Taraa te Kawai
Kaatuan am iango iaon bwaai aika moan te boongana—riki ibukin “taai aika a na roko,” bwaai aika akea tokia—bon baika a na kaetieta kawaira n te maiu aei.
Ngke I a roko n 15 te ririki, I karekea te bebwa n reirei, are kariaiakau ni kabuta te kaa ngkana e raonai temanna mairouia au karo. Ngke tuangai tamau ngkana I kan kabuta te kaa, I maaku.
E kabuta te kaa nako tinanikun te taaun nakon kawai aika uaai aika abwabwaki man eti, are tabeman aomata aika kamanena—bwa ti te tabo ae namakinna bwa e mano iai. E nakon iteran te kawai, ao ti kaibibiti n ara tabo n tekateka. E reireinai moa ao ngkanne e tuangai. “Karaurau nako nanon te kawai ao turaiwa ni karokoa I tuangko bwa ko na toki.”
I ira raoi nanon are I tuangaki. Ma imwin 60 te tekan, e taku Natiu, “ katoka te kaa. Ko a karikai bwa N na nimarawarawa. Ko a kiribwakeke inanon te kawai.” E titiraki, “Tera ae ko tabe n taraia?”
I kaeka ma te kuba, ao I taku “I tabe n taraa te kawai.”
Ngkanne e taekina aio: “I tatarai matam, ao ko tabe n taraa te bwai are mena i tabon te kaa. Ngkana ko tii taraa are kaineti i matam, e na aki eti am turaiwa.” Ngkanne e karawawataa, “Taraa te kawai. Are e na buokiko ni kaeta kawaim.”
Ngke te 15 au ririki, I taku bwa bon arei te reirei ni kabuti kaa ae tamaroa. I ataia man te tai arei bwa bon te reirei ibukin maiu ae tamaroa naba. Kaatuan am iango iaon bwaai aika moan te boongana—riki ibukin “taai aika a na roko,” bwaai aika akea tokia—bon baika a na kaetieta kawaira n te maiu aei.
N te tai teuana ni maiun te Tia Kamaiu, E tangiria bwa E na tiku n tii ngaia, ma ngaia are “e nakon te maunga ni kararoa n tataro”1 E kanakoia Ana reirei ma kawaia n riaon taari. Inanon roon te bong, te kaibuke are uotiia reirei e roko iaon te buaka ae kakamaaku. E nako Iesu bwa E na kamaiuia ma n te kawai ae kaokoro. Rongorongon booki aika tabu e kangai, “Inanon te ka aua n aoa n tantani n te tairiki e nakoia Iesu, n nakonako iaon taari.”2 Ao ngke a nooria, a moanna ni maaku, bwa a taku bwa a noora te aomata ae kawariia ae kanga titebo taraana ma te anti. Iesu E namakina maakuia ao E karaui nanoia ni kangai, “Kabebetei nanomi boni Ngai tai maaku.”3
Betero e aki tii rau nanona ma e ninikoria. E ninikoria ao e aki toki ni ienikuri, Ao e kaeka Betero nakon Iesu,“Te Uea ngkana tao boni Ngkoe ao ko na tuangai bwa n na nakoim iaon te ran.“ E kaeka Iesu ma arona ni kakao ae waetata.“Mai.”5:
Betero, e bon maaku n te kakao anne, e ruo man te booti e aki rinako i taari ma iaon taari. Ngkai e onimaki iroun te Tia Kamaiu, e kona ni karaoa ae aki kakaraoaki, are te nakonako iaon te ran. Ni koaua, Betero e kakamakaki n te buaka. Ma “kakamakun”6 ang e a karika te nanououa irouna, ao e bua ana onimaki. E a oki te maaku. N tokina e bua ana onimaki, ao e a moanna ni inako. “E wewete n taku te Uea kamaiuai.”7 Te Tia Kamaiu, ae e aki toki ni ingainga ni kakamaiu, e nako n tabekia rake ni kamaiua.
A mwaiti aekan reirei n reiakinaki man te rongorongo ae kamimi, ma N na ti kaoti teniua.
Kabanea Nanom iaon Kristo
Te moan reirei: e boboto iaon Iesu Kristo. Ngke Betero e kamataua taraan Iesu, e kona n nakonako iaon te ran. Te angibuaka. taian nao, ao te ang e aki kona ni kabaenikaia ngke arona bwa e kabanea ana iango iaon te Tia Kamaiu.
Ataakin ara mwakuri ae korakora e buokira ni kaota arora. Ti aki kona n tokanikai n ara takakaro n aki ataakin te kouru, ao ti aki koana ni maiuna ae kororaoi n aki ataa bukina. Teuana kakabwaian ana euangkerio Iesu Kristo ae kaokaki bon are e kaeka, mai buakon bwaai tabeua, te titiraki ae kangai, .”Tera bukin te maiu?” “Ara mwakuri n te maiu aei bwa ti na kukurei ao ni katauraoi n oki nako matan te Atua.”8 Uringakina bwati mena ikai i aonnaba ni katauraoi n oki ni maeka ma te Atua e buokira ni kakorakoraira iaon bwaai are kairira nakon Kristo.
Kabanea nanon iaon Krijsto e tangiria nanom ae matoa, ibukin bwaai aika uarereke ao katein te tamnei aika buokira n riki bwa reirei aika ti tamaroa riki. Akea te kona n riki bwa Ana reirei n akean te booaki.
Kabanean nanora iaon Kristo e riki n oota riki ngkana ti taraa te tai ae na roko ike ti kan mena iai ao ti tangiria ni kan riki bwa antai ao ni karekea te tai ni katoa bong ni karaoi bwaai aikai are a na buokira ni karokoira ikekei. Kabanean nanora iaon Kristo e kona ni kabebetea ara motinnano ao ni katauraoa te kairi bwa ti na kangaa ni kabanea ara tai ae tamaroa ao kaubwaira.
Ngkai a mwaiti bwaai aika a tau ibukin ara onimaki, ti reirei man ana katoto Betero bonganan taainako kawakinan Kristobwa boton ara onimaki. Bon tii inanon Iesu Kristo are ti kona n oki iai nakon te Atua. Ti mwioko iaon raoiroin Kristo ngkana ti kakorakora n riki n Aekana ao ni ukoukora ana kabwarabure, ao mwaakana ni kakorakora ngkana ti bwaka teutana.
Tarataraingkami man baika a anai nano
Te Kauoua n reirei: Taratarai baika a anai nano. Betero ngke e raira ana onimaki mairoun Iesu ao nakon te ang ao naao are a bwaroa waena, e a moana naba inakona.
A rang mwaiti bwaai “imoan te kaa are a kona ni katikira man te onimaki iaon Kristo ao bwaai aika akea tokiia aika imwain kawaira. ” Te riaboro bon te tia anainano. Ti reiakinna man miin Riaai taian bwanaa man te kateitei ae bubura ake a kakaea kamwaneakira nakon bwaai ake a na kairira nako man katauraoakira n oki ni maeka ma te Atua.9
Ma iai naba aika e karako aia anai nano ma a kona ni karika te kanganga. N aron are atongaki, “Ti te bwai ae riai bwa ana karaoia aomata aika raraoi bwa a na totokoi mwakuri aika bubuaka.” Te kanganga e taraa n ae e iangoia aomata aika roiroi bwa a na akea te bwai ae a na karaoia, ke n te tai aei a bakataei aia tai iaon bwaai ake kairiia nako man aroia ae raoiroi. Te bwai ni katoto, bwaai tabeua ake a raraoi a kona n riki bwa bwaai ni katikitiki n akea katokaia. Kakukurei a na aki aranaki bwa a buakaka ke aki riai bwa a na karaoaki.
Ti Kona Ni Kamaiuaki
Te Kateniua n reirei: ti kona ni kamaiuaki. Betero ngke e inako, e takarua, Te Uea Kamaiuai. Ao n te tai ae waekoa Iesu E arora baina, n taua.”10 Ngkana ti kuneira bwa ti aki kona, ngkana ti kaitaraira ma kariri, ke ngkana ti kairua, ti kona naba ni kamaiuki Irouna.
Ni kaitarakin kariri ao kataaki, ko kona ni katotongai ao ni kantaninga bwa te kamaiu e na waetata. Ma uringa bwa te Tia Kamaiu e roko ni buokiia ana Abotoro n te kaaua n tantani n te tairiki—imwiin banen angiin te tairiki ni bekutata inanon te buaka.11 Ti kona n tataro bwa ngkana e aki roko te buoka ni waetata, e na bon roko n te kauatai ke n te katentai. Ngkana ti na riai n tataninga, te motirawa are anga bwa te Tia Kamaiu e bon tabe n tarataraia ni kakoaua bwa ti na aki rinanona nakon are ti konaa.12 Nakoia ake a tataninga n te kaaua n tairiki, tao i nukan te kurakai, tai kabua am kantaninga. Te Kamaiuaki e roko n taainako nakon te kakaonimaki, bwa inanon te tai ni maiu ke n te maiu are aki toki.
Taai tabetai,ti bwaka bwa e roko ibukin ara kairua ao uruan te tua. Ngkana ko kuneko ni bwaka ibukin akanne karaoa te raira n nano ae kakukurei.13 I kakoaua bwa bwaai tabeua e angan te Tia Kamaiu te kukurei ae bati nakon kamaiuakiia ake a rairaki n oki Nakoina14 Booki aika tabu a onrake ni karakinaia aomata ake a tia ngkoa ni bure ao ni bua ma a rairinanoia ao n riki ni matoatoa n onimakinan Kristo. I taku bwa karaki ake a mena ni booki aika tabu a kauringira bwa ana tangira te Tia Kamaiu ibukira ao Mwaakana ae korakora ni kamaiuira. E aki tii kukurei te Tia Kamaiu ngkana ti rairinanora, ma ti na karekea naba te kukurei ae bati.
Kabaneana
I kaoi ngkami bwa kam na iangoa “taraan nanon te kawai”ao ni kakorakoraa ami taratara iaon bwaai ake a moan boongana. Ti na kaaki Kristo i nuukan ara onimaki. I nanon nuukan ni kabane katabetabe, bwaai “i moan te kaa,” ao te ukeukenanti are katobibira, I kakoaua bwa Iesu bon ara Tia Kamaiu ao te Tia Kaboira ao Te Tia Kamaiura. N aran Iesu Kristo, amen.