Túva ha ta’yrakuéra
Pe Túva Yvagagua plan tuichaite vy’apavẽ rehegua omyesakã mávapa peẽ ha mba’épa pende rekove propósito.
Che hermana-kuéra pejehayhuetéva, iporãite piko jareko jey peteĩ sesión Tupaogua kuña conferencia general-hápe 8 áño orekóva guive. Ñahendúkuri umi mensaje inspirado hermana lideres-kuéra ha presidente Henry B. Eyring-gui. Presidente Eyring ha chéve iporãiterei romba’apo presidente Russell M. Nelson dirección guýpe, ha rohenduseterei imensaje profético.
I.
Ore ra’ykuéra ha’e ore don tuichavéva Tupãgui, ore aumento ijapyra’ỹva. Ha katu, jaiko peteĩ époka oĩháme heta kuña naimembyséiva ha nomongakuaasevéimava membykuéra. Heta imitã kakuaáva omboare iñemenda ikatu peve osatisfase hemikotevẽkuéra yvy arigua. Umi Santos de los Últimos Días miembro-kuéra ñemenda promedio de edad okakuaave ohasávo mokõi áño, ha umi Tupaogua miembro ra’ykuéra ñegueronase katu mbovyve ohóvo Tupaópe. Estados Unidos ha ambue tetãnguéra ombohovái peteĩ ára ouvápe sa’ivetaha mitãnguéra okakuaátava ikatuva’erã omantene umi hetaite kakuaa jubilado oĩtavape1 40 por ciento umi ñenase Estados Unidos-pe ou umi sy omenda’ỹvagui. Umi mitã niko ivulnerable. Peteĩ teĩ umi tendencia oreko peteĩ efecto adverso ñande Ru Plan de Salvación divino-pe.
II.
Kuñakuéra Santo de los Últimos Días oikŭmby upe taha’e sy ha’eha prioridad principal, igozo tuichavéva. Presidente Gordon B. Hinckley he’i: “Hetave, umi kuña ojuhu satisfacción tuichavéva, vy’apavẽ guasu, hogapy ha ifamiliape. Tupã oñotỹ kuñakuérape peteĩ mba’e divino ojehechaukáva upe mbarete sereno, refinamiento, py’aguapy, py’aporã, virtud, añetegua, mborayhúpe. Ha opa umi kualida hechapyrãva ojuhu ijexpresión añete ha gratificante syrekópe”.
Ha’e he’ive: “Kuña rembiapo tuichavéva ikatútava ojapo ha’e ohekombo’e, ombo’e, oikove, o’alenta ha omongakuaa imembykuérape joja ha añeteguávape. Ndaipóri ambue mba’e ombojojáva upéva, oñeimporta’ỹre mba’épa ha’e ojapo.”2
Sykuéra, hermana-kuéra pejehayhuetéva, ore pohayhu mávarepa peẽ ha opa umi pejapóvare ore rehe.
Pe iñimportante mensaje 2015-pe hérava “Peteĩ jerure’asy che hermana-kuérape”, presidente Russell M. Nelson he’i:
“Tupã Rréino noimbái, ni ndaikatúi oĩmbávo, umi kuña’ỹre ojapóva convenios sagrados ha oñongatu; kuñakuéra ikatúva oñe’ẽ Tupã poder ha autoridad reheve
“Ko árape… ñaikotevẽ kuña oikuaávare mba’éichapa ojapova’erã umi mba’e importante toiko ife rupive ha taha’e moralidad ha familia defensorakuéra ipy’aguasúva peteĩ mundo hasýva pekádoguipe ğuarã Ñaikotevẽ kuña idevótava opastorea hağua Tupã ra’ykuérape konvénio rapére exaltación gotyo; kuñakuéra oikuaáva mba’éichapa omoğuahẽva’erã revelación personal, oikŭmbýva pe poder ha py’aguapy orekóva upe templo investidura; kuñakuéra oikuaáva mba’éichapa ohenóita umi yvága pokatu oñangareko ha omombarete hağua imembykuéra ha familia-kuérape; kuñakuéra ombo’éva kyhyje’ỹre.”3
Opa umi mbo’epy inspirádova oñemopyenda “La Familia: Una Proclamación para el Mundo”-pe, ko Tupao restaurada-pe oñemboguapy atãhápe doctrina ha umi práctica fundamental Creador plan rehegua Ha’e ojapo mboyve Yvy.
III.
Ko’áğa añe’ẽse aty imitãvévape ko audiencia ryepýpe. Che hermana-kuéra imitãva pejehayhuetéva, pe Jesucristo evangelio restaurado peikuaa rupi, peẽ peneaño. Kuaapy peguerekóva opermitíta peẽme pepersevera ha pesupera umi imitãva dificultad-kuéra. Penekyrỹiete guive, peẽ participa umi proyecto ha programa-kuéra omongakuaáva pene talento, ha’eháicha pe kapasida pescrivi hağua, peñe’ẽ hağua, ha peplanifika hağua. Pe’aprende peñekomporta hağua responsable-háicha, ha perresisti hağua tentación pendejapu, peporombotavy, pemonda ha pe’u hağua alcohol térã umi droga.
Pene singularidad ojehechakuaa peteĩ adolescente-kuéra estadounidense estudio ha religión rehegua ojapova’ekue Carolina del Norte-pegua Universidad. Peteĩ artículoCharlotte Observer mba’eoñembohéra “Mormon Teens Cope Best: Study Finds They Top Peers at Handling Adolescence” [Umi adolescente mormonekuéra ogueraha porãve: Estudio ohecha osuperaha umi ha’ekuéraichaguápe oñorairõvo adolescencia-ndi]. Ko artíkulo ombopaha “mormon-kuéra ohupyty resultado-kuéra iporãvéva o’evitávo umi conducta de riesgo, rendimiento mbo’ehaópe ha orekóvo peteĩ actitud iporãvéva ára oútavare”. Peteĩva umi estudio-pegua investigador, hetave o’entrevistava’ekue umi ñane mitãrusu ha mitakuñakuérape, he’i: “Opavave nunga categoría-pe ojehecha oĩha peteĩ tendencia hesakãva: mormone-kuéra oĩ iñakãme”4
¿Mba’ére peẽ pegueraha porãve umi imitãva dificultad-kuéra? Mitãkuñakuéra, peẽme hesakãporãvégui upe ñande Ru Yvagua plan tuichaite vy’apavẽ rehegua. Kóva he’i peẽme mávapa peẽ ha pende rekove propósito. Umi imitãva orekóva upe kuaapy orekove facilidad orresolvévo problema-kuéra ha oiporavo hağua iporãva. Peẽ peikuaa ikatuha pereko Ñandejára pytyvõ pesupera hağua opa juventud dificultad-kuéra.
Ambue razón mba’érepa peẽ pendevaleve ha’e peikuaáre ha’eha Túva Yvagagua penderayhúva rajykuéra. Aime seguro peikuaaha pe ñane himno tuichaite “Mitã hepýva, Tupã penderayhu”. Kóva estrofa peteĩha opavave japuraheiva’ekue ha jaroviáva:
Oĩ mokõi mbo’epy ko estrofa-pe: Peteĩha, ñande Ru Yvagagua oĩha ağui ñandehegui ha oñangareko ñanderehe ára ha pyhare. ¡Pepensa upéva! Tupã ñanderayhu, oĩ ağui ha oñangareko ñanderehe. Mokõiha, Ha’e ojedeleita ñanderovasávo “[jaikóvo] rectitud reheve”. ¡Mba’e consuelo-pa ñane jepy’apy ha dificulta apytépe!
Upeícha, mitãkuñakuéra, pejehovasa ha peneporãmimbi, ha katu opavave Túva Yvagagua ra’ykuéraicha tekotevẽ “[peiko] rectitud reheve”.
Ikatúkuri ame’ẽ peẽme consejo heta ambue mba’ére, ha katu adesidi añe’ẽvo mokõi rehente.
Che consejo ñepyrŭ oho umi teléfono celular-kuéra reheve. Peteĩ encuesta nacional oikoramóva ohechauka la mitad rasa umi adolescente Estados Unidos-gua he’i ohasaitereiha ára iteléfono celular-pe. 40 por ciento rasa oñemombyrýva teléfono-gui orekoha ansiedad6 Ha upéva hetave mitãkuñakuéra apytépe kuimba’ekuéragui. Che hermana-kuéra imitãva —ha kuña kakuaáva avei—, pemombyky pene dependencia teléfono celular-re ohovasáta pende rekove.
Che consejo mokõiha iñimportanteve. Pendepy’aporã opavavéndi. Py’aporã niko peteĩ mba’e heta imitãva ojapómava voi . Oĩ imitãva umi comunidad-kuérape ome’ẽva ejemplo opavave ñandéve. Roĩkuri inspirado umi imitãva py’aporã rembiapóre umi oikotevẽvape ğuarã mborayhu ha ñeipytyvõ. Heta sentido-pe, peẽ peipytyvõ ha pehechauka mborayhu ojupe. Roipota opavave pesegi upe ejemplo.
Upe jave, jaikuaa pe adversario ñanetentaha opavavépe ani hağua ñanderory, ha oĩ hetave ejemplos ko’ãichagua, uvei umi mitã ha imitãva apytépe. Py’apora’ỹ meme ojekuaa heta téra rupive, umícha acoso escolar, pe je’ataka peteĩ aty ambuépe térã oñombyaty orrechasa hağua ambue tapichápe. Ko’ã ejemplo ogueru mba’e’asy ojehekáva umi compañero ha amigokuérape. Che hermana-kuéra imitãva, Ñandejára ndoipotái ñane ñaña ni jajahéi ambuévare.
Ame’ẽta peẽme peteĩ ejemplo. Aikuaa peteĩ mitãrusu, peteĩ refugiado Utah-pe, oñembohorývare hikuái, heta apytépe oñe’ẽ haguére iñe’ẽme. Ojepersegi peteĩ imitãva privilegiado atýre ha’e ajagarra peve represalia oraháva chupe ojeapresa 70 ára rasa ha tojehecha ojedeporta hağua. Ndaikuaái mba’épa omomýi ko’a imitãvape, heta ijapytepekuéra Santos de los Últimos Días-va peẽicha, ha katu ikatu ahecha iñaña efecto: peteĩ experiencia trágica peteĩ Tupã ra’ýre. Umi mba’e ñaña michĩvéva ojejapóva ikatu oreko consecuencia vai.
Ahendúvo ko historia, ambojoja ñande profeta, presidente Nelson, he’í ramovakuére pe devocional mundial para los jóvenes-pe. Ajerurévo peẽme ha opavavépe tapeipytyvõ pembyaty hağua Israel-pe ha’e he’i “… tapejedestaka; tapeneambue mundo-gui. Peẽ ha che jaikuaa ha’eva’erãha peteĩ tesape mundo-pe ğuarã. Upévare, Ñandejára oikotevẽ pehesape, peñe’ẽ, pejapo ha peñemonde peteĩ Jesucristo discípulo añetéicha7
Pe batallón de jóvenes presidente Nelson peneinvita haguépe peñeuni hağua, ndapejetratamo’ãi añáme peteĩva ambuévape. Pesegíta Salvador mbo’epy pemyasãivo pende po ha penderayhu reko ha pehechakuaa ambuévape, jepe peme’ẽ peve ambue pende rovayke peñandúvo ojapo vaíva penderehe.
Peteĩ discurso conferencia-hápe époka heta pende apytépe onase haguépe, presidente Gordon B. Hinckley ohecharamo umi “… mitãkuña porã oñeha’ãva ovivi upe Evangelio”. Odescribi chupekuéra adescribiseháicha peẽme:
“… ha’ekuéra ipyaporã peteĩva ambuéndi ha oñeha’ã oñomombarete ojupe. Ha’ekuéra ha’e peteĩ honor ituvakuérape ha óga oúvaguipe ğuarã; ha’ekuéra haimete kuña ojejapopa ha ijojáva, ha ogueraháta hekove pukukue umi ideal-kuéra ndive ko árape ome’ẽva chupekuéra ko árape kyre’ỹ”8
Ñandejára siervo ramo, ha’e peẽme, mitãkuñakuéra, ñane mundo oikotevẽha pendepy’aporã ha pene mborayhúre. Tapendepy’arory peteĩva ambuéndi. Jesús ñanembo’e tajajoayhu ojupe ha tajatrata ambuekuérape jaipotaháicha ñandetrata hikuái. Ñañeha’ãvo ñandepy’aporã, ñañemoağuive Hese ha Iporohayhukuaáva influencia-re.
Che hermana-kuéra pejehayhuetéva, pepartisipávo oimehaichagua tembiapo aña térã mezquindad reheguáre—peneaño térã atýpe—, pejapyhy ko’áğa pe determinación peñemoambuévo ha pemokyre’ỹ ambuévape iñambue hağua. Kóva ha’e che consejo, ha ame’ẽ peẽme Ñandejára Jesucristo siervo ramo Ijespíritu o’inspira haguére chéve añe’ẽ hağua peẽme ko téma importante-vare. Atestifika Jesucristo, ñande Salvador-re, ñanembo’éva jajoayhu haĝua peteĩva ambuévape Ha’e ñanderayhuháicha. Ajerure’asy tajajapo upéicha. Jesucristo rérape. Amén.