Hosanna Bee Ha’diwosh
K’ad, shik’is dóó shilah, nihí Joseph Smith áłtsé bich’į’ aTaa’ dóó aYe’ bił Ííshją́ í’diilyaa bééhániih niit’ą́, ídeiniidzínii éí nihił Hosanna Bee Ha’diwosh.
Díí ha’diwosh baa hasti’íí áłtsé díí hoolzhísh biyi’ ályaa Kirtlandgi Diyin bighan yiishdlishgo, Wóózhch’ííd 27, 1836go. Éí lá k’ad t’áá Diyin bighan ła’ yiidlishígi ál’įįh. Éí lá aTaa’ dóó aYe’ bich’į’ baa hasti’go bá ályaa, yaa halne’íí shą́ą́’ Yisdá’iiníiłii Jerusalem góne’ yah iiyáo dine’é yee baa dahaaznihę́ęgi át’áo. Éí ałdó’ yaa halne’ shą́ą́’ Joseph ánii naagháo eíí jį́ yii’ tsiyi’ baa hasti’gi bił yit’į́ ályaa—ts’ídá, éí aTaa’ dóó aYe’ t’áá áłah ayóó ánoolningo hináo, éí bá dahodíníilzin dóó baa dahwii’niih.
Shi lá k’ad hait’áo Hosanna Bee Ha’diwosh nihinááł ádeeshłííł. Asht’į́nígi át’áo, t’áá shǫǫdí hane’ bináaltsoos ádaał’į́į díí ayóó baa hasti’ ádeilnéehii nihá dadinohsin.
T’ááła’í noozíhgo naa’at’ą́hi łigai ła’ nihee hólǫ́ǫ, bibąądóó yinóhtą’go, dóó dah náałtsoos t’áá ánółtso kodadóhníigo, “Hosanna, Hosanna, Hosanna, Diyin God dóó BiDibé Yázhí bich’į’,” táa’di bee ádadidii’nííł, bikéédóó “Áámen, Áámen, dóó Áámen.” Jó doo naa’at’ą́hi łigai ła’ nihee hólǫ́ǫ́góó, t’óó nihíla’ bee naaníi kónół’į́į doo.
Shik’is dóó shiláh, k’ad t’áá ánółtso dadoohzįįł dóó Hosanna Bee Ha’diwosh atah dadoohłeeł, áádóó bik’ijį’ “Hosanna Bisin” dóó “Diyin God Bi’Ii’sizį́į”1 bee hodootał.
Yik’ehgo dahátaałí k’ad níigo, “Diyin God Bi’Ii’sizį́į” bee hodiitał.
Hosanna, Hosanna, Hosanna, Diyin God dóó BiDibé Yázhí bich’į’.
Hosanna, Hosanna, Hosanna, Diyin God dóó BiDibé Yázhí bich’į’.
Hosanna, Hosanna, Hosanna, Diyin God dóó BiDibé Yázhí bich’į’.
Áámen, Áámen, dóó Áámen.