Hane’ Bee Ąą’ alnééh
Nihí hadiníitaał, t’áá bíniil’ą́ąjį’, Jesus Christ didiits’ííł, éí Diyin Ii’sizį́į be’ádziil dóó nihíł holóo yináhjį’ nihich’į’ yáłti’.
Shik’iské dóó shiláhkéí ayóó’ánihósh’níinii, díí T’ą́ą́chil 2020 áłah áleeh niiní’ą Jesus Christ Binahagha’ Akée’di Dayoołkáałgo Yá Naazínígíí, nihił bééhózinii biká, shi áłah na’ádleehgi doo naagháhídóó nihidáahdoo sézį́.
T’įįdigo shił bééhózin, Ghą́ą́jį’ 2019 aaníí ánhidííniid ntsáo áłah áleeh eíí díí T’ą́ą́chilgo yah iijééh yee’ “bee hanííh” dóó “doo béidiyóohná da,” áko 10 diné yíkaigo dah naháaztaníi t’éí yish’į́įgo háshti’ii bee hanííh dóó doo béidiyóohná da shá! Ákondi shił beehózinii eíí ats’iniltł’ish bináhjį’ danół’į́, dóó nizhónígo dahátaałii beełté “Éí lá Shigálii Yá’át’ééh,” ayóó shi gáál yee ha’ólní.
Nihíł bééhóziní gi’át’áo, díí atsáo áłah áleehjį’ doo nidi’yóoldadá dadii’nínígíí ahwiis’áo ákodahoot’é dóó bídaníilt’ą́ąjį’ COVID-19. Doo náás yiłníh da doo. Díí naałnííh nihokáá’ dine’é háshtłaskai. Éí ałdó’ nihi Sodizin Bá Hooghangi doo áłah ńda’adléeh da, nda’nítiní doo nahgóó ńdaakai da, dóó Diyin bighanjí ne’ádaalyaa.
Dííshjį́ t’áa nahgóó ndáahkaaí daaní naałnííh bąą, iiná bidanéetááł díí naalnííh bilááhgóó ahéezti’. Nee’níjį’ idanéetááł bąą dah atídii’nííł, dzizíigi ntsehádił, doodágo dzizíigi hajéí niiltłáád yaa nídiidáád.
Hait’áosh idanéetááł bich’į’ hada’iiníilní? Bóhólníihii eíí yee nihił hóolne’ “jó hasht’e’ í’doołyáo doo ńdoołdzíił da.”1 Akǫ́ǫ́, t’áanihí ch’iyáán, tó, dóó béeso hasht’e’ ádahidii’níł. Ndi t’áá akót’áo bídin hóya’íi síidzíigi ii’sizį́ k’ehgo bee iinánii oodlą’ t’áá aanínii, dóó t’áá aaníí áha’níi nihee hólǫ́.
Nihi aláahdi iiná bee biká íit’ąníi yee’ Ánhiilaa baa diidáłii bee hasht’e’ ádidiilnííł. Nihí díí t’áá ákwiijį́ bíniitááł nihi Yisdá’iiníiłii, Jesus Christ bee beníilt’é diidlééł.2 Dóó nihí eíí t’áá ákwiijį́ ádaana’íikąąh dóó nídiilyéhii Bí hąąh néil’ół, hadiníilt’é, dóó nihdzíil ánihiił’įįh. Áádóó nihídiił’náhii hoozyéél dóó íł hózhǫ́, azhą́ ándahazti’ bii’ ha’íiniilní. Díí ts’ídá biniiyé Bóhólníihii hodiyin haz’ą́ągi nisóozį́ nihidííniid dóó “dahidoohnááh.”3
Díí yiháh, nihí 200 náakai bił háhoolzhíízh bee hániihgi agháo áhoodzaa nihokáá’ áhooníłii bitsísgo—kot’áo, Diyin God Azhé’é nilį́į dóó BíYe’, Jesus Chrsit Ayóó ayóo’níi, Joseph Smith yaa ni’áázh. Eíí yit’į́ ályáii bee, Diyin God Azhé’é nilį́į Jesus Christ yich’į’ dah díilnii’ dóó adííniid: “Díí ShíYe’ Ayóó iinísh’nii at’į́. Yísíníłts’ą́ą́’!”4
Áko Joseph áyidiiníidii nihi nihá t’áá ákot’é. Nihí hadiníitaał, t’áá bíniil’ą́ąjį’, Jesus Christ didiits’ííł, éí Diyin Ii’sizį́į be’ádziil dóó nihíł holóo yináhjį’ nihich’į’ yáłti’.
Díí áłah áleeh t’áá ńt’ę́ę́’ biniiyé dóó yee nihiká adóolwołgo Bí didiits’ííł. Nihí sodíilzin, dóó nihi sodólzin, áko Bóhólníihii bi’Ii’sizį́į lá t’áá íiyisíí nihił hólóo eíí hane’íi dadóohts’a’ii áko Yisdá’iiníiłii binahjį’ hane’ ła’ bee náha’doozíh—áko bee nigáál bił hóozyéel doo. Dahalne’ii eíí nihijéí yistáłii néidoołdzíh. Dahalne’ii eíí nihíni’ yił ch’ídi’doołtłáł. Dahalne’ii eíí yee niká adóolwoł ha’íí náásjį’ íinidzáago bee háhoo’á dóó nínitáhii bii’ ch’ídiinééł.
Nihí sodiziníi eíí díí áłah áleeh lá béédaałníi dóó doo baa deidiyóohná da hane’ dasídoots’į́łii biniinaa, nihił ch’ídadoot’áłii, dóó ádahodoonííł nihi atah ádeełééh éiyá nihidi’doo’nííł.
Kót’éego, Damǫ́ǫ abínígo yah iije’ii ałch’į’ kwolnéehjį’, nihí adahwíis’áo dine’é bił ahíikaigo shí Hosanna Beeha’diwósh shik’ehgo bee hadáhidóohdzih. Nihí sodiziníi eíí ii’sizį́ k’ehjí t’áá náhwiist’áa ńt’ę́ę́’ bee hadádiidzíh Diyin God Azhé’é nilį́į dóó BíYe’ Ayóó óo’níi baa dahwíi’níigo ahéhee’ dabididii’nííł.
Díí baa hásti’ iilnéehgo, nihí naa’at’ą́hi łigaiiígíí chóidiil’įįł. Ndi jó doo ła’ neehólóo, nihi t’óó nihíla’ bee dah nididóołnih. Hosanna bee ha’diwósh íiłtsogo, dahatáałii bił hadadídóoh’ááł “The Spirit of God.”5
Shik’iské dóó shiláhkéí da’nóhłį́į, díí áłah áleeh lá ąą kwáaniił doo. Díí yíhah lá ayóó Yisdá’iiníiłii dóó Báhane’ yá’át’éehii hazhó’í bich’į’ dadéet’įį’ doo. Agháo náasjį’ t’áá yít’ih doo díí áłah áleeh báhane’ lá nihjéí łahgo ádadóoniił dóó dahinii’náo yisíilts’ą́ągo yíikah doo.
T’ą́ą́chil 2020 bii’ áłah áléehjį’ wóshdę́ę́’ nihidii’ní. Shił bééhózingo eíí Diyin God, Yá’ąąshdi nihiZhe’é nilį́į, dóó BíYe’, Jesus Christ, t’áá áłah nihánalnííh. t’áá áłah lá nihił hólóodoo díidí ayóó at’é daajį́nii biyi’ t’áá áłahnihí bitsíijį’ ahíikáahgo dóó T’áá áłah Bádahodíníilzingo. Jesus Christ bízhi’ baa hast’ii binahjį́ ’ádishní, áámen.