیرا ہوکر اپنی توجہ یِسُوع مِسیح پر نصب کرتے ہیں۔

جب ہم اپنے عہود پر عمل پیرا ہوتے ہیں، وہ ہمارے ہر قول و فعل پر اثرانداز ہوتے ہیں۔ ہم روزمرہ کے سادہ اعمالِ ایمان سے لبریز حیاتِ عہد^۲۷ جیتے ہیں جوہماری توجہ یِسُوع مِسیح پر مرکوز کرتے ہیں :اُس کے نام پر دِل سے دُعا کرنا، اُس کے کلام پر ضیافت کرنا، اپنے گناہوں سے تائب ہونے کے لئے اُس کی طرف مُڑنا، اُس کے احکام کو ماننا، عشائے ربانی لینا، اور اُس کے سبت کو پاک رکھنا، جتنی کثرت سے ہم کر سکتے ہیں اُس کی ہیکل میں پرستش کرنا، اور خُد اکے بچوں کی خدمت کرنے کے لئے اُس کی پاک کہانت کا استعمال کرنا۔

عقیدتِ عہد کےیہ اعمال ہمارے قلوب و اذہان کو منجی کی مخلصی دینے والی قدرت اور رُوحُ الُقدس کے پاک کرنے والے اثر کے لئے کھولتے ہیں۔ منجی مرحلہ وار ہماری فطرت کو بدلتا ہے، ہم مزید گہرے طور پر اُس میں تبدیل ہوتے ہیں ، اور ہمارے عہود ہمارے دِلوں میں فعال ہو جاتے ہیں۔^۲۸

ہم اپنے آسمانی باپ سے جو وعدے کرتے ہیں وہ محکم معاہدے ، ہماری گہری ترین خواہشات بن جاتے ہیں۔ ہم سےآسمانی باپ کے وعدے ہمیں تشکر اور خُوشی سے لبریز کر دیتے ہیں۔^۲۹ ہمارے عہود ہمارے لئے قوانین ہونا موقوف ہو جاتے ہیں جن کی ہم پیروی کرتے ہیں اور محبوب اصول بن جاتے ہیں جو ہمیں تحریک اور راہ نمائی دیتے اور ہماری توجہ یِسُوع مِسیح پر نصب کرتے ہیں۔^۳۰

یہ اعمالِ عقیدت بچوں اور بوڑھوں سب کی دسترس میں ہیں۔ پاک ہارونی کہانت کے حامل نوجوانوں آج رات ہر بات جو میں نے کہی ہےاُس کا اطلاق آپ پر ہوتا ہے۔ میں آپ کے لئے خُدا کا شُکر گزار ہوں۔ آپ ہر ہفتے لاکھوں مقدسینِ ایام آخر کے لئے مقدس رسومات و عہود مہیا کرے ہیں۔ جب آپ عشائے ربانی تیار کرتے، برکت دیتے، یاتقسیم کرتے ہیں؛ خدمت کرتے ہیں ؛ ہیکل میں بپتسمہ لیتے ہیں؛ دوست کو سرگرمی میں مدعو کرتے ہیں؛ یا اپنی جماعت کے ایک رکن کو بچاتے ہیں، آپ نجات کا کام کر رہے ہوتے ہیں۔ آپ بھی یِسُوع مِسیح پر نظر کرسکتے اور ہر روز اپنے عہود جی سکتے ہیں۔ میں آپ سے وعدہ کرتا ہوں اگر آپ ایسا کرتے ہیں، آپ اب خُداوند کے با اعتماد خادم اور، آنے والے دِنوں میں، اسرائیل میں قوی بزرگ ہوں گے۔

بھائیو، میں جانتا ہوں کہ یہ سب کٹھن لگ سکتا ہے۔ مگر براہ کرم منجی کے یہ الفاظ یاد رکھیں: ”میں اکیلا نہیں ہوں کیونکہ باپ میرے ساتھ ہے۔“^۳۱ لہذا، ہمارے ساتھ بھی ایسا ہی ہے۔ ہم اکیلے نہیں ہیں۔ خُداوند یِسُوع مِسیح اور ہمارا آسمانی باپ ہم سے پیار کرتے ہیں، اور وہ ہمارے ساتھ ہیں۔³² کیونکہ یِسُوع نے اپنے باپ پر نظر کی اور کفارہ دینے کی عظیم قربانی کو مکمل کیا، ہم یقین دہانی کے ساتھ یِسُوع مِسیح پر نظر کر سکتے ہیں کہ وہ ہماری مدد کرے گا۔

ہم میں سے کوئی بھی کامل نہیں۔ بعض اوقات ہم روحانی طور پر ترقی نہیں کرتے ہیں۔ ہماری توجہ ہٹ جاتی ہےیا بے حوصلہ ہو جاتے ہیں۔ ہم ٹھوکر کھاتے ہیں۔ لیکن اگر ہم متبنہ دِل کے ساتھ یِسُوع مِسیح پر نظرکریں وہ ہمیں اُٹھا کھڑا کرے گا، ہمیں گناہ سے پاک کرے گا، ہمیں معاف کرے گا، اور ہمارے قلوب کو شفا دے گا۔ وہ صابر اورشفیق ہے؛ مخلصی دینے والی محبت نہ کبھی ختم اور نہ کبھی ناکام ہوتی ہے۔^۳۳ وہ ہمیں ہمارے عہود پر عمل کرنے اور اسرائیل میں بزرگوں کی حیثیت سے اپنی بلاہٹوں کو بڑھانے میں مدد دے گا۔

اور باپ ہمیں اپنے مقاصد کی تکمیل کے لئے تمام متقاضی اشیا سے نوازے گا—”چیزیں … آسمان اور زمین دونوں میں، زندگی اور نُور ، رُوح اور قدرت، باپ کی مرضی سےاِس کے بیٹے یِسُوع مسیح کے وسیلے سے بھیجی جاتی ہیں۔“^۳۴

جب الہٰی نور اور قدرت ہمارے جیون میں رواں ہوتے ہیں، تین معجزانہ باتیں رونما ہوتی ہیں۔

اول، ہم دیکھ سکتے ہیں۔ مکاشفہ کے ذریعے ہم دیکھنا شروع کر سکتے ہیں جیسے یِسُوع نے عورت کے سطحی حالات سے پرے اُسکے دِل میں جھانکا۔^۳۵ جب ہم ویسے دیکھتے ہیں جیسے یِسُوع دیکھتا ہے، وہ ہمیں اُن سے جن کی ہم خدمت کرتے ہیں محبت کرنے کے لئے اپنے پیار سے نوازتا ہے۔ اُس کی مدد کے ساتھ، جن کی ہم خدمت کرتے ہیں وہ منجی کو دیکھیں گے اور اُسکی محبت محسوس کریں گے۔^۳۶

دوم، ہم کہانتی طاقت رکھتے ہیں! ہم یِسُوع مِسیح کے نام پر ”دوسروں کو برکت دینے، ہدایت کرنے، حفاظت کرنے، مضبوط کرنے، اور شفا دینے، اور اُن کے لئے جن سے [ہم]محبت کرتے ہیں معجزات لانے اور [اپنی] شادیوں اور خاندانوں کو محفوظ کرنے“کے لئے عمل کرنے کا اختیار اور قدرت رکھتے ہیں۔^۳۷

سوئم، یِسُوع مِسیح ہمارے ساتھ جاتا ہے! ہم جہاں جاتے ہیں، وہ جاتا ہے۔ جب ہم سیکھاتے ہیں، وہ سیکھاتا ہے۔ جب ہم تسلی دیتے ہیں، وہ تسلی دیتا ہے۔ جب ہم برکت دیتے ہیں، وہ برکت دیتا ہے^۳۸

بھائیو، کیا ہمارے پاس خوش ہونے کی وجہ نہیں ہے؟ ہم رکھتے ہیں! ہم خُدا کی مقدس کہانت کے حامل ہیں۔ جب ہم یِسُوع مِسیح پر نظر کرتے ہیں، اپنے عہود پر عمل کرتے ہیں ، اور اپنی توجہ اُس پر نصب کرتے ہیں، ہم اپنی بہنوں کے ساتھ مل کر زیادہ مقدس طریقے سے خدمت گذاری کریں گے، پردے کی دنوں جانب اسرائیل کو اِکٹھا کریں گے، اپنے خاندانوں کو مضبوط اور سربمہر کریں گے، اور دُنیا کو یِسُوع مِسیح کی آمدِ ثانی کے لئے تیار کریں گے۔ ایسا ہو گا۔ میں اِس کی گواہی دیتا ہوں۔

میں اپنے دِل کی اِس دُعا کے ساتھ اختتام کرتا ہوں، کہ ہم سب، ہر کوئی، اپنے ہر خیال میں یِسُوع مِسیح پر نظر کرےگا۔ شک مت کریں۔ خوف مت کریں ۔ یسوع مسیح کے نام سے آمین۔