Áká Ayeed Biniyé Yá’ąąsh Ąą Álnééh
Tsółtį’ Bóhólníihii Jesus Christ deiniidlą́ągo ch’ídadiilnish!
T’áadoo benáłt’éhégóó dóó nizhónígo áłah dasiidlį́į́’! Ahéhee’, ayóó’ánihíínísh’ní Laudy dóó Enzo. Sodizin bá Hooghan biyi’ t’áá íiyisíí ayóó át’éi ch’ikéí dóó tsíłkéí yá át’éhii binahjį’ danihi’nél’į́.
Shik’iské dóó shilahkéí ayóó da’nóhlį́, dííjį́ lą’ída Sodizin Báhooghan Nináłyáago bee nihił nidáhazne’—Sodizin Báhooghan nihi Yisdá’iiníiłii, Jesus Christ, nihokáá’ na’nítin haidíilaa yę́ę át’é. Áko Nináłyáago bił hahóolzhiizh naakidi neeznádiin nááhai yę́ędą́ą́’ dáango Diyin God Azhé’é dóó BiYe’, Jesus Christ, Joseph Smith tsíłkéí nilį́įgo yaa ní’áázh.
Díí baa ni’áázh bik’ijį’ neeznáá nááhaigo, Bá yáłti’í Joseph Smith dóó ashdla’ yilt’éego nídii’nilíí Bóhólníihii Bisodizin Báhooghan Nináłyáago háádayiiswod.
T’áá dihwíhí eíí T’ą́ą́chil 6, 1830 góne’ áłah silį́’ii, yee’ nahasdzáá t’áá si’ą́ą ńt’éé’ bikáá’ 16 dimííl dóó be’aan kojí da’átah. Díí Sodizin Báhooghan yá’ádaat’éhii nihokáá t’áá si’ą́ą ńt’éé’ bíla’ashdla’ii ti’dahóoníhíí yiká ándaajahgo bee béého’dílzin dóó yee biih ńdahwiildóóh. Ndi ts’ídá biniiyéhíí hastóí, sáanii, dóó áłchíní Bóhólníihii Jesus Christ yikéé’ deiyíkááh, Bibee náhaz’áanii yik’e dahółį́, dóó aláahdi ak’ihojídlį́ deidóołbįįł—áko bí dóó ayóó ádayo’níi Diyin God hool’áó yił kéédahat’į́į doo. 1
Díí éí lá aláahdi béé deilnííhii eíí Joseph Smith Diyin yá yáłti’í nihił danilį́į ndi, díí doo Joseph Smith bisodizin báhooghan át’ée da, doondó’ éí Mormon bisodizin báhooghan át’ée da. Díí Jesus Christ Bisodizin bá Hooghan át’é. JT’áábí ha’íí Bisodizin Báhooghan bee wójí yee haadzíí’: “Kót’áo shisodizin báhooghan iił káahjį’ bee deiyinóshí, Jesus Christ Binahagha’ Akée’di Dayoołkáałgo Yá Naazínígíí.” 2
Áłtseedą́ą́’ baa yááłti’ dِíí Sodizin Báhooghan baa yádeilti’go yíínííjíigo t’áá áyisí bízhi’ígíí bee yííníijíi dooleeł eíí hazhó’ó ałch’éé doolnííł dishníigo. 3 Íídą́ą́’ dóó hóshdę́ę́’, lą’ígóó hasht’édaalyaa. T’áá íyisíí baa shił hózhǫ́ Naat’áanii M. Russell Ballard dóó t’áá ałtso Naakits’áadah Yilt’éego Ádahees’a’, díí yindaalnishgo yéego yee aká iijéé’ k’ad t’áá ákónaadadoo’nííł díí i’ííánígí biyi’ naanish ádoolníłígíí ła’ nihił ch’ínáádeeshááł.
Sodizin bá Hooghan biyi’doo naatáanii donlínígíí dóó bił nahaz’ą́ą́góó, dóó kójí da’atahígíí mííl yilt’éego—dóó nadaała’—k’ad díí Sodizin Báhooghan t’áá íyisí bizhi’gíí yee dayózhí. Sodizin bá Hooghan bik’ehgo e’él’ínígíí hashténádzaa. Sodizin bá Hooghan t’áá íyisíí yił naalnishígíí beeshńtsékees biyi’dóó website k’ad ólyéhígíí eíí ChurchofJesusChrist.org. Email bee áda’al’ínígíí, dóó domain dabízhi’ígí, dóó social media bił dahnahaz’ąądo ałch’eńdaalyaa. Ayóó ádéiníí’niigo nihá dahataałígí k’ad éíí díí bízhi’ “The Tabernacle Choir at Temple Square.”
Aláahgo bindashiilnishígíí eíí díí doo ádoonííłda binyé éí Bóhólníihii bizhi’ Bi Sodizin bá Hooghan, nihí bąąhdo nahjį’ kódajiiłįįhgo, t’áádoo baa ákodazníziní Bi doo bichį’ sodazdilzinda dajileeh doo hwe’iina’ doo bídazhdééłt’i’da yileeh. Tó beeho’dilzį́į́hgo Yisdá’iiníiłii bizhi’ ák’izhdiit’ááh, dóó oo’íinii bá jileeh, hazaad bee, dóó hantsékees bee, dóó ájít’inígíí bee, áko Jesus eíí t’áá aaníí Christ niliníigo baa ákozniiziih. 4
Ałtséédą́ą́, bee hasdzíí’ “yéego bindadiilnish Bóhólíihii Bizhi’ dóó Bisodizin Báhooghan bił ahindéidiiltsoł,” ákódeilyéego eíí Be’adziil dóó Bee ak’ihojidlí Díí-jį́įdi Bikéé’naazinígíí yich’į’ kwíidoolííł t’ahdoo éí ła’ nihinááł ákwáhánéeh da.” 5 Ákódííniidyę́ę dííjį́ t’áá ákónanhidish’ní.
Bóhólníihii béé deilniihdo díí Jesus Christ Binahagha’ Akéédi Dayoołkááłgo Yá Naazínígíí Bóhólníihii Bisodizin bá Hooghan át’é, díí baa nihił dahózhǫ́ǫ binahjį’ bee ééhóziníí ła’ nihich’į’ ííshjáán ádadiilnííł Jesus Christ Bisodizin Báhooghan ałníígi sizį́įgo yaahalne’.
Díí bee ééhózinígí eíí nastł’ahdoo tsé bee ha’ootł’inígíí bikáági Sodizin Báhooghan bízhi’ bik’i sinil. Jesus Christ eíí nastł’ahdoo tsé beeha’ootł’inígíí át’é nilí. 6
Binahjį’ bee ééhózinii eíí Thorvaldsen tsé ńtł’izígíí yee Christus neizhch’ąą’ béé ályaago ałníí’gi sizį́. Bóhólníihii naadiidzá, t’áá aaníí hiná nihich’į’ bigaan ąą’áyoosin shaahokááh níigo béé’ályaa.
Binahjį’ bee ééhózin biniyé, Jesus Christ ch’é’étiingi tsé bee ahi’diitł’inígi yiyaadoo sizį́. Ch’é’étiingi tsé bee ahi’diitł’inígi éí Yisdá’iiníiłii táá’ yiłkaahgóne’ náádiidzá Tsin Ałnaosdzoh Bikaa’gi bi’diisyíną́ą beedeilniihdo binahjį’ biniyé.
Díí binahjį’ bee ééhózinii lą’į́ shį́į́ nihił béédahózin, bina’nítin Nináłyáago Christ náádiidzá dóó hiná nihił béé dahózin.
Díí yee’ bee ééhózin k’ad choo’į́įgo naaltsoos nidandeehíí, hane’ bikáá’ ádaalyaa, dóó Sodizin bá Hooghan biyi’dóó baa nda’aldeehígí. 7 Díí binahjį’ t’áá’áníiltso beedeilniihdo díí eíí Yisdá’iiníiłii Bisodizin bá Hooghan át’é, biyi’dóó áda’iil’ínígíí eíí Jesus Christ bá ádeit’į́.
K’ad, Shik’is dóó shilah da’nóhłíi, yiskao lá Tsin bit’ąą’ biDamǫ́ǫ, Eldir Gong nizhónígo yee nihił nahasne’. Áádóó ła’ damǫ́ǫ náá’ásdlį́į’go eíí Easter aleeh. Jesus Christ bikéé’ deiyinííkahii, dííshjį́ dikós ntsáa COVID-19 nihaa níłnii’ii nihokáá’góó bik’ee nitsi’íldee’, tį’ t’áadoo Christ t’óó baa yádeilti’í doodágo Christ bee nda’niitiní doodágo t’éiyá Christ bee nda’niitin da.
Tsółtį’ Bóhólníihii Jesus Christ deiniidlą́ągo ch’ídadiilnish!
Nihił bééhózingo, Sodizin bá Hooghan yii’ nidízi’go ła’ajį́ ch’iyáán ádąąh yit’įnii ándayííl’į́į́h.
Ch’iyáán ádąąh yit’į́ ałk’idą́ą́’ bee na’nítin. Diyin Bizaad biyi’ ałk’idą́ą́’ t’áá áádę́ę́’ yeda’ałį́įgo baa dahóone’. Moses, David, Ezra, Nehemiah, Esther, Isaiah, Daniel, Joel, dóó t’óó ahayóí ch’iyáán ádąąh yit’í ádayiilaa dóó yee nida’neeztą́ą́’. 8 Isaiah ńdayíizóh yinahjį’, Bóhólníihii adííniid: “Da’ dóosh díí ch’iyáán ádąąh yit’í nidííniid yę́ę át’é? bee doo yá’ádaashǫ́ bitł’óól néidootah, dóó bihéél ndaaz ídeidoolííł, dóó atídaal’į́ yi’diyóołnih?” 9
Ayíił’a’ii Paul yich’į’ haadzíí’ Corinthdi Da’oodlánígíí “ch’iyáán ádąąh daaht’į́ dóó sodadołzin.” 10 Yisdá’iiníiłii t’áábí yee haadzí’ii eíí t’áa doole’é “doo haagháah da ndi sodizin bee dóó ch’yáán ádąąh yit’į́įgo.” 11
Ánii naalkidí biyi’jį’ kódíshníigo haasdzíí’ “azee’ííłíní dóó diné yinaalnishígíí nishłí, binahjį’ éí t’áá íiyisíí shił nilį́ azee’álį́į́go nidaalnishígíí t’áá ałtso, dóó t’áá ałtsooí ndeiłkaahígíí, dóó t’áá ałtso doo ni’kódaanééhgóó deilnííshígíí díí dikos ntsaaígí náhát’eits’áadah COVID-19 yich’ąąh déilnísh ni’kódoolnííł binyé.” 12
K’ad, Jesus Christ Binahagha’ Akée’di Dayoołkáałgo Yá Naazíinii biNaat’áanii nishłį́ dóó Jesus Christ Ayíił’a’ nishłį́į, shił beehózinii eíí Diyin God “adziil ałtso bee hólǫ́, ałtso bee hódzá, dóó ałtso ak’idiitįįh; t’áá ałtsóní bił bééhózin, bí lá íiyisíí jooba’, nléí yisdáá’iildéehjį’, haishį́į́ ná’ooskąn dóó bízhi’ yee oosdląądii. 13
Áko, nihich’į’dahodiiznáá’, naałniihii bik’ee tihdahwii’į́į́h, Nihizhé’é Yá’ąąshdi Hólóonii dóó Biye’ bich’į’ sodiilzin doo—aláahdi Na’áłziihii Nilí—tsidá aláahdi Bi Bee adziilii yee nahasdáán bikáágóó bila’ashdla’ii yihik’ijidoodliił dóó bá yiidooltsééł.
Naalkid íishłaa biyi’, eíí ádííniid, t’áá áníiltso sodizin bee ahíidiikah ch’iyáán ádąąhdeit’į́įgo Damóo gone’, Tą́ą́chil 29, 2020 góó yołkááłyęędą́ą́’. T’óó ahonohyóii éí naalkidí danóół’į́į́ dóó nihił ch’iyáán ádąąhdahsoot’į́į́d. Ła’ shį́į́ éí t’áadoo ádaodzaada. K’ad éí t’ahdii yá’ąąshdę́ę́’ nihíká i’doowoł daníídzin.
Díí tł’éé’, shik’is dóó shilah da’nóhłį́į, Mosiah biye’kéí ádaadzaa yę́ę, haashíí nizáhjį’ ch’iyáán ádąąh deit’į́ dóó t’áá íiyisíí sodadilzin, 14 dóó T’ą́ą́chil 2020 ntsáo áłah áleehgo, Shí ádish’níigo nahasdzáá t’áá si’ą́ą nt’éé’ ch’iyáán ádąąh dadiit’į́įł. Ałtso bits’íís bíighahígíí, ch’iyáán ádąąh deit’į́įgo, sodadíilzin, dóó deiniidlą́ągo ádadiilnííł. Tsółtį’ sodizin bee nda’iidiikąął díí nihaa níłnii’ígíí nihik’idóoldoh.
Bee ałká adíijah t’áá aníit’é, dóó kojí da’nohtahígíí ndi, Yá’át’éehgo Nda’iiníísh, T’ą́ą́chil 10 góne’, eíí nihaa níłnii’ígíí nihik’idooldoh, aa’ ádahalyá baa hą́ą́h dahásin, ák’ihalta’ bidziil ńdoodleeł, dóó iiná bee hasht’e’ ninádiikah.
Hait’áosh t’áa adąní ál’į́? Naakidi oodą́ą́’ bíighahgo doodágo 24 ahéé’álkidjį’ t’áa adąní. Ndi t’áání nihólníihgo doo ch’iyáán niyą́ąjį’ dooléełii ninádidíí’ááł, béé nílniih Yisdá’iiníiłii ts’idá aláadi niná ádeet’áo nihá nina’ídlá. Tsółtį’ sodizin bee ahíidiikahgo nihokáá’góó ałtso ńdahodóodzih.
Yá’át’éehgo Nda’iiníísh góne’ yee’ t’áá íiyisíí Ya’ąąshdi nihiZhé’é nilį́į dóó BiYe’ nihi didoots’į́į́ł!
Shik’is dóó shilah da’nóhlį́, t’áá íiyisíí ayóó ádanhiiníi’ní, dóó díí náanish diyinígíí dóó baa hasti’go ádeil’įnígíí Diyin God bitsą́ą́dóó. Díí lá Jesus Christ Binahagha’ Akée’di Dayoołkáałgo Yá Naazínígíí. Jesus Christ yilą́ąjį’ sizį́ dóó t’áá ałtsoní t’áá bí bik’ehgo áda’iil’į́. Shił bééhózin Bidiné’é nidabóoką́ąhgo eíí yididoots’į́įłgo yiká adóolwoł. T’áá aaníí ádishnóo Jesus Christ bízhi’ baa hasti’íi binahjį’, áámen.