![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F9e%2F13%2F9e13ac575178ed4bdb8ef6bc034aff2affeee790%2F9e13ac575178ed4bdb8ef6bc034aff2affeee790.jpeg/full/!250,/0/default)
Video: “Peẽ ha’e umi kuña Ha’e ohechapuku’akue”
Ary 1979-pe, Presidente Spencer W. Kimball oĩkuri hospital-pe ha ojerure hembireko, Camilla-pe, omoñe’ẽ hag̃ua imensáhe kuñanguéra reunión general-pe.
Hermana Camilla Kimball: “Tuichave progreso ko Tupao oguerekótava umi ára pahápe oúta, heta kuña ipy’aporãva mundo-pegua (py’ỹinte oguerekóva peteĩ sentido de espiritualida), oguerohorýtagui pe Tupao tuicha jeipápape. Upéva ojehúta, Tupaogua kuñanguéra ohechauka vove tekojoja ha joheipyre hekovépe, ha Tupaogua kuñanguéra ojehecha vove iñambue ha napeteĩchaiha—ivy’ápe—mundo-gua kuñanguéragui”.1
Presidente Russell M. Nelson: “Che hermana-kuéra ojehayhuetéva, peẽ ha’e ore pytyvõha imba’eguasúva, ko jehecha pahápe, kóva ko ára ha’e Presidente Kimball ohechapukuva’ekue ára. Peẽ ha’e umi kuña Ha’e ohechapukuva’ekue! Pende virtu, tesape, mborayhu, kuaapy, py’aguasu, pende reko, pende jerovia ha tekojoja perekóva oguerúta ko Tupaópe, mundo-gua kuñanguéra ipy’aporãva, ifamiliakuéra ndive, ha hetáta hikuái araka’eve ojehecha’ỹ haguéicha!
“Ore … roikotevẽ pene mbaretekue, pene konversiõ, pende jerovia’atã, katupyry peguerekóva peisãmbyhy hag̃ua, pene arandu ha umi pene ñe’ẽpu. Tupã rréino naikomplétoi ni ndaikatúi ikompléto ndaiporiramo kuñanguéra ojapóva konvénio marangatu ha upéi oñe’ẽrendúva, kuñanguéra ikatúva oñe’ẽ Tupã pokatu ha autorida reheve! …
“… Taha’e ha’éva pene llamamiento, taha’e ha’e umi pehasavahína, roikotevẽ pene impresiõ, pene py’amongeta ha pene ispirasiõre. Roikotevẽ tapeñe’ẽ kyhyje’ỹme ha peje umi peñandúva consejo de barrio ha de estaca-pe. Roikotevẽ opavave hermana omendáva toñe’ẽ peteĩ irũ, omba’apóva haome’ẽmbaitéva ramo, ojoajúvo iména ndive oisãmbyhy hag̃ua ifamilia. Pemenda térã pemenda’ỹ, peẽ, hermana-kuéra, peguereko katupyry ijoja’ỹva ha intuisiõ espesial pehupytýva Tupãguigua don ramo. Ore, hermano-kuéra, ndaikatúi rokopiávo influencia peteĩete peẽ perekóva.
“Jaikuaa ningo tembiapo paha opa creación-pe ha’ehague kuña je’apo! Roikotevẽ pene mbaretekue! …
“… Aaguyje peẽme, che hermana-kuéra pejehayhúva, ha pohovasa pepu’ã hag̃ua pende kakuaa tuichakue, pekumpli hag̃ua pende apopy medída, jaguatávo ojopóre ko tembiapo sagrado-pe. Oñondivepa ñaipytyvõta ñambosako’i ko múndo Ñandejára Jeju Mokõirã”.2