Wóshdę́ę́’ Nihił Honóhłǫ́
nihí Diyin bá’áłchíní t’áá ałtso dę́ę́ wóshdę́ę́’ dabidiiní naanish ayóó at’éii bindadiilnish.
Shik’is dóó shilah, danohłíinii, Damóo ooleełgo, adahwiis’áágóó Jesus Christ Bisodizin at’ah danilínígíí Yá’ąąshdéé’ nihiZhe’é ayóó ádeinííní, Yá yíDiyin dóó yíNaat’aanii nilį́, dóó biYe’ Jesus Christ dadííníilzin. Jesus Christ be’iina’ dóó bina’nitin yéigo baa nitsídeekees—bí t’éi t’áadoo ásiih da, Diyin biDibé Yázhí doo bąąh chinii nilį́. T’áá ahą́ą́h, tó dóó bááh chodeil’į́į́go bee deilnih nihánina’ádeeltį́ dóó nihe’iina’ tsidá ałnii nilį́įgo nihil bééhózin.
Ayóó ádeinííní dóó dahdíníilzin. T’áá ííyisíí ayóó at’áó dóó hooláágóó ayóó’aníhóoníigo, Jesus Christ nihá ti’hooznii’ dóó daaztsą́. Anoonééł bidáá’dít’į́į́h ąidiníti’, nihik’is dóó ayóó adeiníinii bich’ą́ą́h dáádinínil nahajį’ ahiskaad, 1 doo hada’ólnínée ha’ahóní, dadinihígíí ná’ádziih, dóó bida’deetą́ éé’íłnii yaayizlá. 2
Nihijéí, nihe’iina’, dóó t’áá ákwííjį́ bá áhát’į́ Bich’į’ kódeilnééh. Áko “Christ baa yádeełti’, Christ baa nihił dahózhǫ́, dóó bee nida’nit’in, dóó náásgóó ’adóniłigii bayeełti’, … áko niha áłchíní bił béehózin doo ha’át’íí bąąhági át’éí baa baneedidoot’aał.” 3
Akéé’ Oodááł Biníitááł
Ndiyę́ęni’, Jesus Christ bikéé’ yiidááł doo t’óó Christ baa yéilti’ dóó bee na’nítin íiyisíí biláahgo áálniił. Yisdá’iiníiłii T’áábí BiSodizin bá Hooghan ninéidláhii bee íiyisíí Bígi ániit’é dadiidlééł. Jesus Christ Binahagha’ Akée’di Dayoołkáałgo Yá Naazíinii dóó be’ák’ihojídlį́ ałtso deinízinígíí bá. Sodizin bá Hooghan biyi’ íil’įnígíí binahjį’, nihí baa áko hiníizįįh dóó Diyin Ii’sizį́į ánihił nínii bik’eh ádei’nííł. Nihí aa hojoobá’ dóó aká e’éyééd ádeil’į́įgo bee ádaniit’é deidlééh.
Díí iináágóó bí’nootááł át’é, dóó éí chodéiiniil’į́.
Akwǫ́ǫ́ jooł yee ndaané yinootááł doo yee danilįnii da dooleeł ńt’éé’ doo niyídántáahgo lą’í bee ałhéé da’íilkééd. Azee’ neikáhí, béésh łichíí’ii yee nidaalnishii, kǫ’ doo yit’íinii yindaalnishígíí, dóó shí ndi hodineeshnééł nisingo ch’iyáán ánéésh’įįh Harriet bich’iyáán ál’į́į́ góne’, t’áá áłahjį’ naanish bídanitáahgo yee danilį́ daadlééh.
Chidí naat’a’í ba áselíigo, bee íhoo’aahí bikáá’ nda’áłt’a’ dooígíí ídahooł’aah—choo’į́įgo eíí t’áá chidí naat’a’í hwił yit’áh nahálin. Na’áłt’a’í dooléełii choyooł’į́įgo ałkéé’ honí’ą́ǫ ładajiił’į́įhgo índa hwił dah ádiit’áh; éí ałdó’ binahjį’ t’áá hooyání haadahóot’į́įhii dóó haa dooníłii yaa ákonízin t’áábí childí naat’a’í dah yidíiłta’go.
T’áá akot’áo Jesus Christ yikee’ naazíí óhoo’aah néidiyiiléh.
Jesus Christ Bisodizin bá Hooghan t’óó ahayóí ał’ąą at’éego ádoolníłígíí bii’ hólǫ́ éí atah ííl’į́įgo nihe’íina’ bee yá’át’ééh, dóó náásjį’ yéego haa dah hoodzáago, bee hasht’e’ ádiníilzin doo. Sodizin bá Hooghan bidiihaiígíí, nihí Diyin God bizaad t’áánihí t’áá shǫǫdí baa da’íinółta’ Bá yádaałti’í, ałk’idá’íi dóó díishjį́. Aanííh dóó jooba’ binahjį’ Yá’ąąshdi nihiZhé’é bich’į’ sohodizin, nihí Diyin Ii’sizį́į biinéé’ Nihí ła’ náanish ádiilnííł, na’nítin, nahat’á’, ił néiilnish, dóó á sodiilzin. Díidí nihá beehóo’a’íi binahjį’ nihii’sizíi, nihíni’, dóó ádii’níił dadinísééh.
Yiníiyé hasht’énhidoolííł dóó aha’díist’ą́ baa dahashti’íi diníilzin áko díí iiná bii’ nihil’íhozhdoodlííł dóó nee’nijį’ hinii’ná bii’.
Wóshdę́ę́’, nihił yah ánnááh!
Diyin ba’áłchíní t’áá ałtso dę́ę́ wóshdę́ę́’ dabidiiní naanish ayóó at’éii bindadiilnish. Wóshdę́ę́’, dínóoł’įįł! Azhą́ díí naałniih bik’e’áyéé’ii COVID-19,naalkidí bee ahíidiikah. Naalkidí bii’ nda’nítiní bił ahíidiikah. Díí Sodizin bá Hooghan t’áá át’éii t’áá nihí nihił béédahoozííh! Díí anáhóołi’ bił áhoolzhíizhgo, nihighangi ałhíidiikah dóó dahidiníilzin bił nahaz’ą́ biyi’!
Wóshdę́ę́’ nihidíi’ní dóó áká oohjeeh! Nihíidoohkahgo Diyin God ba’áłchíní ałtso bił adadíilnish, Yisdá’iiníiłii ádayiilaaígíí bikék’eh, dóó díí nihokáá’ bee yá’áhoot’éeh doo.
Wóshdę́ę́’ dóó Nihił Honóhłǫ́ Nihi lá nihéé danhitse’ doo. Dóó lá wohtsííd, niha’áhwiinít’į́, dóó nihił hózhóo doolééł. Nihe’oodlą’ niłdzil yilééł dóó bee ha’íinółní—nihi náágóó hadahóo’aa ndi hazhó’ó soozį́ dóó nihíni’ bił háadahóotįįhgo.
Há’át’íí éí áłtsé ádadiilnííł? T’óó ahayóí bee i’dóolwoł daahóló.
T’áá shǫǫ Naaltsoos Mormon dayinółta’ dadii’ní. Jo doo ła’ nee hólǫ́ǫ́góó, éí yidíiłtah bik’ih ChurchofJesusChrist.org 4 doodáago hanizóóh the Book of Mormon app. Naaltsoos Mormon Wolyéhígíí lá náá ałdó’ Jesus Christ t’áá aaníí yaa halne’ dóó ałk’idáá dóó ániid Aha’deet’ą́ bił choo’į́. Nihí díidí saad dadiyiníi ałtso ayóó ádeiníi’ní dóó bee ídahwiil’ááh.
Nihí dikwíi danihee áhéna’álki’ ComeuntoChrist.org bik’í dinóotááł ha’íí Sodizin bá Hooghan yidíikai yee nida’nítin dóó dayoodlá.
Nda’nítiní naalkídí bii’ nihaa dóoh’ash doodágo nihghan góne’ díí nihá bíighango—bí baa laanaa hwiinídzin dóó na’áłdziih yaa halne’. Díidí nda’nítiní ayóó nihił danilį́ nihiye’ké dóó nihitsi’ké éí nihokáá’góó nida’nítin t’áábí áánidaakáigo dóó bibéeso yee.
Jesus Christ Bisodizin báHooghan biyi’, nihi hooghan haz’ą́ądoo ła’ diné doo łahgo ádaat’éii bee dahódoosįįł. Nihi dine’é bik’ídoohkah bik’ídoohkah dóó yee niká adóojah nihi náás nihe’íina’ yá’át’ééh yiléełgo—Diyin God yiká ániilaaígíí.
Yisdá’iiníiłii ałtso yíndoochíłgo át’é
Nihi dah shį́į́ baa ntsóhkees, “She’íina’ bee ni’eyésíí’. Jesus Christ Bisodizin bá Hooghan biyi’ t’áásh bił danishłíi doo. T’áásh Diyin God díigi át’éii yidínóozįįł go át’é.”
Jesus éí Christ nilį́į, Bí t’áá lá “á nidant’áii éí yinánt’á,” 5 Messiah nilį́į, “Diyin God hinánii yiYe’ nilį́,” 6 ayóó yáá dabíne’ ááła’í dóó t’áá ńt’éé’ Diyin God ba’áłchíní danlį́į. Bí diné ha’íshį́į́ yee ásizį́į nidí yaa’áhalyą́—yóó te’e’į́į doodáo ayóó at’į́, ayóó bidé’ayoní doodáo ádiltązh. Bí hiná needą́ą́’, Yisdá’iiníiłii ałtso yił náashnish: bił dahózhó dóó éédahósin, hashtł’áayá dóó yoo’íiyáii, dóó bilaanáá ádaadenígíí. Áłahjį’, dine’é Bí yiká eelwod dóó yił náashnish doo bee daho’dílzin, danizhóníi, doodágo da’át’į́į da. Áłahjį’, dine’é ńdiidzį́į́zígíí ahééh nízin, hojooba’, iideeshdląął nízingo t’éiyá bee bich’į’ ninéídlé.
Jo Jesus hináago yił náashnish “ts’ídá hojooba’ ádaat’éii” 7 yił náashnish. Bíish doo díijį́ t’áá ayóó’áyo’níi doo? Dooísh Bisodizin bá Hooghan biyi’ Diyin God ba’áłchíní ałtso bá haz’ą́ą da? Azhą́ akwǫ́ǫ́sh doo bił nishłíní da, shaa hóyoos’á, doodágo bąąh áhasdįįd ádaat’éii?
Doo ts’ídá doole’é bee hadiníilt’é siidlíi’di índa Diyin God nihaa joobá’ dooléeł da. Nihi sodizin doo yéego diits’á’go doodágo ayóó naashch’áa’go doodágo saad t’áá yiilzíihi Yá’ąąshdi yididootsííł.
T’áá aaníí biyi’, Diyin God doo ła’ atsísgo yinéł’į́į da 8 —doo nihokáá’ dine’é nahanilgo ła’ atsís áyohsin da. Bí nihijéí bił bééhózin, dóó ła’ niláhígo ayóó áyo’níi da, bibéesoo lą’íi, doodágo diné bee hane’í yii’ lą’í bikéé’ naanáákahii biniinaa da.
Nihíjéí nihiZhé’é Diyiníi bich’į’ kwíil’įįhgo dóó Bíighanjį’ iidáahgo, Báa ákodiníidzįįł nihił hólóníi. 9
Nihí ba’áłchíní ayóó ayó’níi daníidlį́.
Azhą́ doo dabíniziníi ndi.
azhą́ eíidí, bik’os daníłdzil, áłchíní doo bohoni’áa da, Diyin God yich’į’ nídiichǫǫh dóó BíSodizin BáHooghan, biyéél nayíichi’, dóó tł’óó’ joo ch’élwo’ t’óó yóó’iishyeed níigo dóó doo nánishdáah da.
áłchíní hooghandóó yóó íilwo’go, ashkii doodágo at’ééd doo yaa ákonízin da bineesą́nii tsésǫ’ doo habidéez’į́’ii. Ajéí bee á’ahwiinít’į́, t’áá áłah biye’ doodágo bitsi’ dah diighááh—biyázhí díí ajéí yinéesgéh yee íhwiidóoł’ááł dóó iiná łahgo át’áo yinéł’į́į doo—dóó náasdi hooghangi ńdoodááł.
Áko Azhé’é Diyin be’ayóó ó’ó’ní éiigi át’é. Bí nídiidáłii yiká déez’įį’.
Nihi Yisdá’iiníihii, ayóó áno’nóo naayíchah dóó nízhdoodááł nó’ní, niba’ na’áhodilziid. Azhą́ nihi Diyin God nízaa bits’éidááh nidi; Bí lá niháah bine’ní dóó naadóolwołgo níndoochił. 10
Wóshdę́ę́’, nihił honóhłǫ́.
Diyin God yee niháhas’ą́ Nda’siyéelzíí’ bee ídahwidíil’ááł
Nihí iiná be’átiingóó deiyíniikááh ha’átíi la biniiyé dóó bikáhii hadaniit’áago. Áłahjį’, nihí nihitsíjį’ atiiníi t’éi yiit’íigo—nihí atiin haa’í názhahíí doo deit’íi da áádóó háá jigohii. nihiZhé’é Diyiníi ayóó ánho’ní doo t’áá ńt’ę́ę́’ yee nihił hóolne’ da. Bí t’áa doole’é t’óó ahayóí t’áánihí baa nitsíhidiikós. Bí íidiidląął nihwo’ní—azhą́ éí ayóó nanítł’á nidí.
Bí nihiyós bich’į’ k’ídiildǫǫł dóó bididíilníish—hididíil’nááł—dóó náás bił nihidíil’ées.
Áko akót’áo íhwiil’ááh dóó niilzééł.
Nihíísh t’áá ałtsoní nizhónígo saad ałkéé’ bik’e’éshchį́įgo nínízin? Nihíísh na’ídikid ałtso shił ch’íhidoot’ááł nínízin? Ninániltí’gi t’áá bééhózinígo?
Shí agháo yinishdláníi éí díí at’éego yá’ąąshdéé’ kot’áo hanhi’dilzídii doo nihił aaníi dadoo. Nihí iiná biniiyéii bii’ ch’íhiidáahgo bídahwiyíil’aah. Nda’siyéelzíí’ bits’ą́ądóó ídahwiyíil’ááh. Na’iikąąh binahjį’ dóó t’áánihí adinéilkahdi eíí “doo yáʼátʼéehii éí tsʼídá doo ił hózhǫ́ bitsʼą́ą́dę́ę́ʼ ńdidoolyéeł da.” 11
Jesus Christ, Diyin God yiYe’ nilíinii, daaztsą́ áko doo ne’eyeezí’ii bee nihá nihodóot’áał da dóó nee’níjį’ doo ndidiilyéłii yiká. Bí biniinaa, ná’iikąąh, dóó ne’éyeelzíí’ binahjį’ dah ayóó át’éi bik’íhiidiikah.
Díí atiin doo bikáá’ t’áásáhí yináał da. NihiZhé’é Diyiníi ayóó ánho’ní doo t’áá ńt’ę́ę́’ yee nihił hóolne’ da.
Díí lá biká, 1820 shį́ biyi’, BiYe’, Jesus Christ yił ni’áázh, ashkii tsíkéí nilį́įgo, Joseph Smith.
Nihí eíí baa nisóhkees áłtsé! Yádiłhiłdi Diyin God nilį́į diné bíiłtsą́!
Díí ts’ídá áłtsé áádóó Joseph t’óó ahayóiidi Diyin God dóó bá ndáal’a’í baa dáheeskai. T’óó ahayóí díidí baa ńdaakahgo saad bich’į’ yee hadaháasdzi’ii Jesus Christ Binahagha’ Akée’di Dayoołkáał Yá Nazínigíí bizaad dadiyiníi bii ńdahéeshzoh. Doo nanitł’ágóó ła’ nízhdii’ááh. T’áá haishį́į́ yíidóołtah dóó t’áábí adá Diyin God díishjį́ yá yee haadzí’ii yíhwidóoł’ááł.
Nihí t’áá shǫǫdí t’áánihí nidáałkaah.
Joseph Smith ts’ídá ánii naagháago díidí bił íishją́ ádaalyaa. Lą’ída yee’ t’áhdoo 30 bináhááhgóó bich’į’ kódaalyaa. 12 Doo lą’í yaa íiłta’ da, dóó dine’é ła’, haash yit’áo Bóhólníihii ya yáłti’í dooleeł doo hwoł ééhózingóó.
Dóó akót’ée ndí Bóhólníihii bíizhi’—saad dadiyiníi biyi’ nléídę́ę́’ ákot’áo diné yik’é haghááh.
Diyin God éí diné haałt’éí doo haineeztą́ą́hgóó índa bina’nítin ninéínídláa da.
Jo bí dah, bí t’ahdii yiba’na’áhodilziid ńt’ę́ę́’.
Joseph yee’ ní dóó shí nahanil ńt’ę́ę́’. Joseph ni’iisiih ndi, Diyin God ayóó át’éii naanish yá iidoolííłgo choboos’įįd.
Naat’áanii Thomas S. Monson t’áá ahą́ą́h díidí saad yee nina’nítiih: “Bóhólníihii yózhiihíí, Bóhólníihii yí yiyííł’ááh.” 13
Ayíił’a’ii Paul nléí Corinthgi Da’oodláanii yił yaa yááłti’: “Shik’isóó, Diyin God nihíká ádííniidígíí baa nitsídaahkees. Jó, doo lą’í nihokáá’ dine’é k’ehgo dahonohsą́ą da, doo lą’í ayóó át’éii danohłį́į da, doo lą’í diné ílíinii danohłį́į da, ákondi Diyin God nihíká ádííniid.” 14
Diyin God doo bik’el dóó doo nilįníi Bí íiniziníi áyooliił. Díí t’áá aaníi áha’níigo éí Diyin God be’ádziil át’é, doo dinéhii át’į́nii, bee nahasdzáá bikáá’ Bínaalnish bee ádaalne’. 15
Yíníłts’ą́ą́’, Bikéé’ Yinááł
Diyin God yich’į’ íishją́ í’diyaa Joseph Smith, Bí BiYe’ íiłní, Jesus Christ, dóó ayidííniid, “Yíníłts’ą́ą́’!” 16
Joseph be’íina’ niníti’jį’ Yiyíits’ą́ą́’ dóó Yikéé’ yigááł.
Joseph gi’at’áó, nihí Yisdá’iiníiłii Jesus Christ bikéé’ yiit’ásh niidzį́į’go bizaad didiits’į́į́ł diníidzįįł.
Jó ni Bikéé’ yishááł doo ninízingo, ne’oodlą́ bee bináanish ák’ididíít’ááł.
Ni bik’ídiináłii eíí ni yee’ Sodizin bá Hooghan anítah—ákwii honeezílí dóó akéé’ oodááł.
Éí shi laanąą lá eíí, díí áłtsé íishją́ ályaa doo woshdę́ę́’ 200 nááhai biyi’, nihí díí Jesus Christ Bisodizin bá Hooghan Ninályáhii baa ntsíikees dóó baa íhwiil’ááh, nihí baa ákodiníizįįłii eíí doo t’óó ééhanííh át’ée da. Nihi dóó shí díí ayóó át’éego áálníłii yee’, hane’ náás yit’íh.
Ha’íísh, áadi, ni dóó shi ádiilnííł?
Éí lá Jesus Christ baa íhwiidiil’ááł. Bizaad naniilkaah. Yísíilts’ą́ą́ dóó bikéé’ yiidiizįįł díí naanish ayóó át’éii bee áká ahidiníílchééł. Wóshdę́ę́’ dóó nihił honóhłǫ́ nihidishní!
Nihi t’áadoo hadiniłt’ehígo. Nihi t’óó nihe’oodlą’ t’éiyá dinóosééł nóhsingo dóó t’áá ahwwíij́i’ Bí tsíijigo wóh’ash.
Nihąąh siláhígíí éí Diyin God dóó Diyin God ba’áłchíní ayóó’iiníí’ní dóó biká’adiilwoł.
Óołíiłgo, Diyin God yee nihidóołmąs Be’ayóó ó’ó’ní, Be’íł hózhó, dóó díí iiná bii’ yee nihóoloosíí, azhą́ ayóó át’áo ándahazti’ nidí, dóó yíwohjį’.
Díí t’áá aaníí ádishní dóó ahééhwiindzin bee nihik’ijishdlí, dóó t’áá łą’í noozį́įgo ayóó anihííníshní, Yisdá’iiníiłii bá hodilzinii, nihiNaat’áanii—Jesus Christ bizhi’ binahjį’ ádíshní, áámen.