Dodohk en Misineri Kapaiada Ahi Mour Kokolahte
Ih kapakapki me kowe pwutak pwulopwul oh serepein pwulopwul kan oh amwail nohno oh pahpa kan pahn kilang oh ese ia mwomwen dodohk en misineri ah pahn kapaiada amwail mour
Kalahngan en komwi, President Nelson, ong amw pilehu ehukihwei sawas me pidada dodohk en misineri.
Riei ohl oh lih akan koaros, sounpar kei samwalahr ansou me I padapadahk nan ehu kapokon lap, pwoaren mesei me mih pali soakohiek et alehdi mehkot ieu me re kin kadahneki macular degeneration, me inenen suwedla oh karehiong ahi sohla kak kilang mwahu nan pwoaren mesei.
Ansou me I lelohnger kahpwal wet, ih inenen ahneki kaping laud ong marain tohto, me iangahki marain en loale. Ni ahi medewehla duwen ahi mour, I kakohng soangen mwekid tohto me wiahda lapalahn wekidekla ehu. Ehu mwekid ko iei duwen ahi wia misineri men ni ahi wia mwanakapw emen nan wehin England ah kapaida ahi mour oh kamwahuila pali ngeniet.
I tamanla wekdeklahn momour en sampah ah kahrehiong Great Depression nan 1930 me elehda wekidek laud rehn ai pahpa oh nohno oh ai peneinei. Ai pahpa inenen insenohkila ah wasahn nekilahla sidohsa oh apwapwalih ah kisin peneinei nan ansou apwal pwukat me elehda nan ansou pwuko ai pahpa oh nohno sohla kin iang sarawi.
Mendahte aht sohte kin iang sarawi nin duwen peneinei ehu, ira sohte irehsang ie iehn kin iang iengei kan kohla sarawi.
Nan rahn pwuko, kohla wia ai dodohk en misineri sohte mih nan moangeiet, ahpw kaidehn mehkot me ih sohte kin kosoiaiong ai nohno oh pahpa.
Ansou me ih mihmi nan college, ngehi oh kompokepahi kan medewehda sehn kohla wia aht dodohk en misineri kei. Ih kohla tuhwong ai bishop, oh audehda nei doaropwehn misineri kan ansou me ai pahpa oh nohno sohte mih nan town. Ansou me ai pahpa oh nohno pwuredo, ih kapwuriamwei ih kin ira me ih pilipildahr iehn kohla wia ai dodohk en misineri nan Great Britain. I kalahnganki ara pereniki oh utung ahi pilipil et, oh kompoakepahi me mwahu kan arail sewese ie iehn kohla oh wia ahi pwukoah en papah.
Ai dodohk en misineri o kounop iehda iehn wia ohl pwopwoud mwahu men oh pahpa oh pil iehn kak pweida nan business. E pil kounop iehda iehn wia ai papah ong Kauno erein ai mour nan Sapwelime Mwomwodiso.
Nan kapokon lap en Epreil 1985, I aledier ien wia padahk nan kapokon en prihstuhd. I dokehki ai padahko ong ohl me pwulopwul kan. I kosoia duwen kounopdahng en wia papah en misineri men. I kosoia, “Nan kasukuhl kan me ih kin aledi nan assignment en Mwomwodiso wet, sohte me nohn kesempwal ong ie sang kasukuhl me alehdi ni ai sounpar-eisek-duwau ni ai wiewia ai pwukoah en papah ni ai wia-misineri men.”1
Kauno mwangih iuk. Ansou me ke wiewia amw dodohk en misineri, ke pahn alehdi mwekid kei me pahn seweseiuk en esehla Ih mehel. Ke pahn keirda nan palingehn ni omw wie papah Ih. Ni mware, ke pahn alehdi ilek kei en papah meteikan. E pahn kiong uhk mwekid kei iangahki pepehm en Ngehn Sarawio. Kauno pahn mweidohng uhk en padahngki Ni Mware. Ke kak kasalehiong Ih me E kak kopworopworkin uhk oh dodohk kin uhk.
Sounpwong limau samwalahro, Elder Jeffrey R. Holland oh Elder Quentin L. Cook, me pil iang wia dodohk en misineri kei nan British Isles, iang ie oh pwarek memeber kan oh misineri kan nan sahpw lingan o. Wasao, ih tamanda ai mwekid kan ni ai wia misineri pwulopwul men. Ih kadehdeki me nan ai misino iei wasa me ih esehla me Semei Nanleng oh ai Sounkomour Sises Krais ese oh poakohng ie.
I paiki eh mie ahi preseden en misin riemen, iei Selvoy J. Boyer oh Stainer Richards, iangahki ara pwoud kehlail kan iei Glady Boyer oh Jane Richards. Ni ai medewehla, ih kak kilang ni sansal me ira kopworopworkin ie oh poakohng ie. Ira padahkiong ie duwen rongamwahu o. Ira kin kasik mehkot laud sang rehi. Ira kihdong ie songen mwekid tohto oh dodohk en kaun emen pwe en sewese ie en keirda oh kounop ong papah erein ai mour.
Ih pil alehdi melipilip ehu sang President Spencer W. Kimball en kaunda Canada Toronto Mission iangahki ai pwoud, Barbara, oh nait seri kan. Preseden Kimball eker kiht en wia aht papah nan Epreil 1974, mwurinte ah kihda ah padahk en misineri me kosoia “Ansou me Sampah Pahn Kasarawihla.”2 Nan padahko president Kimball kawewehda ah kaudiahl ong mwomwen rongamwahu o ah lel la wasa koaros nan sampah. E pil ekerada tohtohn misineri kei nan sampah pwon. E katamankin kitail kupwuren Kauno me iei “aramas koaros anahne … kasalehda keperpen mahseno ohng tohn sampah kan.”3 En Preseden Kimball padahk me pid duwen kesikpen mwahnakapw kan en wia arail misin wiahla ehu oaralap en koasoaipenehkan nan ehu ehu peneinei nan sampah pwon. Kasikpe wet sohte wekila. Ih inenen pereniki President Russell M. Nelson ah pwurehng kapwurehda dahme Kauno kasik sang kitail menseng wet.
Sounpar ehr 10 mwurin President Thomas S. Monson pakairkihda koasoudi en sounpar en misineri men ong pwutak kan oh ong serepein pwulopwul kan.14 Nan pein ai kilekilang,
Nin duwen Wahnpoaron en Kaun Sises Krais, met ih lukweriher pwutak pwulopwul kan—oh irail serepein pwulopwul kan me inengieng en wia papah en misineri men—pwe en tepida met koasoaieng amwail pahpa oh nohno kan duwen papah en misineri men. Ih pil luke iong kumwail en pil kosoiong kompokepahmwail kan duwen soun papah men en misineri, oh ma emen kompokepahmw kan sohte nohn kamelele duwen papah, koangoangehkin irail en kosoiong arail bishop akan,
Inoukiong pein kowe oh Sahm Nanleng me ke pahn wia amw papah en misineri men oh sang met kohla ke pahn nantiong kehn ahneki mongiong en mwakelekel, pehmw, oh madamadau kan en mwakelekel oh warohng. I lukeiong kumwail en ahneki kadehde me teng en rongamwahu me kapwurupwurdo duwen Sises Krais.
Pahpa kan oh nohno kan en me pwulopwul kan, kumwail ahneki pwukoah kesempwal ong ni kounopdahn dodohk wet. Tapiada rahnwet en kosoia iong noumwail seri kan duwen dodohk en misineri men. Se ese me peneinei me keieu kesempwal ong ni sewese neitail pwutak pwulopwul kan oh serepein pwulopwul kan en kounopada.
Ma ke mihmi nan sounpar en wia dodohk en misineri men ahpw sohte kak pwehki soumwahu dou me mie de kahrepe teikan, Ih luke iuk ke en wia amw dodohk en papah met. Kosoiong amw bishop, oh kounopada pwe kehn papah amw Kaun.
Ih koangoangehkin kumwail bishop akan en sewese irail pwutak pwulopwul kan oh serepein pwulopwul kan me kerenlahng sounpar en misineri men en kounopada pwe rehn papah, oh ih pil koangoangehkin kumwail bishop akan en rapahkida irail akan me miher nan sounpar ahpw saikinte iang wia dodohk en papah. Lukehiong emen emen pwutak pwulopwul kan en wiahla emen misineri, pil duwehte serepein pwulopwul kan me inengiong en papah/
Ohng misineri kan me kalkalohk, se kalahngankin kumwail. Amwail dodohk mih nan ansou en soumwahu dou wet. Me karehda, amwail dodohk en misineri sohte duwehte pein ai wia ai dodohk en misineri de mwekid en misineri kan me papah kier mwohn 2020. Ih ese me e sohte mengei. Ahpw mendahte nan ansou apwal wet, Kauno ketkihwei dodohk ehu ke en wia, oh ke kanekelahr ni soanamwahu oh kaselel. Ni karasepe, ke dodohngki technology ni ahl kapw kei pwe en rapahkida irail akan me kounopadahr en kasukuhlki duwen kapwurupwurdohn rongamwahu en Sises Krais. Ni amwail kin papah mwahu oh ni amw ngong mehlel, ih ese me Kauno inenen pereniki amw dodohk. Ih ese me amw papah pahn kapaiada amw mour.
Ansou me sohla wia amw pwukoa en papah, tamataman me ke sohte kasaledeksang dodohk kan en Mwomwodiso. Kawada pohn amw wiewia mwahu kan me ke kasukuhl kier sang nan amw mission, doulahte oh kakelailih amw kadehde, dodohk laud, kapakap, oh peikiong Kauno. Wauneki inou kan me ke wiadahr. Wonlahte oh kapakapki oh papah meteikan.
Ih kapakapki me kowe pwutak pwulopwul oh serepein pwulopwul kan oh amwail nohno oh pahpa kan pahn kilang oh ese ia mwomwen dodohk en misineri ah pahn kapaiada amwail mour Men kumwail en ese nan amwail madamadau kan oh pepehm kan nan amwail mongiong kan manaman en luhk me Kauno ketikiong misineri wadawad kei iei nein Mosiah pwutak kan. E kosoia, “Kohla mwowe … oh kawada ai mahsen ; ahpw met ke pahn anahne kanengamah nan lokolok-reirei oh kahpwal akan, me kumwail pahn kasalehda duwen karasaras mwahu kan …loalei et, oh ih pahn wiahda dipwisou en dodohk kumwail nan limei kat ong komour pen ngehn tohto kan.”5
Koht en