Ha’íísh Yisdá’iiníiłii Nihá Áyiilaa?
Jesus Christ yee’ t’áá ałtsoní nihá áyiiláii eíí ats’íís k’ehjí aláadi ńdidiilyéłii nihiZhé’é Diyin binahat’á’ ałkéé’ dabiyi’.
Damǫ́ǫ yázhí i’íi’ą́ǫ lą’í nááhaidáá’ stakegi áłah azlį’ii bii’, asdzání ła’ k’é bidíiniidgo yéédahósiníi sodizin bá hooghanjí dabiłní t’áá akǫ́ǫ naagháhí lą’í binááhai, ndi akǫ́ǫ́ nídoodáłii doo ła’ yaa ntsínkéez da. Asdzání ha’iinílní, bidííniid, “Ni t’áá ałtsoní Yisdá’iiníilii ná áyiiláii nidá niníł’í, neindzáago biká bá hodínisiní dooígíí t’óó ahayói dóó Bá nanilnish doo.” Asdzání yee shi yáhodéeshiz, “Bíish Ha’íí shá áyiilaa?”
Ha’íísh Jesus Christ t’áá ał’í’niizíngo nihá áyiilaa? Bí t’áá ałtsoní nihá áyiiláii eíí ats’íís k’ehjí aláadi ńdidiilyéłii nihiZhé’é Diyin binahat’á’ ałkéé’ dabiyi’. shí eíí nahat’á dį́į́’ ilíi biká’ii baa yádeeshtíh. Díidí t’áá át’é biyi’, BíYe’ T’ááła’í bá Yizhchį́į, Jesus Christ, lá biníí’ baa hane’. Díí ałtso bee ha’óníi lá “Diyin God be’ayóó ó’ó’ní, jo’éí ał’ąą dine’é ba’áłchíní dabijéí bitah naashgiz; eíí bąą, éí lá t’áá ałtsoní biláago nizin” (1 Nephi 11:22).
I.
Damǫ́ǫ t’óó Náádiidzá bitsijį’ Damǫ́ǫ, éí Jesus Christ náá’diidzá áłtsé bee íł hane’. Náá’diijeeh neeznáádę́ę́’lá nihe’oodlą’jí bee nihił dahásih. Éí nihi na’nítin bee ilí, nihi ádeil’į́ yiyóoł’nááł, dóó nee’níjį’ bee nihi chánah.
Nihí Bible dóó Mormon biNaaltsoos biniinaa ts’ídá Jesus Christ náádiidzá nihí deiníidlá, nihí ałdó’ saad dadiyin łą́ągo yaa nida’nítiníi áá’aaníí áko ałtso díí nahasdzáá yikáá’ bits’íís dahazlí’ii náádidóojáh.1 Jesus yee na’neeztą́ą́’, “hinishná bąą, ałdó’ hinóhnáa doo” (John 14:19). Dóó Ayíił’a’ yee na’neeztą́’ii eíí “neezná doo dadííłdzid’góó ńdidoojáh” dóó “díí ats’íís doo danáá dadootsáał da doolééł” (1 Corinthians 15:52, 54).
Ndi Náá’diijeeh díí doo danáá dadootsáał da yiláago nihéidini’ą́. Éí bąą ats’íísgi iinánii łahgo át’áo níil’į́.
Náá’diijeeh baa hada’iiníiłní dóó ats’íís bii’ t’ááła’í níizíngo dóó ayóó ádeiníi’níi anáhóóti’ bich’į’ dínhidzííl. Éí bee łahgo át’áo daníil’į́ ats’íís, ani’, doodáo achíidi iiná yidahódíiłtihíi doodáo iináo ídahódíiłtih. Éí edziil niheeléego bich’į’ ha’iiníilní dayínííł, ch’ééh ádaal’į́, dóó yáadilá. Biniinaa t’áá aníiltso náá’diijeeh nihaadaat’ą́, nihíł bééhóziníi eíí díidí ts’íísjí ándahasti’ dóó ídantááh t’óó hónishgánjį’.
Náá’diijeeh ałdó’ hiníi’náo Diyin God bibee nahaz’áanii áá awołíbee dahodiníilzin. Anéedę́ę́ náádiijée’ dóó akéedi ánihoo’aah baa hóone’jį’ ndíikah, nihí náádiijéé’ agháo bich’į’ bee ak’ihojídlí ádee ha’oodzíí’ beda’íiyáii.2
T’áá bił, ádee ha’oodzí’ii eíí Náádiijeeh t’áá bił dánhighanée baa ńdiikah nihá bee hohóoti’—áhastįį, be’esdzáa, ba’áłchíní, haníinii, dóó bił heijéé’—lá ba’áłchíní bits’íís yánidaatłizh ayóó bídziil be’oolnį́į́ł. Éí ałdó’ díí iiná bii’ ayóó áhiinii’nóo ahił dahiníi’ná dóó ła’ ayóó iiníi’íi yóó’ál’į́įhgo éí bee hada’iiníiłní. Nihił bééhózingo eíí díidí ats’íís k’eh t’óó honghánjį’ ałts’áníikai, dóó nee’níjį’ nihił dahózhóo dóó k’é nááda’ ahididii’nííł. Náá’diijeeh bee hada’iiníilní dóó ha’óní bitse’íi bee aba’naháatą́. Éí ałdó’ t’áanihi dinii’néłii baa ha’iiníilní dóó biba’ hasht’e’ á’diilyaa—azhą́ t’áa hooshch’į’ dah nihe’íina’ eíí niníti’go.
Díidí ałtso áłtsé naa’diijééh baa na’idíkidę́ę baa nihił hóone “Ha’íísh Jesus Christ shá Áyiilaa?”
II.
Lą’í níilt’éego, nihi bąąhí yóó adidoot’áah bee niháhoo’a’íi lá Jesus Christ Dił yee ti’hóoznii’íi agháo níilyá. Hodílzin bii’, sin nihíł nilį́įgo:
Bidił níik’eh ilínii háágo’;
Be’íina’ níik’eh niidiní’ą́,
Ak’íhat’ááh biká doo asíih nááhaniih,
Nihokáá’ dine’é áádįįł yisdánei’nííł.3
Nihi Yisdá’iiníiłii dóó Ak’é Nina’ídláii ti’hoo’ííh doo bik’i’dootáá’ yii’ hadiiyáo ałtso bits’íís dahazlį’ii bibąąhí ndeideez’ąníi yá nááhaaznii’. Díí dił bee nááhaaznii’ agháadi yá’át’éhii ndíilyééh—ayázhí niłtólí chin bąąh ádinii—agháadi ínoodzin holónii biniiyé—nihokáá’ dine’é t’áá nít’ę́ę́’ bibąąhí ádaat’éii. Éí dáádiłkáł t’áá aníiltso nihá ąą’ ádaago nihibąąhí nighą́ąh nidóol’ół biniiyé áko Diyin God, Hool’áo nihiZhé’é nilį́į, yidáahjį’ háá nihidoodlóós. Díí daadílkał lá Diyin God ałtso ba’áłchíní bich’į’ ąą’ át’é. Hwiitáał hodílzin bii’:
Shí eíí yááh yá yiyi’di dah sidáadę́ę́’ yee’ adááyá
Dóó ayéél ayóó ak’íjį’ nilǫ́ǫ dóó shizą́nee’íí yi’níłnii,
Eíí ts’ídá ayóó’at’áo be’ayóó ó’ó’níi eíí ts’ída shich’į’ kóyiilaa.4
Jesus Christ Dił yee ti’hóoznii’ ayóó anóolniníi dóó doo bik’i’dootáá’ii yidiisnáá’ Diyin God t’áá aníit’é ayóó ánwo’ní bąą. Éí yee haadzí’ę́ę eíí ádzaa “hagáá’ da’ílį́”—t’áá áníiłtso—“lá Diyin God bidáagi ayóó ádaníit’é” (Na’nítin dóó Áha’díist’ą́ 18:10). Bible biyi’, Jesus Christ díí kot’áo yaa hóolne’ Yá’ąąshdi aZhé’é nilį́į be’ayóó ó’ó’ní: “Diyin God nihokáá’ dine’é ayóó ayó’nóo yiká, bí T’ááła’í BiYe’ bá Yizhchíi eíí yeidini’ą́, áko háiida yoodlánii doo dadootsáał da, ndi iiná íiti’ bídoo” (John 3:16). Áá’ánii íishją́ alyáii bii ak’é Nina’ídláii Jesus Christ yee haadzí’ii eíí Bí “Áko nihokáá’ dine’é ayóó áyo’óo eíí t’áabí be’íina’ niidiní’ą́ǫ, eíí t’óó ahayóii dabóodląníi Diyin God yiye’ké dadóoleeł” (Na’nítin dóó Áha’díist’ą́ 34:3).
índa, Mormon biNaaltsoos eíí: Ałdó T’áá aaníí Jesus Christ Yaa Halne’ yee na’nítin ninít’i’di eíí Jesus Christ “haniilt’é” dóó “diyin ínhiiláo” nihí ts’ídá “Diyin God ałtso [nihi] dziil, dóó ntsékees dóó atsé’ bee ayóó óóh’ní”? See Moroni 10:32–33 Binahat’á’ ayóó ó’ó’ní bąą niilyá ts’ídá ayóó ó’ó’ní bee ńdiilyééh.
III.
Ha’íísh nihi Yisdá’iiníiłii Jesus Christ yee’ nihá áyiilaa? Bá yádaałti’í bina’nítin binahjį’ dóó t’áabí na’néeztą́ą́’ binahjį’, Jesus yisdáá’iildééh binahat’á’ yee nánhineeztáá’. Díí nahat’á’ dabitahíi ádaayáii, iiná bikáii, ats’ą́ąjíi biniiyé, dóó bee’íi’niił aa yilyá. Bí ałdó’ bee náhaz’ą́ dóó aha’diist’ą́ yee nanhineestą́’ii ts’ídá bik’eh honíil’į́ dóó nihí ts’ídá beda’óol’įįł bee hiníi’náo Diyingo nihizíinii bee nídiidááł.
Bible biyi’, Bí na’nítin yíilta: “Nihokáá’ be’adindíín nishłį́: shikéé’ yigáłíi eíí doo chahałheeł yii’ yíinaagháa da, ndi iiná be’adindíín bee hólǫ́” (John 8:12). Dóó T’áá’ánii íishją́ alyáii bii’ yiníilta’go, “Jó’akon, Shí Jesus Christ ásht’į́, … adindíín éiyá doo chahałheeł bii’ ndinóol’į́įł da” (Na’nítin dóó Áha’díist’ą́ 14:9). Jó bina’nítinjí yiidáałgo, díí iiná be’atiingóó nihá adíłtłi’ dóó ahóóti’jį’ nihá haházti’.
Bí ayóó ánho’nóo biniinaa, Bi shinół’į́ nihił ní, t’áádoo díí nihokáá’jí bit’áa doole’íi da. Bí iiná bibááh yii’ aláadi yaa na’neeztáá’, Jesus eíí nihí biniiyé nihokáá’ dine’é yaa naakáii ts’ídá nihił danilíigo nidahidíilyé—t’áa doole’é at’íís nahasdzáá bikáá t’éí bee da’íinanii ndi doo ahool’áo bee da’iináa da.5 Jesus hóshdę́ę́’ dóó hóshdę́ę́’ dóó hóshdę́ę́’ nihił ní, “shikéé’ yinááł.”5
IV.
Mormon biNaaltsoos yaa na’neeztą’ii eíí Dił yee ti’hóoznii’ łahjį’, Jesus Christ “t’áá ńt’ę́ę’ bineesgái dóó bich’į’ nahwiiłná dóó áłtsoní bineeztáá’; dóó díí saad aniníi dah eíí be’doolníił bí éiyá bidine’é bineezgái dóó bich’į’ nahwiiłná yá ák’iidiit’ą́” (Alma 7:11).
Ha’át’áosh nihi Yisdá’iiníiłii díidí bits’íís yidaneeztáá’ “ałtah áát’eeł”? Alma kot’áo yaa hóolne’, “Dóó t’áa bich’į’ ndahwiiłnáii ak’iidiyíít’ą́, biyéél dah eíí ajoobá’ bii’ ha’didóóbį́įł, ats’íís k’éhgo, bí eíí akó bidine’é bee bich’į’ ndáhwii’náii bił bééhózingo yee yiká adoolwół” (Alma 7:11–12).
Nihi Yisdá’iiníiłii azádanhin’ááh yaa ákonízin dóó bił bééhózin, ąąh nahoniłka’, ajéí yinéesgai, dóó ach’į’ anáhoołti’, Bí ałtso Dił yee ti’hóoznii’ yii’ hahidiiyá. Nááná ła’ saad diyiníi díí akot’é daaní. T’áá hó nahóhodi’nitaahgo ti’hodzooznii’, “éí bąą nabídahodi’nitaahii bíká azhdoolwołgo bilááshneel’ą́” (Hebrews 2:18). Isaiah na’neeztą́ą́’, “t’áá naníłdzidí; biká niłhonishló: … nídziilgo ándeeshłííł; aoo’, niká adéeshwod” (Isaiah 41:10 Háiishį́į́ díi gi’at’áo bił haz’ą́nígíí ts’ída béédaałniih eíí nihí Yisda’iinííł ałdó’ díi gi’at’éego dinííh yii’ tadííyá dóó Bí Dił yee ti’hóoznii’ binahjį’, eíí Bí nihídziil bił yiidááł.
Bá Yáłti’í Joseph Smith díí ałtso ałts’ísigo áyiilaa táá’ Oodlą’ yaa Hálne’: “Nihí eíí Christ Dił yee ti’hóoznii’ binahjį’ deiniidlá, ał’ąą dine’é ałtso dah yisdáádookah, Hane’ Yá’át’éehii be’ó’ool’įįł bibee haz’ą́ yik’e dahół’ǫ́ǫ.”
“Ha’íísh Jesus Christ shá áyiilaa?” eíí shiláh yaa na’idíłkid. Yá’ąąshdi nihiZhé’é nilį́į binahat’á’, Bí “yádiłhił dóó nahasdzáá áyiilaa” (Na’nítin dóó Áha’díist’ą́ 14:9) áko t’áá aníiltso eíí nihits’íís hazlíi’gi dadiyiníi hadaníitáh. Azhé’é binahat’á’ łáhgi biyi’, Jesus Christ anoonéeł yik’éh deesdlíi’go náádiidzá doo danáa da diitsáał dasíidlíí’. Jesus Christ dił yee náá’iisnii’ yee t’áá’aníiltso nihibąąhí ndadeet’ą bee hóo’a’ dóó yá’ąąshdi hooghanjį’ níiltólóo nináhidiikah. Bí náhaz’áanii dóó bi’aha’díist’ą́ ahóoti’ bee yit’į́, dóó Be’ádziil bi’óhólnííh nihee dahólóo be’áda’óol’į́įł ádeil’įnii eíí bee bik’íh híidookah. Dóó nihi Yisdá’iiníiłii bits’íís yee ałtso daneezhai dóó bidadáasna’ yii’ naayáii eíí hait’áo bik’i dahódooldóh bił bééhózin doodáii’ kanéiit’áásh yii’ nihidzííl ánhiił’įįh.
Jesus Christ ałtso Diyin God ba’áłchíní ayóó ayó’nínii biniinaa díí ałtso łádayiilaa. Ayóó ó’ó’ní éí ałtso biká ásht’į́į, dóó éí t’óó hodeeyáádę́ę́’ akot’é. Diyin God áá’ánii íishją́ alyáii yii’ yee nihił hóolne’ “bí áyiilaa … hastįį dóó asdzání, ánoolniní gi’átéego … dóó bee nahaz’ą́ yeinínilii eíí ayóó ádayó’ní dóó yá nidáal’a’” (Na’nítin dóó Áha’díist’ą́ 20:18–19).
Díí ałtso baa t’áá aaníí ádishní dóó nihí ałtso béédadíinih nihi Yisdá’iiníiłii ha’íí t’ááła’í níidzínígo nihá áyiiláii dóó t’áá áníiltso ayóó iiníi’ní dóó bá ndéiilnish, Jesus Christ bízhi’ binahjį’, áámen