Pe vy’apavẽ servicio desinteresado rehegua
Ñapromete’akue ñande Ru Yvagaguápe jaservitaha Chupe ha ambue tapichakuéra mborayhúpe ha jajapotaha Hembipota opa mba’épe.
Conferencia General paha rire, heta tekove oñemboja cherehe peteĩchagua porandu reheve: “Idesgústopa umi asiento?”. Akóinte peteĩcha ambohovái: “Ko’ã asiento idegustoite nere’discursamo’ãirõ”. Añete ningo, ajépa? Che silla ndaha’éi idegustopáva kóva ko conferencia-pe, ha katu cheaguije añete jehovasa ha honor arekóvare añe’ẽvo peẽme ko ka’arupytũ.
Oĩ ára jaservi jave, otoka jaguapy opáichagua asiento-pe. Oĩ idegústova ha oĩ nahániriva ha katu ñaprometeakue ñande Ru Yvagaguápe jaservitaha Chupe ha ambue tapichakuéra mborayhúpe ha jajapotaha Hembipota opa mba’épe.
Ojapo mbovy ary, huventukuéra Tupaogua oaprende pe “oñe’embarkávoTupã servicio-pe’[Doctrina y Convenios 4:2], omoñepyrũha hina pe mundo-gua je’ói hechapyrãvéva; Oipytyvõ hikuái Tupãme ombopya’e haĝua hi’obra ha ha’e peteĩ experiencia tuichaite, vy’apavẽ oguerúva ha hechapyrãva1Ha’e peteĩ je’ói opavavépe ĝuarã—oimerãe edápe—ha ha’e avei peteĩ je’ói ñandereraháva pe ñande profeta jahayhuetéva oheroakue “konveniokuéra rapére”.2
Ñembyasyrã, upevére, javivi peteĩ mundo egoísta-pe, yvyporakuéra py’ỹinte oporandu: “Mba’épa che aganáta?” oporandu rãngue: “Mávapa ikatu aipytyvõ ko ára?” térã “Mba’éicha aservi porãvekuaa Ñandejárape che llamamiento-pe?”, térã “Ame’ẽmbaitépa hina Ñandejárape?”.
Peteĩ ehemplo tuicháva de servicio desinteresado cherekovépe ha’e hermana Victoria Antonietti. Victoria ha’ékuri peteĩ Primaria gua mbo’ehára che rráma Argentina-pe, tenda akakuaahague. Opa marte ka’arukue, roñembyatývo Primaria-rã, ha’e oguerúmi oréve pastel de chocolate. Opavave orohory pe pastel; guéno, enterove méno che. Che nda’uséiva pe pastel de chocolate! Ha oñeha’ãramo jepe okomparti chendive pe pastel, akóinte ndarohorýi pe oikuave’ẽva.
Peteĩ ára ha’e okomparti rire umi mitã ndive pe pastel de chocolate, aporandu chupe, “Mba’ére ndereguerúi ambueichagua pastel, naranha térã vainilla?”.
Opukami rire, oporandu chéve: “Mba’ére nde neretanteái michĩmi? Kóa ko pastel ojejapo ingrediente especial reheve ha apromete ndéve, retanteáramo, ndegustáta!”.
Ama’ẽ chejerére, ha che sorpresarã, ha’ete ku opavave orohorýva pe pastel. Ha’e atanteataha. Peikuaa mba’épa oiko? Che gustaite! Péva ha’ékuri primera vez arovy’ahague peteĩ pastel de chocolate.
Ndaha’éi térã heta ary upe rire aikuaákuri mba’épa ha’e pe hermana Antonietti pastel de chocolate ingrediente secreto. Che ha chemembykuéra rovisitáva che sy cada semana. Peteĩ umi visítape, che ha che sy roguerovy’a jave peteĩ pastel de chocolate pehẽngue, amombe’u chupe mba’éichapa chegusta’ypyakue pe pastel de chocolate. Upévo omombe’u chéve pe historia rembyre.
“Ehechápa Cris”, he’i che sy, “Victoria ha ifamilia imboviahuakue ha opa semana ha’e oiporavova’erã ojoguápa boleto de autobus ijupe ha cuatro imembykuérape ĝuarã Primaria-pe oho haĝua térã ojoguápa ingrediente ojapo haĝua pastel de chocolate i’cláse de Primaria-pe ĝuarã. Akóinte ha’e oiporavo pe pastel de chocolate autobus rãngue, ha ha’e oguata imembykuérandi más de tres kilómetros ou ha ohokuévo, taha’e ha’e pe clima”.
Upe ára omomba’eve pe ipastel de chocolate. Ha pe imba’eguasuvéva, aikuaa Victoria pastel de chocolate ingrediente secreto ha’ehague pe mborayhu ha’e orekóva umi oservívape ha isacrificio desinteresado ore rehekuéra.
Apensávo Victoria pastel-re che pytyvõkuri chemandu’a haĝua peteĩ sacrificio desinteresado ojejuhúva pe tuicha ha eterna lección Ñandejára ombo’eakue Hemimbo’ekuérape ohóvo guare umi arka de la ofrenda del Templo gotyo. Peikuaáma pe historia. Elder James E. Talmage ombo’e oĩhague trece arka “ha [umívape] umi tekove omoĩ idonasiõ [opáichagua propositorã] ojehechaukáva umi kofre ári ojehaíva rupi”. Jesús omaña umi fila de donante, oĩháme opáichagua tekove. Oĩ ome’ẽva hi’ofenda “ikorasõite guive” ha katu oĩ ambue omombóva “heta oro ha plata repy”, oha’arõvo tojehecha, toñemomba’e ha toñemomorã pe idonasiõ rupi.
“Pe aty apytépe oĩkuri peteĩ viuda mboriahu, ha péva… oity peteĩ umi arkape mokõi moneda de bronce michĩ ojeheróva blancas. Pe ome’ẽva ndohupitýi ni medio centavo de dólar. Ñandejára ohenói idiscipulokuéra Ijerére; ohechaukávo chupekuéra pe viuda mboriahu ha pe hembiapo, ha he’i: Añetehápe ha’e peẽme ko imenave’ỹva mboriahu omoĩve opavave umi omoĩvagui ko arkape, maymave omoĩ rupi pe hembývagui chupekuéra; ha katu kóva, imboriahu pa’ũme ome’ẽmbaite pe oguerekomíva, opa hembi’u repy’[Marcos 12:43–44].”3
Pe viuda ndaha’éikuri máva orekóva tenda yvate hi’aragua sociedad-pe. Ha’e katu orekókuri mba’e imba’eguasuvéva: hi’intensiõ ipotĩkuri ha ha’e ome’ẽmbaite pe ome’ẽva’erã. Ikatu ha’e ome’ẽ’ive ambue tekovégui, kirirĩvéme ambue rekovégui, ambue hendáicha chuguikuéra. Oĩ máva resa renonderã pe ha’e ome’ẽakue ndaha’éiha mba’eve; ha katu Salvador resa renonderã, máva “ohesa’ỹijóva pe korasõ pensamiento ha intensiõ”, 4 ha’e ome’ẽmbaitékuri.
Hermana-kuéra, ñame’ẽmbápa hina Ñandejárape sin reserva? Jasakrifikápa hina ñane tiempo ha ñane talento pe henerasiõ pyahu oaprende haĝua ohayhu Ñandejárape ha iñe’ẽrendu umi Hembiapoukapýre? Ñaministrápa hina cuidado ha diligencia reheve umi ñande jereregua ha umi oñeasignávape ñandéve, jasacrifikávo tiempo ha energía ikatúva ojeporu ambue hendáicha? Javivípa hina umi mokõi mandamiento guasu, jahayhu Tupãme ha jahayhu Ta’yrakuéra?5 Py’ỹinte upe mborayhu oñemanifesta servicio ramo.
Presidente Dallin H. Oaks ombo’e: “Ñande Salvador oñeme’ẽakue servicio desinteresado-pe. Ha’e ombo’eakue opa ñandekuéra jaseguiva’erã Chupe jahejávo umi interés egoísta jaservi haĝua ambue tapichakuéra”.
Ha’e he’ive:
“Peteĩ ehemplo ojekuaaporãva japerde haĝua ñanderekove ambuekuéra servicio-pe…ha’e pe sacrificio tuvakuéra ojapóva ifamíliare. Sykuéra ohasa dolor ha operde prioridad ha comodidad personal imemby ha omongakuaa haĝua opa imembykuéra. Tuvakuéra ombolao hekove ha iprioridad ome’ẽ haĝua familia tekotevẽrã. …
“… Rovy’aite avei umi oñangarekóvare familia discapacitadoe ha tuvakuéra ijedávare. Mavave ko’ã servicio noñeporandúi, “Mba’épa che agana? Opa ko’ã mba’e orrequeri jaheja a un lado pe comodidad personal jaservi haĝua desinteresadamente. …
“[Ha] opa ko’ã mba’e ohechauka pe principio eterno he’íva javy’ave ha ñande satisfechove ja’actua ha jaservíramo pe ñame’ẽva rupi ha ndaha’éi pe oñe’ẽme’ẽvare ñandéve.
“Ñande Salvador ñanerekombo’e jasegui haĝua Chupe jajapóvo sacrificio tekotevẽva jajeperde haĝua servicio desinteresado-pe ambue tapichakuérare”.6
Presidente Thomas S. Monson péicha ombo’eakue avei “ikatu jajejuhu vove ñande Apohare renonderã, noñeporandúi ñandéve, ‘Mboy kárgopa ereko ra’e?’, ha upe rãngue katu, ‘Mboy tapichápa reipytyvõ ra’e?’Añetépe, araka’eve ndaikatumo’ãi pehayhu Ñandejárape peservi mboyve Chupe peservívo Itavayguakuérape”.7
Ambueñe’ẽme, hermana-kuéra, mba’eve nde’isemo’ãi jaguapýpa asiento idegústava térã ñañeha’ãpa ñahendupa pe reunión peteĩ silla plegable oxidadápe fila pahápe. Ha mba’eve nde’isemo’ãi avei, tekotevẽgui, ñasẽramo mitã ao oñekambia hápe ñakonsola haĝua mitãra’y hasẽvape. Pe mba’e he’isétava ha’e jaju peteĩ deseo de servir reheve, tajahechakuaa umi ñaministráva ha jasaluda chupekuéra kyre’ỹme ha ñañepresenta umi oguapývandi ñande fila de silla plegable-pe, ñame’ẽvo chupekuéra amistad, ndajarekóirõjepe asignasiõ ñaministra haĝua chupekuéra. Ha sin duda, he’iséta jajapóramo opa mba’e jajapóva pe ingrediente especial del servicio reheve oñekombináva mborayhu ha sacrificio rehe.
Aikuaákuri natekotevẽiha jajapo peteĩ pastel de chocolate ha’e haĝua ombo’ehára Primaria gua dedicada ha con éxito, ndaha’éi rupi pe pastel ijehegui. Ha’ékuri pe mborayhu upe tembiapo ndivegua.
Atestifika upe mborayhu isagradoha sacrificio rupive: peteĩ mbo’ehára sacrificio ha aún más pe Tupã Ra’y sacrificio paha ha eterno rupive. Ame’ẽ testimonio Ha’e oikoveha! Ahayhu chupe ha amboykese umi deseo egoísta ahayhu ha aministra haĝua Ha’e ojapoháicha. Jesucristo rérape. Amén