Iiná Bich’į’ Nahwii’ná dóó Yee Síh Nízin
Jesus Christ dóó be’íina’ yee nihá niná’ílá’ t’áá áníiltso biyaa ádiníichółii bídeniidlí, nihe’íina’ ha’íshį́į́ bidánitáh ndi.
K’ad daats’í ashdla’áadah náahai yę́ędą́ą́, hodágo ołtá’ígíí yiníshtá’go. Kǫ́ Yiniłtsésíjí bił hoo’ą́ą́ji náashnish Santiago, Chiledi. Áá náashnishgo, nihí kǫ́ yiniłtsésí bikin bii’ dánhighan tł’ée’go hádá’iilzííd. Akéedi náahai bitł’ę́ę́’ góne’ éí t’áá nanilnish doolééł shi’dóó’niid. Shiyáhodeeshizgo, haasdzíí’, “T’áá aaníí?”.
Bénashniih bił ndáashnish naháat’áo, tł’é’ ííłnii’, kintah Santiagodi dádildónii yá yii’ kǫ́ bee nidaashch’ąą’. Nihí nááhaigo biká ałhinína deichí’go ałhá baa laanáá nísin da’áhidii’ní. T’áá hooshch’į’ kǫ́’ yiniłtsésí bá hooghan si’ą́ągi dilní hááchá, ti’hoodzaa’ígíí yaa halné. Nihí chodéil’į́į ńdadii’nil dóó chidí biih yiijéé’. Chidí kǫ́ bee niłtsésí nihił dah díilwod. Dine’é nááhai yee dáálníih bíighah nihił ch’i’íilyeed, doo bida’díił’áa dago baa ákoniizíí’ dóó t’óó bił dahonéení. Shį́ tł’ée’go honéezilígo naháatą́ dóó yaa bił dahózhǫ́. Ákohgo t’áá ayígóó, éí dine’é ła’ yéego bich’į́’ ándahazt’i’.
Díí ’áhoodzáii binahjį’ baa ákoniizí’ii eíí iiná doo t’áá áłahíjį’ nizhóní da łeh, nááná łahda éí t’ááłá’í niidzínígo t’áá hodei’ílíní nihich’į’ hwidi’nááh dóó nihi ha’óní ts’ídá ninéel’ą́ąjį’ yinítah. Nihits’íís, nihíntsékees, bił háijéé’, dóó náanishgóó anáhooti’; nihinaago ádahooniłíí; dóó nááná ła’ iiná doodáo aniné holóo łahjį’ nihich’į’ bee ándahazti’.
Nihich’į́ nahwiinaago éí łáda biniina doo ’áko niit’ééda łeh, doodago neidzih łeh. Naat’áanii Russell M. Nelson adííniid, “Íiniidlá éí na’ádzid bich’į’ ázee’ át’é”—nihi Bóhólníihii Jesus Christ yíniidlá (“Ne’oodla’ bíne’dii yit’į́,” Liahona, May 2014, 29). Dine’é áł’ą́ą́ át’áo bich’į’ nadahwii’nánigii yiłtsą́, Ha’at’íshį́į́ bee nihich’į’ ndáhwii’nánii doo t’áá át’é hasht’é daané’ da—Łą́’ íiyíisii bee hasiih hasin. NihiZhé’é yá’aashdi Hólonii dóó Jesus Christ tihoozniihgo nihiTaa God holǫ́nii bił naahoniidlǫ́ǫ́ dooleeł biniye.
T’áá ła’í niizíngo éí ách’į’ nahwii’ná doo nihitsáhideest’ą́ą da. Diyin yá yáłt’į́, Helaman Mormon Binaaltsoos yii’, yee nánhinitin: “Beeniłniih dii tsé bikaadoo éí nihi yisda’íiníilii nihik’ijidli Beenilnííh éí tsé nahalingo Diyin Yisdá’iiníłii, éí Diyin God biYe, aají kin bitłááh bee ha’asdliní bidzíil; áko Ch’į́į́dii biniyoltsoh dóó yéego nich’ih ndi doo nideelní da doo háálá Diyin nihiiná diyin k’ehji’ niłdzilgo doo nidełnį́į da doo, háálá niłziilgo doo hada diitłish da” (Helaman 5:12
Eldir Robert D. Hales, T’áá bí bich’į’ nahwiis’naa’go bił béé hózingo aní “ti’hoonííh éí t’áá ałtsojį’ holǫ́. Haa yit’áo baa nitsíikees éí t’áá nihí bee nihíholniih. Ti’hoo’nííh naakijígo bił ahóot’į́, Łá éí binahjį’ nihidzíił dóó níiltólí yiidlééh oodlą’ binahjį’, doodáo naaná łáhjígo éí Bóhólníihii doo yiniidláa dago áko tí’hoo’nííh éí nihichóó’į́ yilééh.” (“Your Sorrow Shall Be Turned to Joy,” Ensign, Nov. 1983, 66).
Síh hasin baa nihił hozhǫ́ dóogo eíí Jesus Christ dóó ak’eh Nina’ídláhígíí binahjį’, nihi ts’ídá Bí yiniidlą́—oodlą’ bee ach’į’ náhwii’náníi bee bich’į’ nihidzííł, nihokáá’doo nel’ǫ́ǫ. Bí nił áhoot’éhígíí ndéi’át’éego éí ászolí nihá íídoolíłii Bí bich’į’go yiidáałgo.
“Shaa ninaa,” Dííniid, “T’áá ánoht’é nihiyééł dandáaz’ígíí, dóó shee háádadooyį̨́́h.
“Shi zéédeetą ádą́ą́h danitįįh, dóó shóhooł’ááh; shijéídi át’e’ dóó hashké áden: dóó nihii’sizį́i Shee háádoolyį́h.
”Shi zéédeetą́ doo nantł’á da, dóó Shiyééł lá ászólí” (Matthew 11:28–30; nół’į́ ałdó’ Mosiah 24:14–15).
Áhodooniid, “Diné bee oodláá’ holǫ́nigii doo baa hané da. Doo oodlánii bich’į’, doo ła’ hane’ baa yit’ą́ą da.” (Díí ha’oodzí’ii Thomas Aquinas bik’idiit’ą́ ndi yee na’neeztą́ą́’ bééts’i’go ályaa.) Ákondi, nihí nahasdzáá bikáá’ ádahoodzaa yę́ę doo nihił béédahózin da. dóó áłahjį’ bee bee ákodiniidzíiłii bídinhóyéé’. Díísh ha’át’íísh biniinaa? Há’atish biniiyé shí shił kóhoonííł? Há’íísh bits’áádóó bóhwiidéesh’ááł? Díí ’át’oa éí naadíkidígíí éí Liberty Jaildi nihi yida’íiníilii éí Diyin ya yaltį́ Joseph Smith iiłinígíí éí bik’ehgo nitsekess doo.
“Shiye’, nigeel bich’į’ hoozyéél; nii’nahwii’ná dóó baa yinį́į́ł nanineií t’óó hwonizahijį’ akot’ée doo;
“Áádoo, bił ha’iinilníi nt’ę́ę̨’go, Diyin God atsídi hanidoolóós” (Doctrine and Covenants 121:7–8).
Ákondi diné t’óó ahayóí akǫ́ǫ́ dayóodlá Jesus Christ, ts’ídá bina’ídikidii nihíish deiníidlá Bí dóó niníish deiníidlá doole’é Bí yee nányintiníi dóó ółeeh nihiłníníi. Ła’ dah íidinóoziił, ”Jesus Christ shą’ hait’áo shił áhooníłii yaa áko nízin? Haash yit’áo shił hóshóníi bił béé hózin?” T’áá aaníí, nihik’é Nina’idláii dóó at’ah sizíi yaa haadzíí’ bá yáłti’í Isaiah konóo:
“Łá Diné diné ’áyoo dabijoołáá’ doodabinizin da, ’áko doo bił hoots’íída. …
”Łá diné éí ayóó dabi’joodlá dóó doo dabinizin da. Baa yinííł éí bił holǫ́. …
”Nidi nihibąąhági át’éii biniinaa hadił hąąh deeshchii’; doo ákwii ádeiit’įįdii biniinaa tízhdiilyaa; ach’į’ hózhǫ́ nihee hodoolee ł biniyé nihá atího’diilyaa, índa hak’i nidzisk’ą́ dzizlį́’ígíí bee nídeidzíí’” (Isaiah 53:3–5).
Áyiił’a’ii Peter ałdó’ Yisdá’iiiníiłii yaa na’neeztą́ągo, koní, “T’áábí éí bits’íís yee tsin yikáá’ asíilziih yá ti’hóoznii’, áko ninhí, asdzííh bee nee’náo, ts’ídá t’áá ákogi át’é bee hiníi’ná: éí náneestsás binahjį’ yá’át’ééh nísiidlíí’” (1 Peter 2:24).
Ákondi Peter diyooltééł bich’į’ hóozhish ndi, doo náldzidgóó saad yee yáłti’; ndi, da’oodlání “ił hózhó” yee yiłhóone’, azhą nabídantaah ch’ééh yiyaa haakááh.” Peter yee nihíiłni’íi eíí bíhontáh [nihe’] óodlą’, … ákondi éí kǫ’ bee bóhóntah,“ bits’ą́ądóó yee “áádahaníih dóó dahódisin dóó Jesus Christ yit’į́ silį’ii bił danlį́“ dóó [nihi] gáál “yee yisdáádookah“ (1 Peter 1:6–7, 9).
Peter náás halne’:
“Ayóó ánhóosh’nínii, kǫ’ nahalingo na’íhonitaah bee nihéé dahodoozįįł biniiyé bee nihich’į’ áhooníłígíí t’áadoo bik’ee t’óó nihił adahayóí:
“Ndi Christ yik’ee ti’hooznii’ii bił ałts’ą́ą́’ da’nołk’ ’iizígíí baa nihił dahózhǫ́; Áko, bee bi’oh adidilyéehii nihich’į’ yit’íní silį́į’go t’áá íiyisí baa nihił dahózhǫ́ǫ dooleeł“ (1 Peter 4:12–13).
Naat’áanii Russell M. Nelson yee na’neeztą’ii eíí “Da’oodlání nahonitł’á nidi bił dahozhǫ́. … Nihe’íina’ Diyin God yisdá’na’iidééh binahat’a’ niil’į … dóó Jesus Christ Báhane’ yá’át’éehii, haashįį hooníił ndi nihił hózhǫ́ baa ákoniidzííh—doodáo doo nihe’íina’—áhooníił da. Bits’ą́ą́dę́ę́ dóó bíniinaa ił hózhǫ́ hoolééł. Bí ałtso ił hózhǫ́ nilį́“ (“Joy and Spiritual Survival,” Liahona, Nov. 2016, 82).
T’áá aaníí, díidí t’óó baa yáti’go éí doo nanitłá da doo ha’íshíí íiyisíí nihí nihináagóó áhooníił da. Ndi nik’is nishlį́, Ts’ídá nihá nisínígíí éí ts’ídá aláadi át’éhígíí éí Jesus Christ bééhonózin dóó náasdi iiná nizhónígíí nihee holǫ́ǫ dóogo eíí Jesus Christ bee sih haz’ą́.
Shił bééhózingo eíí t’áá ániit’é Diyin God ba’áłchíní daníidlį́, dóó doo nihąąh áhasdįįdgo neidáa da. Hágo nidishní dóó yíiłtsééh Bí niyéél ászolí íidoolííł dóó biyáajį’ adíniichééł. Hágo dóó bikáá adí’noochééł haintáii nee yik’ídoogááł. Hágo dóó díí baa’nichéehgi nihił honíló, jo’éí iiná yik’į’ náádadiidáhii bii’ hahinááh. Shijéí bii’ doo náaki nilįnóo eíí jó yiniyáo, yiidíiłtsééł, aká adíilwił, dóó nihitah naniná.
Bá yałti’í Alma t’áá aaníí át’éhii biyé’ Helaman yéé yił hóołne’: “Shił bééhózingo eíí háishį́į́ Diyin God ya’olíhígíí yee’ Diyin God biká análwo’, dóó t’áá bich’į’ nahwii’náo, dóó yee ti’hooníihgi, dóó akéedi jį́įdi yii’ yisdáádooltééł” (Alma 36:3).
Yisdá’iiníiłii t’áabí ádííniid:
“Bį’ nihijéí ił hozhǫ́ bii’ daholǫ́ … ; haalá ats’íís ałtso shilák’ee; niitłóóh dóó Diyin God nishłįnii nił bééhózin. …
“Eíí bąą, aninéejį’ t’áá bináłdzidí, haalá doo nihokáá’ t’áá át’é ił hózhó ndidoołéeł da; ndi shii’ t’áá át’é ił hózhó ndidoołééł.” (Doctrine and Covenants 101:16, 36).
Sin ła’ bee nidahojítał “Niitłóóh, Shíí’sizį́į,” jo’éí saad t’óó ahayóidi shijéí yíih yilwod, saad yaa halne’ii nihíi’sizį́į yee ha’ólní. Saad kot’éé’ wólta’go:
Niitłóóh, shíí’sizį́į: tsííł dah náa’diilkid
Hahgósh, hool’áo Bóhólníihii bił honiidlǫ́ǫ doo,
Nihąąh nahoníka’go, yínííł, dóó nádzid ne’ kót’įįh,
Yinííł baa hoyóo’ná, ayóó o’o’ní niłtólii aanályéeh.
Niitłóóh, shíí’sizį́į: Łahgo dóó nák’eesto’ ásdį́įjį’,
Ałtso yidzíh dóó nihik’ijidlígo índa ahíidiikah. (Diyin Biyiin, no. 124)
Iiná bił áhooníł’ígíí éí nihił daholǫ́, Shił beehózingo eíí jo Jesus Christ ba’íiniidlíigo dóó nihá ti’hooznii’íí, náasjį’ iiná nihá holǫ́ǫ áyiilaaígíí bee síhasin. Nik’ídooldóh, nił hodidooyíł, nídziił, Doo yá’átééh’ígíí bik’éh diiłį́ keya bikaagi nihi naanish ałtso ííłyaago, Diyin bóhólniihii áhididoonił, “Nizhonigo íínidlaanii binaajį́ ninaanish iinilááh yaa’aninaa Diyin bił iłhozhǫ́ haz’ą́ą́di yaa’anaah” (Matthew 25:21). Jesus Christ bízhi’ binahjį’, áamen.