Israel Ahíí’eeshgo Bííníghah!

By Ahmad S. Corbitt

Tsíłkéí Yádanahááztánígíí Álą́ąjį́ Atah Dahsidáh

Nooséłí nohłíinii bédeinóhah háálá t’áá íiyisíí bee nihééhodolzinígíí dóó ádziil ayóó át’éego nihii’dahóónígíí biniinaa.

K’asdą́ą́ táá’ nááhaí yéédą́ą́’, President Russell M. Nelson t’áá ałtso nooséłí Jesus Christ bi Sodizin Dii’jį́į́di At’ahdanilííníí hágo “Diyin Bóhólníihii “nooséłí ba’nidaabaahí “bidookááhgo nihíká oojéé Israel ahíídoot’ish“ yáh bidáá’diníbaal t’áá ałch’ishdéé’. Kwídííniid,“Éí ahí’iiłdééh t’áá ákónééhii áhodooníł nahasdzáán bikáá’góó díí jį́į́di.”¹ Díí t’aa áyisíí bídeinóhah nihíiníshní—dóó nihá bóhonéédzą́—biniinaa’ígíí éí (1) bee niheeho’dilzinii dóó (2) adzíił alááh át’éego nihii’dahólǫ́.

Dizdiin-ła’í nahai’dą́ą́’, nihi Sodizin yá’nda’nitiní naaki ła’ hoghan lei’jį́’ abidooł’a’ New Jersey, United Statesdi. Baa hoolzhiizhgo, álílee k’ehgo, t’áá áłah amá dóó azhé’é dóó ba’áłchíní neeznáá yilt’éego t’áá át’é tó bee dabidoolzį́į́’. Diyin yá’yáłt’i’í bizaad k’ehgo, “bíni’di Diyin God bóhólnííh“²bida’iina’ yá. “Nihe’ iina’ ”, dish’ní yé. Shí táá’gone’ naashá. Tsosts’idts’áadah shinááhai yę́ędą́ą́’ Jesus Christ ahooláágóó bikéé’ yishááł doo nizį́į́go bił aha’dinisht’ą́’. Ndi ha’át’íí ałdó’ niizį́į́’ danósin? Hootahgóó nida’nítiní doo deeshłeełda. Éí ts’ídá shíde’át’é. Dóó dii ádiishłííłgo doo shiłnáolníi da, t’áásh aaníí? Ániid Sodizin yidiiyáhágíí nishłį́. Shibéeso ádin. Dóó áłdó’, azhą́ West Philadelphia ołta’ alááh nantł’ago ni’niil’tááh dóó bik’e’ áyéé’go nashidineest’ą́ą́ ndi, hoghandoo naaki nahaijį́’ dahdideeshnéłígíí t’óó binásdzidgo nanish’in.

T’áá Aníí Bee Néého’dólzinígíí

Ákóndi ániid bik’idiitą́ díí shí dóó bila’ashdla’ii t’áá át’é nihiZhe’é’ Yá’ąąshdi Bił honiidłǫ́ ń’téé’ ii’sizíinii aye’ dóó atsi’ nidlį́įgo nihidi’doochííł t’ah bítséedi. Ła’ ałdo’ bił béédahózindoo, shił bééhózinígíí át’áo, Azhe’é’ Ba’áłchíní t’áá ałtso yił kénááhat’į́į́ doołeeł biłdahózhǫ́ éí yíká lanaa nízin. Áko’, t’ahdoo nahasdzáán bikáájį’ adahikááh yę́ędą́ą́’, nihił ííshją́ą́ áyiila Bibeehoot’ááł hadałt’é bee yisdá’ná’íiłdee dóó iłhózhǫ́, Jesus Christ nihi Yisdá’iinííłii bił. Dóó ti’hoodzaago, Ch’į́įdii éí Diyin God bibeehoot’ááł yits’ą́ą́jí silį́į́’.³ Diyin God bizaad Revelation bii’dę́ę́’ aní, “Yá’ąąshdi anaa’ hazlį́į́”!⁴ Ch’į́į́dii na’agizii yee yá’ąąshdi NihiZhe’é iisizíínii ba’áłchíní táá ałts’aadzo t’áá ł’a’i haadzo áneelą́ą́’ yike’didłį́įgo dahyidiníí’aa’.⁵ Ákondi ni’éí dooda! Apostle John nííłtsą́ Ch’į́įdii bik’ehdínídlį́į́go “[ni] oodlą’ bee.”⁶

Ádáa’áhoniisdzį́į́go, patriarchal sodizin bee shik’ihodoozingo, shiiłnáhoosih dóó President Spencer W. Kimball Israel ahinéét’éésh yiisisdląąd.⁷ Shi kwá’ásiní, nihidó’ nihá ákót’ée dooleeł. Ni’oodłą’ bee heenídzíígo Ch’į́įdii bik’ehdinidlį́į́’į́gíí éí bee ha’íínílnii’go ayóí’í’ííní, baa hółne’, dóó ahí’ii’éésh⁸ díí jį́ dóó áłah’jį́—ahí’ii’éésh dóó bił éédahoozį́į́ dóó aniłyeed, dóó wooshdę́ę́ dóó nihił noołį́, Diyin Ba’áłchíní bii’ sizíínii biká anaa’ t’ah deit’ééh.

Oodlą’ Bidziilii Niyi’ hólǫ́

Ayóí atéego adziil niyi’ hólónígíí shą’? Díí baa ntséníkees: Ilózhǫ́ǫ bee hadínílghaazh⁹ ni’bikáá’ hóyee’jį’ ats’iis dóó ii’sizíinii dínoneełjį́’. Éí t’áá áłah t’áá sáhí bikáá’ hadiidááłígíí doo biniił’ą́ą́ da. Doo t’áá nihi asiilzihígíí t’éiyá bik’ee ti’hwiidiinihda ndi t’áá haishį́į́ bi’oodzíí ałdó’. Ts’ídá ał’ąą á’t’éego bik’ee ti’hoodiinih dóó nihąą nináhák’a’doo¹⁰—díí t’áá ałtso yá bichąąh na’níbaal bee hoyóó’nééh nihee hólǫ́ǫgo dóó ni’bikáá’ bi’anaa’ chxǫ́’í nihik’eh yist’ą dóó ázanihii’éésh. T́’áá át’é nídahiidoo’naał dóó daniłtólígo yah anáhidookah laanaa íłį́ Diyin God bihodiyindi éí t’áá la’í yee ádééhadoodzíí’yę́ę́ bik’ehgo.¹¹

Ha’át’íí shą’ niłhasihgo bee náás yiníyá? President Henry B. Eyring naneezt’ą́ą́, “Jesus Christ yinídłą́ągo ił hózhǫ́ bihoot’ááł bííghah sil’į́į́ dóó Jesus Christ binahjį’ azhą́ nits’íís bee nandínóot’ah t’į́į́hdigo nił bééhózin ndi.”¹² Jesus Christ nahasdzáán bikáájį’ deeshááł níigo yee adeehadoodzíí’ dóó bits’íís nineediní’ą́ągo binahjį’ ahina’ii’eesh¹³ dóó yisdananhidoo’ish, doo éí t’óó yisinídłą́ągo t’éiyá da. Nihi ii’sizíinii ayóó át’éí“¹⁴ nihe’oodlą’ dabidziilgo“ áádeehadoodzíí’ę́ę́ t’áá aníí át’éego baa ádahoonoozį́į́’.¹⁵ Doo Biyooch’íi da, t’áá íí’dą́ą́’ Bidił nádeezna’ nahalingo yiniłtsą́, shiidą́ą́’dii bididoochííł t’ah bítséedi.¹⁶

John bizaad binahjį’ ak’i’diitį́į́h yee ání, nihi ”Dibé Yázhí bidił bee [Ch’į́į́dii] bik’eh dinidlį́’.”¹⁷ President Dallin H. Oaks ę́į́ áadi haz’ą́ądi yee naneeztą́ą́’“[nihí] yoołtsą́ ha’hoołzhiizh dóó ałtsojį’.”¹⁸

Hahooda olta’góó dah diinááhgo, nimá doodaii’ nizhé’é t’áá aaníínii ła’ yee’ádeehadoodzii kwiníígo néínídzáo ch’iyáán aláah nił łikanígíí ła’ diiyį́į́ł! Ayóó bininidlį́id! Ííníłta’di ch’iyáán niyą́ągo nił’át’į́, dóó t’áá íídą́ą́’ nizéé’ hółkan. T’áá akójínééhgo, hane’ baa ha’niih baanahoojilné’ doo. Hooghangóó nidindzáágo baa niłhozhǫ́ ákó ólta’di bee nandi’nit’ą́’ígíí dóó nił nanitł’aígíí nił bee ihónéedzą́ nahalin łeh. Doo t’áá ha’át’íí da nił hózhǫ́ yidoołchxǫǫł da doodaii doo ákót’ée da díníízį́į́łda háálá bee ádeehadoodziih át’é! Ákót’éego,”ii’sizíinii ayóo ánót’éí” nihididoochiil t’ah bítséedi, Christ yee ádeehadoodzííh t’áá’aníí át’éego baa ákónoozį́į́’, dóó Bi yisdá’iildééh nihidiisnaa’.¹⁹ Nihi’oodłą hadoh bidziil yileełígíí nahalin dóó dínísééh choin’įįhgo, ndi éí t’áá íídą́ą́’ nihiyi’ hólǫ́.

Hait’áo Christ ayóó at’éego yinídłánígíí habidi’yííłwoł dóó k’ad Israel ahineit’eeshgo choidííł’įįł áko Ch’į́į́dii bik’ehnáádidíídleeł? Nee’nijį’ nitsáhákéés bínáhodííł’ááł dóó Diyin Bóhólníihii t’áá aníí ádeehadoodzíí’igíí bee ahína’iit’eesh dóó díí jí bee hasih. Naaltsoos Morman Woyéhígíí alááh choyooł’į́ dóó Bádahalne’ii ndanhintin hait’áo áda’diiłnííłgo. Christ t’ah bítséedi, Nephite dine’é ”Diyin yádahalne’ii, dóó … priests, dóó … nida’nitiní … [dine’é nidayoozkan] Messiah bich’į’ dasidoo’į́’, dóó deeno’dlą t’áá iidąą nihił hółǫ́ gi’át’áo.”²⁰ Diyin God yáhalne’ii Abinidi na’neezt’ą́ą́’, ”Christ doo nahasdzáán yikáájį’ niyaagóó, ádahooníiłii baa ya’át’i’go t’áá íídą́ą́’ baadahwiishzhiizhgo, nihá nina’ilyá shį́į́ adin dooleeł ńt’ę́ę́’.”²¹ Almagi at’éego, Abinadi ”ha’iisiid[id] náásgóó oodlą’ bináá’go”²² áko Diyin God bit’áá’aníí ádeehadoodzii éí yisdá’iildééh t’áá íídą́ą́’ bihoolyaago yiyiiłtsą́. ”Dibé Yázhí bidił yee [Ch’į́į́dii] yik’eh dadeesdłį́į́’, dóó … bida’oodlą’ yee” t’áá shiidą́ą’dii Christ bididoochííł t’ah bítséedi, ííndzaa yę́ę́gi’ át’éego. Dóó Diyin Bóhólníihii adziilii yaayizlá bee Israel dine’é bi’da’iłnii’ dóó ahineet’eeshgo. Nidó’ ná ákódooniił oodlą’ bee naasjį́’díní’į́į́go, Israel dine’é alghą’alnééhgo—adahwiis’áágóó dóó ”ninaagóó”²³—dóó t’áá ałtso bida’ííłnííh!

Díkwíidi neeznádiin nida’nitiní Christ dayoodłą́ągo yá’ąąshdi bidzííl daazlį́į́’ éí yee éédahosį́į́dígíí doodaii’ nideeneezt’ą́’ígíí tó bee alzį́į́h dóó Diyin bighandi éé’ yee hádadít’éego yaants’ídaakees. Ya’áti’ ła’ biyi’ ”Nihoolzhíízh bánts’inkeesgo dahdiinááh,”²⁴ President Nelson yee ádaa halni’ binahjį’ ak’i’diit’įįhgo dóó nida’nitiní yiląą̨jį́ naazinígíí díigi’ át’éego nida’notin yidííniid. Bééhózingo digi’át’éego ya’ąąshdi Jesus Christ ayóó dayoodlą́ągo nihi ńdanitiní ayóí’deeníní “Deididoots’į̨́į́ł”²⁵ dóó bi’oodlą’ ayóó át’éi deedidoołnááł Israel ahineet’eesh bá Diyin Bóhólníihii yee ádeehadoodzíí’ bóhółyaago.

Aoo’, yooch’į́į́d baa nazhnilyęshgo oodlą’ atííł’į́.²⁶ Shik’is, t’áá nihí nibinoołyęshgo doodaii’ doo yá’áshxóonii hádadooh’į́į́go íiyisíí ílíinii nihidoo’niid yę́ę, doo yidíniilnáa da, ats’íís bee tsí’na’ada, éí íiyisíí, Christ yini’dląnę́ę doo bidziil da íídoolííł dóó, doo ádaná’íísinkángóó, yidoołchxǫǫłgo át’é. T’áá shǫǫdí nihi’ oodlą’ bidziil iidoolį́į́łígíí nabidanoyęsh, yidoołchxǫǫłígíí éí dooda.

Áłchíní dóó Nooséłí Báhoot’áał

Áłchíní dóó Nooséłí báhoot’ááł Diyin God bits’ą́ą́déé’ nooséłí nołíinii bee nihika’ ádoowołgo nihi’oodlą’ ayóó dabidziil doo. President Oaks na’neezt’ąą, “Dii hoot’ááł niha hadiilyaa bee nihiká ádoolwołgo Yisdá’iinííłii hózhǫ́ binołt’éédoo dį́į́’go haz’ą́’ bee: hodílzin, ahił ídłį́, ats’íís, dóó ídahoo’ą́ą́’.”²⁷ Nooséłí nohłíinii alą́ąjį’ nisoozį́—da’íínoh’eesh—sodizin bik’eh dahinohná, ahaa’ádáhołyą́, t’áá ałtso sodizin baa dahoh’éésh, ahiłhaajéé’ hool’áágóó bá’áda’oł’į́į’go ahíndahohéésh, dóó neení nidaoł’aah,²⁸ ayóó át’éego yá’ąąshdi Christ déinohdlá’náa bénáhoodoodzįįł dóó bee danihidziiłgo Binaanish bá’áda’doołííł kǫ́ǫ́!

Ałdó’, áda’nahat’á, ”t’áadoo hodina’į́ adoołíłígíí aghá’,”²⁹ nihi’oodlą’ ayóó bidziilgo bee nididoołtł’ił. Yá’át’ééhígíí bee ádá nahoo’áago, náásgóó ha’ísííd, íínidzaa yę́ę́ gi’át’áo dóó Diyin Nihi Zhe’é Ya’ąąshdéé’ ádidííłniłígíí nihá laanaa nízin.³⁰ Áádóó hodí’aah dóó yeigo ánít’į́į́go ła’díiłííł. Elder Quentin L. Cook na’neeztąą, “Ts’ídá t’áadoo biniiyéhé da nózíílágo dii ádá nahatah, ázhdoolííłígíí … , dóó [hanaadę́ę́’ bi’jíiłníhgo]—t’áá’át’é oodlą’ anáá’ bee.”³¹

N’diiléhígíí t’áá ni bee nóhólnííh! Diyin Bóhóníihii ániłní, “Adziil [t’áá bí ádeenízinígíí] bii’dahólǫ́.”³² Elder Neil L. Andersen hazhó’ó yaa halne’, “Ni’oodlą’ doo t’áá bini’dínósééł da, ndi bee nóhólnííh.“³³ Ałdó’ ádííniid,“[Ła’] t’áá aaníígo na’ídíkid [ła shį́į́ nihee hółǫ́] … ha’ahoní bee kíhodoodǫǫł dóó oodlą’ bee.”³⁴

T’áá aníí adishní díí (1) t’áá aníí nilínígíí dóó (2) ayóo át’éego Christ yinídlą́ nii’ hółónígíí éí bee ”Yisdá’iinííłii nidoodááł biba’ hasht’eho’di’nééh t’áá háíshį́į́ wóshdę́ę́’ bidohní dóó na’iiznii’ígíí bee nik’ihozhdoodłiił.”³⁵ T’áá áníiłt’é shį́į́ Naaltsoos Mormon Wolyéhígíí ił hózhǫ́ beeha’oodzíí bii’ígíí baa yiidlee’doo:

“Tsí’dá yá’ádat’ééhígíí … Diyin God ya’dahalné’í dayíistsą́’ígíí, dóó … yidadiiłkaałgo Christ náásjį’ yich’į́’ dadeez’į́’ígíí … azhą́ át’ídabi’dil’į́į́’ndi … doo ábididooldį́į́ł da.

“Ndi [Christ] … nábidoołdzih, dóó hózhǫ́ǫ́go yił dahólǫ́ doo.”³⁶

Jesus Christ bízhi’ binahjį’, amen.