Oikóvo ñandehegui Santo de los Últimos Días hechapyrãva
Aheja che mborayhu ha jehovasa peẽme, ikatu haĝua pejedeleita Ñandejára ñe’ẽ reheve ha pe’aplika Hekombo’ekuéra pende rekovépe.
Kóva ha’ékuri peteĩ conferencia inspiradora ha histórica. Ñamaña pe futuro-re entusiasmo reheve. Ñañemokyre’ỹkuri jajapo porãve ha ha’eporãve haĝua. Umi mensaje hechapyrãva ome’ẽva’ekue ñandéve ñande autoridad General ha umi Oficial general ko púlpito guive ha pe música isublime! Po’invita pe’estudia haĝua ko’ã mensaje ko semana guive. 1 Ha’ekuéra omombe’u Ñandejára pensamiento ha ivoluntad Itavayguakuérape ĝuarã ko ára.
Pe curso de estudio integrado pyahu, oñecentráva en el hogar ha oje’apojáva Tupao rehe, oguereko potencial omosãso haĝua familia-kuéra pu’aka, kada familia oseguiháicha conciente ha jesarekópe, ojapo haĝua hógagui peteĩ santuario de fe. Apromete peẽme pemba’apoháicha jesarekópe perremodela haĝua pende róga ha pekonverti peteĩ centro de aprendizaje del Evangelio-pe, tiempo reheve, pendedía de reposo ha’éta añetehápe peteĩ delicia. Pende familia-kuéra oĩta emocionado o’aprende ha ovivívo pe Salvador ñehekombo’ekuéra, ha pe adversario influencia pende rekove ha penderógape pokãvéta. Umi kambio pene familia-kuérape ha’éta notable ha duradero.
Ko conferencia aja, ñamombaretékuri ñane determinasiõ jajapo haĝua pe ñeha’ã esencial ña’honra haĝua Ñandejára Jesucristo-pe káda ves jajerreferi vove Itupaóre. Apromete peẽme ñandejesareko atã jaipuru haĝua pe Salvador Tupao ha imiembrokuéra réra correcto ñandegueraháta tuichave jeroviápe ha major pu’aka espiritual jehupyty Itupaogua miembro-pe ĝuarã.
Ko’áĝa jahasa tema templo-pe. Jaikuaa ñane tiempo templo-pe iñimportantetereiha ñande salvación ha exaltasiõrã ha ñande familia-kuérape ĝuarã.
Jarrecibi rire ñande propia ordenanza-kuéra templo-pe ha jajapo umi konvénio marangatu Tupã ndive, opavave ñande, ñaikotevẽ pe ñemombarete meme espiritual ha pe guía ikatúva jahupyty unikamente Ñandejára rógape. Ha ñande ypykuéra oikotevẽ ñande jaservi chupekuéra irrepresentante ramo.
Pekonsiderami pe Tupã poriahuvereko ha hustísia tuicháva, máva, ko mundo pyenda oñemoĩ mboyve, ome’ẽva’ekue peteĩ manera oñeme’ẽ haĝua umi templo jehovasa umi omanova’ekuépe Evangelio kuaapy’ỹre. Ko’ã templo-gua rríto sagrado ha’e ymaguare. Chéve ĝuarã, pe ymaguare ha’e emocionante ha ambue evidencia añeteguaha.2
Che hermano ha hermana-kuéra pohayhuetéva, pe adversario atakekuéra tuicha okakuaave intensidad ha variedad-pe.3 Ñaneremikotevẽ ñaime haĝua templo-pe de manera regular araka’eve tuichave ko’áĝagui. Ajerure’asy peẽme pemaña haĝua, ñembo’e reheve, mba’éichapa pehasa pene tiempo. Peipuru tiempo pende futuro ha pene familia futuro-pe. Peguerekórõ acceso posible peteĩ templo-pe, po’invita pejuhu haĝua manera pejapo peteĩ cita regularmente Ñandejára ndive, peĩ haĝua Hóga marangatúpe, ha upéi pe asisti upe cita-pe con exactitud ha vy’ápe. Apromete peẽme Ñandejára oguerúta peẽme umi milagro Ha’e oikuaáva peikotevẽha pejapóvo sakrifísio pe’servi ha pe’adora haĝua Itemplo-kuérape.
Ko’aĝaite jaguereko 159 templo-kuéra ojededikámava. Umi templo-re ñeñangareko ha mantenimiento iñimportanteterei ñandéve ĝuarã. Tiempo ohasávo, templo-kuéra katuete oikotevẽ renovación ha reparación. Upevarã, ojejapo hína plan ko’áĝa oñerrenova ha oje’actualiza haĝua pe templo de Lago Salado ha ambue templo-kuéra generación pionera-gua. Oñeme’ẽta detalle umi projectogui ojedesarrollávo ohóvo.
Ko árape, vy’ápe ro’anuncia plan oñemopu’ãve haĝua 12 templo. Umi templo oñemopu’ãta ko’ã tendápe: Mendoza, Argentina; Salvador, Brasil; Yuba City, California; Phnom Penh, Camboya; Praia, Cabo Verde; Yigo, Guam; Puebla, México; Auckland, Nueva Zelanda; Lagos, Nigeria; Davao, Filipinas; San Juan, Puerto Rico; y Condado de Washington, Utah.
Umi templo construcción ha mantenimiento ikatu nokambiái pende rekove, ha katu pehasávo tiempo templo-pe añetehápe okambiáta. Umi oñe’ausentava’ekue témplogui heta ára aja, poromokyre’ỹ peñembosako’i haĝua ha pehojey pya’ete ikatuháicha. Upéi po’invita pe’adora haĝua templo-pe ha peñembo’e peñandu pypuku haĝua pe Salvador mborayhu ijapyra’ỹva oguerekóva penderehe, opavave tapehupyty pende testimonio propio Ha’e odirihiha ko obra imarangatu ha ijapyra’ỹva.4
Hermano ha hermana-kuéra, che aguije peẽme pende jerovia ha ñeha’ã meme rehe. Aheja penendive che mborayhu ha jehovasa, ikatu haĝua pejedeleita Ñandejára ñe’ẽme ha pe’aplika hekombo’ekuéra pende rekovépe. A’asegura peẽme pe revelación okontinuaha ko Tupaópe ha okontinuáta “oñekumpli peve Tupã propósito-kuéra ha pe Gran Jehová he’i pe obra ojejapopamaha”5.
Pohovasa jerovia tuichave Hese ha Hembiapo marangatu rehe, jerovia ha paciencia reheve pegueropu’aka haĝua pende desafio-kuéra personal ko vida-pe. Pohovasa oiko haĝua pendehegui Santo de los Últimos Días hechapyrãva. Péicha pohovasa ha ame’ẽ che testimonio Tupã oikoveha! Jesús ha’e pe Cristo! Kóva ha’e Itupao. Ñande ha’e Itavayguakuéra, Jesucristo rérape. Amén.