Mahsen en kasomwosomw
Se ututung sapwelimen Koht serepein kan nan mihting torohr wet ni atail mehleliang arail katoutou kan.
Riel lih kempoake kan, ni atail tepiada kapokon lap en lih akan wet, I kapingki ahi kak kihda Ire wet sang Presidensi Keieu.
Sang ni tepin atail kin wia mihting en kapokon lap kan en Rahnkaunop, mie songsongen kahrepoa oh aramas me kin iang. Ni soutiket kitail tapiada ehu wiepen atail pahn kin wiahda soangen mihting wet. Rongamwahu en Sises Krais sohte kin wekidekla. Mehlel kan en rongamwahu sohte wekidek. Pein atail inou sarawi kan sohte wekidek. Ahpw erein ansou, mihting kan me kitail kin ehukipene kakete wekila oh udahn pahn kin wekwekila mwurin ekis ansou.
Met, mihting en Rahnkaunop wet wia mihting en kapokon lap, kaidehn mihting en pwihn ieu en nan Mwomwohdiso. Koasoandi kan, soun kapahrek kan, oh koul kan en mihting wetkohsang Presidensi Keieu, duwehte nan mihting en kapokon lap kan koaros.
Se pekidahr rehn Presiden Jean B. Bingham, me wia Presiden en Pwihn en Sawas en Lih, en kaweid mihting wet. Sounsawas en Presidensi en Pwihn en Sawas en Lih, Pwihn en Lih Pwulopwul kan, oh Praimeri, kakehr en kaweid mihting en kapokon lap kan, sang ni kaweid en Presidensi Keieu.
Pwohnget, mihting wet pahn dokdoke katoutou kan en lih en mwomwodiso wet. Met pahn wia kisehn mehlel kan en Mwomwohdiso en Sises Krais en Souleng en Imwin Rahn Akan, pwolisih kan an mwomwohdiso me pid lih akan, oh pil pwukoah de doadoahk kan me doke lih oh serepein kan nan mwamwohdiso. Mendahte mihting wet eh kohkohieng wasa koaros pohn sampah, me udahn luhkehng iang mihting wet iei lih oh serepein kan me sounpahr eisek riau de laudsang. Se pil kapataiehng sounkaweid en Prihstud kei.
Met tapiadahr koalohk en kaweid me kohsang presidensi kan. Mehlel kan en rongamwahu en Sises Krais me dokdoke emenemen, met me kahreda aht wiahda koasoandi wet. Se ututung sapwelimen Koht serepein kan nan mihting torohr wet ni atail mehleliang arail katoutou kan.
Se kapingki technology kan me kin mweidohng sounkaweid kan en mwomwohdiso en kihda kaweid pisetik ohng ehu ehu pwihn. Se pil kapingki mengeilahn kohseli sampah. Met kin mweidehng kiht en kak kadarala sounkaweid kan en mihting ong emenemen.
Ih doadoahk mehlel en Sises Krais met. Kitail me wia Sapwellime tohn doadoahk, pahn kaweid en Sapwellime Neghn Sarawi. Se lukwerido kapai kan en Kauno pohn soundkaweid en pwihn pwukat oh pil pwohn lih oh serepein loaloapwoat kan me papah Kauno nan pwihn pwukat oh pil nan pein arail mour. Ni mwaren Sises Krais, amen.