Ko’áğa ha’e pe momento
Oĩrõ mba’e pekonsiderava’erã, ko’áğa ha’e pe momento.
Ojapo heta áño, añembosako’i aja peteĩ viaje de negocio-rã, añepyrŭ añandu peteĩ hasýva che pyti’ápe. Che rembireko ojepy’apýre, odesidi chemoirŭvo. Pe primer tramo ore vuelo-pe, hasyetereíma hasy peve chéve arrespira. Roaterrisa jave, rosẽ aeropuerto-gui ha roho hospital upepeguápe, upépe, heta estudio rire, pe médico responsable he’i ikatuha rosegi ore viaje.
Rojevy aeropuerto-pe ha rojupi peteĩ vuelo ore destino final peve. Roguejy aja, piloto oñe’ẽ intercomunicador rupi ha ojerure chéve tajekuaauka. Pe auxiliar de vuelo oñemboja, he’i oğuahẽhague chupekuéra peteĩ llamada de emergencia, ha he’i chéve oĩha peteĩ ambulancia oha’arõva aeropuerto-pe chegueraha hağua hospital-pe.
Rojupi ambulancia-pe ha roho pya’e sala de urgencia upepeguápe. Upépe orera’arõ mokõi médico ansioso omyesakãva añediagnostika vaihaguékuri ha, añete, che arekora’e peteĩ tromboembolismo pulmonar vaiete, térã coágulo sanguíneo che pulmón-pe, oikotevẽva atención médica pya’ete. Umi medikokuéra omombe’u heta paciente ndaje ndoikovévai pe mba’asy rire. Roikuaápype roimeha mombyry ore rógagui ha roime’ỹre seguro roimépa preparado umi oikótavare ikatúva omoambue ore rekove, médikokuéra he’i oréve oĩrõ mba’e pekonsiderava’erã, ko’áğa ha’e upe momento.
Chemandu’aporã pe ansiedad upe momento-pe, che perspectiva iñambuepaite sapy’aitéro ğuarã. Pe ha’éteva’ekue iñimportánteva ojapo peteĩ momento-nte, ko’áğa oreko sa’i intere. Che akã oho mombyry ko tekove komodida ha jepy’apýgui peteĩ perspectiva eterna peve: apensa che familia-re, che ra’ykuéra, che rembireko ha, ipahápe, a’evalua che rekovete.
¿Mba’éicha ohóne oréve familia-háicha ha peteĩteĩ? ¿Roikopiko konveniokuéra rojapo’akue ha Ñandejára expectativa he’iháicha, terãpa, roipota’ỹre, ropermiti umi jepy’apy mundo-gua oredistrae upe iñimportantevévagui?
Poinvita pekonsidera hağua peteĩ lección importante aikuaáva experiencia rupi: peñemombyry ko mundo-gui ha pe’evalua pende rekove. Térã médiko ñe’ẽ he’iháicha: oĩrõ mba’e pekonsiderava’erã, ko’áğa ha’e upe momento.
Ja’evalua ñande rekove
Jaiko peteĩ mundo henyhẽteva información-gui, oñedomináva distracción tuichavévare ára ha ára ojapóva hasyetereive ña’examina ko tekove conmoción ha ñañemombyte umi mba’e orekóvare valor eterno. Ñande rekove ára ha ára ojejapi opáguio umi titular oguerahávare ñane atención, ojehechaukáva tecnología-kuéra pya’ete iñambuéva rupi.
Jaheja’ỹ ramo peteĩ tiempo ñarreflexiona hağua, ikatu nañañeme’ẽi en cuenta pe impacto ikatúva oreko upe entorno vertiginoso ñande rekovépe ha umi decision jajapyhývape. Ñande rekove ikatu oñekonsumi información jejapíre oúva mémeicha, video ha titular deslumbrante omimbipáva ramo. Iñinteresante ha iñentretenido ramo jepe, heta umía apytépe sa’i oreko ñande progreso eterno-rã, ha, upeichavérõ, odetermina pe jahechaháicha ñande experiencia yvy arigua.
Umi distraccion mundana ikatu oñembojoja sueño de Lehi-ndi. Jahávo tenonde Konveniokuéra rapére ñande po oñakarama atã barra de hierro-re, ñahendu ha jahecha umi “oñembohorýva ha ohechaukáva ikuãme” pe ogaguasu ha ipyrusúva guie (1 Nefi 8:27). Ikatu ndajarekói intención consciente jajapóvo, ha katu sapy’ánte japyta’imi ha ñamaña amo gotyo jahecha hağua mba’épa opa pe conmoción. Heta ñandeapytépe avei jaheja pe barra de hierro ha ñañemoağui jahechaporãve hağua. Oĩ katu ikatúva ojedesvia opágui “umi oñembohorýva rehe hesekuéra” (1 Nefi 8:28).
Salvador ñande’adverti: “pehecha … ani pene koraso ojekarga ko mundo jepy’apýgui” (Lucas 21:34 ) Revelación moderna ñanemomandu’a hetaha umi oñehenóiva, ha katu sa’i umi ojeiporavóva. Ndojeporavói “… omoĩre ikorasõ umi mba’eko mundo-guáre, ha oheka umi kuimba’ekuéra jehechakuaa…” (Doctrina ha Konveniokuéra 121:35; tojehecha avei 34 Ñande rekove je’evalua ome’ẽ ñandéve oportunida ñañemomombyry hağua mundo-gui, ñarreflexiona moõpa ñaime umi konveniokuéra rapére ha, oñeikotevẽ ramo, jajapo hağua ajuste ñaimehağua seguro ñañakarama atãha ha ñamañaha tenonde gotyo.
Nda’aréi, peteĩ devocional mundial imitãvape ğuarã, presidente Russell M. Nelson o’invita chupekuéra oñemomombyry hağua mundo-gui, oñedesconectávo umi red social-gui peteĩ ayuno rupi siete ára aja; Ha ange pyhare, ojapo avei peichagua invitación kuñanguéra conferencia-hápe. Upéi ojerure umi imitãvape ohecha hağua mba’éichapa iñambue oñeñanduha, mba’épa opensa ha avei mba’éichapa opensa. Upémarõ o’invita “tojapo peteĩ evaluación minuciosa hekovére Ñandejárandi… ojeasegura hağua oĩmbaha hikuái konveniokuéra rapére”. Omokyre’ỹ chupekuéra, oĩrõ mba’e hekovekuérape tekotevẽva omoambue hikuái, “ko ára ha’e pe momento perfecto oñemoambue hağua”1
Ja’evaluávo ñande rekovépe mba’épa tekotevẽ ñamoambue, ikatu ñañeporandu prácticamente: ¿Mba’éicha ñapu’a umi mundo distracción ári ha ñamantene atã ñande resa pe eternida visión ñane renondépe?
2007-pe, peteĩ conferencia discurso-hápe hérava “Bueno, Mejor, Excelente”, presidente Dallin H. Oaks ombo’e ñamotenondeva’erãhaumi decisión umi ñande hetaite ha contradictoria exigencia mundana apytépe. Ha’e o’akonseha: “Oĩmba’e porã jahejava’erã ikatu hağua jaiporavo ambue iporãve térã iporãitevéva omongakuaáre upe fe Ñandejára Jesucristo-re ha omombarete ñane familia-kuéra.”2
Pehejami chéve tasuheri umi mba’e iporãvéva ko tekovépe oñemombyteha Jesucristo-pe ha umi añetegua eterna ñeikŭmbymápa mávapa Ha’e ha ñande, ñande relación Hendie.
Jaheka añetegua.
Ñañeha’ãháicha jaikuaa Salvador-pe, ndajahejareíriva’erã pe añetegua fundamental mávapa ñande ha ma’erãpa ñaime ko’ápe. Amulek ñanemomandu’a kóva ha’e tekove yvypóra oñembosako’iva’erãha oñemoĩ hağuaTupã renondépe”, tiempo “oñeme’ẽva ñandéve ñañembosako’i hağua eternidad-rã” (Alma 34:32–33). Peteĩ axioma ojeikuaaitéva ñanemomandu’a: “Ñande ndaha’éi seres humanos jarekóva peteĩ experiencia espiritual; ñande hína seres espirituales jarekóva peteĩ experiencia humana”3
Ñande orígen divino ñeikŭmby iñesencial ñande progreso eterno-pe ğuarã, ha ikatu oipe’a ñandehegui ko tekove distracción-kuéra. Salvador ombo’e:
“Peẽ pepytá ramo che ñe’ẽme, ha’éta che discípulo-kuéra añete;
“ha peikuaáta añetegua, ha añetegua penemosãsóta” (Juan 8:31–32).
Presidente Joseph F. Smith oproclama: “Mba’e tuichavéva umi tekove ikatúva ohupyty ko mundo-pe ha’e toñefamiliarisa porãmbaite añetegua divino ndive oimeraẽva ejemplo térã tekove conducta-gui oikóva ko mundo-pe ani hağua oipe’a araka’eve pe kuaapy ohupytýva”4
Pe mundo ko’ağaguápe, añetegua debate ohupyty peteĩ tono hatãvéva, ha opavave o’afirma añeteguáva ha’eramoguáicha peteĩ concepto relativo, ojepe’áva interpretación individual-pe ğuarã. Mitãrusu José Smith ohecha “tuichaitereiha pe confusión ha ñorairõ” hekovépe “ojapóva imposible… [oğuahẽ] peteĩ determinación precisa mávapa oreko razón ha mávapa nahániri”José Smith—Historia 1:8. Ha’ékuri “Ko ñe’ẽ ñorairõ mbytépe ha temimo’ã tumulto-pe” ha’e oñeha’ãhápe upe guía divina añetegua jeikuaápe“(José Smith—Historia 1:10“
Abril conferencia-hápe, presidente Nelson ombo’e: “Jarekóta rire peteĩ esperanza ñaikŭmbývo umi hetaite ñe’ẽpu ha kuimba’ekuéra filosofía-kuéra o’atakárõ añetegua, ñamoğuahẽkuaava’erã revelación“5“ Ñakonfiakuaáva’erã pe añetegua Espíritu, pe “… mundo ikatu’ỹva orresivi, ndohechái ni ndoikuaáire…” (Juan 14:17“)
Ko mundo oñemotenonde pya’evévo ohóvo mokõi realidad alternative gotyo, ñanemandu’ava’erã Jacob ñe’ẽre “… pe Espíritu oñe’ẽgui añetegua ha ndaijapúi. Upévare, oñe’ẽ umi mba’e ha’eha añetéicha, ha umi mba’e ha’etaháicha añetépe; upévare ko’ã mba’e ojehechauka ñandéve, ñane ánga ojesalva hağua …” (Jacob 4:13)
Ñañemomoyryháicha mundo-gui ha ja’evalua ñande rekove, ko’áğa pe momento ñakonsidera hağua mba’e kámbiopa tekotevẽ jajapo. Ikatu jareko tuicha esperanza jaikuaávo ñaneEjemplo, Jesucristo, peteĩ jeyve ohechaukáva upe tape. Iñemano ha resurrección mboyve, oñeha’ã aja oipytyvõ umi ijerereguápe oikŭmby hağua Ifunción divina, Ha’e imandu’a “… chepype peguerekóta py’aguapy. Mundo-pype peguerekóta aflicción. Ha katu pejerovia; che avense’akue mundo-pe” (Juan 16:33). Hese ame’ẽ testimonio Jesucristo rérape. Amén.