Hosanna dóó Hallelujah—Jesus Christ Hináanii: Ninályáago dóo Easter Yijéí Nilį́
Díí yiiháhgi Hosanna dóó Hallelujah, sin baa ha’nííh bee dahotaał—Bí ahooláágóó dóó ahwiisáo Naha’áa doo!
Shik’is dóó shiláh da’nóhłį́į: bik’ijídlí dóó baa ha’nííh bee, nihí Jesus Christ Hinánii baa dah hwii’nííh díí yiiháhgo Jesus Christ bina’nítin Nináłyáh dóó Náádiizáh. Ayóó’ó’óní haałt’éego, nihiYisdá’iinííłii t’aadoo baa níne’í nihiłní: “Shí shee nihił dahózhǫ́ǫ doo… Nahasdzáán bikáa’gi nihich’į’ nidahwii’náa doo, nidi chánah danohłį́, shí nihokáá’ bił nidahazt’i’ii bik’eh déshdlį́į́’.” 1
Lą’í nááhaidáá’, shich’ooní Gong dóó shi hooghangi niit’áázh, at’ééd akéede’ii, Ivy, yánzingo dilní biyi’ii ch’íini’ą́. Dilní hayiitá, bitł’ool hast’eniinígiz dóó tł’ah yąąh áyiilaa. Áádóó bizis yih neiyíítą́, dóó dah náneezdáh. Índa yówooł’ááh, at’ééd ałtso dilní yikáá’ yee hósiníi yaa hóolne’. K’ad, lą’í naahaigo, Ivy nizhónígo dilní yee naané.
Díí ats’íís biyi’ neidáo, nihí íyy dóó bidilní t’įįhdígo ndahóniidlín. Nihíł hodeeyáádóó hahódoozhish. Choiníil’ǫ́ dóó bidíilkáalgo, nihí niilzééł dóó yiichííh yiidlééł. Náás hóolzhishjį’, ats’íísjí bee niháhaz’ą́ dóó ats’íísjí áhoonííł nihiká ahílyeedgo bee Yisdá’iiníiłii beníilt’é yiidlééł nihí bí da’ák’ehgi Bíł yiilníshgo 2 dóó aha’deet’ą́ be’átiin bikáá’ yiidáałgo.
Áhoodzáajį’ anáhoolzhiizh, díí 200 neeznádiin atáh, agháadi ninályáhii ch’éhat’ááh. 3 Ninályáh áhooníłii biyi’ Jesus Christ báhane’ yá’át’éhii, nihí ałdó’ Easter biká hasht’e’ ádadiilnééh. T’áá’áłah biyi’, nihí Jesus Christ nadzáhii baa nihił dahózhó. Hiiná—doo íídą́ą́’ t’éiyá da, k’ad ndi; doo t’áá dikwíhí bá da, ndi t’áá ałtsó’ bá. Níyá dóó baa dahojooba’i néíłdziih, da’asihígíí hasht’ei yoodlííł, bináá’ ádaasdįįdígíí da’ooį́įgo ánáyidlaa, dóó daashtłishígíí ati’daazaahígíí neiyiłzįįh. 4 T’áá ła’í nidzinígo kóniit’é. Náanihoosbánígíí bee nihik’idahojisdli’ígíí éí nihá át’é, ałkidą́ą́, dííjį́ iizaahígíí, dóó náásgóó baa nihine’ígíí éí doo nihik’ijį’ silaa da.
Yiką́ǫ lá tsin bit’ąą’ biDamǫ́ǫ. Ałk’idą́ą́’ yę́ę́ bik’ehgo, tsin bit’ąą’ dilzingo Bóhólníihii baa hózhǫ́ǫgo áda’alį́į ńt’éé’, Christ Jerusalemdi ayóó át’áo baa haniihgo yah’ííyáhígíí át’áo, áadi “t’óó ahoyóí diné… tsin bit’ąą’ nideidiijaa’go, yidááh yíkai.” 5 (Díí Harry Anderson na’azhch’ąąhígíí daats’í binohdlíigo shił beehodozįįł nohsin éí Naat’áanii Russell M. Nelson naalnish góne’ dahsitą́, bikáá’ na’anishí bine’déé’.) Ninályáhii bináaltsoos biyi’, haishį́į́ Diyin God dóó BiDibé Yázhí yaa dahániihii “bi’éé’ łigáii dánineez, dóó tsin bit’ąą’ bíla’ yee dah dayóléeł.” 6 T’áá yił “t’áá ákogi át’éi bi’éé’ ninééz” dóó “bitsíi k’idé’tą́,” tsin bit’ąą’ Kirtlandgi Ataa’ bighan biyi’ sodizin bee yiidlish yę́ędáá’. 7
Alké’ígíí, tsin bit’ąą’ ayóó íłnilínii Damǫ́ǫ Jesus baa áłah danílínii tsin bit’ąą’ ilį́. Tsin bit’ąą’ bééhániihgi, Jesus éí Jerusalemdi yah ííyá da’oodlánígíí baa hoone’ yę́ę́’ yinahjį’ yéédahoosįįd. Zechariah gi’át’áo 8 dóó tsin bit’ąą’ baa hóone’ yę́ę́’, nihi Bóhólníihii tálii yáá hadóolhaazh, “Aghánáhóó’áádę́ę́’ baa ha’niih doo [Hosanna]!” 9 Hosanna ha’íigo “k’ad haa shílóós.“ 10 Áádóó, k’adígíí, baa nihił hózhó, “Bóhólníihii bízhi’ bee bi’dójíigo yigáłígíí bik’ihojidlíi doo!” 11
Tsin bit’ąą’ biDamǫ́ǫ bikéédoo lá Easter biDamǫ́ǫ. Naat’áanii Russell M. Nelson yína’nítinii eíí Jesus Christ “ą́ą́h haa’á ni’doolééł yiká niyá Bí ą́ą́h haa’á bee ádinii biniinaa ąąh haa’á nina’ídlá.” 12 Christ ak’é Nina’ídláh binahjį’, Diyin God ba’áłchíní ałtso “dah yisdáádookah, Báhane’ bibee haz’áanii dóó bibee áda’ool’įįł yeda’áł’į́nii binahjį’.” 13 Easter bii’, hallelujah bee dahwíitaał. Hallelujah ááh yił níníi “Bóhólníihii Jehóvah baa hwii’nííh.” 14 Baa “Sin Hallelujah” Handel Messiah biyi’ lá Eastergo ayóó óonóo ndita’go eíí Bí lá “Aláahgo naat’áanii danilíinii yiNanit’a’í índa bídahólníihii bee Bóhólníihii.” 15
Tsin bit’ąą’ dóó Easter bidiDaǫ́ǫ baa hasti’ yii’ááh bitahgi bik’ihojídlí dóó baa hwii’nííh baa hane’. Bik’ihojídlí lá Diyin God biká baa néiniikąąh. Baa hwii’nííh Bóhólníihii baa dahwiiniih yisdá’iildééh dóó hadaałt’é baa laanaa hwiindzin. Bik’ihojídlí dóó baa ha’nííh biyi’ nihí Jesus Christ hinánii yee’ Easter dóó iił-káadi nináhilyé yijéigo baa ákodaníizin.
Dííjį́įdi na’nitin ninályáhii—t’áá aníí Diyin God NihiT’aa, dóó BiYe’ Jesus Christ, tsiłkéí Joseph Smith yich’į’ ííshją́ í’diilyaago bee hahóóyáh. Yá yáłti’í Joseph adííniid, “Niísh ashdla’ dah álzhinjį’ yá niníł’į́, naaltsoos ałtso baa ak’eda’áshchíníi bikáahgo baa íhwiidiił’ááł.” 16 Yá’ąąsh ąą’ anádzáá biniinaa, nihíł bééhózin dóó deiníidlá “Diyin God, ahool’áo aZhé’é nilį́į, dóó BiYe’, Jesus Christ, dóó Diyin Ii’sizį́į.” 17
Easter Damóo góne’, T’ááchil 3, 1836, Nináłyáago t’óó bił yideeską́ą́dóó, Kirtlandgi Ataa’ Bighan yishdlish bik’ijį’ Jesus Christ hinánii ííshją́ í’diilyaa. daBíiłts’ąnígíí áadi baa t’áá aaníí ádaaníigo kǫ’ dóó tó ał’ąą’ át’éego hadilyáá: “Bínaa’ kǫ’ dah łikóní gi’át’é; bítsii’ yee’ łigai yas niłtólí; nahálingo; biníigi t’óó nizhǫní jóhonaa’éí bits’ázdílíd; dóó biinéé’ tó yee’ soołtáł gi’íits’a’, azhą́ Jehóvah biinéé’.” 18
Ákwii eíí, nihi Yidá’iiníiłii koní, “Shí ałtsé dóó akéedi nilį́; Shí hihánii nishłį́, Shí seesyį́ nę́ę ásht’į́; Shí aZhé’é bił .” 19 Nááná, ał’ąą’ át’éego hadilyáá—atsé dóó akéedi, hinánii dóó seesyį́. Bi Alpha dóó Omega nilį́, hahóóyá dóó nihoniyá nilį́, 20 nihe’oodlą’ áyiilaa dóó bee ńdoot’ih. 21
Jesus Christ íishją́ ídiilyaa bikéédoo, Moses, Elias, and Elijah ałdó nehéeskah. Diyiníi bik’ehgo, díidí ałk’idáá’ bá yádaałti’í ayóó ádaat’éi bibee ádziil bi’ąąnditíhí dóó bi’óholníih ninádeisdlá. Ákohgo, “díí hóolzhishgi bi’ąąnditíhí niná’nil” 22 bisodizin báhooghan biyi’ áko Diyin God ba’áłchíní ałtso yik’ízhdoodlííł biká.
Elijah Kirtlandgi Ataa’ bighan góne’ niyáo ałdó’ Malachi’ Ałk’idáá Aha’deet’ą́ yaa haadzí’ę́ę eíí Elijah ga’ nídoodááł “Bóhólníihii jíigo ayóó at’áo dóó baa hádzidgo yigááh bitsíjį’.” 23 Akó dzáago, Elijah doogááł ha’nínée niyá, doo áadoo biniinyé hída, Jew dine’é Atsi’adéesdzáa góne’, jo’éí Elijah nadááh yiká dahodísingo ádayíił’aah.
T’óó ahayóí Jew dine’é dayoodláníi bikáá adíngi yá nidahóoł’aah. T’óó ahayóí bąą ha’íidzahí ha’déezbingo yá ninádeikááh Dóó ła’, Seder bitsis adéesdzáa yii’áahgo, áłchíní ła’ dáádilkáłjį’ ádeił’ááh, łahda t’įįhdígo ąą’ át’éego, jo Elijah daats’í tł’óó’dę́ę’ sizíigo deidóołtsééł biká. 24
Náás áhódoolnííł bihoolyaa dóó t’áá ałtsóní ninályáhii, 25 Elijah ha’níngi’át’áo t’áá aaníí niyá, Eastergo dóó k’adę́ę Atsis adídáahgo. Bí ahí’diiljeeh bi’óholníih néidlá áko nihokáá’ dóó yá’ąąshdi ła’ haajéé’ ałhídabóta’ doo. Dóó bí ałchíní bijéí hiih deeshłééł azhé’é yiłní, dóó áłchíní bijéí bizhé’é yich’į’ kódoonííł. Éí doo áhoodzáágóó, nahasdzáá t’áá ńt’ę́ę́’ Bóhólníihii niyáago t’áadoo biniiyé da doolééł.” 26 Elijah bi’ii’sizį́, Diyin Ii’sizį́į ííshją́ áyiił’įįh, nihizází yich’į’ dah nihidiilóós—ngháidę’ii, díijį́, dóó náasdi—ak’inichį́, báá dahane’, dóó Ataa’ bighandí bá náanish ádadóolniił.
Tsółti’ nihi ałdó’ t’óó hónish ghanjį’ aTsis adéesdzá yaa halne’. Atsis adéesdzá shą́ą́’ Israel 400 bináahai ąąh shijée’go ba’áłchíní aadę́ę́’ ch’ét’eezh yaa hane’. Exodus biNáaltsoos díí ch’et’eezh yaa halne’go daníłnii’ ch’ał, yaa’, tsé’adó’ii, béégasiih néezná, tó’iisół, niló dóó kǫ’, nahachágii, dóó ditą́ągo chahóołheel. Ts’ídá ákéédi nitsi’hodinidéélígíí éí ałtsé nidajiishchínígíí bizee’ dahodooleeł, ndi’ Israel dabighango éí báátxis áhodoolzhizh—dibé yázhí doo bąąh t’éhígíí bidił hadáádílkał bánaaz’áh bąąh ádájiilaa. 27
Diyingo náal’a’í na’áłtssed hooghan yik’ich’eh gháhii doo dił daadíłkił ba’íi’áii bąąhgóó. 28 Áko yitsíích’egááh, doodágo yáatsis, Jesus Christ ts’ídá aniné yik’eh deesdlíí’ yaa halne’. Éí at’éego, Diyin God biDibé Yázhí bidił yee ni’níláo Na’niłkaa’ Yá’át’éhii ádziil bee hólóo Bídine’é ałtsogóó ałhą’íidoolííł dóó bił ádahóot’eedę́ę́’ yihidéez’įį’jį’ be’aníbaal áłchijí.
T’áá íiyisíí, Mormon biNáaltsoos “Christ be’ádziil dóó náá’diijeeh” 29 —Eastergo choo’į́—naaki ałkéé’ ninályáh.
Áłtsé, nihits’íís Nináłyáago “doo bąąht’éego dóó nizhónígo, “háádidoolnííł”; “Agáán dóó ajáád dóó ats’in ahídadii’áo,” “azhą́ hatsíí’ t’ááłá’í ndi doo yóó’adoodił da.” 30 Díí ha’oolnih bee ha’oozíí’ t’áá háíshii bigaan dóó bijáád adaadinígíí, bináá’ ádaasdįįdígíí dóó bijédakałígíí, naaljį́į́h dah doodaii’, ats’íís bąąh dahnahaz’ą́, honitsekéés bąąh dahaz’ą́, doodago łahgóó ąąh nahaz’ą́. Bí nihik’éghááh. Bí hadiníilt’é ánhiił’įįh.
Naakigi Ii’sizį́į k’ehgo Easter dóó Diyin Niná’nídlá bee ha’oozíí’, “éí t’áá ałtso haadaałt’éego háádidoolnííł.” 31 Díí ii’sizį́ k’éhjí Nináłyáago ádeilyaa yę́ę dóó daniidzín yę́ę át’é. Bááh tó bik’áá’ nii’nil nahalingo, 32 éí háádaidiił’įįh “eíí yá’át’éeh,” haidiił’įįh; diyin k’ehgo, “t’áá ákogi át’é,” “nihwiit’ah,” dóó “ajooba’.” 33 Dooládó’ diyin yá yáłti’í Alma saad choyóoł’į́ haidiił’įįh 22di ałkéé’ 34 kot’íidoo nihił ní “t’áá ákót’áo ił wołnish, t’áá ákogi át’éego ánihwiyóh’aah, dóó áłahjį’ yá’át’éhii ááłiił.” 35
Háálá “Diyin t’áábí nahasdzáán bibąąhígíí at’éii yá niná’nídlá,” 36 Bóhólníihii Niná’nídlá ádahóót’įįd, índa ádahodooníłígíí háididoodlííłgo yííghah. Háálá ats’íís dinih, ach’į’ nahwiiná, íi’honiigááh, dóó bee nanhi’dintaahíí ał’ąą át’é bił bééhózin,” 37 Bí éí yiighaah, ajooba’ yee, nihík’a’ análwo’ doo nihit’á hółzilgóó. 38 Diyin God “hadíłt’áo lá biniinaa, t’áá ákwi gi’át’é, dóó Diyin God ałdó’ ayóó jooba’,” jooba’ bináhat’a’ yee’ “t’áá ákot’éi yókeedgi k’íidoołdóół.” 39 Ádaa ná’iikąąh dóó bíniil’ą́ k’éé hiildǫǫh. Bí ahool’áo nihináágóó hólóo “be’ayóó ó’ó’ní yee nihótą́’.” 40
Dííjį́ nihí Nináłyáago dóó náá’diidááh baa dahwii’nįįh. Nihi nihił, Jesus Christ bina’nítin t’áá át’é Nináłyáago baa shił hózhǫ́. K’ad éí Naakidi neeznádiin ndoohah, Bóhólníihii yá dahalne’ii t’ahdii nihił dahólónígíí ádahodooníłíí yee nihił dahalne’ dóó Bisodizin bízhi’ bee wójí—The Church of Jesus Christ of Latter-day Saints—dóó t’áá nihi nihił ííshjání ádaalne’ Ii’sizí Diyinii ayóó át’éego nihailyáhígíí binahjį’.
Nihi nihił, k’ad Easter hoolzhizhgo, t’áá aaníí ádishnóo Diyin God, Hooláo nihiZhé’é nilį́, dóó BiYé Ayóó áyó’ní, Jesus Christ Hiiná, t’áá áníigo baa hashne’. Hastįį bits’íís t’áá baa hasdzídí bił ó’óokaal dóó náasdi náádiidzá. Ndi Jesus Christ hinánii t’éiyá hadíłt’éego náádiidzáhii biyi’ t’ahdii bíla’, bíkee’, dóó bóozhníí’ atídayiiláa yę́ęgi sid daat’į́. Bi t’éiyá koníidoo, Shí shilátł’ááh bikáa’gi hádanhiseyék’ęę’.” 41 Bi t’éiyá koníidoo: “Shí éí dah deidiyíiłtį́ nę́ę ásht’į́ Shí Jesus yił ada’áskaa lę́ę ásht’į́. Shí Diyin God BiYe’ ásht’į́.” 42
Ivy at’ééd yázhí dóó bidilní nahlingo, nihi índa ídahwiil’aah. Éí t’áá ánii aha’ní, “anáá’ t’ahdoo yiyiiłtséhígíí, ajaa’ t’ahdoo yidiits’į́įhii, diné bijéí t’áhdoo biyi’ haleehígíí, díí éí God ayóó ádabó’ní yá hasht’eyiilaa.” 43 Díí k’ad hoolzhizhdi, Diyin God biyá’át’éehii lą’ígo bóhodiił’ááł dóó biniyé anihiilaaígíí bee Diyin God be’ayóó’o’oníinii bee diníílzééł biká’ádeiit’į́įgo dóó ahiłká’anéijahgo. Aniid dóó aniid nidahaz’áágóó, áda’iilyaa dóó bííghah dasiidlį́į́’, ałkéé’ daasdzohgo, joobá bee jiiniibágo, t’áá sahí dóó t’áá aniit’é.
Yá’át’ééh Shik’is dóó shilahkéí t’áá ałtsógo, ałah neidleehgo dóó ídahwiil’aahgo, nihe’oodlą́ dóó nihiyá’át’ééhii bee Diyin bina’nítin ayóó binééshdlį́ dóó baa ahééhnisin. Nihe’oodlą́ dóó Diyin bikéé deinoohkááhígíí éí she’oodlą́ dóó Diyin bikéé oodááł bee shidziil. Nihi’da’diił’áhígíí dóó baa nihił dahozhónígíí, Diyin k’ehgo bił nahazą́ dóó Diyin yikéé’ naazí ayóó adeinóhnínígíí, dóó Nináłyáago bik’i’dooht’ą́ éí bee dahinohná dóó bina’nítin Nináłyáago hazhó’í bik’idiitą́, dóó Jesus Christ Hiináánii bijéí át’é. Áłha’da’ííníídlí, “k’os dóó Jóhonaa’éí be’adinídíín binikáá’ góne’, Bóhólníihii, shił honilǫ́ǫ.” 44 Áhiłniidlį́įgo nihił béédahózin, nidaazgo nihik’inaazlá dóó nihida’diił’áhígíí biyi’, nihik’idahoojídlí baa ákodaniidzin. 45 T’áá akwijį’ ałtsíísí dóó doo nanitł’ah ádoolníłígíí, ayóó át’éii nihe’iiná biyi’ iishjáá alyáahígíí deidiiltsééł. 46
“Áádóó baa hodoolzhizh yá’át’ééhgo dahiinánígíí dahniłts’ą́ą́dę́ę́’ áłahdooleeł, áádóó Zionjį’ nihidoohkah, hool’áágóó iłhozhóonii biyiin yee dahataałgo.” 47 Díí yiiháhgi Hosanna dóó Hallelujah, sin baa ha’nííh bee dahotaał—Bí ahool’áágóó dóó ahwiisáo Naha’áa doo! Bee ha’diwósh hosanna, Diyin God dóó biDibé Yázhí bich’į’. Jesus Christ bízhi’ baa hast’ii binahjį’ ádishní, áámen.