![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F5f%2Fa1%2F5fa17dd440df4a78858cadbe8c069130a6ee28e2%2F5fa17dd440df4a78858cadbe8c069130a6ee28e2.jpeg/full/!250,/0/default)
Mad el Omes
Ngokiu a klisichel a Chedaol Reng, a Kristo a mo rulii el mo sebeched el mesakid e mesarebebil el uai Ngii.
Mesa Chimal a Dios
Ng meral soak a cheldecheduch er a Chuodel Renged el kirel a ngeasek el sechal el mle mesiou er a profet Elisha. A ta er a tutau a ngeasek el sechal a milkiis, mlor rikl, e miltik er a rechad er a mekemad el meliuekl er a beluu el sorir tomeleterir. Ng rirurt el mora Elisha: “Chedam, mastang! Kede mo mekerang?”
E dilu Elisha, “Lak om medakt: a re obengked a lmuut el betok e ra re obengkir.”
Elisha a mle medengei el kmo a ngeasek el sechal a ulusbech a budech; ng ulusbech a ues er a ngarmedad. E sola “ng miluluuch a Elisha, … Rubak, … mok a medal, mal sebechel omes. Ea Rubak a milok a medal a ngeasek el sechal; e ng miles: e, mesa, a rois a mle meseked er a uos me a soldau el oba ngau el meliuekl er a Elisha.” 1
Ng mo ngara ngii a taem, uai a ngkal mesiungel, ke metik er a kau el diak om mes aikel loruul er a ngii a Dios er a klengar er a kau—taem sel bol mesaul a rengum—sel ngoikau el mora bkul a oach a ringel er a klengar. Mongiil e momerang er a Dios me a temel, leng sebechem el oumerang er a Rengul el oba rokui el rengum. Ng di ngara ngii a dosuub er a ngii er tiang. Rodam me a odos, kemiu a dirrek el sebechemiu el meluluuch el mora Rubak el mo mok a medemiu el mo mes aikel lak om mes.
Omes er a Kid el ua Dios el Mesakid.
A tara lecha kot el klou a belkul tekoi el bodo ungil mesa ng techs Dois e mo meral ungil medengelkid—el ngelekir a chedam me a chedil el sechal me a redil, el ngara ngii a “chedaol teleteled me a ulebengelel omerolled.” 2 Moker er a Dois el ocholt aikel klemerang el mora kau, el obengkel a uldesuel er a kau. Sel molemolem el omdasu er a meral teletelem me a moktek, er a rengum, e ng mengai el omesiul er a klengar er a kau.
Mesa Rebebil
Dodengei a teletelel al omes er a kid a Dios a kutmeklii a rolel el mo olngeseu er kid el omes el mo omes el uai Ngii er a rebebil. A oureor el meluches a babier David Brooks a dilu: “A betok el telemelel a beluu a dubech er a rechad el diak el omes e omelechesiu. … [Ngar er ngii] a belngel … blekeradel el kired el mo ungil er a ngii … mo ungil er ngii[, e uaisei] a blekeradek el mo ungil omes er a rebebil er a kid e mesakid a rebebil.” 3
Jesus Kristo a ungil mesa rechad. Ng mesa chad, aikel ousbech, me a ikel sebecherir kutmeklii. A rebebil a mesa chad er a omenged, klengit, malchub a remeruu a tenget, a Jesus a milsa oltirakl; a rebebil el mla masech a deleb er tir, a Jesus a milsa meral ringel el mlar ngii, e otngelii ngkal chad, e ulmkungil er a ngii. 4
Me a le ngara mechesang el klengar er a kid, ng sebeched el oltirakl er a olchotel a Jesus e meral mesa chad—aikel ousbech, klaumerang er a tir, ringelir, me a aikel sebecherir el mo uaingii.
Mesa kululuuch el mo er a Rubak el mo mekengii a medak el mo Ned aikel tekoi el ngii a ngak a diak blechoel mes, Ak blechoel el di ngak el loker aikal tebelong el ker e mo meringel el omtab a olangch el mei: “Ngerak meruul er ngii el ngii a kirek el mo stob el meruul er ngii?” e “Ngera diak kuruul er ngii el kirek el lomuchel el meruul er ngii?” 6
Buil el mla me mong, er a sakrament, ng di mle ngak el oker er a ngak aikal ker e mlo mechas a renguk er a uldasu el mlei. “Lak om momes er a dengua er a kau sel le ngara ngii a mongiil er a ngii.” Omes er a dengua er a ngak; Ak miltik er a ngii el ungil taem el omes a urerek, el mengiu a email, omes a chais, malchub ak kumes a ngara ngii er a social media.
Al bol kukuk, ak miltik er a ngak el ngara stoang el mengiil. Ak kultebedii a dengua er a ngak e okor e dobedebekii sel uldasu el mlei er a ngak. Ak ngiluu a dengua er a ngak el mecherei e omes el meliuekl. Ak milsa mecheuodel el rubak el mlara medak. Ng di mlara ngii a kelel a katuu er a chelsel a kart er a ngii. Ak kora mlo telkib el merur, ng di ak dilu a ta er a ngelem el tekoi, “Ng sebechek el mesa el kmo ke ou katuu.” Ng diluu el kmo ngara ngii a klou el chull el mei, e dimlak el soal bol lak a kelel a katuu. Aki milngedecheduch el telekib, e ng okor e chisngekl e dilu el kmo, “ke medengei, ng dirkak kuuchais er a ngidi el chad, ng di ng tansiobi er a ngak er a chelchang.” Ng di miltirem a renguk. Ak dilu ungil tansiobi e miluluuch er a renguk a nglunguuch er a saol el dimlak ngara dengua er a ngak e bo lak a techall el mesa e mo ungil mengedecheduch er a tara chad el ulusbech er a ngii.
El oba renguk el rokui diak el soak el mo uai ngkel prist malchub ngkel Levite el mlara rael el mora Jericho—ngkel omes el melemolem el lengelakl Ngdi betok el taem ak omdasu el kmo ak uaisei.
Mesa Oderchelel a Dios el mora Ngak
Ak silubi a klou a belekul tekoi el kirel a mo ungil omes er a ngeasek el dil el ngklel a Rozlyn.
Tia el cheldecheduch a blel ouchais er a ngak a sechelik el miltemall a rengul al mirael a bechil er a lluich el rak. A rengelekel a omii a temir el obengel a demerir me a derir, a uldasu el mora ikelesia a mle meringel. Ng uluuchais:
“Er a chelsel ikelesia el kmal klou a ultutelel a telungalek, ng meral meringel sel di kid el tang el dengokl. Sel kot el Sandei e ak miluluuch el kmo mo diak a re mengedecheduch er a ngak. Ng meral mle meringel er a ngak el oreked er a renguk, e mlo soal rouebt a iuechel a medak. Ak mlo dengokl er a sel basio el kim blechoil mora ngii, e oureng el kmo ng mo diak a re mesa el bechachau.
“A ngeasek el dil er a ikelesia er a kemam a ulbult e mesakak. Ak miruul er a ngak el klikmechur. E ngii a mle klikmechur el mei. Ng mle sebechek el mesa er a medal el suebek a rengul. Ak miluluuch er a renguk el bol lak el mei e mengedecheduch er a ngak—ng dimlak a ungil el bok dung e ak medengei el kmo ak mo lemangel. Ak ulmes el mor riou er a ochik meng diak kim kasues.
“Er a mlei el sikang, ak milsang el chisngekl e omes er a ngak. Sel bol merek a tia el miting, ng rirult el melemalt el mora ngak. ‘Alii, Rozlyn,’ ak milngululau. Ng milechulak e dilu, ‘Sister Smith, ng sebechek el mesa el kmo ng mekngit el sils er a kau. Mosubes er a ngak. Ng betik a renguk er kau.” Di ua kulumdasu, ng tilobed a chiuosech er a mad sel liluut el milechulak. Ng di sel ak kurael, ak ulumdasu, ‘Tia lecha medei el sebechek.’
“Ngkel kedung el teruich me a elolm a rekil el redil, el kmal kekerei er ngak, a milsekak er a bek el Sandei el mo lmuut a bol merek tial rak e milchulak e oker, ‘Ke uangerang?’ Ng meral mle mengodech er a uldesuek er a luut el mora ikelesia. Ng klemerang el kmo ak mlo ousbech aikel chisemesemel. Ng mlara ngii a milsekak. Ng mlara ngii a mle medengei el kmo ak mlar sei. Ng mlara ngii a omekerreu.”
El di ua rokui el sengk el omeskid a Chedam, a ungil omes a ousbech er a kid el mo oker er a Ngii—e okor e kutmeklii. Oker el mo uai ngii el omes a rebebil el uai Ngii—a meral rengelekel el obang a diak a ulebengelel e chedaol a sebeched el kutmeklii. E okor e kutmeklii el okiu a beltikelreng, mesiou, e ouchais a belkul me a sebecherir el kutmeklii sel le mei a uldasu. Sel bol teletael er a klengar er a kid, kede mo metik er a kid el mo “meral oltirakl er a … Jesus Kristo.” 8 A rebebil a mo sebecherir el oumerang er a rengud el oba rengrir. Er a tia el teletael kede mo metik a meral teleteled me a belekud.
A sechelik a dobedebekii a dilubech sel blel dengchokl er a mededais el kingall, el di ngii el tang, omdasu el kmo aikel lluich el rak el oltirakl a ebangkleio er a klengar er a ngii me a blil a dimlak a belelkul. Ng ulusbech el lmuut er a di mengelaod er a ngii; ng ulusbech a ues er a ngarmedad. Ng ulmelchesiu a ker er a rengul: “Ng ngera me ke riruul aikel tekoi? Ke rirelii le ke ulsiik a nguked, omengull er a rebebil, malechub ng mlara ngii a soam?” Ng ulmael a rengul el di telkib, ulsiik er a rengul, e okor e mlo klou a rengul el kmu, “ak miruul er a ngii leng betik a renguk er a Osobel. E betik a renguk er a ebangkleio er a Ngii.” A Rubak a milok a medal e olngeseu er a ngii el omes. Tia el beot e mesisiich el mengodech er a ues a ulngeseu er a ngii el melemolem er a klaumerang er a ngii er a Kristo, becherei aikel teletael el blar er a ngii.
Ak sioning el kmo ng betik a rengul er a kid a Jesus e omeskid a medad el omes—dirrek el sel le meringel e dirrek el sel de mesaul e dirrek el sel de sabisi, e dirrek el sel blol dubech a dimlak el soad. El okiu a krasia er a Ngii, Ng mo omekngeltengat er a kid e mukeroul a kiungioled. El okiu a klisichel a Chedaol Reng, a Kristo a mo rulii el mo sebeched el mesakid e mesa rebebil el uai Ngii. El oba Ngesuil, ng sebeched el mo medengei aikel ousbech. Ng mla mo sebeched el mesa chimal a Rubak el oureor er a bek el tekoi er a klengar er a kid—kede kmal mo ungil mesang.
E okor, e sei el ungil sils “sel bol duum e kede mo uai Ngii, e kid a mo mesang er a meral teletelel; meng sebechel el oba tia reng” 9 tia a nglunguchek el oba ngklel a Jesus Kristo, amen.