Ani pekyhyje
Peñemokyre’ỹ hermano ha hermana-kuéra. Añete, jaiko ko’ã tiempo peligroso-pe ha katu japyta aja konveniokuéra rapépe ndajakyhyjeiva’erã
Amoĩve che testimonio mensaje Presidente Russell Nelson ha Elder Quentin L. Cook ome’ẽ ramoitévare armonía ha unanimidad oĩva rehe Concilio de la Primera presidencia ha Cuórum de los Doce apóstoles apytépe. Che aikuaa ko’ã anuncio revelador ha’eha Ñandejára pensamiento ha rembipota ha ohovasáta ha omombaretétaha individuo-kuéra, familiakuéra ha Iglesia de Jesucristo de los Santos de los Ultimos Dias-pe heta generación oúva aja.
Ojapo áño, peteĩ ore rajy omendámava ha iména ojapo Hermana Rasband ha chéve peteĩ porandu iñimportanteitereíva: ¿Oĩporã piko jagueru gueteri mitãnguéra ko mundo ha’etéva iñaña ha ñanemongyhyjévape?
Ko’áğa, péva ha’e peteĩ porandu importante peteĩ túva ha sy okonsiderava’erã ifamiliakuéra omendámava ohayhuetéva ndive. Ikatu ñahendu kyhyje iñe’ẽme ha ñañañandu upe kyhyje ikorasõnguérape. Ore mbohovái chupekuéra ha’ékuri peteĩ firme “Heẽ, iporãiterei katu”, rokomparti aja umi ñehekombo’e fundamental evangelio rehegua ha ore korasõ remiandu ha ore rekove experiencia-kuéra.
Pe kyhyje ndaipyahúi. Jesucristo discipulokuéra, mar de Galilea-pe okyhyje “yvytu, ha…umi ypu’ã”gui upe pyhare ypytũme.1 Idiscípulokuéraicha ko’ã árape, ñande avei jakyhyje. Umi ñande adulto soltero-kuéra okyhyje omenda hağua. ikatu okyhyje ifamilia hağua ko mundo iñañavéva ohóvope. Misionero-kuéra okyhyje heta mba’égui, especialmente oñe’ ẽ hağua umi oikuaa’ỹva ndive. Umi viuda okyhyje oho hağua tenonde ha’eño. Umi mitã pyahu okyhyje ndoje’aceptairõ ğuarã; umi alumno escuela primaria-gua okyhyje oho hağua pe primer dia de clase-pe; umi alumno universitario katu okyhyje umi examen resultádogui. Jakyhyje jafallarõ ğuarã, ñañemboykérõ ğuarã, desilusión ha umi mba’e ndajaikuaáivagui. Jakyhyje umi yvytu’atãvaígui, umi yvyryrýi ha umi jehapy ombya’íva ko yvy ha ñande rekove. Jakyhyje ndajajeiporavóirõ ğuarã ha ambuéicha, jakyhy jajeiporavóirõ ĝuarã. Jakyhyje nañanemarangatu porãirõ ğuarã; jakyhyje Ñandejára ndoguerekoirõ ĝuarã hovasapy ñandeve ĝuarã. Jakyhyje kambiokuéragui ha pe ñande kyhyje ikatu oñekonverti kyhyvaípe. ¿Haimete piko amoinge opavavépe?
Yma guive, pe kyhyje omombyky Tupã ra’y ha rajykuéra perspectiva. Akóinte chegustaite pe Eliseo ñemombe’u 2 Reyes-pe. Siria Rey omboúkuri peteĩ ehérsito “[oğuahẽva] pyharekue ha [omongora] pe táva.”2 Ha’e ojagarrase ha ojukase profeta Eliseo-pe. Jalee:
“Ha opu’ãvo pyhareeve osẽ hağua pe oservívap Tupã kuimba’épe, péina ápe pe ehérsito omongora pe táva hénte kavaju ári ha karrokuéra reheve. Upéramo hembiguái [imitãva] he’i; “¡Ah, señor mío! ¿Mba’e piko jajapóta?.”3
Upéva ha’e kyhyje oñe’ẽva hína.
“Ha [Eliseo] he’i chupe: Ani ekyhyje, hetave umi oĩva ñanendive umi oĩvagui hendiekuéra.”4
Ha katu ha’e ndopytái upépe.
“…oñembo’e Eliseo ha he’i: Ajerure’asy ndéve, oh Jehova, ehesape’amína chupe ohecha hağua. Upéramo Jehova ohesape’a pe mitãkaria’ýpe, ha ohecha; ha péina ápe pe yvyty henyhẽ hénte kavaju árigui ha carro tataguigua Eliseo jerére.”5
Ikatu ndajaguerekói umi kárro tataguigua oñemboúva oipe’a hağua ñande kyhyje ha ogueropu’aka hağua ñane añanguéra, ha katu pe lección hesakã porã. Ñandejára oĩ ñanendive, oñangerekóvo ha ñanderovasávo Ha’e añónte ikatuháicha. Pe ñembo’e ikatu ogueru mbarete ha revelación ñaikotevẽva ñamombyte hağua ñane pensamientokuéra Jesucristo ha Isacrificio expiatorio-re. Ñandejára oikuaa sapy’ánte jakyhyjetaha. Che añandúkuri ha peẽ avei, upévare Escriturakuéra henyhẽ Ñandejára ñemoñe’ẽgui:
“Tapenekyre’ỹ, ha katu ani pekyhyje.”6
“Pemaña cherehe opa pene pensamiento-re; ani peduda; ani pekyhyje.”7
“…ani pekyhyje, che mymba atymi.”8 Che gustaiterei pe “mymba atymi” kyrỹasy. Ko tupaópe ikatu ñane pokã número-pe yvóra okontaháicha pe influencia ha katu, jaipe’arõ ñande resa espiritual, “hetave umi oĩva ñanendive oĩvagui hendiekuéra”9 Jesucristo, ñande pastor ñanderayhuetéva he’ive: “…oñemoĩrõ jepe penderehe pe yvy ha añaretã….pejogaporõ che ita ári, ndaipu’akamo’ãi penderehe.”10
¿Mba’éichapa ogue upe kyhyje? Upe mitãkaria’ype ğuarã, ha’e oñembo’y hínakuri Eliseo ykére, peteĩ Tupã profeta. Jaguereko upe promesaite avei. Ñahendu vove presidente Russell M. Nelson-pe, jajesareko imomarandukuérare, ñañembo’y hína peteĩ Tupã proféta ndive. Penemandu’áke José Smith ñe’ẽñguérare: “Ha ko’áğa opa umi heta testimonio oñeme’ẽva’ekue chugui, kóva ha’e upe testimonio, pe ipahaitéva, ore rome’ẽva Chugui: ¡Ha’e oikoveha!”11 Jesucristo oikove. Ñane mborayhu Hese ha Iñevangeliore ombogue pe kyhyje.
Pe jaguerekose “tapiaite… Ijespiritu”12 ñanendive omomombyrýta pe kyhyje ikatu hağuaicha jaguereko peteĩ visión eterna-ve ñande vida mortal-gui. Presidente Nelson omomarandu: “…ára oúvape,ndaikatumo’ãi ojeikove espiritualmente Espiritu Santo influencia giadora, orientadora, consoladora ha meme’ỹvare.”13
Ñandejára he’i umi plágare isarambítava yvýre ha omohatãtava heta korasõnguéra: “…ha che discipulokuéra opytáta tenda marangatukuéravape ha noñemomyimo’ãi.”14
Ha upéi ko ñemoñe’ẽ divino: “…Ani pekyhyje, opa ko’ã mba’e oikóramo, peikuaáta oñekumplitaha umi promesa oñeme’ẽva’ekue peẽme.”15
Pepyta tenda marangatukuérape, ani pekyhyje, ha ipromesakuéra oñekumplíta. Ñakonsiderami ko’ã mba’e ñande kyhyjekuéra rovái.
Peteĩha, pepyta tenda marangatukuéra-pe. Japytárõ tenda marangatúpe – ñande róga ijojáva, ñande capilla ojededikava, umi templo oñekonsagrávape – , ñañandu Ñandejára Espiritu ñanendive. Jajuhu ñembohovái umi porandu ñandepy’apývape ğuarã térã py’aguapy ñamboyke hağuante umíva. Upéva ha’e pe Espiritu omba’apóva. Ko’ã tenda marangatu Tupã rreino yvy áripe oñeikotevẽ ñande reverencia, ñande respeto ñande rapicháre, iporãvéva ñandejehegui javivívo pe evangelio ha ñande esperanza ñamboyke hağua ñande kyhyjekuéra ha jaheka Jesucristo pu’aka oporomongueráva Iñexpiasiõ rupive.
Ndaipóri tenda kyhyjépe ğuarã umi Tupã tenda marangatúpe térã Ita’ýra ha rajykuéra korasõme. ¿Mba’érepa? Mborayhu rupi. Tupã ñanderayhu akóinte, ha ñande jahayhu Chupe. Ñane mborayhu Tupãre omboyke opa kyhyje ha Imborayhu oĩ heta umi tenda marangatúpe. Pepensami. Ñane kangýrõ ñane kompromísope Ñandejára ndive, ñañemomombyrýrõ Hapégui ñandegueraháva vida Eterna-pe, ñakuestionárõ térã jadudárõ importancia jaguerekóvagui Idesignio divínope, jahejárõ pe kyhyje oipe’a okẽ ambue ikompañerokuérape – desánimo, pochy, frustración, desilusión – , pe Espirirtu ñandereja ha japyta Ñandejára’ỹre. Peikuaárõ mba’éichapa upéva, peikuaa ndaha’eiha situación porã. Ambuéicha, japytárõ tenda marangatúpe ñañandukuaa Tupã mborayhu, ha “pe mborayhu perfecto omboyke opa kyhyje.”16
Ko promesa ha’e “Any pekyhyje.”17 Oimporta’ỹre mbo’y tekoky’a ha mba’e vai omyenyhẽ ko yvy, oñepromete ñandéve, ñande rekojoja rupi Jesucristo-pe, “Tupã py’aguapy ohasáva opa entendimiento.”18 Ha Cristo ou vove opa pu’aka ha gloria reheve, upe ñaña, ñepu’ã ha joja’ỹ opáta.
Ojapo heta ára, apóstol Pablo oprofetiza ñande ára rehe he’ívo mitãkaria’y Timotéo-pe:
“Kóva avei reikuaava’erã: ára pahápe oúta umi ára ipeligrósova.
“Oĩtagui yvypóra ojehayhúva ijupénte, ijopýva, oñevanagloriáva, isobervio-va, oñe’ẽmbareíva, naiñe’ẽrendúiva ituvakuéra rehe, nome’ẽkuaáiva aguije, hekovaíva…
“…ohayhuvéva umi deleite Tupãgui”19
Penemandu’áke, “umi oĩva ñanendive” mokõi lado del vélope, umi ohayhúva Ñandejára opa ikorasõ, ánga apytu’ũ ha mbarete reheve, “hetave…umi oĩva hendiekuéra.”20 Ñakonfiárõ activamente Ñandejára ha Hapére, ñamba’apórõ Hembiapópe, ndajakyhyjemo’ãi umi yvóra tendencia-gui ni ndajajepy’apymo’ãi hesekuéra. Ajerure’asy peẽme pemboyke umi influencia ha presión yvóragua ha peheka pe espiritualidad pende vida diaria-pe. Pehayhu Ñandejára ohayhúva – oikehápe Imandamientokuéra, Hóga marangatukuéra, umi ñane konvenio sagrado Hendive, pe Santa Cena káda dia de Reposo, ñane comunicación ñembo’e rupive – ha ndapekyhyjemo’ãi.
Pe último punto: pekonfia Ñandejára ha Ipromesakuérare. Che aikuaa opa Ipromesakuéra oñekumplitaha. Che aikuaaporãiterei aimeháicha ápe penerenondépe ko reunión marangatúpe.
Ñandejára orrevela: “Umi iprudénteva ha orrecibi haguére upe añetegua ha ojagarra Espiritu Santo-pe igía ramo, ha noñembotavýi, añetehápe ha’e peẽme noñekytĩmo’ãi ni noñemombomo’ãi tatápe, ha katu ogueropu’akáta upe ára.”21
Upévare pe ndajajepy’apýiva’erã pe agitación oĩvare ko’áğa, ni umi oĩva pe edificio tuicha ha ipyrusúvape, ni umi opukáva ñeha’ã añete ha servicio dedicado-re Ñandejára Jesucristo-pe. Pe kyre’ỹ, py’aguasu, ha jepe pe tesakã ou peteĩ korasõ ndokyhyjéivagui umi problema ha agitación-gui. Presidente Nelson, ha’éva “optimista umi ára oúva rehe”, ñanemomandu’a: “ Jaguerekótarõ alguna esperanza jahesa’ỹijóvo umi hetaite yvypóra ñe’ẽ ha kuimba’ekuéra filosofía o’atakáva pe añetegua, ña’aprendeva’erã jarresiví revelación.”22
Jarrecibi haĝua revelación personal ñame’ẽva’erã prioridad pe evangelio jevivípe ha ñafomenta pe tekojoja ha espiritualidad ñande rapichakuérape ñandéveicha avei.
Spencer W. Kimball ha’e peteĩ profeta che mitãrõguare. Umi áño pahápe, añehenói rire Apóstol ramo, ajuhu py’aguapy imensaje peteĩháme Conferencia General octubre 1943-gua. Ha’e ojepy’a jopy illamamiéntore; che aikuaáva mba’éichapa. Elder Kimball he’i: “…aipuru heta tiempo ajepy’amongeta ha añembo’e hağua, a’ayuna ha añembo’e hağua. Pensamientokuéra ojoavýva ou che akãme; ahendúvaicha ñe’ẽ he’íva chéve: ‘Ndaikatúi rejapo ko tembiapo. Nanedignoi ningo. Ndereguerekói capacidad, ha katu ipahápe o uahẽ pe idea triunfante: ‘Rejapova’erã pe tembiapo oñeme’ẽva’ekue ndéve; rejekapasitava’erã, nderekojoja ha remerese upéva’. Ha pe ñorairõ okontinua mbareteve.”23
Añemokyre’ỹ ko apóstol testimonio potĩ rehe ha’étava pe 12-ha presidente ko tupao poderosogua. Ha’e ohechakuaa omboykeva’erãha ikyhyjekuéra “ojapo hağua tembiapo oñeme’ẽ’akue chupe” ha ojeroviava’erã Ñandejárare ohupyty haĝua mbarete “[ojekapasita], hekojoja ha omerece hağua”. Ñande avei ikatu jajapo upéicha. Umi ñorairõ okontinuáta, ha katu ñambohovakéta Ñandejára Espíritu reheve. Ndajakyhyjemo’ãi , ñañembo’yrõ Ñandejára ndive ha ñadefende Iprincipiokuéra ha Iplan eterno, ñaiméta hína tenda marangatúpe.
Ko’áĝa ¿mba’e oiko pe tajýra ha yerno-gui oporanduva’ekue upe porandu sincero, pypuku ha oúva kyhyjégui ? Ha’ekuéra okonsidera seriamente ore konversación upe pyharépe; o’ayuna ha ohupyty iconclusion ijehegui. Vy’arã chupekuéra ha oréve, taita ha jarýipe ğuarã , ojehovasa hikuái siete mitã porã’asy reheve , oho aja hikuái tenonde gotyo jerovia ha mborayhúpe.
Peñemokyre’ỹ hermano ha hermana-kuéra. Heẽ, jaiko ára ipeligrósovape, ha katu japyta aja umi konvénio rapére ndajakyhyjéiva’erã. Pohovasa, pejapóvo upéicha, ani hağua pekyhyje umi ára javivívare hína ni umi problema oúvare. Pohovasa peiporavo hağua pepyta tenda marangatukuérape ha ani peñemovã. Pohovasa peguerovia hağua Jesucristo promesakuéra, Ha’e oikoveha, ovela ha oñangarekoha ñanderehe ha oĩha ñande ykére. Jesucristo Ñandejára ha Salvador rérape. Amén.