Mensáhe Ñepyrũmby
Ñamomorã Tupã rajykuérape ko sesión especial-pe, ñañe’ẽvo ijeipy’apykuérare ha iñorganisasiõmeguáre.
Che hermana-kuéra pejehayhuetéva, ñamoñepyrũvo ko peteĩete conferencia general kuñanguéra sesión, avy’aite ame’ẽ hag̃ua ko mensáhe ñepyrũmby Primera Presidencia-gui.
Ñande Sábado-gua sesión-kuéra oguereko peteĩ historia hetáichagua propósito ha hetáichagua audiencia-gui. Ko pyharépe ñamoĩve upe historia-pe, jaikévo peteĩ propósito ha procedimiento pyahúpe, futúro ojehechámavape g̃uarã. Jesucristo evanhélio naiñambuéi. Evanhélio doctrina naiñambuéi. Ñande konvénio personal naiñambuéi. Ha katu ary ohasávo, umi reunión jajapóva ñamombe’u hag̃ua ñane mensahekuéra iñambue ha ikatu iñambuevénte ohóvo ary ohasávo.
Ko’ág̃a, ko reunión Sábado pyharegua ha’e peteĩ conferencia general sesión, ndaha’éi sesión mba’eve organisasiõmegua. Opa conferencia general-gua sesión-cha, Primera Presidencia oiporavo pe planifikasiõ, umi oñe’ẽtava ha purahéi.
Rojerurékuri Presidenta Jean B. Bingham, Sociedad de Socorro Presidenta General-pe, oisãmbyhy hag̃ua ko sesión. Tenondeve Sábado pyharegua sesión, ikatu oisãmbyhy peteĩva ambue Tupaogua Oficial General-kuéra, umi Sociedad de Socorro, Mujeres Jóvenes ha Primaria-gua miembro-kuéra, Primera Presidencia oiporavóva.
Ko pyharépe, ko Sábado pyharegua conferencia general sesión-pe oñeñe’ẽta kuña Santokuéra Ara pahapegua jeipy’apykuéra rehe. Kóva oguerekóta Jesucristo Tupao Santokuéra Ara Pahapegua doctrina, Tupao norma kuñanguéra reheguaitéva, ha umi organización, oĩháme Tupaogua kuña ha mitãkuñanguéra, rresponsabilida ha rembiapo. Oñembohasáramo jepe peteĩ audiencia mundial-pe, opa conferencia general sesión-cha, pe audiencia oñe’invitáva oĩ hag̃ua Centro de Conferencias-pe ko sesión-pe g̃uarã, ha’e kuña ha mitãkuñanguéra orekóva 12 áño ha ijedavéva. Rogueru avei sacerdocio lider-kuéra opresidíva umi organización opartisipávape.
Upe ñamoñepyrũvahína ko’ápe ha’e comunicación rehegua recurso oĩva disponible ko árape, Ñandejára Tupao liderazgo ha membresía-pe g̃uarã opa mundopýre. Jesucristo evanhélio doctrina ha’e opavavépe g̃uarã, ha upévare kóva ha’e ñane motivo principal ha ñemosarambi tuichakue. Ñamomorã Tupã rajykuérape ko sesión especial-pe, ñañe’ẽvo ijeipy’apykuérare ha iñorganisasiõmeguáre.
Ñame’ẽ aguyje pe tecnología de transmisión ome’ẽvare ko’ág̃a Tupao lider-kuérape katupyry oisãmbyhy hag̃ua entrenamiento detallado oñe’ẽvo campo-pegua audiéncia específica-pe. Javy’a avei hetavére oportunida ojeviaha hag̃ua ko’ág̃a. Upéva rupi ikatu ñamondo Tupao lider-kuéra oisãmbyhy hag̃ua oñeikotevẽva campo-pegua entrenamiento regular de líderes cara a cara.
Kóva ha’e Ñandejára Jesucristo rembiapo. Ñande ha’e Hembiguaikuéra, Ijespíritu Santo-re oñemboguatáva. Rohenói ñane Ñandejára jehovasapy umi líder ko’ã organización-peguáre, ha umi ijeroviarekóva kuña ha mitãkuña oservívare Ñandejárape ko’ã organización-pe, ha hekovekuéra peteĩteĩre. Jesucristo rérape, Amén.