Hermanakuéra participación Israel ñembyatýpe.
Aipyso peteĩ invitación profética, peẽme tupaogua kuñanguéra, pemoldea haĝua pe futuro peipytyvõvo Israel ñembyatýpe.
Iporãitere aime penendive che hermanakuéra porãite ha pohayhuetéva. Ikatu peteĩ experiencia aguereko ramoiteva’ekué ome’ẽ peẽme peteĩ idea mba’éichapa añandu penderehe ha pe katupyry hechapyrãva pejehovasáva reheve.
Peteĩ ára, añe’ẽ aja hína peteĩ congregación Sudamérica-pe, añe’emocionaiterei ahávo che tema rehe, ha peteĩ momento importántepe, che ha’e, “ Peteĩ 10 mitã sýicha, Ikatu ha’e peẽme ….” Ha upéi aha rei hese acompleta peve che mensaje.
Che nañeme’ẽi en cuenta ha’ehague pe ñe’ẽ sy. Che traductor, oimo’ãvo añe’ẽ vai hague, okambia pe ñe’ẽ sytúva rehe, upéicha pe congregación ndoikuaái ajerreferiha chejehe sýicha. Ha katu che rembireko Wendy ohendúkuri, ha ovy’a che jejavy freudiano rehe.
Upe momento-pe, che korasõ rembipota pypuku ajapo haĝua peteĩ diferencia ko mundo-pe – sýmante ikatuháicha ojapo – ojupi che korasõ guive. Año ohasáva rupive, oñeporandúrõ chéve mba’érepa aiporavo ha’e haĝua médico, che mbohovái ha’e tapiaite el mismo: “ Ndaikatui haguére aiporavo ha’e haĝua peteĩ sy”.
Por favor, pehechakuaami aipuru vove pe ñe’ẽ sy nañe’ẽi hína kuñanguera omoheñoiva’ekue térã oadoptava’ekue peteĩ mitã ko tekovéperehente. Añe’ẽ hína opavave ñande Ru ha Sy Yvagagua tajyrakuéra adulta rehe. Opavave kuña ha’e peteĩ sy inaturaleza divina eterna rehehápe.
Upévare, ko pyharépe, peteĩ 10 mitã Túvaicha, nueve kuña ha peteĩ kuimba’e – ha Tupaogua Presidente ramo, ajerure’asy tapeñandu mba’eichaitépa ipypuku che remiandu penderehe: mávapa peẽ ha opaite mba’e porã ikatúva pejapo.Avave ndaikatúi ojapo peteĩ kuña rekojoja ikatúva ojapo. Mavave ndaikatúi ombojoja pe sy influencia.
Kuimba’e ikatu ha py’ỹi okomunika ñande Ru Yvagagua ha pe Salvador mborayhu hapichakuérape. Ha katu kuñanguéra oguereko peteĩ don especial upéva ĝuarã: peteĩ investidura divino. Peẽ pendekatupyry peñandu haĝua mba’épa pende rapicha oikotevẽ, ha araka’épa oikotevẽ hikuái. Peẽ peipysokuaa pende po, pemoangapyhy, pembo’e ha pemombarete pe mávape hekotevẽ araitépe.
Kuñanguéra ohecha umi mba’e diferente kuimba’e ohechávagui, ¡ha mba’eichaitépa roikotevẽ pende perspectivare! Pende naturaleza pendeguia pepensaraẽhaĝua ambuekuérare, pekonsidera haĝua efecto oguerekótava kada acción ambuekuéra ári.
Presidente Eyring he’ihaguéicha, ha’ékuri ñande gloriosa sy Eva – ijehecha puku reheve ñande Ru Yvagagua plan-gui – omoñepyrũva’ekue pe ñahenóiva “la caida”. Idecisión arandu ha py’aguasúva ha Adán apoyo decidído, ojapo Tupã plan de felicidad oho tenonde gotyo. Ha’ekuéra ojapo posible opavave ñandéve ĝuarã jaju ko yvy ári, jarrecibi peteĩ tete ha jahechauka jaiporavotaha japyta Jesucristo ykére ko’áĝa jajapohaguéicha tekove premortal-pe.
Che hermanakuéra pohayhuetéva, peẽ peguereko dones ha katupyry espiritual especial. Ko pyharépe ajerure’asy peẽme, opa che korasõ esperanza reheve, peñembo’e pentende haĝua pende dones espirituales pekultiva, peipuru ha pembokakuaa haĝua umíva, hetave araka’eve guaregui. Peẽ pekambiáta ko mundo pejaporõ upéicha.
Kuñáicha, peẽ pe’inspira ambuekuérape ha pemoĩ modelo digno oñembojoja haĝua. Pehejami ame’ẽ peẽme umi circunstacia mokõi anuncio tuicháva rehegua, ojejapova’ekue conferencia general ohasávape. Peẽ che hermanakuéra pohayhuetéva, ha’ékuri pe kláve upéva ĝuarã.
Peteĩha, pe ministración. Pe norma suprémo ñeministra rehegua ha’e pe ñande Salvador Jesucristo. Generalmente, kuñanguéra oĩ, ha tapiaite oĩva’ekue, aĝuive upe normagui kuimba’ekuéragui. Peẽ peministra añeterõ, pesegui pene remiandu peipytyvõ haĝua mávape oñanduve haĝua pe Salvador mborayhu.Pe ñeministra inclinación ha’e natural umi kuñanguéra hekojojávape. Che aikuaa kuñanguéra oñembo’éva kada ára, “¿Mávapepa Eipota aipytyvõ ko árape?”
Pe anuncio ojejapóva’ekue Abril 2018-pe mboyve pe yvateve ha marangatuve forma oñeñangareko haĝua ambuekuérare, alguno kuimba’ekuéra tendencia ha’ékuri omarka iñorientación familiar “terminado” ramo ha ohasa ambue tarea-pe
Ha katu peẽ peñandu vove peteĩ hermana pevisitavape oikotevẽha pytyvõ, pembohovai pya’e ha porã ha opa upe mes aja.Upévare, ha’ékuri mba’éichapa peẽ ha’e maestra visitante oinspirava’ekue ñañemopu’ã haĝua ministración gotyo.
Mokõiha, pe conferencia general pahápe ojerreestrucura avei umi Cuorum del Sacerdocio de Melquicedec.Rombojerévo ore akãme mba’eichapa ikatu roipytyvõ tupaogua kuimba’ekuérape okumpli porãve haĝua irresponsabilidad-kuera, rokonsidera detenidamente sociedad de Socorro ehemplo.
Sociedad de Socorro-pe, kuñanguéra diferente edades ha distintas etapas hekovépe ijaty oñondive.Kada década tekovépe ogueru idesafio úniko ha upevére peẽ, semana tras semana, peñerreuni, pekakuaa ha peñehekombo’e evangelio-pe oñondive ha pemarka peteĩ diferencia añete ko mundo-pe.
Ko’áĝa roseguívo pende ehemplo, umi oguerekóva Sacerdocio de Melquisedec ha’e Cuórum de Elderes miembrokuéra.Umi kuimba’e oguereko 18 ha 98 año mbytépe rupi (térã hetave), ha opaichagua experiencia sacerdocio ha tupaópe .Ko’ã hermanokuéra ko’áĝa omopu’ãkuaa vínculos fraternales mbareteve, o’aprende oñondive ha ohovasa porãve hapichakuérape.
Penemandu’áne Junio ohasávape, Hermana Nelson ha che roñe’ẽ tupaogua jóvenes-pe. Roinvita chupekuéra oje’alista haĝua Ñandejára batallón de jóvenes-pe oipytyvõ haĝua ombyatývo Israél-pe mokõive lado del velo-pe. ¡Upe ñembyaty ha’e pe desafio tuichavéva, la causa isublimevéva ha pe tembiapo tuichavéva yvy’ape ári ko árape!1
Ha’e peteĩ kausa oikotevẽva py’aropu reheve kuñanguérare, kuñanguéra ome’ẽgui forma pe futuro-pe.Upéicha ko pyharépe aipyso peteĩ jerure’asy profético peẽme, tupaogua kuñanguéra, peme’ẽ haĝua forma pe futuro-pe peipytyvõvo oñembyaty haĝua pe Israél isarambívape.
¿Moõpa ikatu peñepyrũ?
Aikuave’ẽ peẽme cuatro invitación:
Primero, poinvita peparticipa haĝua peteĩ ayuno-pe 10 dias aja umi redes sociales-gui ha oimeraẽ ambue medio de comunicación oguerúva peẽme pensamiento negativo ha iky’áva pene akãme. Peñembo’e mba’e influenciapa peguenohẽva’erã pende ayuno aja.Pe ayuno de 10 dias efecto ikatu penesorprende.¿Mba’e pehechakuaa pepytu’u rire umi perspectiva del mundo-gui ombyaíva’ekue hína pende espíritu? ¿Oĩ piko kambio umi ko’áĝa pededicasévape pende tiempo ha energía?¿Ovaria piko pende prioridad michĩmiro jepe?Pomokyre’ỹ pehai ha pesegui haĝua peteĩ teĩ umi temiandu perrecibíva.
Mokõiha, po’invita pelee haĝua Mormón KuatiaÑe’ẽ ko’áĝa guive fin de año peve. Ojoguarõ jepe imposible opa peñeha’ãva reheve hína pejapo pende rekovépe, pe’aceptarõ ko invitación korasõ añete reheve, Ñandejára penepytyvõta pejuhu haĝua mba’éichapa pehupytýta. Ha, pe’estudiaháicha espíritu de oración reheve, apromete peẽme yvaga ojeipe’ataha peẽme ĝuarã.Ñandejára penderovasáta inspiración ha revelación tuichavéva reheve.
Pelee aja, pomokyre’ỹ pemarka haĝua kada versículo oñe’ẽ térã omencionáva pe Salvador-pe. Uperire, intención reheve peñe’ẽ Cristo-gui, pevy’a Cristo-pe ha pepredika Cristogui pene familia ha angirũnguérape 2.Peẽ ha ha’ekuéra peñemo’aĝuivéta Ñandejárare upe proceso rupi.Ha oñepyrũta oĩ kambio, milagrokuéra jepe oikóta.
Ko pyharevépe ojejapo anuncio pe Horario Dominical pyahu ha umi curso de estudio oñecentráva ógape ha oñembopytasóva tupao rehe.Peẽ, che hermanakuéra ahayhuetéva, ha’e kláve upe tembiapo pyahu jojápe evangelio ñehekombo’e rehegua.Por favor,pembo’e pene mborayhukuérape umi pe aprendéva hína Escriturakuérape.Pembo’e chupekuéra mba’éichapa ohova’erã pe Salvador-pe ohupyty haĝua ipoder omonguera ha omopotĩva opeka jave hikuái. Ha pembo’e chupekuéra mba’éichapa oipuruva’erã Ipoder ñanemombaretéva opa ára hekovépe.
Mbohapyha, pejapo peteĩ rutina de asistencia regular templo-pe.Upéva ikatu oikotevẽve michĩmi sakrifisio pende rekovépe. Hetave tiempo regular templo-pe ohejáta Ñandejára penerekombo’e peipuru haĝua Isacerdocio pu’aka peñe’investiva’ekue reheve Itémplope. Umi ndoikóiva aĝui peteĩ témplogui, poinvita pe’estudia haĝua espíritu de oración reheve umi templo-gui escritura-pe ha umi profeta oikovéva ñe’ẽme.Peñeha’ã peikuaave, pekomprendeve, peñanduve templo rehe araka’evéicha ko’áĝa mboyve.
Ore devocional mundial jóvenes-pe ĝuarã junio ohasávape, añe’ẽ peteĩ mitãkaria’ygui hekove okambiava’ekue ituvakuéra okambia rire itelefono inteligente peteĩ ojeplegáva rehe. Pe mitãkaria’y sy ha’e peteĩ kuña de fe ipy’aguasúva.Ha’e ohecha imemby ohoha hína jeiporavo gotyo ndohejamo’ãiva oservi peteĩ misión.Ha’e ogueraha ijerure’asy templo-pe oikuaa haĝua mba’éichapa oipytyvõ porãveta imembýpe.Upéi, osegui kada impresión orrecibíva.
Ha’e he’i: “Añandu pe Espiritu cheguiaha amaña haĝua che memby teléfono rehe hora específikape ajuhutahápe umi mba’e específiko.Che ndaikuaái mba’eichapa aipo oñenavega teléfono iteligente-pe, ¡ ha katu pe Espiritu cheguia opa umi redes sociales rupi che ni siquiera aipurúva!Che aikuaa pe Espiritu oipytyvõha tuvakuéra ohekávape guía omo’ã haĝua imembykuérape.[Ñepyrũháme] che memby ipochyeterei chendive…Ha katu mbohapy ára rireminte, [ome’ẽ chéve aguije!Ha’e oñandukuaa pe diferencia”.
Imemby komportamiento ha actitud okambia drásticamente.Ha’e oipytyvõve ógape, opukave ha oĩve atento tupaópe.Peteĩ tiempo aja, ogustaiterei chupe ome’ẽ servicio templo bautisterio-pe. Ha ko’áĝa ha’e peteĩ misionero ovy’a ha omba’apo hatãva .
Che invitación irundyha, peẽ peguerekóva pe edad, tapeparticipa paite Sociedad de Socorro-pe. Pomokyre’ỹ pe’estudia haĝua pe declaración ko’áĝagua Sociedad de Socorro propósito rehegua. Ha’e inspirador.Ikatu pendeguia pehai haĝua pende propósito pende rekovépe ĝuarã. Avei ajerure’asy peẽme pejedeleita haĝua pe Sociedad de Socorro declaración-pe ojepublikava’ekue ojapo 20 año potaite3. Primera Presidencia oficina pared rehe osaingo hína peteĩ copia upe declaración rehegua. Añe’emociona kada alee jave.Odescibi mávapa peẽ ha máva Ñandejára oikotevẽ oiko pendehegui ko preciso momento-pe pejapo aja pende parte peipytyvõvo oñembyaty haĝua pe Israél isarambívape.
Che hermanakuéra pohayhuetéva, ¡Roikotevẽ pende rehe! “Roikotevẽ pene mbarete, pene conversión, pene convicción, pendecapacidad pedirigi haĝua, pene arandu ha pene ñe’ẽnguéra4 rehe.Simplemente ndaikatúi rombyaty Israél-pe penderehe’ỹ.
Pohayhu ha ame’ẽ peẽme aguije, ha ko’áĝa pohovasa capacidad reheve peheja haĝua tapykue gotyo ko mundo peipytyvõ aja ko crucial ha urgente obra-pe.Oñondive ikatu jajapo opa mba’e ñande Ru oikotevẽva jajapo ñambosako’i haĝua ko mundo Ita’ýra Ohayhuetéva Segunda Venida-pe ĝuarã.
Jesús ha’e pe Cristo;Kóva ha’e Itupao.Upévagui atestifika Jesucristo rérape. Amén.