Konvénio Rape: Tekove Ijapyra’ỹvapegua Tape
Ñeporãmbapegua tape ha’e pe konvénio rape, ha Jesucristo ha’e opa ordenánsa ha konvénio mbyte.
Peteĩ rréi ipu’akapáva oipotákuri ita’ýra oisãmbyhy peteĩ umi irréino. Upe príncipe tekotevẽkuri oikuaa ha okakuaa arandúpe oguapy hag̃ua upe apykápe. Peteĩ ára, pe rréi ijaty upe príncipe-ndi ha okomparti iplan. Opyta hikuái pe príncipe ohotaha ambue távape ha ohypytýta tembiesarã. Ha’e ombohováita heta mba’evai ha ohasáta avei heta mba’e porã upépe. Pe rréi upérõ omondo chupe távape, ha oñeha’arõ pe príncipe oprova ijeroviarekoha rréipe, ha ohechauka ikatuha oñeme’ẽ chupe umi priviléhio ha rresponsabilida, rréi orekóva ñongatupy chupe g̃uarã. Oñeme’ẽkuri sãso upe príncipe oiporavo hag̃ua ohupy umi priviléhio ha rresponsabilida, térã nahániri, odependéva ipotapy ha jeroviarekóre. Aikuaa porã peikuaaseha mba’épa oiko pe príncipe-gui. Ou jeýpa oereda hag̃ua upe rréino?
Hermano ha hermana-kuéra ahayhuetéva, peteĩteĩ ñandekuéra ha’e peteĩ príncipe térã peteĩ princesa. Peteĩ Túva Yvagagua oporohayhúva ñanembouva’ekue yvy ári jarovy’a hag̃ua peteĩ tete jehovasa, omanokuaa’ỹtava Jesucristo Expiasiõ ha Jeikovejey rupive. Oñeha’arõ ñañembosako’i jahajey hag̃ua Tupã rendápe, jahechaukávo “jajapotaha opa mba’e Ñandejára [ñande] Tupã omandáva [ñandéve]” (Abraham 3:25).
Ñanepytyvõ hag̃ua, Salvador oúkuri ñanerredimi hag̃ua ha ohechauka pe tape jahajey hag̃ua Tupãme. Tupã ra’ykuérape oñe’invita ou hag̃ua Salvador rendápe ha oñemoporãmba Hese. Escritura-kuérape, jajuhu invitasiõ jaju hag̃ua Ñandejárape ojerrepetiha 90 jeyve, ha umíva mbyte rasa ha’e Ñandejaraiteguigua invitasiõ. Ñamboaje Salvador invitasiõ he’ise, jaike Iñordenansakuérape ha ñañongatu ñande konvénio Hendivegua. Jesucristo ha’e “pe tape, pe añetegua, ha pe tekove” (Juan 14:6), ha Ha’e ñañe’invita “opavavépe jaju hag̃ua hendápe ha jahupyty ipyʼaporã; ha mavave oúvape hendápe haʼe nomosẽi” (2 Nefi 26:33).
Ñande evanhélio ñemoarandu ha ñehekombo’e ombopypyku ñane konversiõ Túva Yvagagua ha Jesucristo-pe, ha ñanepytyvõ Ha’ekuéraichave hag̃ua ñande. Ndojeikuaaukáirõ jepe opa mba’e “araka’etépa ha mba’eichaitépa oñeme’ẽta umi exaltasiõ rehegua jehovasa,” upevére, jaikuaaporã umívagui. (M. Russell Ballard, “Jerovia Cristo-re,” Liahona, Mayo 2021, 55).
Alma pe sumo sacerdote, ombo’évo Zarahemla retãme, omombe’uva’ekue peteĩ ipypukúva Jesucristo invitasiõ:
“Péina ápe, haʼe ohenói opa yvypórape, poriahuvereko jyva ojeipysógui chupekuérape g̃uarã, ha haʼe he’i: Peñearrepenti, ha Che pomog̃uahẽta.
“Héẽ, haʼe heʼi: Peju che rendápe, ha peʼu pe yvyramáta tekove rehegua yvágui” (Alma 5:33–34.
Salvador Ijeheguite ñane invita jaju hag̃ua Hendápe ha jajapyhy ijúgo ñandejehe, japyty’u hag̃ua ko múndo guyryrýpe (tojehecha Mateo 11:28–29). Jaju Cristo-pe ñamomba’apóvo jerovia Hese, ñañearrepenti ára ha ára, jajapo umi konvénio Tupãndi, jahupytývo umi ordenánsa salvasiõ ha exaltasiõ rehegua, ha jagueropu’aka ipaha peve, ñañongatúvo ko’ã konvénio” (Manual General: Jesucristo Tupao Santokuéra Ara Pahapeguápe Jaservívo, 1.2.1, ChurchofJesusChrist.org). Ñeporãmbapegua tape ha’e pe konvénio rape, ha Jesucristo ha’e opa ordenánsa ha konvénio mbyte.
Rey Benjamín ombo’eva’ekue, umi konvénio jajapóva rupi, oiko ñandehegui Cristo ra’y ha rajykuéra, ñanemoheñóiva’ekue espiritualmente, ha Iñakã guýpe ñañemosãso, “ndaipórigui ambue téra oñemeʼẽva outaha rupi salvasiõ” (Mosíah 5:7–8). Jajesalva jagueropu’akávo ipaha peve “jajapóvo Tupã Ra’y Oikovéva ojapovaʼekue” (2 Nefi 31:16 Nefi oñemoñeʼẽ ndajajapopái jaike haguérente upe tape poʼípe; ñande “ñañemotenondevaʼerã ñemovãʼỹme Cristo-pe, jaguerekóvo peteĩ ñehaʼarõporã mimbi, ha mborayhu Tupãre ha mayma yvypórare” (2 Nefi 31:19–20.
Cristo doctrina ñanepytyvõ jajuhu ha japyta hag̃ua konvénio rapépe, ha evanhélio oñemoĩ ikatu hag̃uáicha jahupyty jehovasa Ñandejára oprometéva, umi ordenánsa ha konvénio rupive. Tupã proféta, Presidente Russell M. Nelson oñemoñe’ẽ ñandéve, Enero 16, 2018-gua transmisión-pe, “pepyta konvénio rapépe. “Pene kompromíso pesegívo Salvador-pe, pejapo konveniokuéra Hendive ha upéi peñongatúvo ko’ã konvénio, oipe’áta okẽ opa tovasapy ha priviléhio espiritual-pe g̃uarã, oĩva kuimba’e, kuña ha mitãme g̃uarã opa tendápe. … Upe mba’erãpa peteĩteĩ ñande ñañeha’ãha, ha’e ñañe’investi hag̃ua pu’aka reheve Ñandejára rógape, jajesellávo familia-háicha, jeroviarekópe umi konvénio jajapova’ekuére peteĩ témplope, ñandekalifikáva tuichavéva Tupã don-pe g̃uarã—pe tekove ijapyra’ỹva” (“Ñañemotenondévo Oñondivepa,” Liahona, Abril 2018, 7).
Tupã ndohejamo’ãi Ijeiko oimeraẽ konveniokuéra ñongatuha ijeroviarekóvandi, ni nonegamo’ãi Ijehovasapy tekove ijapyra’ỹva rehegua, oñeprometeva’ekue. Ñamomorãvo umi konvénio sagrádo, ñañemo’ag̃uive Salvador-re. Elder David A. Bednar ñarekombo’ékuri kuehe umi evanhélio konvénio ha ordenánsa omba’apoha ñande rekovépe peteĩ brújula-ramo, oñeme’ẽ hag̃ua ñandéve dirección cardinal jaju hag̃ua Cristo-pe ha jajoguave Chupe.
Konveniokuéra ohechauka tape jahajey hag̃ua Tupãme. Ñemongarai ordenansakuéra ha Espíritu Santo jehupyty, sacerdocio ordenasiõ ha Santa Cena, ñandereraha Ñandejára témplope, jaike hag̃ua Iñexaltasiõ ordenansakuérape.
Ha’ese mokõi mba’e ñande Salvador he’i porãva’ekue ñanepytyvõ hag̃ua ñañongatu konveniokuéra jeroviarekópe:
-
Espíritu Santo ikatu ñanepytyvõ, ñaneromandu’a Salvador mbo’epykuéra, ha opyta ñanendive tapiaite g̃uarã (tojehecha Juan 14:16, 26). Ha’e ikatu ñaneirũ tapiagua ñanesãmbyhy hag̃ua koveniokuéra rapére. Presidente Russell M. Nelson, ombo’ékuri “umi ára oúvape, ndaikatumo’ãi jasobrevivi espiritualmente, ndajarekóiramo pe Espíritu Santo ñemboguata, ñeisãmbyhy, ñemoangapyhy ha influencia meme” (“Revelación para la Iglesia, Revelación para nuestras vidas,” Liahona, Mayo 2018, 96).
-
Salvador omoĩva’ekue Santa Cena ordenánsa, akóinte ñanemandu’a hag̃ua Hese, ha jaguereko hag̃ua Ijespíritu ñanendive. Ñemongarai oipe’a tekove ijapyra’ỹvapegua okẽ, ha Santa Cena ñanepytyvõ jasegi hag̃ua ñemova’ỹme konveniokuéra rapére. Japartisipávo Santa Cena-pe, ha’éta peteĩ testimónio Túvape, akóinte ñanemandu’aha Ita’ýrare. Ha akóinte ñanemandu’ávo Hese ha ñañongatu hembiapoukapykuéra, jaguerekóta Ijespíritu ñanendive. Upe promésa reheve, Ñandejára ombopyahu angaipa rremisiõ oñeprometepyre, mirĩme ñañearrepentívo ñane angaipakuéragui.
Ñaimévo jeroviarekópe ñande konveniokuérape, ñañeha’ãva’erã akóinte jeguereko pe Espíritu, ñanembosako’i hag̃ua tekopotĩme japartisipa Santa Cena, ha upéicha avei, py’ỹi japartisipa Santa Cena, akóinte jeguereko hag̃ua pe Espíritu ñanendive.
Ore rajy orekovoguare 5 áño, oreko’akue kamiõ bateria-pe oku’éva, ha ohayhu oiko hag̃ua pype pe óga jerére. Peteĩ ka’arupytũ, ou cherendápe ha he’i, “Papá, che kamiõ ndohovéima. Ikatúpa ñaguenohẽ gasolina nde auto-gui ha ñamoĩ pype ohojey hag̃ua? Ikatúpa oikotevẽ gasolina nde auto-icha oho hag̃ua?
Upéi ahechakuaa oguejyhague pe bateria pu’aka, ha upéicha ha’e, ñamongu’e jeýta una hora-pe. Vy’aitépe, ha’e he’i, “Héẽ! Jagueraháta estación de servicio-pe”. Amoĩntekuri pe bateria peteĩ enchúfere, ha una hora haguépe ikatúkuri omongu’e pe kamiõ, omỹiva bateria ojekargava’ekue rupive. Upe ára guive ha’e oikuaákuri imba’eguasuha akóinte jakarga pe bateria, ñamoĩvo enchúfere.
Che rajy oikuaa haguéicha rrelasiõ oĩva bateria jekarga ha pu’aka omangu’e hag̃ua ikamiõ’i, ñande jaikuaa Jesucristo, Santa Cena ha Espíritu rehegua. Ñaikotevẽ pe Espíritu ñanepytyvõ hag̃ua jayta tekove yvy arigua rupive, ñañongatúvo jeroviarekópe umi konvénio, ha ñaikotevẽ Santa Cena, ñamombarete hag̃ua ñande reko espiritual. Ñambopyahúvo ñande konvénio bautismal ha japartisipávo Santa Cena-pe, omongu’éta jeroviareko opa ambue konveniokuérare. Ojeasegura ipahapegua vy’a, ñembo’épe jastudia ha mamomorãramo Salvador invitasiõ, ha jarovy’a Ijehovasakuéra oñeprometeva’ekue. Ha’e he’i, “Ha reñeñongatu porãve hag̃ua mara’ỹre ko múndogui, rehóta óga oñeñembo’ehápe ha reikuave’ẽta ne sacramento-kuéra che ára marangatúpe” (Doctrina ha Konveniokuéra 59:9).
Atestifika umi oñongatúvape ikonvénio oñepromete “py’aguapy ko múndope, ha tekove ijapyra’ỹva múndo oúvape ” (Doctrina ha Konveniokuéra 59:23). Atestifika py’ỹi pepartisipáramo Salvador emblema-pe, Santa Cena rupive, peguerekóta Ijespíritu penemboguata hag̃ua konvénio rapére, ha peime jeroviarekópe pende konveniokuérape. Jesucristo rérape, Amén.