Ahpw Se Sohte Katapaniki Irail
Inou kan oh tiahk sarawi kan kin kainenehiong kitail ni oh sewese kitail en kin tamataman ansou koaros me kitail kin ehu ong Kaun Sises Krais ni atail kin keihd nan ahl en inouo.
Ahi pwoud Susan, nait pwutak silimeno oh arail pwoudko, iangahki nein nait serikan, oh Elder Quentin L. Cook, me se kin mwondipene nan Pwihn en ehk riemeno kerenieng sounpar eisek limau, irail koaros onopadahr pwe ren lohkihda me I sehse koul. Apw mandahte ahi sohte nohn ese wiepen koul, Ih perenki koulki koul kan en Kopwurpwurdohu. Kapatpatpenehn keseng ngilamwahu kan oh wahupen koul kan sewesei ie esehla kesempwal pen rongamwahuo oh kin kamwekidada ngeniet.
Ehu koul me udahn kapaiada ai mour ni songesongen mwohmw kei iei, “Kitail en Nantieng.” Ansoukis Ih kin medemedewe oh kaskasukuhlki duwen ire iou nan koulo. “Kitail sohpei weisang imwintihti kan, Kauno te kelehpw kitail en idawehn.”1
Kitail sohpeiwei sang.
Ni ansou me Ih kin koulki “Kitail en Nantieng,” Ih kin kalapw tamanda irailko me mih nan an Lehi ouramano me nanantihla ni tuhkehn komouro “kolokol tengeteng“2 apw wie “nanantihlate kolokol sahl metehu, lau irail lela oh pwopwudi oh ale wahn tuhkehn komouro.”3 Lehi kawehwehda diren aramas me mihmi nan ihmw kaselel oh lapala me kin wie “idihidih irail oh kokouruhriki [ih] oh irailoko … me ale wahn tuhke en komouro.”4 Sapwellime pasapeng ong irail kan me lahlahwe oh kapkapailok me inenen kesempwal oh sohte kak manoknokla: “Ahpw se sohte rong irail.”5
Ih kapakapki Ngehn Sarawi en kapaiada oh kamarainih emen emen kitail ni atail pahn ehukipene duwen atail pahn “sohpei weisang“ kosongosong kan oh kisin ngil sakanakan kan nan sampah me kitail koukouson ie.
Sohpei weisang
Lepin kosoi heed e duehte alehda de sohpai ih emen aramas de ehu mehkot. Pwe, keseng en koulo “Kitail en Nantieng“ kieng kitail madamadau kehlail en sohpei weisang mehkot me “imwin tihti kan“ kin ndahda. Oh Lehi iangahki aramas kan me mihmi reh me alehda wahn tuhke en komouro wiahda karasaras mwahu en dehr lohdieng kosongosong oh kailok me kohsang nan ihmw kaselel oh lapalahu.
Padahk duwen Krais intingdi “sang ni ngehn en Koht Ieias … ni tehlap [en atail mongiong]”6 kin kalaudehla atail ineng en “sohpei weisang” kedirepw tohto kan, mehn kauwe, oh dualasang nan atail pwopwudi en sampah. Ni karasepe, pwoson Sises Krais kieng kehlepen pali ngenitail. Pwosonki Sounkomour iei me pid wiewia oh manaman. Ni atail pahn kin momourki ni mehlel duwen rongamwahuo, ngehn sarawi kin kakehlaka kitail en kak powehdi kosongosong kan en mour wet ni atail kin koadoahke peren me atail sounkomour kounopdahr ohng kitail. Mehlel “ma kitail wia me pwung kitail sohte anahne masak, pwe atail Kaun, sawaspetail, mihmi rehtail.”7
Pweida kan sang inou sarawi kan
Alehda inou sarawi kan oh warohng alehda tiahk sarawi en prihstud pwehn kolkitail pene oh katengei kitaildi ong Kauno Sises Krais oh Seme Nanleng.8 Met wehwehki me kitail kamehlele atail sounkomour me wia Sawaspetail9 oh Awatail10 oh koapoaroapoarki sapwelime mekid, mahk, oh lingan11 nan seilok en mour wet. Ni ansou me kitail kin kaisihsolki atail kohdo rehn Krais oh kin ehu ong Ih, kitail alehdi kamwakel o, kamwahula, oh kehlail kihla kin kapai kan en Sapwelime lingan oh Tomw soutuk o.12
Momouriki oh kolokol inou sarawi kan wiahda ehupene ehu ong Kauno me inenen loal oh manaman ni palingehn. Ni atail kin wauneki atail inou sarawi kan oh tiahk sarawi kan, ekis ekis oh kalkalaudehla atail karanihla Ih13 oh iang kehn Sapwelime lingan oh momour nan atail mour kan. Sises me wiahla poahson pen nan kosoi pen nan pwuhk sarawi kan; Sapwelime karasaras oh padahk kan sewese atail ineng, madamadau, oh mwekid,
Ih sohte ahneki koahiok en kawehwe duwen mwomwe oh manaman en atail inou ong iasadao oh sapwelimen Koht Ieros ieias o. Ahpw ih kadehde me ehupene nan pwungen Ih oh Seme Nanleng udahn mehlel oh songen ehupene wet me pahn kak kieng kitail kehlail, meleilei, peren, oh kakelaka ngenitail pwe en “dehr masak,pwe en rasoang imwintihti me kitail kin kilang.“14 Ni wia inou-sarawi oh kolokol inouk-sarawi kan en Sises Krais, kitail pil kapaida en “kehlail pwe Kauno ieiang kitail“15 oh sohte katapanki sohng sued akan oh kapailong kan.
Ni ai pwarek member kei en Mwomwodiso nan sampah, ih kin kalapw idek rerail peidek wet: dahme kin sewese iuk ke en “sohpeisang“ mwekid en sampah kan, koapit kan, oh mas suwed kan? Arail pasapeng kan uhdahn wia kaweid mwahu.
Member kehlail kan kin kasalehda kesempwal pen luke manaman en Ngehn Sarawio ong nan arail mour sang ni poadidien wadawad en pwuhk sarawi, kapakap ni ngidingid, oh pwung en kounopada oh patehng dodohk sarawi en kamadipw sarawi. Me kalapw sansal nin kapwan duwen utuht oh sawas sang rehn peneinei pwoson kan en towe kan oh kompokepa kopworopwor kan, me keieu kesempwal sang ni dodohk en kasarawi kan oh papah nan Sapwelimen Kauno Mwomwodiso, oh laud en katikala wasa kan me sohte itar loale de me kokohsang ni ihmw me kalaimwun o.
I kilelehdi ni an tohn mwomwohdisoht arail pasapeng kan wasahkis me udahn duepenehte. Keieu oh pil kesempwal, werek kan ahneki kadehde kehlail duwen Sahm Nanleng oh sapwelime pilahn en peren oh pwukoah en Sises Krais ah pahn wia atail Soundor oh Sounkomour. Oh keriau, marain en pali ngenirail oh arail kamehlele duepenehte, pein arail, oh ihte; re sohte mengei oh kaweikek. I rong irail ngehn loaloapwot kan arail kosoia duwen inou kan me kihda kehlail en kalowehdi uhpene kan oh arail ehu ong Kaun me ieias en sewese irail nan ansou en mwahu oh suwed kan. Ong irail aramas pwukat, Sises Krais me iei atail Sounkomour.
Inou kan en rongamwahu o iangahki tiahk sarawi kan kin dodohk nan atail mour duwehte compass ehu. Compass iei dipwisou ehu me kin kasalehda iawasa me pali mese, pali kapi, pali eir, oh pali epeng ong kahrepen katangahwei mehkot. Ni songen mwohmw ohte. atail inou kan oh tiahk sarawi kan kin kasalehiong kitail ong oh sewese kitail en kin tamataman ansou koaros me kitail kin ehu ong Kaun Sises Krais ni atail kin alu nan aht en inou o,
Ahl me keieu kesempwal ong kitail koaros nan mour wet iei en kohdo oh unsekla rehn Krais.16 Inou sarawih kan oh tiahk sarawih kan kin sewesei kitail tamataman atail soumkomour oh idawehn, sapwelime lingan,17 en duehla Ih. Keioun kamwahupe, “[manaman] sohte sansal pahn kaweid ie oh komwi ni langan en wiewia me pwung.”18
Kolokol tengeteng sahl metehu
Atail inou kan ehu ong Koht oh Sises Krais iei ehu dake me kitail kak alehdi kehlail laud en “sohpeisang.” Oh Katengteng peneh pahn kehlaila ni atail pahn wonlahte mwowe oh kolokol sahl metehu. Ni rien Nephi kan arail idek, “Ia wehwehn sahl metehu me atail pahpau kilango … ?
“Oh [Nihpai] kosoiaiong irail me iei mahsen en Koht; oh irail akan me pahn alehda mahsen en Koht, oh pahn kolokol tengeteng, irail sohte pahn mehla; oh sohte kasongosong oh lokolok en kahpwal kak powehdi irail nan rotorot, pwe en kaluwa irail wong lokolok soutik.”19
Menlau tamataman me kalowehdi kasongosong oh kahpwal en pali suwed o iei inou ehu ong aramas emen me “kolokol tengeteng“ kaidehn “mwotmwotow ki“ mahsen en Koht.
Me pil kesempwal, Wahnporon Sohn kawehwe me Sises Krais iei mahseno.20
“Mahseno ketketier nintapio, oh mahseno ketket rehn Koht, oh mahseno iei Koht. …
“Ih me ketin wiahda mehkoros; oh ma sohte ih sohte mehkot me wiawihda pahn mie. …
“Oh Mahseno alehda wuduk oh koukoson rehtail, (oh kitail kilang sapwelime lingan, lingan en sapwelimen Kauno iehros, me diren lingan oh mehlel.”21
Eri, ehu Sapwellimen Sises Krais mwahr iei “Mahseno.“22
Pil pateng, kawaluh en article of faith kosoia, “Se kamehlele me Pwuhk Sarawi iei mahsen en Koht ni ah pahn kawehwehdi ni pwungs; se pil kamehlele me Pwuhk en Mormon iei mahsen en Koht.”23
Pil, padahng kan duen Sounkomouro, ni ah kileledi nan pwuhk sarawi kan, pil iei “Mahseno.”
I men indahwei me kolokol sapwelimen Kauno mahsen kan kieng kitail (1) tamataman, wauheki, oh kakehlailih atail ehu ong atail soun komour oh Seme sang inou kan oh tiahk sarawi kan en sapwelime mwomwohdiso kopwurpwurdohu oh (2) kapakapki, ni ngong oh ansou koros Ni atail kin patehng oh “kolokol tengeteng” Kauno oh wekila sang ni atail kin momouriki sapwelime padahng kan,24 Ih inoukihwei me emen emen oh pil koros kitail pahn kapaida “ni atail pahn mihmi wasa sarawi, oh sohte pahn mekid.“25 Ama kitail pahn alehda Krais, E pahn alehda kitail oh ketket rehtail.26 Ni mehlel, “ni ansou en kahpwal akan nah souleng kan e pahn perenkihda oh pahn kapai irailda sang ni arail pwung.”27
Kadehde
En nantieng Kolokol tengeteng Sohpei weisang.
Ih kadehde me tengetengdi ni inou sarawi kan oh tiahk sarawi kan ong atail soun komour nan sapwelime mwomwohdiso kopwurpwurdohu kieng kitail kehlail en doulahte mwowe ni doadoak en atail Kauno, oh tengetengdi ong ih ni Mahsen en Koht, oh en sohpei weisang wiewiahkan en me suedo. Nan mahwin en pwung, emen emen kitail en alehda kedlahs, duehte “kedlahs en me pwungo,”28 ni mwaren aht Kaun Sises Krais amen.