Bízhi’ Bee Bik’idhasdli’
Jó biniyéígíí éí diyin bibee’ádziil haiyiilyaahgo diné ba’ choo’į́ dóó bik’idhójídli, diyin bizhe’ binaji.2
Shik’is, Diyin bibee’ádziil deeyínót’ą́’íǵíí, shił hózhó nihi ch’į́ haasdziih diitł’ee’. Yéígo shił nilį́ dóó nihaa’aheenisin. Nihi ch’į́ yaashtį́go dóó nihee’oodla’ bąąh dííts’ágo, díí yinishdlą́ Diyin Bibee’ádziilii nahasdzáan bikaagi ayóó bidziil dóó yéígo diyin bikee’nisoozį́.
Hwi’díína’go díí hiłch’i’go, nihich’į́ hadiidzí’ígíí éí t’áá háíshį́į́h yéígo Diyin bibee’ádziil choosį́į́’ doo nisinígíí bich’į́ hadiishzį́. Diyin God bá nijil’a’i jilį́go éí alaahdi yá’át’ééh bee báneilnish doo.1 Áko haash yit’oa aayiłnį́ niidzin doo.
T’áá’aníídigo deacon abídiil yaahígíí íínizin, haash yit’ao díí Diyin bibee’ádziil alaahdi yáát’ééhgo ádeeshłeeł. T’áá’aniid eldirs dah sóólį́į́’ígíí aldó dah íínołts’ąą doo. Ałdó aniidi Bishop dah sóólį́į́’ígíí ałdó dah íínołts’ąą’ doo.
Ałk’idą́ą́’ deacon sílį́į́’ yaahdą́ą́’ nanitin bóhółąąh. Házhó’o shił dah hójoolní nt’ę́ę́’ nisin. Shik’á’adoolwoł nt’ę́ę́’ t’áá át’é diyin bibee’ádziilji naanish—azhá diishjí shinaanishígíí.
T’áá diwíídi yá’aneehjahdi t’ááshí téíyá díikin ashídiilyaah áádóó shinaa’i éí t’áá’ságo Tíichar nilį́ nt’ę́ę́’. Biłhaajeeígíí t’éíyá bił yaha’aneejah nt’ę́ę́’. Nihisodizin éí t’áá nihighaan gone’. Nihi Diyin bibee’ádziil nánitinígíí diné t’áá’aniidgo diyin bibee’ádziil bee yilyá. Tsídá ałtsé diyin bibee’ádziilji naanish éí t’áá hoghaandí baah dóó tó naaka’ shinaanish nt’ę́ę́’.
Utahgóó níína’ nt̨́ę́ę́’ sodizindi tóó’ ahayóí díikins hólǫ́ǫ́’ la. Tsídá ałtsé sodizindi yiłtsą́, díikins dah nilinígíí nizhónígo—siláo nahalingo, bąąh dóó tó nideeska’.
Nąądimǫ́ǫ́go t’áá sa’hi aląąji niyah, áko doo siidoołtseel da nisingo. Yalecrest Ward Salt Lake Citydi, e’elyaa léí awe’é sizį́go benaashnįįh. E’elyaa binéji’ yéígo sodeeszin shika’adiilwoł áko doo adee’sí da, bąąh dóó tó naashkąągo. Shi sodizin shá ííliid.
Ndi k’ad éí yá’t’ééhgo sodiilzin dóó bąąh siikeesgo diyin bibee’ádziiljigo niilseeł. Ha’át’ééh biniye’ diné diyin bibee’ádziilii bąąh haasya’. Jó biniyéígíí éí diyin bibee’ádziil haiyiilyaahgo diné ba’ choo’į́ dóó bik’idhójídli, diyin bizhe’ binaji.2
Lą’í naahaigo díikin nishlíígo bikeedę́ę́’ indá bąąh áko níízį́į́’. Diwíínąąháíi yaahdą́ą́’ Háí apríist nishlíí’go hastóí bąąh aghayandi bąąh dóó tó naaka’di shinaanish shá alyaah. Bąąh dóó tó nankąą doo shí dooniid. Hastóí dóó saanii binii’ dah niishíígo bąąh dóó tó bit’ąąsíką́. Lą’í daahcha’go yiłts’ą́. Asdzaani lei shi éé’ yisiłgo ani, “Ahéhee’, Ahéhee’.“
Bóhóníihii shiḱidhójisdlí dóó bízhe’ binaji diné bik’á’eeshwod. Íídą́ą́’ hazhó’ó bąąh dóó tó adiish łeeł bá sodaiizin, ndi diishjį́į́hdi álílee yiłtsą́. Básodizin éí diné Diyin God bibee’ayóó’óó’ní nida biiłnąą’ doo diyin ba’naanishgo. Bóhooląą’ éí ba’na’anish dóó diné bik’idhójídlíí éí tsídá diyin bizhe’ bik’ehgo téíyá la.
T’áá’aniidígo ayóó’óó’ní bąąh hane’ disíts’ąą’. Dikos COVID-19 biniinaa doo sodizin ąą’át’ééda, áko Eldir lei, bąąh dóó tó bąąh aholyaní asdzaani bighaangóó díínaał eldir binaat’áánii abidiiniid. Beesh bee bich’į́ hojoolne’, nt’ę́ę́’ t’ááyoo doo bił yá’át’ééh da, háálá Dikos Ntsaa’ígíí naalnįį’ ndi t’áá’áko diiniid.
Damǫ́ǫ́ abinigo bighaandi jiniyaahgo ahałni. T’ááish biigha shiighagóó 87 binaaháí diné bighaan éí bąąh dóó tó bąąh diikaałishgo biigha? Bíshab t’áá’ako níígo ákǫ́ǫ́ jiníaash.
Áádóó la’ídí damǫ́ǫ́ ná’adleehgo ahinjiika, t’áá hat’anahas’ąągo dóó házhó bąąh aháyąągo bąąh dóó to’ biniye’ aheejiiká. T’óó bąąh dóó tó t’éíyá ndi hanak’eestó bee ahéhee’ danizingo Diyin God bibee ayóó’ó’óó’ní bich’į́.
Naasgóó hoolzizhgo díí eldir dóó ba’ałchíní dóó saanii sodizingo bá’ąą’analyaah. Ndi díí asdzaani 87 binaaháí éí, yaa’oolíígo, t’áá hoghaandi sidá. Díí eldir tahdii asdzaa sání bighaangóó ałnąąjidaah, damǫ́ǫ́go, bąąh dóó tó bąąh nijikaah.
Díí eldir Diyin bibee’ádziil binahji’ asdzaan sání ayóó’á’jó’niigo bąą’ahojilyá. Díí eldir bishab neeyideelkid, háíla’ ałdó bich’į́ dii shaał? Díí eldir diyin bibee’ádziilígíí náasgóó yá’át’ééhgo Diyin God bee bik’a’adeeshwoł níígo náagóó dinoołseeł. Doo shił bee hozin da díí eldir daasí sodoolzin shígi’at’áó, ndi Diyin God t’áá’aníidlá bá neel’a’í níídli’ nt’ę́ę́’.
Diné bitahoneezgai ba’sodizingo díí diyin bibee’ádziil choos’į́į́go ayóó’ yá’át’ééh. Ázee’il’į́į́dí ałdó—ázee’ííłíní áshiłní—tsxį́įłgo nahji’ ookaah shinaanish hólǫ́, T’áá awe’se sízį́go básodeeszin. Éí at’ééd yázhí azee’į́įłíní dadootsaał níyąągo, náhoonį́. Bąąh áhehee’ nizin, t’áá shí’íínizinígíí t’áá doo shineestł’ah da, áko át’ééd yázhí Diyin God íínízingo bik’idhojisdlį́. Shił bee hózin: Át’ééd yázhí ba’ sodeeszingo yá’át’ééh nidoodleeł. Dóó yá’át’ééh naasdlííh.
La’ídí ákodzaah diné k’adą́ą́’ daatsaago, ba’sodizingo ba’ałchiní da binaałgo, chodahoołíígo yá’át’ééh nidoodleeł daats’í. Azhá tóónisa’ji ndi, Diyin God bich’į́ sodizin, ha’át’íísh ak’idjidlíí bee báhadeehdzi bízhi’ binaji’. Diyin God t’áání bibee noholnííh, doo shí dooda yeeh diné kwe’é naazinígíí ídeenizinígíí t’áá Ni beenohołnííh. Azha diné deenizinígíi dóó biigha’ yileehgo, Diyin Iisiziinii bijéí yidelchí áko diné éí bił t’aa’ako łeh.
Dii Sodizin Ííł’íní haasht’é ádeelį sodilzin dóo diyin k’ehgo doo adáanii áko indá Diyin k’ehjí hasohodizin. Díí bąąh dahojilné łahdá diné bik’idhodzisdliigo básohidizinígíí yikeedelyiis. Jó Diyin God bits’ąądę́ę́’—t’ah nahdę́ę́’ áhoonííł dóó bee’akidhojidlii éí Diyin God bits’ąądę́ę́’ át’é. Sodizin Ííł’íní bisodizin dóó diyin k’ehgo adáanii éí Diyin God bik’ehgo ajiilaah.
Bishab nishlíí yqqdą́ą́’ ałtsé sodizin áko yá’át’ééhgo niskees áko indá diné nabidishkid łeh, háájigoshį́į́h Diyin God báyinizin. Díí nantł’ah, Diyin God,ayóó’óó’nígo bee, diné bibee’íína’ lahgo anjidoodleeł hałnííh. Naanish át’é ha’át’ííshį́į́h Diyin God niha yinizin, azhá níidzinígíí éí łágo át’é.
Díí yinishdlą́ éí nihi diyin bibee’ádziil yá’át’ééh bee báneilnishgo yéígo diyin k’ehjí nihidzeeł doo kwe’egí dóó niwojí. T’áá nihi yéígo Diyin God yiniilts’ąaągo áko nihił bee hózin doo hait’oa diné bá neilnish doo. Díí t’áá ałtsį́į́sígo nina’dilt’ałgo doogaał. Binaa’ dootsį́į́łló didíísííł da háálá bąąh holzizihgo indá ndi t’áá’anii did́íítsį́į́ł. Diyin God nihich’į́ yee haadziih:
“T’áá háíshį́į́h díí naaki diyin bibee’a.dziil neediiłao dóó yá’át’ééhgo choyołį́į́’go éí Diyin Íísizíínii bik’ehgo bitsiis aniidi nidoodleeł.
“Éí Moses biyé dóo Aaron dóó Abraham ba’ałchíní, dóó Diyin bisodizin, diyin bik’ehyah dóó Diyin God yáyádaaltį́’í dah nilį́į́’ doo.
“T’áá háíshį́į́h Diyin bibee’ádziil bee hólǫǫnígíí éí shaa dooghaał, Diyin God t’áá Bí aní.“3
Shił bee hózin Diyin God yáhalne’í Joseph Smith diyin bibee’ádziilii bee ąąńítį́hí hanáyooniil. Yá’aashdę́ę́’ Diyin Yanidaala’í hadahaaskai diyin bibee’ádziilí nideeshjaahgo binahji ayóó’ át’é ąą’adaazaah. Ísrel Dine’e ałha’álnálneeh doo. Diyin God bidine’e haasht’é adadilnį́į́h Yisdá’íiniiłii ninaadoodaááłígíí biba’. Binahagha’ hánaalyahígíí éí naasgóó bąąh na’anish doo. Diyin God yá’nidaala’í dóó ya’ya’daaltį’í naasgóó yinizinígíí yee yił halné doo.
Ni éí ałtsíísígo adaanisinkees Diyin God éíyá ayóó’át’éii íídooleeł. Ákot’ao nisinkeesgo, Diyin God bich’į́ sodilzin, háásh yit’áó dah nooį́. Neehosin, bibee’ádziil neenila’, dóóyáát’ééhgo diyin bibeéádziil choosinííd, ba’ałchíní bik’ah analwo’go biniinaa ayóó’á’nó’ní dóó na’íínídlígo bízhi’ binahji’.
Nihik’idhójidli k’ad éí bee ayóó’óó’ní naníínąą’ doo dóó naadzolí Jesus Christ bízhí binahji ádishní, aamen.