Hágo, Christ Baa Nohkááh—Akée’di Dayoołkáałgo Dayoodlą́ągo Dahiná
Nidanitł’aaígíí ádleelį́įgo bííníígah dóó biká’ anéílwo’ígíí dó’ ákwódaat’ée doo, háálá yiniidlánígíí nił bééhózin.
Ahéhee’, Elder Soares, bidzíiłgo dóó Diyin bá yáníłti’gi ne’oodlą’ bee Mormon biNaaltsoos baa héínidzíí’. Ániid, Mormon biNáaltsoos wolyéhígíí biyi’ déé’ saad ts’idá áłtsé nídahaasdzo yę́ę ła’ yiiłtsood. Díí hoolzhizh biyi’, éí dahyistsoozgo Nephi bizaad dabidziilgo dabikáá’: ”Shí ákǫ́ǫ́ deeshááł dóó Bóhólníihii ádííniidígíí biʼdeeshłííł, háálá shił bééhózin Bóhólníihii baʼáłchíní beehazʼáanii doo łaʼ yeidoolééł da, tʼáá hazhóʼó yá hashtʼehoolaago tʼéiyá tʼáadoo leʼé áyidííniid yę́ę yidaʼdoolííł.”1
Éí naaltsoos dahistsoozgo, ayóó baa ahééh niizį́į́’ Joseph Smith naadiin táá’ binááhaigo, Mormon biNáaltsoos ́ata halne’go ́yik’i niinínil ”Diyin God bibee adziilii dóó bibee aʼiilyéii bee.”2 Dóó Nephi tsíłkéí nilį́įgo bizaad baa ahééhniizį́į́’, éí t’áá áyisíí nanitł’ago bich’į’ hodool’a’ Laban bibéésh łitsoi ńdidii’nił hodoo’niid.
Nephi bił bééhózin Diyin yik’ehgo át’éego, Diyin ábidííniidígíí bik’eh áhodoolnííł. Yisdá’iinííłii yikéé’ yigááłgo be’iina’ áyiilaa, bits’íís nabinnitłago, dóó doo yá’át’ééhii yik’ee ti’hooznii’, dóó ła’ bikwáhásiníi ndi yóó adabideez’ą́.
Nephi bił bééhózin háíshį́į́ ya’ólíhígíí.3 Biki’jį’ kwíídííniid, ”O tʼáá íiyisíí hastiin doo bił hózhóonii nishłį́!” Aooʼ, atsʼíískʼehgo nisinígíí biniinaa shijéí tʼáá íiyisíí yínííł silį́į́ʼ,”4 Nephi ánáádooniid, ”ShiDiyin God shíká análwoʼ, doo kééhatʼínígi tiʼhooshníihgo áádę́ę́ʼ shinílóóz; dóó tónteel bikáaʼgi shíká eelwod.”5
Christ yikéé’ sizíínii niidlį́įgo, ach’į́’ nahwiiná bits’ą́ą́dóó óhoo’aah doo nits’ą́ąhjį’ kódoolníił da. Łahda nidanitł’aaígíí ’ádííłííł nihidi’niih, t’áá sáhí i’iilnéehgo, nihilááh nádleeh, łahda doo biyi’dóó háá’iildééh da. Yisdá’íiníiłii ’ání, “hágo, shaa hohkááh,”6 adziilii nihaidoolééł, hahsih dó’, hodeezéél éí t’áá íiyisíí Nephi dóó Joseph yee yiki’jisdlį́į́ yę́ęgi’ át’áo. Hoyéé’ bee na’alkaah bitł’ááh nizhnítłiz ndi Be’ayóó’o’ooní yee nihinídoochił ba’ííníídlíigo nihá ’íínízinígíí yiiltsoodgo. Oo’dłą yee Bikéé naazinígíí iiłhózhǫ́ ba’ át’é nihidó’ iłhózhǫ́ nídidíiłyééł, háálá “Christ iłhózhǫ́ át’é.”7
2014 yę́ę́dą́ą́’, na’nitiní niidlį́įgo, niha’ áłchíní́ bil ach̨́i nahwiina doo naołnį́́į́ nihił ’́ahoodzaa. Tsin nahashjíí’ bikee’ dahólónígíí ya hwii’áá góyaa bił yilwołgo, shiye’ akéédéé’ígíí náágo’go bitsiighąą’ bii’ yishtłish. Yéego ’ádzaago, t’áá íyisíí ádadza’i bil nahasaa gona’ azee’ iiłini ats’íís nideiłgizhígíí baa áłah silį́į́’.
Azee’ álį́įdi t’áá haz’ą́ léí’ góne’ niha’álchíní bił nitsídadiigo’, dóó nihijéí bee Diyin bichi’ hoojooba’ ádadii’niid. Doo ééhózin dóó ak’e’íyéé’ bee nihiłhoo’a’, ázhą́ akótée ndi, Yá’ąąshdéé’ nihiZhe’é bee ’ayóó’o’ooní dóó iłhodeezyéél nihiyi’ ha’da’deezbįįd.
Náásgóó doo ééhózin da, doodaii’ nihi yáázh daats’í doo hiináo neidiiltsééł da. T’áá íyisíí nihił bééhózingo éí be’iina’ Diyin God bilák’ee silá dóó áhodooníł’ígíí, hooláago iiná níiłį́į́go, áhodooníł’ígíí nihiyáázh dóó t’áá nihí niha’ át’ée doo. Diyin Iisizii benagii, haa hodooniłigii bichi hast’e diiniit’e.
Ndi t’óó bikee’ yéego nanitł’a’! Ahoo t’įįdigii biniina ’azee’alįįde nakí hweenideezid nihi éí dį́įdi neeznádiin nidaniit’ííní bikiditįįgo. Nihiyáázh éí yee éi nananiihigi bitsą bi’oo silį́́. Hanitsekees dóó bee ’ajiliniigii, dóó bee yajiiti’igii nadziigo nizaagoo ahoozhiizh. Nahoontł’a t’a hooloo, nide Diyin beealilee deeltsą.
Beehozinigo bikidiit’įį́ doo t’áá ’altso ach’į́’ nahwiiná iiniidzinįgii at’áo biihoołį́į́da. Akoonde, Christ bichii diniitįįgo, nihil hodeesyéél dóó Diyin be’alile baa adahoniidzii’, ał’ąą at’eego, bi oołkil dóó iinizinigii bik’ehgo.
Ach’į’ nahwii’ná biyi’dę́ę́’ t’áá ts’íídgo háá diidáł’ígíí doo nihił bííghah da łeh ákodzaago Nephi ádííniid, “atsʼíískʼehgo nisinígíí biniinaa shijéí tʼáá íiyisíí yínííł silį́į́ʼ.”8 Łahda shi Jesus Christ lá t’éiyá bee ha’ííníilníí łeh. Siih hasin dóó Diyin ba’ííníídłíigo ayóó ak’ihojisdli’ át’é. Christ éí hach’į’ yee haazii’ yę́ę́’ t’áá ałtso yik’ehół’į́. Bee hódeezyéél yę́ę́’ yik’eh áhoolaa t’áá háíshį́į́ Yaa ninádzáhígíí bá.9
Sodizin alą́ąjį’ nisiizínígíí iłhodeesyéél dóó siih hasin nihá deinízin éí Jesus Christ yiniidlą́ągo bich’į’ diníít’į́į́go nídidiilyééł.
Dii jį́ Diyin yá halne’ii, Naat’áanii Russell M.Nelson, Bóhólníihíi bił bééhozinii adahwiis’áo dóó Bóhólníihii BiSodizin Bá Hooghan atah danlínígíí yee yił halne’: Nihihane’ t’áá bééhozinii dóó t’áá aníí: Hoshdę́ę́ danhidii’ní Diyin ba’áłchíní t’áá ánóltso dadiníbaal t’áá ałch’ishdę́ę́ hágo Yisdá’iiníiłii baa hohkááh, Diyin bighan dílzin bee ákihoojidlí nídoole’, ił hózhǫ́ doo ádįihii nidoole’, dóó hool’áágóó iiná’ bik’a hasht’e’ádoolneeh.”10
Díí í’íní “Christ baa hohkááh” t’áá Sodizin Bá Hooghan atah danilínígíí ádabi’diní.11 Yisdá’iiníiłii Bisodizin Bá Hooghan atah danilínígíí Bił ahada’diniit’ą́ dóó Bii’sizíinii Ba’áłchíní daniidlį́.12 Nihidó’ nihąąh niilyá Diyin bił neiłnishgo nahdę́ę́’ t’áá ’ałtso bikéé’ dah doohkááh dabidii’ní.
Christ bił neilnishgo, bił danihighanígíí t’áá ́iyisíí biká anéilwo’ doo. T’áá hoołzhizhgo éí la’ niha’áłchíní dóó nihi kwáhásiní bich’į’ nidahodii’náá’. Adahwiisáágóó saad dadiits’a’́ígíí, dóó t’áá bí adeinízinígíí k’ehgo, t’áá ánínii doo dayoodłą́ą da. Wółíbee íít’į́įgo Christ dóó nihi ayóó ó’ó’ní bee bił bééhózingo biká’ anéiłwo’ doo. Bénáshnih Diyin bizaad ła’ sin ályaa nihił danízhóní yee’ Áyóó Áda Ahíínóh’ní, éí nanihinitin, “Ayóó’áda’ahíínóh’níigo shídahooł’aahii danohłį́įgo diné t’áá ałtso bił béédahózin doo.”13
Áyóó ádeiníiníínii t’áá aanínii doo dayoodłánígíí, iłhózhǫ́ yits’ą́ą̨́jį’ nilíinii Ch’įįdii éí yóó adasidoo’ą́ nihiłníigo yee nihinaałnish nihí t’áá’ aníínii na’nitin bee hiniiná dóó béé na’niitin.
Diyin bił áha’diit’ą́ k’éh ’atiingóó wółíbee yiidááłgo Diyin yich’̨į́ ninádoodááłígíí biká anéilwo’go hanihisíídgo yikéé dahdidoogááł doodaii’ yich’į’ niná’doodááł.
T’áá’ aaníí ayóó ’adeiníínínígíí bił hásdádiikah niidzingo, t’áá íyiisíí Christ Bisodizin dóó t’áá ałtso bina’nitin bidiilkaał doo.
Nephi baa hane’ binéílniih, nihił bééhózin Nephi Diyin yoodłánígíí bimá dóó bizhe’é binááł doo yits’ą́ąjį’ kwínééhgóó Diyin yoodlą́ągo dóó yił aha’diit’ą́ yikéé’ ní’áázh. Díí ayóó ánóólningo Lehi iiná tsin yaa naazyéél yę́ę bee ák’idíítih. Iiná tsin bineest’ą’ ayóó łikan dóó baa hózhǫ́ǫgo yiyííyą́ą́’, áádóó “naazghal, sha’áłchíní yídeests’ééł nízingo.”14 Sariah, Sam, dóó Nephi yik’iníghal niléidi naazį́įgo “dah didookah jígo bił ch’áá danilį́ nahalingo.”15 Áádóó Lehi ́aní, ”Wóshdę́ę́’ bidishníigo bich’į’ kwíísdzaa; dóó bich’į’ hadeeshghaazh hóshdę́ę́’ shaa nohkááh, dóó tsin bineest’ą’ daohsą́.”16 T’áá shǫǫdí baa ákonohsįįh Lehi t’áadoo iiná tsin yits’ą́ąjį’ dahdiiyáa da. Bii’sizį́į Diyin yił hólǫ́ǫgo dóó ba’áłchíní wóshdę́ę́’ yidííniid bí sizį́įgi tsin bineest’ą’ deidooyį́įłgo.
Ch’į́įdii éí na’nitin baa hózhóonii la’ yitsáśgii ’ayi’eesh Christ Bina’nitin Bisodizin bá Hooghan ałts’ą́ąjį’ kwííł’į́įgo. Ch’į́įdii ałdó ałha’diit’aah k’é atiin wohááł t’áá nihi nihik’ehgo bee nołdzil ní, t’áá nihi nihii’sizíi bee, Diyin BiSodizin bá Hooghan t’áágééd.
Dííshjį́įdi, Christ BiSodizin ninályá ba’áłchíní yił aha’deet’á néé aha’deet’ą́ k’eh atiin yikáá’ deiyíkááh doo biniyé.
Doctrine dóó Covenants biyi’ yiiniłta’, “Shooh díí shina’nitin át’é—háíshį́į́ ádaa na’ooskanígíí dóó shaa níyáhígíí, t’áá bí lá shisodizin bá hooghan át’é.”17
Christ biSodizin bá Hooghan biyi’, nihidziil diidleeł da’oodłání bił neildeehgo. Bizhi’ diits’a’ Bá Yádaałti’ii, bá ada’ałíinii, dóó ahodoonííł yaa dahalne’ii biih dee. Íiyisíí t’áá ákonéehii, éí Christ nihá ti’hooznii’ígíí binaagii t’áá ałtsóní bee nihikihojidłi BiSodizin bá Hooghan biyi baa dahast’í’í adaał’į́’ aniit’ahgo éí bee ba ahodíníidzįįł.
Jesus Christ Binahagha’ Akée’di Dayoołkáałgo Yá Naazínígii Christ biSodizin bá Hooghan nahasdzáán bikáa’gi át’é, dííjį́įdi t’áá ałtso Diyin ba’áłchíní bá ninályá.
She’oodłą’ bee ádíshní Christ baa niikahgo dóó Sodizin k’eh hiniinaago, Be’ayóó’ó’ó’ní, dóó bee ił hózhóonii, dóó bee ahodeezyéél bee nihik’ihójísdlį́į doo. Nephi nahalingo, nanitł’ahígíí adiilnííł dóó ła’ akot’éego biká adiilwół, háálá bada’ííníídlíhíí nihił béé dahózin.18 Christ nihe’ ádinídíín át’é, dóó nihe’iina’, dóó bee yísdá’doodáłii át’é.19 Jesus Christ bízhi’ binahjį’, áámen.