Nahat’á Ayóó Át’é
Diyin God binahat’á nihił béédahózin dóó biká adiilwoł bee bił áhada’diníit’ą́ǫ t’áá aaníinii bá ndeitłizhgo bee ńda’níitin.
Azhą nihíhóntá biníi’gi dóó ndáhontłá, t’áá nihik’idahójidlí! Díí Ntsáo Áłah Aleeh bee da’at’į́ ak’íh yá yiiníl dóó Jesus Christ báhane’ yá’át’éehii Ninályá baa íł hózhǫ́. Nihí áłtsé aZhé’é dóó aYe’ yit’į́ í’diiyaa eíí baa nihił dahózhǫ́nii eíí Ninályá bee háhoolzhíízh. Nihí béé nihi’diyíisníí’ Naaltsoos Mormon Wolyéhígíí ayóó át’áo hanáát’ą́, éí ts’ídá Jesus Christ yaa hálne’ biniiyé dóó Bina’nítin. Nihí bee ńdadeeghál ts’ídá ił íishją́ e’él’į́ baa nihił dahózhǫ́—bá yádaałti’í bich’į’ dóó nihí siizíigi nihich’į’. Nihí t’áá aaníi dasidiits’á’íi yee’ Jesus Christ Niná’ídlá doo niníti’ da dóó t’áá aaníí Náá’diijeeh. Dóó nihí hane’ yá’át’éehii Joseph Smith bich’į’ íishją́ ályaaígíí t’áá át’é bee nihił dahóone’ Diyin God aZhé’é nilį́į ánii bá yáłti’í yiyíizhi’ii yee yił hoolne’: “Díí ShiYe’ Ayóó’óósh’níinii nilį́. Dayísółts’ą́ą́’!” (Joseph Smith—History 1:17).
Nihí ninályá baa ákodaniidzí’ii bidániildzil diyin be’ádziil dóó éí bibee ąą nídaditíhii. Nihí bee ńdadeeghál t’áá awółibee Bóhólníihii biSódizin bá Hooghan bízhi’ bee wójí, Jesus Christ Binahagha’ Akée’di Dayoołkáałgo Yá Naazínígíí. Dóó nihí atah t’áá da’óhsąní dóó sódadólzin áko díishjį́ dóó náasjį’ nihokáá’ yiłníhii t’áá dinóotłóół’. Díí abínígo nihí Bóhólníihii bá yáłti’í hináanii nihidíisnáá’ Ninályá béé haníigo saad yee haadzí’ii. Nihí saad yee haadzí’ii nihił t’áá ákot’é: “Dine’é Ninályá báhane’ yaa sódadilzingo dayółta’ dóó oodlą’ yee yeda’áł’į́nii bee bik’í dahózhdoodlíiłii t’áa bí deidóołtsééł diyingo át’éii dóó éí bee dine’é Bóhólníihii nihiYisdá’iiníiłii, Jesus Christ náakigi nadáhii yee hasht’edidoonííł.” 1
Nahat’á
Díí lá ałtso Nahat’á diyiníi biyi’, áko Diyin God ba’áłchíní yináhjį’ hadaałt’é dadooleeł dóó Bígi ádaat’ée doo. Saad dadiyiníi biyi’ kóní t’áá “ił hózhǫ́ ayóó át’áo binahast’á,” “naht’á ak’eh niná’doolyééł,” dóó “yisdá’adááh binahat’á” (Alma 42:8, 11, 5), eíí nahat’á—Niná’alyá bii’ íishją́ ályaa—Yá’ąąshdi Baa hane’ bee háhoolzhíízh. Ii’sizį́ daniidį́́igo, ahool’áo iiná baa díikah daniidzį́į’go diyingo ániséii binahj́i’ bi’íł hózhǫ́ nihee dáhodooleeł. Áajį’ eíí baa daníilzą́ t’ahdóo nihits’íís bitsi’ dáhalééhgóó. Bii’ hadidíikáhgo eíí, Diyin God Azhé’é nilį́į binahat’a’ bee díí nihokáá’ ályaa. Atsíís bii’ iiná binahat’a’, nihí ni’iidzíí bee łiniilzhingo ach’į’ ánahóoti’ hólónii yée nihíi’sizį́į dadinóoseeł. Nihí ałdó’ nihits’íís dadóotsaałgi niidzá. Aniné dóó bąąhí yii’doo háanhodoo’ísh, nihiZhé’é Diyiníi binahat’a’ bii’ Yisdá’iiníiłii ła’ hólǫ́. Bí Náá’diijééh yee anináaéedę́ę́’ ałtso yik’é ni’doolééł, dóó Bíts’íís yee ni’ídlá altso nida’íisí’ii yee yą́ą́h ndéidiyóół’oł biká t’áa doole’é yináhjį’ dadinóosełii yeda’óolíiłgo. Díí Jesus Christ ak’é Niná’ídlá lá aZhé’é binahat’a’ ts’ídá biníi’silá.
Yá’ąąsh bii’ áłah ázlį́’ii, Diyin God ba’áłchíní ii’sizį́į ałtso Azhé’é binahat’a’ bee bił hóone’, áadi t’áá bił bits’íís bąą hilį́ dóó kánaaghá, yá’ąąshdoo biká ana’áwo’, dóó ayóó át’é doolééł biniiyé. Nihí hideeyáádę́ę́’ nihiníyáajį’ deiitsą́. Ałtso díí nihokáá’ bits’íís hólǫ́ǫ ndáhidiichííł Azhé’é binahat’a’ deiníizíí’ dóó éí yá’ąąsh yíi’di yiká agha da’dées’ą́. T’óó ahayói ałdó’ Azhé’é yił ahada’díist’ą́ bits’íis yii’ ha’íí ádeidoolííł. Ahóot’i’ eíí t’ahdóo íishją́ ádaalnéeh da, ii’sizį́ niidlį́įgo nihits’íís hazlíi’go ádiilnílíí béédahóodzin.
Ats’íísjí dóó Ii’sizį́įjí Kééhat’į́įdi
K’ad Azhé’é binahat’a’ ałkéesinilígii ahiiso la’ agháo nihidadíiti’ii nihits’íís hólǫ́ǫ néikah’go dóó bik’ijį’ éí iisizį́įjí kééhat’į́įgo haządi.
Diyin God ba’áłchiní ats’íís yee dahiiná dóó daneezná bik’ijį’ t’áá daneeséełdoogo bá ályąa áko’ t’áá bedaałt’é dadoolééł biniiyé. Díí nihiZhé’é Yá’ąąshdi Hólóonii Ba’áłchíní t’áá’ałtso yá yinízin. Díí ił hózhǫ́ bik’íidiikahgo, ahooláo bee hazt’ánii eíí Jesus christ Niná’ídlá bináhjį’ ts’ídá nołtólí siidlíi’go aZhé’é dóó aYe’ bił kééhoiit’í dóó yisdáá’adááh bee nihik’ihojísdli’go baa nihił dahózhóo doo. T’áá Naaltsoos Mormon Wolyéhígíí yína’niłtingi, Bí hágo ní “ałtso baa hidóokah dóó bíyá’át’éhii ńdeididoolééł; dóó bí doo ła’ shaa díináał yiłnín da, łizhin dóó łigai, bi’dótą́’ dóó níik’eh naaghái, biką́’ii dóó bi’ádii: doo béé dahósin yenálniih: dóó Diyin God ałtso bił ałheełt’é” (2 Nephi 26:33; see also Alma 5:49).
Diyingo binahast’a’ nihá diidleełíí bee bik’íídiikahii bee doo’ál’į́ adá niidzin índa doo baa néit’ii da áko ats’íís yinó’áhii Diyin God bibee haz’áanii dóó binahát’a’ bits’áají í’oołííł nihił ní. Éí ałdó’ bee bik’íídiikahii eíí nihíts’íís nááná ła’ yinó’ááh, dine’í bąąhí ádaat’į́įgo doodágo ąąh daház’ą́ t’áá bił nihi’dizhchíi. Łahdá agháago ti’hwii’nííh dóó nihínitáhii lá bee diníilzeeh t’óó siitį́ dóó na’iiniidlíígóó. Dóó díí ats’íisjí ye’áts’ih biniká hool’áo dah yik’ídoogááł jó diyinjíi atá’ eet’ą́ǫ bee ch’ééh niidzidgo ałtso ats’íísjí yich’į’ ańdahodooł’íh bits’ą́ą.
Nahat’á yit’į́ ályao ahwiis’áo yiidááł, nihits’íís hólóo biká dóó adahoonííł biyi’ yiidááł, dóó yá’ąąshdoo diyiníi bee nihiké ida’doowół. Diyin God bibee náhaz’áanii t’óó baahast’igo nahaaz’ąą’jigo yidalgo t’áá bitsee’da yee nihił halne’. Diyin yah nda’nitinii danihíi’eesh dóó nihika’anájah holáágo iiná k’eh atiingo yik’ahgo.
Diyin God bináhat’a’ dį́į́’ ayóó’át’éego bee nihiká aná’awoh iiná k’eh atiingo yik’ahgo. T’áá ałtso Jesus Christ ak’é Nina’ídlá binahjį’ niháá yíiznil, náhat’á yiníi’ ’át’éego díilzii. Dii áłtséhigii nihił bééhózin t’i hósnii’ígo nihi oodzíí bee ádáná’iikąągo nihá nina idła, éí oodzíí nighądoołdah. Áko jooba’go ánihwíí’aahii áłtsogo “doo yéé doolnih da” (Doctrine and Covenants 58:42).
Náaki góne’, nihi Yisdá’iiníiłii ak’é Nina’ídlá łahdóó, nihookáá’ hinání bich’į’ ándahast’i’ ałtso t’áa Bí ák’iidiit’ą́. Díí at’éego diyiníi bee nihiká e’ewó’ dóó ats’íís bił danidáazígíí bich’į’ nihídzííl, siizíigi dóó ahwís’áo, ndájibáá dóó ndáałnííh ádaat’éí. Naaltsoos Mormon Wolyéhígíí bee hadiil’į́į́h saad diyiníi yáá halne’go díí ak’é nina’ídlá bidzíílgo hólóo t’éiyá. Yisdá’iiníiłii ák’iidiit’ą́ “bidine’é dadinííh, dóó bidadílna’ [dóó bich’į’ ándahast’i’]. … Dóó t’áa bich’į’ ndahwiiłnáii ak’iidiyíít’ą́, biyéél dah eíí ajoobá’ bii’ ha’didóóbį́įł, ats’íís k’éhgo, bí eíí akó bidine’é bee bich’į’ ndáhwii’náii bił bééhózingo yee yiká adoolwół” (Alma 7:11–12).
Táa’gi, Yisdá’iiníiłii, binahjį’ Bí ak’é Nina’ídlá íiti’íi binahjį’, aniné ak’eh didlínii nahjį’ kóyiilaa dóó baa ił hózhó yee haadzí’íi eíí nihi ałtso lá náádidoohjah. Náaltsoos Mormon Wolyéhígíí na’nitin, “Díí ats’íís hadilnééh t’áá ałtso bá’áté, t’áá áłah sąní dóó nooséłi, t’áá áłah naalte’ii dóó t’áá bíniikeh’naaghái; t’áá áłah biką’ii dóó bi’ádii, t’áá áłah ni’iisííhii dóó t’áá ákogi át’éi; dóó doo ndi’ bitsííts’iin bąąhdoo tsíí’ ła’ yóóadoodíł da; ndi t’áá ałtsoní hadaałt’é ándoolniił” (Alma 11:44).
Nihí díí Easter biyi’ náá’diijeeh aleehígíí baa dahwíi’niih niit’ą́. Díí binahjį́ ntsiikees dóó bee nihidziil t’áá ániiltso nihichį́’ ndahwiináo dóó ayóó’adeenį́íninígíí, nihits’íís, nihini’, doodai nihíni’ bi’ohgo ndaníhídeeshchį́ doodaii iiná bitsąądę́ę́’ nidadiilyá. Dii Náá’iijééh biniinaa, nihíł béédahózin nihits’íís bi’óh ádanihósinii t’óó honíshghanjį’ ákoda át’é!
Diyin biná’nitin ninályáhigii binajį́ Náá’iináah nihi kéi bił keenahwiníítíído—bił iiná ádeełiniigii, áłchiní, dóó nidanihiishchiinii. Díí ayóó bidzíilgo binahjį́ biníidłíígo nihi kéí baa’áhwiilyąądo t’ah nihi ts’íís hólǫdą́ą́’. Éí ayóó’o’o’nii bee ahiłkeehwiih tį́į́go nasdi iihózhǫ́ǫ́go ahineedika dóó ahił naadahiníináádo.
Dį́į’gi dóó akéede’, díishjį́įdi diyingo hane’ nihe’ iiná łahgo iiłneehgo doo ats’iis bee nihónít’í’go yiinanhiniłtin. Dii bitziiłgo ahódooniłigii t’į́įdigo íishją́ ályaa. Díí iináagi lá Diyin God biłya andiidáał bika hashtʼeʼádílnééh bee hazʼą́ dóó tʼáadoo nihi oodzíí bee ádáná’iikąą najį’ hwiiłiní (seeAlma 34:32–33). Nidi, iisizíínii keehatį́į́di Diyin bahane’ bee nidanitin aazhą́ “bąąhági ádzaa’ dóó t’áá aníinii doo dééniizį́į’ígíí” (Doctrine and Covenants 138:29) dóó áadi nidanítinígii ádá’ńida’ookąą̨ yiideigha’ ts’ídá Akéedi Nihwíit’aah bich’į’ hoolzhishgo (seeverses 31–34, 57–59).
Yá’ąąshdi nihi Zhé’é binahat’áá ’ádaat’éhígíí kwǫ́ǫ́ ła’ nááná:
Jesus Christ báhane’ ninályáhii łahgo át’éego baantsá’hákeesgo dii doo ádeena’a’né, ahé’éské, dóó áłchiní biyaa ndahwiileeh yee na’nitin. Diyin God binahat’a’ bóhódoołnííłgo Diyin God bik’ehgo ahé’éské yína’níłtin, diłzingo hwii’aahgo ats’íís bee nida’iichí , dóó amá dóó azhe’é ba’ałchiní yil hool’áágóó iiná nideedidoolééł biká. “Ahé’éské Diyin God nihooká dine’é yá yiidiisiid,” Bóhólníihii ádííniid, “… éí nahasdzáán yaa hadoodzih yike’ áhoolaago” (Doctrine and Covenants 49:15–16). Díí biyi’, Bínahat’a’, ła’ t’áh’anííh, nihookáágo t’áá áyisíí yits’ą́ąjį danilį́ dóó doo yee nahaz’ąąda.
Nihookáágoo ats’íís áłnééh bee iiná yiléehii ts’ídá agháadi adziil hadiłt’éii Diyin God Ba’áłchíní yeidini’ą́. Éí hadiłt’éii choo’į́į́ átsé beehazáanii bił bádeet’ą́ Adam dóó Eve, ndi beehazáani nááná ła’ bidziilii ałdó bádeet’ą́ t’óó yee tsi’didookah bitsą́ąjį́’. T’áhdoo ahaaítaash naaltsoos shijołtehgo, ats’íís áłnééh ts’ídá agháadi adziil hadiłt’éii choo’į́į́ ał’ąą’ádaat’eigo doo ya’áshǫnii dóó aláahdi dilsinyę́ę t’oo ba’ii ádayiilaa diné dóó sáanii. Ná’nitin ninályá ats’íís baa áháyą́ą beehazáanii t́áá íiyisíí át’éiigo yina’niłtin háálá ats’íís iłnééh hadiłt’éii adzííl Diyin God binahat’a’ bee ła’dooniił.
Ha’át’íílá náána?
Kad naakidi neeznádiin nááhái, Áłts’é bił Ííshją́ą́ é’élyaago hane’ Ninályá bee hahóóyá, Diyin God binahat’a’nihił bééhózin dóó nakidi neesnádiin nahai Diyin Bisodizin ninalya éí bee hasiihgo binajį́ nihi kihójidłi. Dii 2020 yighą’go, baa dlohódichiidgo 20/20 ádahóót’įįdígíi ayóo bee yit’į́.
Náásgóó ha’iilzíídgo, haánee’ yiteego, doo hózhǫ́’ ééhózinda. Nihił bééhózin nakidi neeznádiin nahai na’nitin ninalyádóó bik’ijį, ii’sizíinii kééhatį́į́di k’ad łą’ída bits’íís yee áda’íílaa’ígíí ádi łahdóó na’nitin ła’dééłééh. Dóó nihił béédahózin lą’ída Diyin Bighan ndaas’nil éí Diyin yiłahá’dadííst’ą hooláágóó bik’eh ádahalne’ áda’nida’ookaaígíí bá dóó Diyin God bina’nitin dayiiłtsóódígii anoonééł bidáádiníbaal t’áá áłch’ishdę́ę́’. Dii t’áá áłtso Yá’ąąsh dę́ę Nihizhé’é bihot’ááł bee náás hoolzhish. Diyin God bee ayóó’ó’ó’ni ayóó’át’é, Ba’ałchiní t’áá ałtso ayóo ádahóótéégo ya’ áhoolaa’, ndi t’áá bíbínik’ehgo Ch’į́įdii yaa’áda’diistanigii éí dooda, (see Doctrine and Covenants 76:43).
Nihił bééhózingo Yisdá’íiníiłii nidodaał dóó dimííl ńdoohah hasht’e’hodit’éégo hoo’áałgo nahasdzáán bika iiná áádoolzįįł éí Diyin God bihoot’áał át’é. Dóó nihił bééhózin náhdahidíínaał t’áá da’ałkéé, beehazáanii bik’ehóółzin dóó doo bik’ehóółzinda binahjį́, akéedi nihwiit’aahjį t’áá łá’i’ nidziinígo nihits’íís háádadilyaa bikéédéé.
Niha ndhwiidoot’ááł iiná áda’iilyaaigii bik’ehgo, nihi jéi biihdéé laanaa nidzinigii, dóó diné héet’ehigii siidlį́į́. Dii nihwiit’ááh Diyin God Ba’ałchini t’áá ałtso ayóo ádahóótéégo yah’áhiidookah beehazáani yida’ilaaigii bik’ehgo dóó bił yah’ádahóótéédo. T’áá aniiłtso niha nihwii’aahii éíi nihi Yisda’íiníiłii, Jesus Christ (see John 5:22; 2 Nephi 9:41). Diyin nilį́ hadaltéégo Biłééhózin t’áá át’é íítinígii dóó níídzinígii, t’áá áła doo ádá nída’óókąąhígíí doodai doo łahgo ádiiłya’ígíí dóó ádá nida’ooskąądígíí doodai yá’á’dat’ééhii. Ákohgo, niha nihoot’ąągo bikée’di adadį́dííniił “éí nihoot’anigíí ’áá ákógi át’ée” (Mosiah 16:1).
Bee nihonishnííh, shił bééhózin t’óó’hayóí naałtsoos shichį́ ’ádeił’į́ dóó Sodizin ya’andishdááł daaní łą’ida azhą́ bízhi’ naahjį’ hadahasdzó doodai ’ats’ádahaske’ ndi. Lą’ida Sodizinji da’atahigii yisdá’iiłdééh bohótááł doo hahzhó’ó yik’i’dadiitį́į́hda, éí hane’ łą’i na’nitin bina’idikid bee ééhózin dóó Sodizin ninályá bibeehaz’áanii iishjaní ádalyaii. Diyin God binahat’a’ nihil bééhóziníígii dóó biłaha’da’deet’ánígíí ániit’a’ bééhózingo nihidadéét’i’ dii t’áá aniinii bee na’nitin dóó naadee t’áá ałtso yee nasdooka’ dóó niha bohónéedzą́ t’áhadą́ą́. Jesus Christ t’áá aníí Diyin át’é, Yisdanihíínił dóó Nááńhisnį́į́’, t’á’ałtsonii bee bóhónííh’ą́’, Jesus Christ bizhį́’ binahjį́’, amen.