Pe Konversiõ ha’e ñane méta

Mark L. Pace rupive

Escuela Dominical-pegua Presidente General

Ndaipóri ombohovaiva’erã pe tiempo pehasáva peikumbývo umi escritura, pehendúvo Espíritu Santo oñe’ẽ.

Ohasáma mbohapy áño, ñañepyrũ oñóndive peteĩ viahepe Ñandejára tupaogua miembrokuéra ramo. Octubre 2018-pe Primera Presidencia ha Cuórum de los Doce Apóstoles-pegua ojerure ñandéve ña’aprende hag̃ua Jesucristo rehe ja’estudiávo Escrituras peteĩ ipyahuháicha ha iñinspiradórava, rekúrso Eju, Chesegi recursokuéra ñande gíaramo.

Opáichagua viáhepe iporã japytu’u’imi sapy’asapy’a jahecha hag̃ua ñande progreso ha jajeasegura jasegi porã gueteriha ñañemomýivo ñane méta rapere.

Pe Konversiõ ha’e ñane méta

Jahechami ko deklarasiõ pypuku oĩva upe ñepyrũmbýpe Eju, Chesegi:

“Opa temimbo’e propósito ha Evanhélio kuaapy rehegua ha’e ñañekonverti porãve Túva Yvagagua ha Jesucristo-pe. …

“… Evanhélio kuaapy omombaretéva ñande jerovia ha ñandegueraháva konversiõ milágrope, ndojehúi peteĩ jeýnete. Ohasa umi mbo’eha kotýgui ñane korasõme ha ñande rógape. Oñeikotevẽ ñañeha’ã meme ára ha ára jaikuaa haĝua ko evanhélio rehe jeikove. Evanhélio kuaapy ogueraháva konversiõ añeteguápe oikotevẽ Espíritu Santo-re.”¹

Upéva ha’e pe milagro jahekáva: peteĩ tapicha toguereko experiencia Escritura rupive² ha upe experiencia tojehovasa Espíritu Santo-re. Ko’ã experiencia omopyenda porãta ñane konversiõ Salvador-pe. Presidente Russell M. Nelson ñanemomandu’a, pyenda espiritual oñemombarete memeva’erãha.³ Konversiõ hi’aréva oiko tekove aja.⁴ Pe Konversiõ ha’e ñane méta

Osẽ porãve haĝua, umi experiencia Escritura-kuérandi penemba’eteva’erã.⁵ Pemoñe’ẽ térã pehendu ambuekuéra experiencia ha py’amongeta ikatu peneipytyvõ, ha katu upéva ndoguerumo’ãi péichagua konversiõ. Ndaipóri ombohovaiva’erã pe tiempo nde rehasáva re’estudiávo umi escritura, rehendúvo Espiritu Santo oñe’ẽ ramo ndéve.

¿Mba’e chembo’ehína Espiritu Santo?

Káda semána aipe’ávo che Eju, chesegi manual, ahai mba’eporandu kuatiañe’ẽ oñepyrũme: “¿Mba’e chembo’e ko Espíritu Santo ko semána aleé aja ikapítulokuéra?”

A’estudiávo Escritura, ajepy’amongeta jey jey upe porandúre. Katuete, arresivi impresiõ espiritual ha ahai che haihape.

Ko’ág̃a, mba’éicha aikuaáta pe Espiritu Santo chembo’eha? Jepiguáicha, oiko sa’imimi ha michĩmi. Sapy’ánte peteĩ pasaje de las Escrituras ha’etévaicha osẽva pe páginagui ha añatendeve hese. Ambuépekatu, añandu che akãme ohesapevévaicha che kuaapy peteĩ entendimiento tuichavévare peteĩ Evanhélio principio-gui. Avei añandu Espíritu Santo opoko cherehe che rembireko Anne Marie-ndi, roñemongeta jave umi roleéva’ekuére. Umi ijehecha jepiguáicha o’ínvita Espíritu-pe.

Pe proféta ha upe Páskua

Ko áñope ja’estudia Antiguo Testamento, peteĩ escritura imarangatúva omohenyhẽva ñande ánga tesapégui. Aleévo Antiguo Testamento, añandu ahasaha ára umi confianzape osãmbyhýva ndive: Adán, Eva, Enoc, Noé, Abraham ha heta ambue jaikuaáva.

Ko semana jástudiávo Éxodo kapítulo 7–13, jahecha mba’éichapa Ñandejára omosãso Israel-gua ra’yrakuéra Egipto-gui síglo aja orekóva chupekuéra ñeñapytĩmbýpe. Jalee nueve plaga rehegua—nueve techapyrã ijojaha’ỹva ohechaukáva Tupã pu’aka — ha Faraón ohecháva omokangy’ỹre ikorasõ.

Upémaro Ñandejára he’i Iproféta Moises-pe, upe décima plaga-re ha mba’éichapa Israel familia-kuéra ikatu oñembosako’i upevarã. Ko ritual ryepýpe ojeheróva Páskua, Israelita-kuéra ojukava’erã peteĩ ovecha mácho, peteĩ imara’ỹva. Uperire ha’ekuéra omarkava’erã hóga rokẽ marko pe ovecha ruguýpe. Ñandejára opromete hógakuéra oñemarkáva guie tuguýpe oñemo’ãtaha pe plaga vaiete oútavagui.

Escritura-kuérape he’i, “Israel ra’ykuéra … ojapohague Jehová … ojerure haguéícha Moisés-pe” (Éxodo 12:28). Oĩ tuicha pu’aka ko declarasiõ ñe’ẽrendu reheguápe.

Israel ra’ykuéra osegi rupi Moisés ñemoñe’ẽ ha ojapo jeroviápe, ojesalva hikuái umi plaga-gui ha ára ohasávo isãso hikuái.

Upévare, ¿mba’e chembo’e Espíritu Santo ko’ã kapítulo aleéva’ekue ko semanape?

Ko’ãva ha’e pensamiento opytu’úva che akãme:

Ñandejára ojapo Iproféta rupive omo’ã ha osalva haĝua Itavayguápe.
Jerovia ha ñemorĩ jasegívo profétape ou pe ñemo’ã ha sãso milágro mboyve.
Tuguy okẽ markore ha’e señal okára ñande jerovia hyepypegua Jesucristo-re ha’éva Tupã ovecha.

Ñandejára promesa ha proféta

Añeñandu porã ahechávo ojejoguaha mba’éichapa Ñandejára ohavasa Itavayguakuérape ko Antiguo Testamento ñemombe’úpe ha mba’éichapa avei ohovasa Itavayguakuérape ko’ág̃a.

Ñandejára oikovéva proféta, presidente Nelson, ohechaukáva ñandéve Eju, Chesegi mba’éichapa ikatu ja’estudia Escritura-kuéra,ojerure ñandéve ñatransforma ñande róga jerovia raitépe ha tenda ña’aprendehápe Evanhélio.

Uperire opromete irundy jehovasa espesífika:

Nde rrepóso ára ha’eva’erã peteĩ delicia,
Nde familia-kuéra oĩta vy’apópe oikuaa ha ovivi hag̃ua Salvador ñehekombo’ekuéra,
Adversario influencia ikatúta ikangyve nde rekovépe ha nde rógape ikatu ikangyve, ha
Umi tekove ñemoambue nde familia-pe tuicha ha hi’aréta.⁶

Jepeve, ndajaguerekói diario térã registro umi ohasava’ekuégui Páskua Moisés-ndi Egipto-pe. Ha katu, jareko heta testimónio santokuéra, ijeroviaguasúva avei, ha osegíva presidente Nelson-pe ñande árape ha orresivíva jehovasa oñeprometeva’ekue.

Ko’ápe oĩ sa’imi testimonio:

Peteĩ sy ifamilia pyahúvandi he’i: “Roñemongeta Cristo rehe ha rovy’a Cristo rupive ore rógape. Chéve ĝuarã, jehovasa tuichavéva: che membykuéra ikatu okakuaa oñemongetávo Evanhéliore ógape omoaĝuivéva chupekuéra Salvador-re.”⁷

Peteĩ hermano mayor ohenói estudio escritura rehegua Eju, Chesegi rupive “pe tesape divinogui henyhẽva ñaipytyvõgui jaikuaa hag̃ua Evanhélio doctrina ñaikotevẽva ñañandu porã haĝua espiritualmente.”⁸

Peteĩ tembireko imitãva omombe’u jehovasapy “Aikuaaporãve che ména korasõ, ha upévare aipe’akuaave che korasõ chupe rostudiávo oñondive.”⁹

Peteĩ sy tuicha ifamiliava ohechakuaa oñeha’ãvo ombo’e ifamiliagua oñekambia. Ha’e omombe’u: “Che mandu’avo, ha’etavaicha che ambopuva ko piano aipuruvo che guante. Ambopu hína umi nóta, ha katu pe melodía ndaipuporãi. Ko’áğa aipe’a umi che guánte ha, jepe che purahéi ndaiporãi gueteri, che ahendu upe diferencia. Eju, Chesegi ome’ẽ chéve visiõ, katupyry, enfóke ha propósito.”¹⁰

Peteĩ ména imitãva: “Che priorida túichavéva ha’e che róga ha hesakãvéva chéve ĝuarã aipuru guie Eju, Chesegi káda ko’ẽ. Aestudiávo apensa umi imba’eguasuvéva chéve ĝuarã, ha’éva témplo, relación che rembirekóndi, ha che llamamiénto. Che aguyje che róga ha’érupi peteĩ santuario oĩháme Tupã tenda peteĩháme.”¹¹

Peteĩ Hermana okomparti: “Che experiencia ára ha ára Eju, Chesegi reheve nameméi ha’e ñamombe’u hag̃uáicha, ha katu ára ohasávo ahecha mba’éichapa Escritura estudio meme ha oiporãva chemoambue ohóvo. Kóichagua estudio chemomirĩ, cherekombo’e ha chemoambue mbeguekatu.”¹²

Peteĩ misionero-kue omombe’u: “Ko programa Eju, Chesegi rupive ahupyty pe Escritura-kuéra nivel de estudio ajapo haguéicha che misión-pe, ha péicha ambohasa pe mentalidad de lista-gui peteĩ moménto añetehápe iporãitéva aikuaave haĝua Tupãme.”¹³

Peteĩ hermano he’i: “Añandu ko Espíritu Santo oikoporãve che rekovépe ha añandu ñeisambyhy hesakãporãva Tupã rupive ajapóvo che desisiõ. Areko ñemongeta ipypykuvéva doctrina hechapyrãva Cristo ha Iñexpiasõgui.”¹⁴

Peteĩ mitã’i siéte año orekóva he’i: “Chekaraitama, ha Eju, Chesegi chembosako’i upevarã. Che familia-ndi roñemongeta ñemongarai rehe, ha ko’áğa ndache py’apýi chekarai haĝua. Eju, Chesegi chepytyvõ Espíritu Santo oike hağua che korasõme, ha añandu hakuvýva alee jave escritura.”¹⁵

Ambopahávo, peteĩ sy imemby retáva: “Roikũmbývo Tupã ñe’ẽ, Ha’e oipytyvõ ore familia-pe rombohasa hag̃ua jepy’apy pu’akápe; jehasa’asy ha desafiogui sãsorãme; ñorairõ ha jetakýgui mborayhu ha py’aguapýre; adversario pokatúgui Tupã pokatúpe.”¹⁶

Ko’ãichagua ha heta ambuéva ijeroviápe osegi Cristo-pe omarkáva simbólicamente Tupã ovecha ruguýre hógakuérapegua jeikehápe. Ha’ekuéra ohechuka ikompromiso interior osegi hağua Salvador-pe. Ijerovia oñemotende milagro-re. Ha’e milagro peteĩ tapicha orekóva Escritura experiencia-re ha upe experiencia ojehovasa Espíritu Santo pokatu reheve.

Ja’estudiárõ Escritura-kuéra, ndaipçori ñembyahýi espiritual ko múndope. Nefi he’iháicha, “Ha ha’e chupekuéra umi ohendúva pe Tupã ñe’ẽ ha ojejagarra hatãva hese, nomanomo’ãiha araka’eve; ha ndaipu’akamo’ãi hesekuéra py’ara’ãkuéra ni umi ñande rayhu’ỹva arma hendypáva omoypytũ haĝua chupekuéra, ha ogueraha haĝua chupekuéra oñehundi peve” (1 Nephi 15:24).

Ymave, Israel ra’ykuéra osẽgui Ñandejára rape ome’ẽva chupekuéra iproféta Moisés rupive ha’ekuéra ojehovasa sãso ha tekoguapýre. Ñande árape, jasegívo Ñandejára rape ome’ẽva Iproféta oikovéva rupive, presidente Nelson, péicha avei jajehovasa oñekonvertívo ñande korasõ ha oñemo’ã ñande róga.

Atestifika Jesucristo oikoveha; Ko tupao ha’e Itupao, proféta José Smith rupive ojerrestaurava’ekue ko yvy ape ári. Presidente Russell M. Nelson ha’e Ñandejára proféta oikovéva ko árape. Che ahayhu ha ajepytaso hendive. Jesucristo rérape, Amén.