Hese
Jaikuaa máva ha mba’érepa jaservívo ambue tapichakuéra, ñanepytyvõ ñantende haĝua pe ijyvatevéva mborayhu manifestasiõ ha’eha devosiõ Tupãme.
Ko pyhare histórico, amombe’u mborayhu ha aguije arekóva opavave penderehe, che hermana-kuéra ahayhuetéva. Taha’e ha’e ñande eda, moõpa jaiko térã mba’éicha jaiko, ko pyhare ñañembyaty en unidad, fortaleza, propósito ha testimonio, jajehayhu ha ñañesambyhyha ñande Ru Yvagagua; ñande Salvador Jesucristo ha ñande profeta viviente, presidente Russell M. Nelson-re.
Paréha imitãva ramo, che ména ha che roñehenoiakue ore obispo-re rovisita haĝua peteĩ familia ndouvéiva tupaópe heta ary puku. Torýpe romoporã pe asignasiõ ha roho hogapekuéra uperiremi. Neipamírõ rohechakuaa ha’ekuéra ndoipotaihaTupaoguigua visita,
Ha péicha ore visita upereriguápe, roĝuahẽ chupekuéra peteĩ plato de galleta reheve, roha’arõvo umi chocolate pehẽngue omohu’ũ ikorasõkuéra. Ndaupéichai. Pe paréha oñe’ẽ oréve okẽ kupégui, omysahesakã porãvévo naoremoguahẽporãiha. Ha katu ógape rohokuévo, roime seguro ikatuhákuri ohoporãve oréve, roikuave’ẽrire chupekuéra dulce arroguigua.
Pe ore falta de visión espiritual ombovaivéntema ambue intento nosẽiva. Pe rrechaso araka’eve ndaidegústoi. Ara ohasávo roñeporandu: “Mba’ére jajapo kóva? Mba’épa ñande propósito?”
Elder Carl B. Cook ojapo ko observasiõ: Tupaópe jaservi…ikatu hasyeterei ojejeruréramo jajapo haĝua mba’e ñanemonguyhyjéva, ñanekane’õramo jaservihague, térã ñañehenóiramo jajapo haĝua peteĩ mba’e iñepyrũme ndajahayhupáiva”.1 Roñandúkuri pe élder Cook ñe’ẽ añeteha rodecívo rohekava’erãha Máva ohechapukuvéva orehegui guia.
Ha péicha, heta ñembo’e añete ha estudio rire, rorrecibi mbohovái mba’érepa ore servicio. Roreko kambio ore entendimiento-pe, peteĩ kambio ore korasõme, añetehápe peteĩ experiencia rreveladora.2 Rohekávo guía escritura-kuérape, Ñandejára ore rekombo’e mba’éichapa ore rembiapo roservi haĝua ambue tapichápe ikatu hasy’ỹve ha isignifikativove. Kóva ha’e pe versículo romoñe’ẽakue ha okambiáva ore korasõ ha ore enfoque: “Rehayhuva’erã Ñandejára neTupãme opa ne korasõ, ne ánga, ne apytu’ũ ha ne mbarete reheve; ha Jesucristo rérapereservíta ichupe”.3 Roikuaaporãvo jepe ko versículo, ha’ete ku oñe’ẽva oréve de manera nueva ha importante.
Rohechakuaa roñeha’ã añetehague roservi ko familia ha roservi ore obispo, ha katu roñeporaduva’erã añetehápe, roservípa hína Ñandejárape rohayhúgui. Rey Benjamín omysakãva’ekue ko diferencia he’ívoguare: “Péina ápe, ha’ehaguére peẽme aiporuhague che arakuéra poipytyvõ haĝua, nañembotuichaséi, ha katu aiménteTupã pytyvõme ”4.
Ha péicha, mávapepa oservi ra’e rréi Benjamín? Túva Yvagagua ha Salvador-pe. Jaikuaávo máva ha mba’érepa jaservívo ambue tapichakuéra, ñanepytyvõ ñantende haĝua pe ijyvatevéva mborayhu manifestasiõ ha’eha devosiõ Tupãme.
Pe ore enfoque okambiávo, umi ore ñembo’e okambia avei. Roñepyrũ torýpe roha’arõ rovisita haĝua upe familia ojehayhuetéva, rohayhu rupi Ñandejárape.5 Hese rojapókuri hína. Ha’e ojapo ore ñeha’ã ndaha’evéima haĝua ñeha’ã. Heta mése okẽme roñembo’y rire, pe familia oheja roike ñepyrũ. Ha upéi, roñembo’e ha roñe’ẽ pe evanhéliore. Ipukúva amistad roreko hendivekuéra. Roadora ha rohayhúkuri Ichupe ohayhúvoTa’ýra ha tajyrakuéra.
Penemandu’ápa ára peipysórõ guare pende po mborayhu reheve peipytyvõ añete haĝua máva oikotevẽvape ha peñandu ndojehechaiha penerembiapo térã ndojevalorái ha dojeipotái? Upe ára, peñeporandu ra’e ovalépa pende servicio? Péicharõ, ikatu rréi Benjamín ñe’ẽ omyengovia pende duda ha pende dolor jepe: “Peiménte hina pende Tupã pytyvõme”6.
Ñamongakuaa rãngue rresentimiento, ñamopu’ãkuaa peteĩ rrelasiõ iperfectovéva ñande Ru Yvagagua ndive, pe servicio rupive. Ñanemborayhu ha devosiõ Hese ndohejái ñaha’arõ rreconocimiento térã agradecimiento, ha oheja pe Imborayhu heñói ñandehegui ha ñande rupi.
Sapy’ánte ikatu iñepyrũrã jaservi peteĩ sentido del deber térã por obligasiõ, ha katu péva pe servicio jepe ohekaukakuaa ñandéve peteĩ mba’e ijelevadovéva ñande pype, ñande reraháva jaservi haĝua “peteĩ manera iporãvévape”7, presidente Nelson invitasiõ he’iháicha “peteĩ enfoque ipyahu ha isantovéva ñañangareko ha ñaministra haĝua ambue tapichakuéra”8.
Ñañe enfokáramo opa mba’e Tupã ojapova’eakue ñanderehe, ñande servicio heñói peteĩ korasõ agradecido-gui. Menove jajepy’apývo pe ñande servicio ñanembotuicha haĝua, jahechakuaa pe ñande servicio enfoque ha’éta ñamoĩ Tupãme raẽve9.
Presidente M. Russell Ballard mbo’eakue: “Jahayhúramo añoiteTupã ha Cristo-pe opa ñane korasõ, ñane ánga ha ñane apytu’ũ reheve, ikatúta ñakomparti upe mborayhu ñande rapicha ndive acto de bondad ha servicio rupive”10.
Peteĩha umi Diéz Mandamiento he’ijey ko arandu marangatu: “Che ha’e Ñandejára ne Tupã… Ndereguerekomo’ãi ambue jára cheykére”11. Pe tenda oñemoĩha ko mandamiento ñanepytyvõ ñantende haĝua, pe ñamoĩramo Chupe ñane principal prioridad ramo, amo ipahápe opa ambue mba’e oĩta hendaĝuáme, pe ñande servicio ambue tapichakuérare jepe. Ñande jaipotágui, Ha’era’ẽve oĩramo ñande rekovépe, péicharõ Ha’e ohovasakuaa umi ñanerembiapo ñane bien-rã ha ambuekuéra bien-rã.
Ñandejára ohekombo’eakue: “Ema’ẽ cherehe opa pensamiento-pe”12. Ha opa semana jajapo konvénio péva jajapotaha, “akóinte ñanemandu’ataha hese”13. Ikatúpa péva pe enfoque divino ojeporu opa mba’e jajapóvape? Ikatúpa peteĩ tembiapo rei jepe oñekonverti peteĩ oportunidad-pe jahechauka haĝua Chupe ñanemborayhu ha devosiõ? Che arovia ikatu ha peichataha.
Ikatu jajapo opa punto ñande lista de tareágui peteĩ manera jaglorifika haĝua Chupe. Ikatu jahecha opa tarea ha’éramo peteĩ oportunidad jaservi haĝua Chupe, ñaimérõ jepe plazo, obligasiõ térã pañal ky’a pa’ũme.
Ammón he’i haguéicha: “Heẽ, che aikuaa ndaha’eiha mba’eve, chembaretépe chekangy; upévare, che ndajeroviamo’ãi chejehe, ha katu ajegloriáta che Tupãme, ipu’aka reheve ikatúgui ajapo opa mba’e”14
Pe ñane Tupãme jaservi ha’érõ principal prioridad ñande rekovépe, jajeperde, ha pe ára oĝuahẽ vove, jajejuhu ñande jupe15.
Pe Salvador ombo’eakue ko principio peteĩ forma sencilla ha directa: “Upévare, péicha aveíke tojekuaa penderesape ko tavayguakuéra renondépe, ohecha haĝua hikuái penerembiapo porãngue ha omboverapy haĝua pende Ru oĩva yvágape”16.
Pehejami takomparti penendive mbovymi ñe’ẽ arandu ojejuhuakue orfanato Calcuta tápiare, India-pe: “Nderorýramo, ikatu oĩ he’íva erekoha motivo egoísta térã segunda intensiõ. Péicharõ jepe nderory. Mba’e rehasava’ekue heta ary emopu’ã haĝua, peteĩ pyharépe ikatu oĩ ohundipáva. Péicharõ jepe emopu’ã. Mba’eporã ko ára ejapoakue, py’ỹi oikóta chugui tesarái. Péicharõ jepe ejapo pe mba’eporã. Eme’ẽ mundo-pe mba’eporãve erekóva, ha ikatu araka’eve naiporãmbái. Ha katu péicharõ jepe, eme’ẽ mundo-pe mba’eporãve erekóva. Rehecháma ningo, amo ipaha, ha’eha nde ha Tupã ndivegua…peichantevoi”17.
Hermana-kuéra, akóinte ha’e ñande ha Ñandejára ndivegua. Presidente James E. Faust he’i haguéicha: ‘“Mba’épa ha’e tuichavéva necesidad ko mundo-pe?’…‘Ndaha’éi piko tuichavéva necesidad ko mundo-pe mayma tapicha toguereko peteĩ relación personal, constante, diaria ha continua pe Salvador ndive?’ Péichagua relación ikatu omyendy pe chispa de la divinidad jaraháva ñandepype, ha mba’eve ndaikatúi omarka peteĩ diferencia tuichavéva ñande rekovépe, jaikuaa ha ñantendévo ñane relación divina Tupã ndive”18.
Ha péicha avei, Alma ta’ýrape he’eiakue: “Heẽ, opa ne rembiapo taha’e Ñandejárape, ha opa tenda rehohápe, taha’e Ñandejárape; eheja opa ne remiandu toho Ñandejára gotyo; heẽ, eheja ne korasõ mborayhukuéra toĩ Ñandejára ndive tapiaite peve”19.
Ha presidente Russell M. Nelson péicha ñanembo’eakue, “Ñantende vove Hi’expiasiõ voluntaria, oimeháichagua sentimiento de sacrificio ñande parte-gui okañymbaite por un profundo sentimiento de gratitude, priviléhio jarekóvare jaservi haĝua Ichupe”20.
Hermana-kuéra, atestifika, Jesucristo, pe Hi’expiasiõ pu’aka rupive, omba’apóramo ñande áriha ñande pype, Ha’e oñepyrũ omba’apo ñande rupive ohovasa haĝua ambue tapichakuéra. Ñande jaservi chupekuéra, ha katu jajapo jahayhu ha jasevívo Ichupe. Oiko ñandehegui Escritura-kuérape he’íva: “…Maymáva ohekávo pe hapicha ñeimeporã, ha ojapo opa mba’e ohekávo Tupã gloria añónte”21.
Ikatu ore obispo oikuaa ra’e péva ha’eha lección che ha che ména roikuaátava umi ñeha’ã ñepyrῦmby intensiõporãme rojapoakuégui, ha ndai’perfectoiva, roministra haĝua Tupã ra’y ha tajyrakuéra ojehayhuetéva. Ame’ẽ che testimonio personal ha seguro pe mborayhu ha py’aporã Ha’e okompartívare ñanendive, ñañeha’ã jave jepe jaservi Chupe. Jesucristo réra marangatúpe. Amén