Mo Osiik er a Kristo er a Bek el Tekoi
Oltngakl a ongetikaik a mo melai a taem er a klengar el ultuil er a keldung me a klaumerang. Engdi bo modengei el kmo a Rubak a keltmokel el lolngeseu er kid.
Chelsel sel cheliteklel e ra odanges, e a Psalmist a millekoi:
“Kau el Rubak, a mla osiik er ngak, e di mla medengelkak.
“Ke medengei a chelitechetuk me ak mesisiich er ngii, kau a ungil medengei a ngara uldesuek.
“Kau a medengelii a kurael er ngii, me ak bad er ngii, e medengei a rokui el tekoi el kuruul.”1
Chelesle tial olachitnger, e a Psalmist oldanges er a chedaol llemesel a Rubak le Ngii a meral medengei a bek el merekelel a rengud.2 Ng kired el mo medengei a rokui el tekoi er tial klengar, a uchul a Osobel a siotai er kid le mo osiik er Ngii er a bek el tekoi e mo oltirakl er Ngii loba rengud rokir.3 Ng meskid a yaksok el kmo kede mo oba llomes er a klengar e sobecheklid meng diak desiseb er a iilkolk.4
A osiik er Kristo er a bek el tekoi e doltirakl er Ngii loba rengud el rokir eng kired el sumecheklii a uldesued me a soad Lobengkel.5 A chedaol llechukl a mesaod e rtial teletael el kmo “dech[or] el mesisiich el ngara Rubak.”6 Tia belkul a kmo kede melemolem el mesmechokl a klengar kid loltirakl er a ebangkelio er a Jesus Kristo e melatk aikel rokui el ungil tekoi er a bek el sils.7 Seikid e kid a sebeched el mo nguu a “budech er a Dios, lengelakl er a rokui el klemedengei” e mo ngmai a [rengud] me a uldesued” el mo bedul a Jesus Kristo.”8 A Osobel a Ngii a dilu er a elders er a Ikelesia sera Ongeru el Buil ra 1831, “el kmo msichedekl aika el tekoi er a rengum, me a urungulem er a diak a ulebengelel klengar bol medechel er a uldesuem.”9
Ng uaisei el dolasm el blak a rengud losiik er a Rubak, eng di lebebil er a mekngit luldasu a soiseb er a uldesued. Me sel ikal uldasu a me soiseb e mo kiei, eng sebechel mengodech a motkek er a rengud e mekrolid el kmo kede mo uangerang er tial klengar e ngerang a bo dengai el kirel a diak a ulebengelel kelngar.10 A Elder Neal A. Maxwell a mle tal lomelekl er tiaikid losisechakl el kmo, “A soad … ngoikid el mo er sel de borngii, luchul e te ‘betok a mokedong, eng di te mekesai a rmengilt.’”11
A re profet er a chuodel me a chelechal taem a blechoel el omeklatk er kid el mo otngeklii ongetikaik e diak debechei me bol mesisiich er kid el tomall a uldesued me a rengud el rullid el mo meruul a mekngit.
A domekesiu er ngii, e sel dotireklii ongetikaik eng uaia doba sisiak lolekeed er ngii er a deel. Sel klisichel a sisiak a kursii el merkedii er ngii. A sisiak a diak a klisichel kursii a klalou alsekum eng cheroid er ngii. A leuaisei, eng di uaia sisiak el diak a klisichel kursii a klalou el cheroid er ngii, me sel dotngeklii ongetikaik, eng mo cheroid e mo diak a klisichel er a uldesued me a rengud, e dirrek, el diak a klisichel er a omerelled.
Tial okesiu a mekletkak er a tal teletael el mesisiich el chedal a Ikelesia uluchais er ngii er ngak er a sesei el taem er a memong. Ng millekoi el kmo ng milekiis er a tal tutau, e a kmal mekngit luldasu el ngii a dirkak a ta me lomdasu er ngii a di mle kiul soiseb er a uldesuel. Ng uaisei el mlo ko er a medakt, eng di ng mle mereched lomdesua, e dmu er ngii el kmo, “Ng Diak!” E mocha melasm lomdasu er a kmo ngera lungil el mengeuid er a uldesuel me a rengul. Ng dilu er ngak el kmo sera lolilt er a llemalt, e tiaikid el mekngit luldasu, el mla er a uldesuel a di mle mereched el mo diak.
A Moroni er a lomekedong er tirkel tir a dimlak loumera er a Kristo e louchel a rengrir, e ngulmeklatk er tir el mei er a Osobel loba rokir el rengrir, el diak el chelsechusem er a ngii di el mekngit. Osisiu, a Moroni a millelach er tir el mo oker er a Dios, el meral blak a rengrir lolengit, me lak rebet er a ongetikaik.12 A otirekled er a ika el osisechakl er a klengar kid a diak di lultuil er a di klemedengei er kid el kirel; ng kired el sumechokl a uldesued me a rengud el kirel aika el osisechakl. Aika el ngeldechel a kirel lultuil er a blelekl el blakereng er a bek el sils el uldasu, el uldimukl er kid el ultuil er a Osobel me a uldesued a diak di el ngii el mo dibus. Oltngakl a ongetikaik a mo melai a taem er a klengar el ultuil er a keldung me a klaumerang. Eng di bo modengei el kmo a Rubak a keldmokl el mo olngeseu er kau e yaksok a ungil klengeltengat a lsekum e kede melemolem el mo er a ulebongel.
Chelsel sel ta el meringel el taem el Joseph Smith me a rebebil er a rekelbus el ngarsel kelbus er a Liberty a dimlak ilmokl er a ngidil ngerang ng bai di uldesuir, e a Rubak a ulngeseu el mesteir a llach ma yaksok el mo er tir el ngii a dirrek el merkid.
Me bo mui er a bliochel el beltik el reng el mo er a rokui el sechal [me a redil] me a tirkel lomerang er a Kristo me a uldesuiu bo el blechoel klikiid e bo el klou a klaumerang er kid er a medal a Dios; …
A Chedaol Reng a mo blechoel el chelmengem, ea klisiched bo el ultuil er a llemalt me a klemerang.13
Sel uaisei, ea chedaol uldasu a mo blechoel ngara uldesued me a klikiid el reng a mo omekrael er kid el mo meruul a ungil teletael.
A Moroni a dirrek lulmeklatk er a rechedal me lak el siseb er a ngibesereng.14 A tekoi el ngibesereng a melutk el kirel a mekngit e diak lungil soal a rengul a chad el tekoi.15 Ngobengkel a mekngit luldasu a lechub eng mekngit lomeruul el rulii a chad el di mo omdasu e meruul aikel soal meruul kirel me a soal er bai lourrul a ungil, bol lungil, e mo bo olab e bai diak loltirakl a llechul a Dios. Ng blechoel el mo mocholt lokiu aikel kmal lomelchesiu a chad. The Apostol Paulus mlocholt a bebil er aikel kmal lomelchesiu a chad, el uaia a mekngit lomeruul, nglemokel, klaucherarou, … ngasechereng, … cheldesongel, … me a chelechei.”16 Aikel rokui el teletelel a ngibsereng, eng diak el sebeched lobes el kmo a cherarou ousbech er ngii el dongu lomtok er kid sel longetikaik er kid el mo meruul er a mekngit.
Rodam me a rodos er ngak, a kuuchais el kmo sel dolngesenges a llechul a Dios, el doltirakl a tekingel a Moroni, e a klisiched el mo mtebechlii a uldesued a mo chachisois el mesisiich. A kuuchais er kemiu el kmo a chedaol klechad er kid a mo mukeroul, e ngmodech a rengud, e rullid el mo uaia Jesus Kristo. Osisiu, e a deleuill er kid me a Chedaol Reng a mo mesisiich e melemolem. E a ongetikaik er a cherarou, a mekekokil, el mo diak a klisichel er kid, e kid mo ngara deureng e kiei er a klikiid el klengar.
Mo er tirkel, el ngidil ngera uchul, e te rirebt er a klengit e meruul a chelbirukel el teltael, Ng soak el dmu er kau el kmo ngarngii a rael el sebechel el lmuut el mei, e ngarngii a urungulel a Kristo. Sesei el rak er a memong, eng mla er ngii a techelek el mo oldingel er a chad el chedal a Ikelesia er a Jesus Kristo, el ngii a mle chemau a kmal meringel taem er a chelsel a klengar er ngii er a relii a klou el klengit. Se er a kot el mesa ngikal chad, e ak milsa a medal el mui er a klengit el reng , el obengkel a llomes el lochotii a ngariou el reng. Ak milsa medal el lolechotel a ngariou el reng me a bult el reng. Ng kmal mle blak a rengul el Kristiano e kmal mla mukngeltengat er a Rubak. Eng di, a mekngit luldasu a siliseb er a uldesuel er a tara taem, e mlo uchul a lmuut el bebil. Me sel mekokil el kongei a ikal mekngit el uldasu, eng mlo delalm er a chelsel a uldesuel me a chelsel a rengul. Aika luldasu a siliseb er a rengul e rirelii el mo tomall aikel kot el mekreos el tekoi er a klengar ngii. Ng millekoi el kmo omko ngchirroid aika el mekngit luldasu er a lomuchel er a uldesuel, eng locha dimlak el morrimel el mo ruebet er a ongetikaik er a chad el di mlo uchul a klengitelreng me a kerior er a klengar ngii.
Ngeltengat, el uai ngkel prodigal son el ngar sel cheledecheduch el debetik er ngii er a ebangkelio er a Lukas, el mlo “sebechel obok osengel” e melchesuar a meral ouchel reng, e luueta el mo er a Rubak.17 Ngii a mle omekbeches er a klaumerang er ngii er a Rubak e mlo omelchesuar a mera el ouchel reng e mlo ngarngii a rengul el soal lmuut el mo er a rengedel a Rubak. Sel sils e aki mlo melchesuar er a beltkil a rengul a Osobel el merkemam. A ulebengelel a odngelam, eng kmal mle ngarngii a kimolechesuar, e ng kmal diak kubes er sel deureng er a osengel sera lorael.
Resechelei, sel doltngakl a mekerei el ongetikaik, el blechoel mei er a chelsel a klengar er kid sel lak dongerchir er ngii, e kid a bai mo kldmokl el mo cheroid er a meklou el ongetikaik. El uaia President Spencer W. Kimball el dilu el kmo: “Ng diak el sal blechoel a chad el ruebet er a klou el klengit a lak lulemuchel kongei aikel mekekerei, el ngii a mekengii a chesimer el mo er a ungil. … ‘A mededaes el sers a [diak di] el kiul [mo] chereomel.”18
Sera longedmokl er ngii el mo meruul a Urerel er a beluulechad, e a Osobel el Jesus Kristo a millekoi er a klou el ultutelel a mesisiich loltngakl a rokui el tekoi el mo choridid er sel meral moktek er kid. Uriul er a tela lodechelakl er a cherarou, el milasm el mengesang er Ngii er a urerel, e a Osobel a chiridii a cherarou el dilu el kmo: “Bom cheroid er ngak, e Diablong. … Me a diablong a mo cheroid er ngii, e, sola, e a reanghel a mlei oldingel er ngii.”19
Ka momtab el kmo ngera mo duubech omko kede omeksiu a klisichel me a blakereng er a Osobel e kmo, “Ng Diak” e “Bom cheroid” er a mekngit luldasu el bebil er a taem eng soiseb er a uldesued? Ngerang mo rullii er a soal a rengud? Ng mekerang ea omerelled a ngosukid el mo kmeed el mo er a Osobel e melelmolem a ongetikaik er a Chedaol Reng er a klengar kid? Ak medengei el kmo sel bo doltirkakl a okesiul a Jesus, e kid a mosebechakl er a kerior me a mekngit lomeruul el uchul a mondai er a telungalek me a klautok, me a mekngit el domelchesiu el tekoi, el mekdubech a diak lungil lomeruul me a blekeradel, me a mekngit el kse, me a ngii di el ngerang lomtok a llechul a Rubak.
Sel meang el klemechel er a sera Ongeua el buil er chelechal rak, e a President Nelson a rirelii a yaksok el tirkel rokui el meral ngarngii er a rengrir el mo “Rongesii” e oltirakl a Llechul a mo “mukngeltengat er a chachisois el klisiich el mo oltngakl ongetikaik, ringel, me a chelitechut” e a techelled el mo melchesuar a deureng a mo chachisois, luldimukl a ringel el dengar chelsel er chelechal taem.20
A kuuchais er kemiu el kmo sel yaksok el mlodars lokiu a profet er kid a ikel yaksok el mlodars el mla er a Osobel. Ak siotai er kemiu el mo “Rongesii” er a bek luldasu e moltirakl er Ngii er a rengmiu me bo mngai a klisiich me a duchelreng el mo kmo, “Ng Diak” e “Bom cheroid er ngak” er a ikel rokui el tekoi el mo uchul a klengitereng el mei er a klengar kid. Sel bo deuaisei, e Ak yaksok el kmo a Rubak a mo odureklii a Chedaol Reng er Ngii el mo melisiich e mengelaod er kid e kid mo er sel ngii a soal a rengul a Rubak el kired.21
Ak sioning el kmo a Jesus Kristo a kiei e okiu Ngii, e kid a mo mesisiich er a ongetikaik er a cherarou e mo sebeched el mo kiei el mo cherechar Lobengkel el ngara rengedel a betik er a rengud el Demad er a Babeluades. A kuuchais el kirel a klemerang loba beltikereng er ngak leko er kemiu me a klebokel el Osobeled, el chetengii a ngklel,me a klebkall, me a odanges le bo er ngii. Ak melekoi a ikang el loba ngklel a Jesus Kristo, boluaisei.